Методија Величковски – Kurir.mk

Величковски во работна посета на САД

Ивона Петрова — Mon, 11 Jun 2018 06:33:49 +0000

Началникот на ГШ на АРМ генерал-потполковник Методија Величковски од денес до 15 јуни, во рамки на партнерската програма за соработка се наоѓа во работна посета на Националната Гарда на сојузната држава на САД-Вермонт. -За време на престојот во САД, НГШ на АРМ покрај средба со својот домаќин, командантот на Националната Гарда (НГ) на Вермонт генерал-мајор Стивен Креј, ќе оствари посети на неколку команди на единици од составот на националната гарда со кои единиците на АРМ изведуваат заеднички активности. Притоа ќе бидат разгледувани облиците на понатамошното учество во заеднички вежбовни активности и меѓународни мировни мисии, информираат од ГШ на АРМ. Соработката на АРМ со НГ на Вермонт, во изминатите 24 години има динамична и сеопфатна програма на активности, како вежби, мировни мисии, семинари и многу други форми на обука, која овозможи помош на АРМ во постигнување на особено високи резултати во обуката согласно стандардите на НАТО.

Македонија и Албанија ја зајакнуваат соработката во одбраната

Ивона Петрова — Wed, 18 Apr 2018 13:33:29 +0000

Подобрување на постоечката билатерална воена соработка во областа на обуката и военото образование, разгледување на можностите за нови облици на соработка преку изведување на заеднички активности, како и размена на искуства и користење на армиските капацитети со кои располагаат двете држави. Ова беа темите на кои денеска разговарале началниците на генерал-штабовите на воените сили на Македонија и Албанија, генерал потполковник Методија Величковски и бригадниот генерал Бардил Колчаку, соопшти Министерството за одбрана. Величковски во рамки на официјалната посета на Албанија денеска оствари средби на највисоко воено ниво во ГШ на вооружените сили и Министерството за одбрана на Република Албанија. По средбата со Колчаку се одржа состанок меѓу делегацијата на АРМ и претставници од ГШ на албанската армија. Македонската делегација имаше средба и со заменик на министерот за одбрана Петро Кочи. Албанскиот заменик-министер ја потенцира целосната поддршка од Албанија за напорите на Македонија за целосно интегрирање во НАТО. Генералот Величковски го истакна значењето на секој вид подршка, особено од партнерите од САД-Јадранската повелба (А3) со кои заеднички беше започната иницијатива за влез во НАТО, притоа искажувајќи ги очекувањата за скорешно придружување на Македонија кон партнерските земји како полноправна членка во Алијансата. Вената делегација ја посети командата на поморските сили во Драч, каде покрај средбата со командантот, генерал мајор Јибер Догани беше запознаена и со мисијата, задачите и капацитетите на поморските сили на ВС на Албанија. Претходниот ден делегацијата на АРМ оствари посета на македонската Амбасада во Тирана, каде оствари средба со вршителот на должноста амбасадор на Македонија во Албанија Атина Ничовска.

Делегација на АРМ во посета на вооружените сили на Албанија

Ивана Ефремовски — Tue, 17 Apr 2018 07:41:45 +0000

Воена делегација на АРМ предводена од началникот на Генералштабот, генерал-потполковник Методија Величковски, од денеска до четврток ќе престојува во официјална посета на вооружените сили на Албанија. Во текот на утрешниот ден, генерал Величковски ќе оствари средба со началникот на Генералштабот на албанските вооружени сили бригаден генерал Бардил Колчаку и со заменик-министерот за одбрана Петро Кочи. Македонската воена делегација ќе ја посети и командата на поморските сили во Драч, каде генералот Величковски ќе има средба со командантот на поморските сили, генерал мајор Илбер Доѓани. (МИА)

Делегација на АРМ во посета на вооружените сили на Албанија

Ивона Петрова — Tue, 17 Apr 2018 06:50:55 +0000

Делегација на АРМ предводена од началникот Величковски во посета на ВС на Хрватска

Дарко Андоновски — Wed, 11 Apr 2018 13:41:54 +0000

Началникот на ГШ на АРМ, генерал-потполковник Методија Величковски од денеска до 13 април, престојува во работна посета на Вооружените сили (ВС) на Република Хрватска, каде оствари средба со неговиот домаќин, началникот на ГШ на хрватските ВС, генерал Мирко Шундов. Целта на посетата на воената делегација што ја предводи началникот на АРМ Величковски, е да се разгледаат можностите за подобрување на билатералната воена соработка помеѓу двете армии, како и во рамките на САД-Јадранската повелба (А-5). - На средбата на ниво на началници на генералштабови, пред се, се разговарало за можностите на зголемување на нивото на изведување заедничка воена обука преку користење на капацитеттите на двете армии. Делегацијата на АРМ во текот на денешниот ден оствари средба и во Министерството за одбрана на Република Хрватска, соопштија од ГШ на АРМ. Генералот Величковски за време на разговорите го истакнал значењето на заокружувањето на процесот на прием во НАТО на земјите членки на А5 за севкупната безбедност во регионот. Тој посочил дека соочувањето со новите форми на безбедносни предизвици претставени преку екстремниот радикализам и сајбер напади е можно само преку градење на заеднички капацитети во одбраната на што Република Македонија останува целосно посветена. Во рамките на тридневната посета предвидена е и посета на командата за специјалните сили на ВС на Република Хрватска во Делнице и високото воено училиште „д-р Фрањо Туџман“. Делегацијата ќе оствари средби со командантите на центрите и единиците кои ќе ги посетат припадниците од АРМ кои се наоѓаат на школување на военото училиште. АРМ има развиено добра билатералната воена соработка со вооружените сили на Република Хрватска, така што за потребите на АРМ во хрватската висока воена школа се школуваат офицери за усовршување на високи штабни и командни должности, а во рамките на иницијативата А5 се реализираат и повеќе заеднички вежбовни активности.

Македонска воена делегација во посета на Хрвастка

Ивона Петрова — Wed, 11 Apr 2018 05:50:04 +0000

Воена делегација на АРМ предводена од началникот на ГШ на АРМ генерал-потполковник Методија Величковски, од денеска ќе престојува во тридневна официјална посета на вооружените сили на Република Хрватска. Генерал Величковски ќе има средба со својот домаќин, началникот на генералштабот на вооружените сили на Република Хрватска, генерал Мирко Шундов. За време на престојот во Република Хрватска, македонската воена делегација покрај генералштабот и Министерството за одбрана ќе ги обиколат командата за специјалните сили на ВС на Хрватска и военото училиште „Фрањо Туѓман“ каде ќе ги посетат припадниците од АРМ кои се наоѓаат на школување во оваа воена образовна установа