Метро станица – Kurir.mk

ВИДЕО: Граѓаните на Киев по руските напади се собраа во метро станиците и пееја

Магдалена Андонова — Tue, 11 Oct 2022 10:19:06 +0000

Во серијата руски ракетни напади во Киев загинаа најмалку пет лица, а ранети се 24. Сите се цивили кои возеле или пешачеле во центарот на градот, како што изјави советникот на украинскиот министер за внатрешни работи Антон Герашченко. Работата на метрото во Киев е прекината на сите линии, а подземните станици работат како засолништа. Метро станиците во главниот град се полни со луѓе кои се засолниле во страв од нови напади. Но, видеата кои кружат на социјалните мрежи покажаа дека нивниот дух не е скршен. „ Луѓето пеат украински песни во киевското метро“, се вели во објавата придружувана на видеото. Професорот од Универзитетот во Вашингтон, Џеф Еванс, со последното видео изјави дека тоа е универзитетска метро станица во Киев и дека се наоѓа на 87 метри под земја. „Браво“ и „нескршливи“ се само дел од коментарите на твитерџиите под снимките на распеаните Киевчани.

People sing #Ukrainian songs in the #Kyiv metro. pic.twitter.com/bcGyIvCOKW
— NEXTA (@nexta_tv) October 10, 2022

Напад на метро станица во Брисел- со нож избодел неколку лица

Магдалена Андонова — Mon, 01 Feb 2021 19:13:43 +0000

Неколку лица попладнево се повредени во напад со нож на метро станица во Брисел, наведува белгиски „Ле Соар“. Нападот се случил, околу 15 часот по локално време, а полицијата го разоружала напаѓачот и тој е уапсен, пренесува британски „Експрес“. Според неофицијални информации на градските власти, нападот не е терористички акт, туку е од приватни причини. Според сведок на инцидентот, цел на напаѓачот биле жени. Друг сведок,пак, наведе дека најмалку една жена се здобила со убодна рана на вратот. Според првичните сознанија, човекот прво со ножот нападнал патници во возот, а потоа се симнал од возот и почнал да напаѓа други луѓе. Полицијата потврди дека се случил инцидентот. (МИА)

Најмалку четворица повредени во пожар во метро-станица во Берлин (ВИДЕО)

Магдалена Андонова — Mon, 16 Nov 2020 13:03:34 +0000

Најмалку четири лица се повредени, едно потешко, во пожарот што избувна во метро-станицата „Онкел Томс Хит“ во Берлин. Пожарот избувнал доцна синоќа и 120 пожарникари сè уште се борат со него, но тие изјавија дека, во најголем дел, успеале да го стават под контрола.

Brand in #Berlin-#Zehlendorf Ladenzeile am #U_Bahnhof_Onkel_Toms_Hütte in Flammen – vier Verletzte, einer schwer. https://t.co/ZDehMoj4QA #Großbrand #Feuerwehr #Feuerwehrberlin pic.twitter.com/osq203R3ap
— Nacht Floh (@BZ_NachtFloh) November 16, 2020

Засега не е позната причината за пожарот, јави АП, повикувајќи се на ДПА. Огнот брзо се проширил во две продавници и неколку луѓе кои живееле во близина морале да ги напуштат своите домови поради чадот.

Закани за „минирани“ 25 метро станици во Москва

Ивона Петрова — Tue, 10 Dec 2019 10:18:04 +0000

Непознати лица јавиле дека се „минирани“ 25 московски метро станици, изјавил извор од полицијата за локалните медиуми. Вчера слични закани добила 22 објекти во кои има многу луѓе: шест трговски центри, 13 училишта, два суда и Катедралата Христос Спасител. Метрото работи нормално, но се вршат проверки. Изворот на руските медиуми не прецизирал на кои линии на метрото се наоѓаат „минираните“ станици. Бранот „тероризам“ во Москва и Санкт Петербург трае веќе втора недела. Речиси секој ден различни објекти добиваат писма со иста содржина – со тврдења дека во зградата е поставен експлозив. Специјалните служби досега никаде не откриле опасни материи.

Евакуирана метро станица Черинг Крос во Лондон

Даниел Василев — Fri, 22 Jun 2018 07:15:05 +0000

Британската полиција нареди евакуација на метро станица Черинг Крос во Лондон откако доби дојава дека маж се заканува со активирање на бомба. - Станицата е евакуирана поради мерка на претпазливост и во моментот сообраќајот е запрен, објави на Твитер британската сообрачајна полиција. МИА