метрополит агатангел – Kurir.mk

МИТРОПОЛИТОТ АГАТАНГЕЛ ОДГОВОРИ НА НАПАДИТЕ: И тие кои фрлаат дрва и камења врз мене, знаат дека Македонија не оди во добар правец!

Ристе Здравков — Thu, 17 Feb 2022 13:55:14 +0000

Животот се состои од радост и тага, од задоволства и разочарувања, од победи и падови. Тој е круг од овие случувања кои неизбежно ќе ги почувствува секој еден човек. Наша лична одговорност е како ќе се однесуваме при овие случувања. Дали ќе натежене кај нас достоинственото и Богољубиво расположение на душата или пак ќе одговориме со мрачниот и злорадосен сегмент на нашето битие. Без разлика какви се околностите при тие животни предизвици, нашата лична одговорност е неизбежна. Многу е важно како ние ќе се понесеме во тие моменти. Убаво е преку овие животни прилики да се обидеме да развиеме некоја душевна доблест како на пример, да се радуваме во радоста на нашиот ближен, да сочувствуваме во неговата болка, да се обидеме да му помогнеме во неговата неволја, а преку тоа да се стекнеме со дарот на љубовта, радоста, милоста и смирението. Но, неретко, нашата душа негува и гнев, негува и злорадост, и омраза и лоши помисли, а каде води сето ова? Не води кон пропаст на нашата душа, раздразливост на нашето однесување, одземање на нашиот мир, како и кон помрачување на нашиот ум. Деновиве сме сведоци на една таква животна прилика, која успеa да разбуди многу од овие душевни чувства кај нашиот македонски народ. Некои ја толкуваа оваа ситуација полни со гнев, огорченост, омраза, други пак со поддршка, разбирање и сочувство. Малку подолг период оставив простор без свои јавни реакции на актуелните политички случувања, имајќи надеж дека сепак македонскиот народ јасно ќе ги види замките во кои западна благодарејќи на однесувањето на оваа крајно однародена власт, која насилно и необјасниво протурка смена на името и отвори „добрососедски дебати“ со Бугарија за ревизија на нашата историја, со што го стави македонскиот народ во подредена позиција во однос на други и предизвика многу антидржавни чувства, а со тоа длабоко ги пречекори своите овластувања како извршна власт. Како епископ на Македонската православна црква, секојдневно имам контакти со наши браќа и сестри кои имаат различни идеолошки и политички убедувања, и кои при нашите разговори неретко ја изразуваат својата загриженост и разочараност од потезите на оваа власт, која дефинитивно не го слуша пулсот на народот и неговите потреби, а најмалку ја гледа и ја чувствува неговата болка која несразмерно порасна изминативе неколку години. Тој народ, македонскиот, е Црквата Македонска. Тој народ е душата на Црквата наша. Тој народ е народот за кои ние, како свештенослужители, ги принесуваме нашите молитви кон Севишниот Бог, народ за кој просиме благосостојба, здравје, среќа и напредок. Тој е оној ист народ, кој власта го запостави, му ги зголеми егзистенционалните маки, но згора на се, му ја допре и му ја повреди душата. Мене ми е должност да се грижам за нашиот верен народ и да го заштитувам. Тој е сега ранлив и му треба утеха. Црквата е утеха. Црквата е закрила. Црквата е надеж. И оние кои ме поддржаа овие денови, но и оние кои се изнафрлаа „дрва и камења“ по мене, длабоко во својата душа знаат дека не чинат работите. Дека нашата Македонија не оди во добар правец. Знаат сите, драги мои. И од ова повеќе нема бегање. Прашање е само дали ќе развиеме доблести како народ да ја искористиме оваа крајно лоша ситуација во наша полза или дополнително ќе му дадеме простор на раздорот, неслогата и гневот и понатаму да го расекуваат и раскрвавуваат живото македонско ткиво. Би се заблагодарил и би ги благословил сите Македонци во оваа прилика, онака како што правам секој ден во моите молитви. За мене секој еден од нас е Македонец, без разлика на се, и го љубам како роден брат. Тоа е моето силно чувство, кое никогаш нема да згасне. Митрополит Повардарски г. Агатангел

Агатангел: Знаевме што ќе се случи ако дојде СДСМ на власт, народот е незадоволен од социјала, од економија, а луѓе се бркаат од работа се повеќе заради политика

Дарко Андоновски — Wed, 10 Mar 2021 19:39:15 +0000

Народот е многу незадоволен, има општо незадоволство, од политичари, од социјала, од економијата, луѓе се бркаат од работа, ако си политички за една партија или за друга ќе те избркаат, значи комплетно незадоволство, но народот некогаш е неодлучен, иако знаевме точно што ќе се случи ако дојде СДСМ на власт, рече Владиката Агатангел вечерва во Алфа телевизија. -Референдумот не помина, претседателот на ДИК кажа дека референдумот е неуспешен, но власта го помина со плус осумтте пратеници – истакна владиката Агатангел.

Агатангел: Пендаровски и Заев се посрамотија и ги повредија чувствата на народот, да не зборуваме за Османи кој е најголема грешка што е министер

Дарко Андоновски — Wed, 10 Mar 2021 19:12:32 +0000

Митрополитот Повардарски Агатангел вечерва во „Што не е јасно“ во Алфа телевизија во врска со интервјуата на премиерот Заев и ставовите на претседателот Пендаровски во врска со националните интереси и изјавите за Гоце Делчев истакна дека тие се посрамиле, се обрукале со таквите ставови и ги повредиле чувствата на народот. -И Пендаровски се посрами и се обрука со промена на името и со Гоце Делчев, исто така премиерот Заев се обрука, не би сакал за Османи да зборувам затоа што најголема грешка е тоа што тој е министер, не може еден човек кој не ја чувствува Македонија како своја земја, можеби е добар човек и добар доктор, но во главата им е Тиранската платформа, не може од него да очекуваме да ги брани правата на македонскиот народ, јазик, црква, истакна владиката Митрополитот Повардарски Агатангел.

Aгатангел: Левица пpвa yдpи пo цpквaтa, штo им cмeтa ѕвoнoтo кoe двa пaти вo дeнoт биe

Тале Кристо — Tue, 09 Mar 2021 12:01:35 +0000

Во вчерашната емисија “Неделен Брифинг” на Инфомакс, Митрополит Агатангел ја искритикува левичарската партија “Левица”, каде напомена дека тие не се национална партија, тие први удрија по црквата. Државата не може да опстои без црквата, а и црквата без државата. –Одма рипнаа против црквата. Нека ми простат “Левица”, но тие не се национална партија, тие први удрија против црквата. Тие се млади деца, што им смета црквата и ѕвоното. Не е убаво тоа, тие не се свесни дека црквата е столб на државата, дека државата не може да опстои без црквата, а и црквата без државата, истакна Митрополитот Агатангел. – Црквата е столбот, црквата е спасението на народот, тоа е бродот кој ќе не спаси. Сите имаат душа, нема човек кој не верува. Ние ја немаме осознаено верата, тоа е тука проблемот кај нас. Зошто ние во времето на комунизмот имавме подобри патриоти? Затоа што сите тие луѓе учеа веронаука. Нивните родители беа побожни, напомена тој.