Миа Блажевска Еминова – Kurir.mk

Најмладата македонска олимпијка заврши на 40-то место

Ивана Ефремовски — Wed, 28 Jul 2021 13:40:54 +0000

Најмладата македонска олимпијка Миа Блажевска Еминова победи во својата квалификациска група на 100 метри слободно на Олимписките игри во Токио, но не се пласираше во полуфиналето и во конечниот поредок беше 40 во конкуренција на 52 пливачки. Петнаесетгодишната пливачка на скопскиот клуб Орион исплива време од 57 секунди и 19 стотинки, со што не го подобри својот личен рекорд. Најдоброто време во квалификациите го оствари Ема Меккион од 52 секунди и 13 стотинки.

Уште една македонска радост: Нашата Миа победи во квалификациската трка во Токио

Ивана Ефремовски — Wed, 28 Jul 2021 10:19:45 +0000

Македонската олимпијка и пливачка Миа Блажевска Еминова оствари најдобар резултат во втората квалификациона трка во дисциплината 100 метри слободно. Таа на ОИ во Токио го освои првото место со време од 57 секунди и 19 стотинки. 15-годишната Миа ја постигна Б-олимписката норма пред нешто повеќе од еден месец, на Меѓународниот пливачки митинг во Белград.

Пливачката Миа Блажевска Еминова обезбеди норма за настап на Олимпијадата во Токио

Ивона Петрова — Mon, 21 Jun 2021 12:08:44 +0000

Младата пливачка Миа Блажевска Еминова, на Олимпискиот квалификациски турнир во Белград, Србија, на 100 метри слободно постигна време од 57,13 секунди. На овој начин, таа се стекна со правото да ја претставува државата на Летните олимписки игри во Токио. Како што информираат од Општина Карпош, со тоа остварено време, Блажевска Еминова, освои 741 Фина бодови, со што ќе може да биде пријавена за учество на најпрестижниот глобален спортски настан – Летните олимписки игри. Миа Блажевска Еминова е жителка на општина Карпош. Има 15 години, но веќе 11 години професионално се занимава со пливање. Од Општината ѝ го честитаат успехот и најавуваат финансиска поддршка како дополнителен мотив за претстојниот период.