мичиген – Kurir.mk

(ВИДЕО) Наставничка заврши во болница откако ученичка ја удри со стол по глава

Ристе Здравков — Sat, 30 Sep 2023 13:52:09 +0000

Наставничка од Мичиген заврши во болница откако ученичка ја удри со стол по главата. Ученичка удри професорка со метално столче при жестока расправија со друг ученик. Тинејџерките постојано се навредуваат додека наставничката стои меѓу нив и се обидува да ја смири тензијата. Ученичката ненадејно фрли стол, удирајќи ја наставничката, која падна и остана да лежи неподвижна. Локалните водачи велат дека видеото од насилството во училиштата, е показател за лошиот училишен систем во земјата. Наставничката е добро и планира да се врати на работа. Видеото погледнете го ТУКА

Мичиген го прогласи септември 2023 за месец на македонската култура во САД

Ивана Ефремовски — Sat, 02 Sep 2023 07:33:00 +0000

Гувернерката на Мичиген Гречен Витмер го прогласи септември оваа година за месец на македонско-американското наследство. Витмер вели дека е важно да се истакне придонесот и културното влијание на македонските Американци, пренесе Гласот на Америка. -Септември има значење за македонските Американци како што се наближува годишнината од Денот на независноста на Република Македонија, симболизирајќи го патот на државата кон суверенитет и нејзините трајни врски со македонско-американската заедница, се вели во известувањето на гувернерката. Во него се посочува дека Американците со македонско потекло придонесуваат за американската култура преку „бизнис, спорт, уметност, политика, медицина, право, култура, кулинарски вештини и бројни други области“. Викендов, во Детроит се планирани активности и програми поврзани со македонската култура, а ќе се одржи и 49. национален црковен собир во организација на Македонската православна црква-Охридска архиепископија (МПЦ-ОА). Витмер вели дека македонските имигранти почнале да доаѓаат во САД од пред повеќе од еден век, а денес има над половина милион Американци со македонско потекло во државата. Нејзината прокламација е на барање од Обединетата македонска дијаспора (ОМД). - ОМД активно работи секоја држава и град каде има Македонци да прогласи месец на македонско наследство. Ваквата иницијатива почна од 2020 година и ќе продолжи во иднина, изјави коосновачот и волонтерски претседател на ОМД Мето Колоски. Мичиген во 2020 година, го прогласи 8 септември за ден на македонските бизниси, а во 2021 година и Претставничкиот дом на Мичиген донесе резолуција со која го прогласи септември за месец на македонско-американско наследство. Во оваа сојузна држава живеат околу 125 илјади Американци со македонско потекло. Во јули годинава, републиканскиот сенатор од Индијана Мајк Брон, претстави резолуција во американскиот Сенат да се прогласи септември 2023 година за месец на македонско-американско наследство во САД, кога ќе се слават јазикот, историјата и културата на македонските Американци. Резолуцијата спонзорирана од Брон, кој е единствен сенатор што е член на групата пријатели на Македонија и македонските Американци во Конгресот, прво треба да биде одобрена од сенатскиот комитет за судство, пред за неа да гласа целиот Сенат. (МИА)

Пет лица загинаа во невреме во Мичиген, огнени торнада во Канада

Ивана Ефремовски — Fri, 25 Aug 2023 18:30:37 +0000

Силно невреме во Мичиген со моќни ветришта со брзина и до 120 километри на час уриваше денеска дрвја, откорна покриви на куќи и уби пет лица додека стотици илјади останаа без струја, изјавија властите на сојузната држава. Националната метереолошка служба денескa изјави дека штетите од невремето се предизвикани од неколку торнада. Во Британска Колумбија, најзападната провинција на Канада, пак неделава беа забележани огнени торнада, на местата каде се уште беснеат шумски пожари. Во западниот дел на Мичиген, округ Кент синоќа загинале 21 годишна жена и две девојчиња на возраст од една и три години во директен судир на две возила кои возеле во дождот. Возачот маж, е повреден и бил однесен во болница. Колата удрила во теренско возило во кое немало тешко повредени. Во престолнината на Мичиген Лансинг, едно лица загинало како последица на пад на дрво врз дом. Верижен судир се случил на меѓудржавниот автопат 96, при што загинало едно лице, повеќемина се тешко повредени. Во Канада пак неделава беа забележани огнени торнада, на местата каде се уште беснеат шумски пожари. Познавачите велат дека ова е редок природен феномен создаден од интензитетот на огнот, нагло зголемената влажност и намаленото ниво на кондензација (роса). (МИА)

Една жртва и деветмина повредени во експлозија на огномет во Мичиген

Ивана Ефремовски — Tue, 04 Jul 2023 17:10:37 +0000

Една жена загина во експлозија на огномет во западен Мичиген, а девет лица се потешко и полесно повредени, соопшти денеска Одделот на шерифот на округот Отава. Експлозијата се случила вчера, но во соопштението не се наведува дали се работи за организиран јавен настан по повод празникот 4 јули. Службите за итни случаи дошле на главната улица во гратчето Парк кусо по 23 часот, откако добиле информација дека експлодирал огномет и повредил неколку лица, се вели во соопштението. (МИА)

Републиканците од Мичиген на средбата со Трамп без информации за изборна измама

Тале Кристо — Sat, 21 Nov 2020 08:29:36 +0000

Републиканците од сојузната држава Мичигeн, кои синоќа се сретнаа со претседателот Доналд Трамп во Белата куќа, изјавија дека немаат информација што би можела да го промени резултатот од претседателските избори во државата и дека тие ќе се придржуваат до „нормалната“ изборна процедура, јави дописникот на МИА од Вашингтон. Мичиген е една од државите во кои адвокатите на Трамп поднесоа тужби за оспорување на победата на Бајден. – Немам инфомација која може да го промени исходот од изборите во Мичиген, изјави синоќа Мајк Ширки, лидер на републиканското мнозинство во Сенатот на државата Мичиген. Тој и Ли Чатфилд, спикер на Претставничкиот дом во оваа држава, предупредија дека сите сомнежи за фалсификат на изборите ќе бидат детално истражени. Според некои американски медиуми, откако тимот на Трамп се соочи со серија судски порази тие сега се обидуваат да ги убедат законодавците републиканци во повеќе сојузни држави да го прогласат Трамп за победник на изборите. Ширки и Чатфилд изјавија дека го повикале претседателот Трамп да му овозможи на Мичиген поголема финансиска помош за борба со пандемијата на Ковид-19.

Мичиген најави неофицијални изборни резултати до крајот на денот

Магдалена Андонова — Wed, 04 Nov 2020 18:02:45 +0000

Мичиген, клучна држава што ќе помогне да се утврди кој победи на претседателските избори во САД, и натаму пребројува илјадници гласачки ливчиња. – Неофицијални резултати се очекуваат до крајот на денот, изјави државната секретарка Џослин Бенсон. Во изјава за Си Ен Ен таа рече дека преостанува да се пребројат уште околу 100.000 гласови и оти појасна слика ќе има до крајот на денот, по локално време. (Мичиген е шест часа зад македонско време). Според податоците на Си Ен Ен, по преброени 92 отсто од гласовите, води кандидатот на Демократската партија Џо Бајден со 49,5 отсто наспроти републиканецот Доналд Трамп со 48,9 проценти. Мичиген носи 16 електорски гласови. Според Си Ен Ен, бајден засега има 227, а Трамп 213 електорски гласови. За победа се неопходни 270. (МИА)

Уапсени 13 лица поради обид за киднапирање на гувернерката на Мичиген

Магдалена Андонова — Fri, 09 Oct 2020 06:14:49 +0000

Тринаесет лица, вклучително и седум мажи поврзани со милитантната група „Волверин вочмен“, се уапсени во САД поради заговор за уривање на Владата во американската сојузна држава Мичиген и киднапирање на гувернерката Гретчен Витмер пред одржувањето на претседателските избори на 3 ноември, соопшти обвинителството. ФБИ претходно објави дека се уапсени шест лица. Според медиумите, шест лица се уапсени под федерални обвиненија, а останатите седум под обвиненија на сојузната држава Мичиген. Демократката Витмер е често критикувана од претседателот Доналд Трамп, особено поради настојувањето во својата држава да воведе строги мерки за социјална дистанца поради коронавирусот. Наводниот заговор подразбирал ангажирање на милитантна група, се наведува во дадениот писмен исказ под заклетва на специјалниот агент Ричард Траск. Во писмената изјава Траск рече дека групата планира да го искористи времето пред последната вежба за набавка на пари за експлозив и други материјали. Според јавниот обвинител на Мичиген, Дан Несел, „напорите резултирале со откривање на планови за загрозување на животите на полицајци, владини службеници и пошироката јавност“. На шестмината претходно уапсени, доколку бидат осудени за обид за киднапирање, им се заканува доживотен затвор. Еден од осомничените Адам Фокс минатиот месец во шифриран разговор изјавил дека „не сака последниот тренинг да се одржи во последната недела од октомври, бидејќи нема да имаат доволно време да го извршат киднапирањето пред изборите на 3 ноември“. (MИА)

Пратеничка од Мичиген на работа пристигна со вооружена придружба

Дарко Андоновски — Fri, 08 May 2020 13:55:24 +0000

Пратеничката во претставничкиот дом на Конгресот на америкаската сојузна држава Мичиген, афроамериканката Сара Ентони на своето работно место пристигна во придружба на вооружена група, само неколу дена откако вооружени белци упаднаа во Конгресот во Ленсинг. Вооружена група белци демонстрираа против „тиранијата“ на рестриктивните мерки поради пандемијата со Ковид-19, воведени од демократската гувернерка Гричен Вајтмер. Ентони (36) изјави дека нејзината намера била да укаже на пропустите на полицијата на Мичиген да ја гарантира безбедноста на законодавците за врема на протестот на вооружените белци. – Кога системот нема да успее да обезбеди целосно безбедност ни преостанува сами да се погрижиме за себе. Без оглед дали си црнец и демократски претставник во Претставничкиот дом на Мичиген, стана опасно. Тоа е амбиентот што го создаде претседателот Доналд Трамп, истакна Ентони.

Воружен напад во Мичиген, убиена жена и три деца

Дарко Андоновски — Tue, 19 Feb 2019 06:34:03 +0000

Четири лица настрадаа во воружен напад кој се случил во 15 часот по локално време во округот Кент во американската сојузна држава Мичиген. Убиена е жена и три деца. Полицијата го затвори локалниот пат и во тек е увид на местото на настанот. Локалниот шериф Мишел Лаџој- Јанг смета дека нема опасност за другите жители на тоа место. Ен-Би-Си јавува дека уште не е познато дали напаѓачот е жив.

Маја Иванова ја посети Детската болница на Мичиген во Детроит

Ивана Ефремовски — Sat, 22 Sep 2018 12:15:09 +0000

Во рамки на работната посета на претседателот на Република Македонија Ѓорге Иванов на САД, сопругата на претседателот Маја Иванова, во Детроит ја посети Детската болница на Мичиген. Сопругата на македонскиот претседател од менаџментот беше запозната со севкупната работа на оваа детска болница, идните планови во нејзината работа, а беше разговарано и за можностите за соработка на болницата со здравствени институции во Македонија. Иванова ги претстави нејзините активности поврзани со детското здравје, со посебен акцент на децата со аутизам, соопшти прес-службата на Кабинетот на претседателот. - Често велам дека аутизмот не познава големи и мали држави, богати и сиромашни држави, туку тоа е проблем за којшто треба да се обединиме и да работиме сите. Активноста што ја започнав за аутизмот во Македонија, потекнуваше токму од овде, од Соединетите Американски Држави, кадешто присуствував на конференциите што се организираат од организацијата Autism Speaks и веднаш по враќањето ги продолжив моите активности во Македонија. Почнав да ја подигам јавната свест, да бидам гласноговорникот во Македонија за подигање на јавната свест дека аутизмот во Македонија постои, и треба да се обединат сите, да се соочат со тој проблем и едноставно да почнат со негово решавање. Меѓутоа не застанувам тука, затоа што аутизмот не познава само активности, туку познава обединување на сите оние што треба да работат на овој проблем, почнувајќи од образовниот систем, од здравствениот систем, од невладините организации. Посетата на оваа болница ми е големо искуство, затоа што видов дека овде здравствената заштита на децата е на највисоко можно ниво, со најсовремена опрема, со најмодерна опрема. Се надевам дека мојата посета овде ќе биде една иницијатива да се продолжи натаму со соработката помеѓу оваа болница и Детската болница во Скопје. Се надевам дека оваа посета ќе вроди со плод, изјави Иванова. Луан Евалд, главен извршен директор на Детската болница на Мичиген пПосочи дека разговарале за начините како може да разменат информации, како американските лекари можат да соработуваат со македонските, за подобро здравје на децата. Иванова е носител на повеќе иницијативи за подобрување на здравјето и унапредување на здравствената заштита на децата. Нејзините напори и активности се првенствено насочени кон борбата против аутизмот и подигнувањето на јавната свест за постоењето на оваа болест. Меѓу бројните реализирани активности, под нејзино покровителство, во 2016 година во Скопје беше отворен Центарот за сензорна терапија за лица со аутистичен спектар на нарушувања, а во 2013 година беше отворен првиот Детски ургентен центар во Република Македонија. За време на работната посета на претседателот Иванов на САД, предвидено е Иванова во Њујорк да присуствува на настанот со првите дами учеснички на 73. Генерално Собрание на ОН во организација на Првата дама на САД, Меланија Трамп, како и на настан на високо ниво кој го приредува првата дама на Република Турција, Емине Ердоган, додаваат од Кабинетот на Иванов.