мицкоски – Kurir.mk

Ако си со СДСМ, нема закон за тебе: Повика на убиство за децата на Мицкоски, се извини… и толку

Тале Кристо — Sat, 01 Apr 2023 13:03:37 +0000

Роберт Тодороски од Прилеп, кој преку социјалните мрежи од профилот Роберт Типчето му се закануваше на лидерот на ВМРО-ДПМНЕ, Христијан Мицкоски и синоќа објави наводна благодарница од шефот на државата, денеска по полноќ во статус на Фејсбук јавно му се извини на првиот човек на најголемата опозициска партија: „Почитувани соограѓани и припадници на политичката партија на ВМРО-ДПМНЕ, јавно се извинувам на сите и до претседателот на партијата Христијан Мицкоски за недоличниот статус на социјалната мрежа што го објавив пред 12 часа. Тоа беше момент на промисленост и се извинувам длабоко и ве разбирам на поединци за револтот. Не сум направил никакво убиство досега во мојот живот ниту имам план да сторам таков ригорозен чин. Во момент на недоволно промисленост секој греши како човек, па и јас. Ве уверувам нема од тоа ништо. Како и секој млад тинејџер, јас во моментот не се наоѓам во Република Македонија и работам надвор од државата. Уште еднаш јавно до целата нација на Република Македонија и до самиот претседател Христијан Мицкоски и до неговата фамилија лично се извинувам за немилиот настан, ја прифакам грешката која ја наметнав во овие 12 часа и се каам. Ви благодарам на сите од вас на разбирањето, нема простор за паника или слично“, пишува Роберт Типчето. Во врска со наводите за издадена благодарница од страна на претседателот Стево Пендаровски на лицето Роберт Тодороски, претседател на РХО Здружени срца – Прилеп, таков документ не е врачен од страна на претседателот Пендаровски, или издаден од Кабинетот на претседателот, информираа утрово од неговиот Кабинет.

ВРИЕ ВО КОЧАНИ: Членови на СДСМ му се зaкaнуваа на Mицкоcки пред полициска станица (ВИДЕО)

Тале Кристо — Sat, 30 Oct 2021 19:10:34 +0000

Продолжуваат тензиите во Кочани, каде екипата на Инфомакс вербално беше нападната во ромското маало каде што се обидуваа да снимаат партиски штаб кој беше отворен за време на изборниот молк и каде, како што изјави и еден од лицата кои беа присутни таму, се правеа списоци. Новинарите беа вербално нападнати, по што им беше блокиран патот со автомобил и не им дозволуваа да заминат. Нивинарите, заедно со Христијан Мицкоски и пратеникот Миле Лефков заминаа во полициска станица да го пријават настанот. Од страна на полициските службеници, во исто време со пријавителите, беа повикани и лицата затекнати во партискиот штаб кои веднаш се појавија пред полициската станица и продолжија со заканите кон Лефков, Мицкоски и новинарите од Инфомакс. Присутните упатуваа навредливи зборови и им се закануваа на пријавителите и им повторуваа дека немаат никакво право да снимаат.

По „драмата“ со Мијалков, Мицкоски со статус: Нема дно кое не го пробија, мафијата има држава – Оставки веднаш!

Тале Кристо — Mon, 22 Feb 2021 07:53:27 +0000

Одамна реков, мафијата има своја држава. Нема дно кое не го пробија. Оставка на Владата веднаш!, пишува на својата Фејсбук страница лидерот на ВМРО-ДПМНЕ Христијан Мицкоски.

Мицкоски на утринско искачување на Водно

Тале Кристо — Thu, 18 Feb 2021 09:06:22 +0000

-Утринско искачување на Водно. Преубаво снежно Водно, после неколку дена пауза, сепак повторно прв до врв. Се гледаме во Стопанска комора на северозападна Mакедонија во 12 часот!, пишува во својата објава лидерот на ВМРО-ДПМНЕ Христијан Мицкоски.

Мицкоски: Подари љубов, подари орган, бидејќи некому тоа живот значи!

Тале Кристо — Wed, 17 Feb 2021 10:04:06 +0000

Здравиот човек има многу желби, а болниот само една, да оздрави. Бидете хумани, продолжете некому живот, бидејќи тоа живот значи. Подари љубов, подари орган, вели во своето обраќање лидерот на ВМРО-ДПМНЕ Христијан Мицкоски.

Мицкоски: Предвремените парламентарни избори и се потребни на Македонија и единствен логичен термин е заедно со локалните избори

Тале Кристо — Sat, 13 Feb 2021 15:15:33 +0000

Претседателот на ВМРО-ДПМНЕ, Христијан Мицкоски во денешната изјава на новинарско прашање дали може да се очекува предвремени парламентарни избори, како и дали има преговори со други партии, истакна дека разговори се во тек и со опозициони и со партии од власта кои треба да размислат дали сакаат да бидат дел од најкорумпираната и најкриминална власт, како и дека предвремените парламентарни избори и се потребни на земјава, а единствен логичен термин би бил заедно со локалните избори. -Јас тоа го зборувам цело време и стојам на тој став дека предвремени парламентарни избори и се потребни на Македонија и единствен логичен термин да не правиме дополнителни трошоци се и локалните избори. Мислам дека тоа треба да се случи и работиме на тоа да се случи, а претходно треба да дојде една влада која што ќе подготви рамен терен за тие предвремени парламентарни, локални избори, а не ваква корумпирана криминална и неспособна влада бидејќи морам да кажам дека не ги бива за работа не ги бива за проекти но затоа пак се светски шампиони според криминалот, корупцијата и би рекол матните идеи како да лажираат и поткупуваат за време на избори. Затоа е многу важно да дојдат луѓе кој што тој процес ќе го одработат така како што е потребно односно како што велат законите и процедурата. Така што да ВМРО – ДПМНЕ води разговори и со парламентарни опозициони партии, но и со парламентарни партии кои што се дел од власта, така што кога ќе имаме мнозинство во рамките на парламентот тогаш ќе излеземе во јавноста и тоа мнозинство ќе го презентираме. Но, повторно ќе кажам секој оној кој што му мисли добро на македонскиот народ на граѓаните на Македонија на Македонија под итно треба да си го стави прстот на глава и да размисли дали неговата иднина е заедно со овие најкорумпирани и најкриминални политичари во историјата на Македонија или пак да бидат заедно на страната на народот, на чесната страна и да си ја спасиме државата. Тоа е она што јас можам да го кажам по тоа прашање, изјави Мицкоски.

Мицкоски за законот за лични карти: На Заев му смета сега да стои во личните карти терминот Македонец, националната припадност е наше право

Тале Кристо — Sat, 13 Feb 2021 13:26:55 +0000

Претседателот на ВМРО-ДПМНЕ, Христијан Мицкоски по посетата на компанијата „Еко циркон“, која што се наоѓа во Општина Гази Баба, одговарајќи на новинарски прашања исто така истакна дека навистина не гледа проблем за да во личните карти стои и етничката определба. -Јас навистина не гледам проблем во тоа да стои во личната карта дека сум Македонец. Апсолутно не гледам причина. За жал, има и такви парламентарни партии кои што од страна му служат на Зоран Заев, кои што се обидуваат да го спречат сето тоа. Јас навистина не гледам зошто во мојата лична карта да не стои мојата национална, етничка определба дека сум Македонец. А, некој тоа сака да го спречи. Зошто сака тоа да го спречи? За тоа што им пречеше македонскиот јазик, им пречеше Македонија, им пречеше АСНОМ, и што уште веќе не им пречи. Но, не им пречи да крадат и да пљачкаат од сопствениот народ, истакна Мицкоски. Мицкоски додаде дека навистина не гледа што е тука спорно, ако во графата националност, стои неговата етничка припадност дека е Македонец. И инсистира тоа да стои. Зошто сето тоа да се опструира, зошто да се прават безпотребни филибастеринг процедури. -И зошто да му слугуваме на Зоран Заев кој што има договор политички со БЕСА и сега бара преку некои странични други парламентарни партии кои што самиот кажа дека им обезбедувал ресурси и логистика пред избори да нанесат штета на ВМРО-ДПМНЕ, сега да нанесат штета на македонскиот народ. Зошто тоа што Зоран Заев го избриша со тој насилен договор кој што го донесе во Преспа, денеска ние да не го вратиме во Парламентот и во мојата лична карта да стои мојата националност и мојата етничка припадност дека сум Македонец. Што има тука спорно, меѓу вас претпоставувам дека има и луѓе од различни етнички припадности. Зошто тоа што го избриша Зоран Заев по насилен пад да не биде вратено назад во личните карти? Не гледам пречка во тоа, појасни Мицкоски.

Mицкocки за 27 април: Ќe има peвизиja на тој и на cитe пoлитички диктиpaни пpecyди по пaдoт на 3aeв

Тале Кристо — Sat, 13 Feb 2021 12:31:36 +0000

Имаме заробено обвинителство каде се диктираат обвиненија, и тоа не само за 27.април туку и за други обвиненија кои што служат за политички прогон – вака лидерот на ВМРО-ДПМНЕ ја коментираше вчерашната одлука на Апелациониот суд во Скопје да ја потврди затворската казна за учесниците во 27.април, односно да ја намали за само една година. Мицкоски најави ревизија на судските процеси по промената на власта, но не на начин на кој тоа сега го прави СДСМ, туку таквата ревизија би ја правеле колеги на „заробените обвинители и судии“ како што вели претседателот на ВМРО-ДПМНЕ. – Имаме судство кое функционира по диктат, односно, како владетелот – во случајот Зоран Заев и СДСМ ќе им издиктираат такви пресуди се носат. Ако сето ова го сумираме и го анализираме, тогаш доаѓаме до заклучокот дека сме хибриден режим, заклучува Мицкоски. – Следната влада на ВМРО-ДПМНЕ, сите овие издиктирани обвиненија, сите овие нарачани судски пресуди ќе ги ревидира и врз основа на таа ревизија, која што ќе ја прават колеги судии и обвинители но кои што биле чесни и не потклекнале на диктатите и нарачките на Зоран Заев и оваа власт ќе бидат практично предмет на постапка. Сите оние судии кои ги прифатиле овие диктати и судски нарачани пресуди ќе бидат соодветно, согласно законите и Уставот санкционирани – констатира Христијан Мицкоски.

Мицкоски: Македонија со владата на Заев и официјално е “хибриден режим” кој е “најкорумпиран” во Европа

Тале Кристо — Wed, 03 Feb 2021 09:06:58 +0000

Заев ветуваше иднина во Европа, а не може земјава да мрдне од Африка. Ветуваше живот, a стана рекордер по мизерија. Ветуваа правда, останавме заковани во хибриден режим, реагира лидерот на ВМРО-ДПМНЕ Христијан Мицкоски, откако британски „Економист“ според индексот на демократија Македонија ја рангираше на високото 78 место како хибриден режим. Македонија со Владата на Заев и официјално е "хибриден режим" кој е "најкорумпиран" во Европа. Според Индексот на демократија, во 2020 година е на 78. место или не сме напреднале споредено со минатата година на ранг листата што ја прави „Економист“, повторно прогласувајќи ја земјава за хибриден режим. Ако според Транспаренси Интерационал сме една од најкорумпираните држави во Европа во групата со Танзанија, Буркина Фасо, Колумбија, Гамбија, според Индексот за демократија сме хибриден режим заедно со Ел Салвадор, Украина, Бангладеш. Дијагнозата е мафија, одговорот мора да е народот! Ќе победиме, затоа што друг избор нема Македонија!, пишува на својата Фејсбук страница Мицкоски.

Мицкоски: По 4 години власт и безброј лажни ветувања за нова, вака изгледа амбулантата во Ѓорче Петров 2 (ФОТО)

Тале Кристо — Thu, 28 Jan 2021 14:01:41 +0000

„Ние сме сериозна земја, имаме пари, ќе си платиме...” - Зоран Заев, 18.01.2021 Погледнете како изгледа амбулантата во Ѓорче Петров 2, по 4 години власт и безброј лажни ветувања за нова, пишува лидерот на ВМРО-ДПМНЕ Христијан Мицкоски.