миење заби – Kurir.mk

Сигурно често правите грешка: Кога миете заби – пред или по утринското кафе?

Ивана Ефремовски — Mon, 14 Aug 2023 20:05:11 +0000

Сите ние имаме свои утрински ритуали, а за повеќето, првото утринско кафе дома е задолжително. И дали знаете дека може да му наштети на вашето здравје? Добро е познато дека кафето ги валка забите, а неговата киселост може да ја оштети забната глеѓ. Затоа миењето заби е многу важно за да се спречат последиците од пиењето кафе. Сепак, постои голема шанса да ги четкате забите по сосема погрешен редослед. Пред или после кафе, прашањето е сега? Ако ги четкате забите пред да пиете кафе, ја отстранувате наслагата и го отежнувате задржувањето на дамката, вели Кристина Мајнерс, стоматолог во CommuCare, непрофитна здравствена установа во Сан Антонио. - Ако забите ви се убави и чисти, помали се шансите кафето да се залепи на нив , објаснила таа. Ако претпоставувавте дека миењето заби веднаш по пиењето кафе е добро за одржување на чистотата, се лажете. Може дури и да ги влоши работите. Бидејќи кафето е кисело, четкањето на забите веднаш по кафето ќе ја ослаби вашата глеѓ, односно надворешниот слој на забите кој ги штити од физичко и хемиско оштетување. Мејнерсо откри и како изгледа нејзината утринска рутина, која исто така треба да ја копирате. Прво ги мие забите, потоа пие кафе и на крајот ја плакне устата со обична вода за да го неутрализира нивото на киселост во устата, пишува HuffPost.

Со четката за заби правите голема грешка – овие работи мора да ги знаете

Ивана Ефремовски — Fri, 24 Jun 2022 14:59:33 +0000

Денталната хигиена, освен правилното миење на забите и користењето на соодветна паста, вклучува и соодветна четка за заби која треба да ја менувате секој месец. Голема грешка е ако долг период користите иста четка. „Дали е вистина дека четката за заби треба да се менува секој месец?“ Апсолутно да! На четкичката за заби можат да се насоберат околу 10 милиони бактерии вклучувајќи и ешерихија коли и стафилокока. Нормално, освен тоа што е потребно да ја менувате често, важно е и каде ја чувате. И покрај редовната промена која ќе ја вршите, ви препорачуваме и внимателност при изборот на соодветна паста за заби која содржи триклосан/кополимер, бидејќи подобро ги убиваат бактериите. Исчистете ја повремено четката со антибактериска течност за плакнење на устата, а некои советуваат и да ја измиете во машина за садови, со цел да ја стерилизирате. Никогаш не ја чувајте во пластично заштитно капаче, бидејќи така по користењето се задржува влажноста подолг период и развојот на бактерии е поголем.

Сите знаете дека миењето на забите е важно, но дознајте какви болести ви се закануваат ако не го правите тоа

Ивана Ефремовски — Wed, 05 May 2021 13:54:36 +0000

Лошата хигиена на забите и усната шуплина влијае на здравјето на внатрешните органи, но не се знае точно до која мера бидејќи би било неетички да се спроведе истражување во кое би се барало од испитаниците да не ги мијат забите подолго време. Овие 10 болести се сметаат за последици од лошата орална хигиена: 1. Болести на непцата При миење на забите не треба да ве болат или да крварат непцата. Тоа се показатели за болести на непцата како гингивитис што се манифестира со црвени, отечени и раскрвавени непца. Тоа се јавува како последица на бактерии што се насобираат меѓу забите. Напредна форма на гингивитис е парадентоза што може да резултира со уништување на потпорното ткиво на забите и коските и предизвикува паѓање на забите. 2. Губење на забите На возрасните луѓе меѓу 20 и 64 години во просек им недостигаат околу 7 трајни заби, а дури 10% од Американците на возраст од 50 до 64 години немаат ниту еден свој заб. Нередовната хигиена на забите доведува до појава на кариес кој ако не се лекува резултира со расипување и губење на забите. 3. Непријатен здив (Халитоза) Халитозата е честа или трајна појава на непријатен здив со која се соочуваат повеќе од половината од популацијата на Земјата. Халитозата може да биде симптом на сериозни заболувања, но најчесто е последица на лоша орална хигиена. После секој оброк во усната празнина, меѓу забите остануваат остатоци од храна што со тек на време се распаѓаат и создаваат непријатен мирис. Исто така е важно и одржување на хигиената на јазикот на кој исто така се задржуваат бактерии што создаваат непријатни мириси. 4. Деменција Едно долго и сеопфатно истражување направено во домот за пензионери во Лагуна Хилс покажало дека постои поврзаност меѓу лошото орално здравје и деменцијата, иако е можно луѓето кои одржуваат редовна орална хигиена да водат повеќе грижа и за општото здравје. Истражувачите набљудувале 5.468 луѓе во текот на 18 години и откриле дека меѓу пензионерите кои уште ги имале своите заби, оние кои изјавиле дека не ги мијат забите секој ден имале 22 до 65 поголем ризик од деменција од оние кои ги миеле забите три пати дневно. Долгото истражување покажало дека мозокот кај болните од Алцхајмерова болест има повеќе бактерии поврзани со болести на непцата од луѓето кои биле когнитивно здрави. 5. Воспаление на белите дробови Кога во усната шуплина има патогени бактерии, заедно со воздухот се вдишуваат во белите дробови каде може да нанесат голема штета. Подобрувањето на оралната хигиена ја намалува зачестеноста на ваквите воспаленија на белите дробови за 40 отсто. Едно долго истражување покажало дека три од четворица пациенти со воспаление на белите дробови имале некаков облик на парадентоза. 6. Еректилна дисфункција Причинско-последичната врска меѓу еректилната дисфункција и лошата орална хигиена можеби се чини непостоечка и неважна, но едно прелиминарно истражување објавено во „Journal of Sexual Medicine“ покажало дека овие две состојби може да бидат директно поврзани. И двете се последици на пушење и недоволно количество витамин D, но директната поврзаност меѓу овие две работи уште не е позната. Во истражувањето спроведено на случајно избрани пациенти на возраст од 30 до 40 години покажало дека 53 отсто од испитаниците со еректилна дисфункција има напредна парадентоза, за разлика од групата што немала еректилна дисфункција и каде парадентоза имале само 23 отсто од испитаниците. 7. Дијабетес Познато е дека една од последиците на дијабетесот е појава на парадентоза кај пациентите, но неодамна беше откриено и дека овој причинско-последичен однос е взаемен. Лошата орална хигиена може да биде причина за инсулинска резистенција бидејќи предизвикува воспаленија во организмот. 8. Болести на срцето Многу истражување покажале дека постои поврзаност меѓу болестите на непцата и болестите на срцето. Авторите на истражувањето за Американското здружение за срцеви болести спроведено во 2008 година побарале парадентозата да се класифицира како нов маркер (или ризик фактор) за срцеви болести, независно од другите маркери. Парадентозата и срцевите болести делат многу заеднички фактори поради кои би ги ставиле во корелација. Со лекување на парадентозата се намалуваат воспалителните процеси во телото, дури и ако тие не влијаат врз развојот на срцевите болести, велат истражувачите. 9. Компликации во бременоста За време на бременоста од 60 до 75% од трудниците имаат проблем со гингивитис, што директно се одразува на состојбата на забите кај детето. Лошата орална хигиена на идната мајка е фактор и за мала породилна телесна тежина на бебето, како и за предвремено породување. Истражувачите сметаат дека во прашање е една од овие причини: Или е зголемено воспалението во целиот организам, или некоја орална бактерија влегува во системот на крвните садови на трудницата и со тек на време се населува во постелката што директно влијае на развојот на детето. 10. Рак „Доказите до кои дојдовме неодамна укажуваат дека опсегот и тежината на парадентозата и губењето на забите можеби се поврзани со зголемен ризик од малигни заболувања“, беше соопштено откако тим научници направи опсежен преглед на сите истражувања за причините и последиците од парадентозата на организмот. Оралните болести и проблемите со забите се директно поврзани со ХПВ (Хуман папилома вирус), што предизвикува околу 80% од оралните карциноми. Иако пушењето е голем фактор за заболување од рак, истражувањето спроведено минатата година на 3.439 испитаници го идентификувало лошото орално здравје како засебен фактор што директно влијае врз заболувањето од ХПВ. Други испитувања покажале дека парадентозата го забрзува развојот на канцерогени клетки во устата.

Стоматолозите открија – ова е најлошото време за миење на заби!

Магдалена Андонова — Thu, 18 Mar 2021 15:25:51 +0000

Можеби мислите дека миењето заби секој пат е добро. Сепак, не сте во право, а стоматолозите предупредуваат зошто. Постојат одредени периоди кога миењето заби всушност може да направи повеќе штета отколку добро здравје. Станува збор за миење на забите веднаш по оброкот. Стоматолозите предупредуваат дека тоа е лоша идеја бидејќи варењето започнува од устата, што создава кисела средина, а тоа не е најдобра состојба за миење на забите, објаснува стоматологот Џени Греко. - Кога јадете храна што содржи шеќер или едноставен скроб што се распаѓа во шеќер во устата, бактериите што предизвикуваат расипување на забите почнуваат да се хранат со неа и произведуваат киселина. Кога вашите заби се изложени на многу кисела средина, тие привремено го ослабуваат вашиот емајл (тврда, надворешна површина на забот) предизвикувајќи минерална загуба “, вели Џин Лин, сопственик на детска стоматологија Хурст и предупредува дека четкањето може дополнително да ја оштети емајлот во оваа ситуација . Американското здружение на стоматолози (АДА) препорачува да почекате барем еден час после јадење за да ги миете забите. Нил Џеј Гаџар, поранешен претседател на Академијата за општа стоматологија, вели дека овој пат „му дозволува на вашето тело да ја неутрализира киселата средина што може да била создадена од киселата храна што била проголтана“. Чекајќи еден час, и давате на киселината доволно време да си ја заврши својата работа, пишува Best Life, а пренесува Index.hr.

Истражување со поразителни резултати: Едно од три лица заборава да ги измие забите

Ивана Ефремовски — Tue, 26 Feb 2019 11:41:16 +0000

Луѓето не обрнуваат внимание на здравјето на устата и забите, а денталната хигиена е ниско на нивната листа на приоритети. Ова го покажа најновото истражување, според кое, едно од три лица редовно заборава да ги измие забите, пишува „Индепендент“. Истражувањето на Колгејт Тотал, во кое учествувале 2.000 возрасни лица, покажало дека постои неконзистентен пристап на денталната хигиена и оти луѓето не работат доволно на здравјето на своите заби и уста. Еден од 10 анкетирани рекол дека користи гума за џвакање наместо паста за заби, а 80 отсто дека страда или се борел од некои проблеми како што се чувствителност (33 проценти), кариес (32 отсто) и крвавење (31 процент). Здравјето на устата било ниско на листата на приоритети на анкетираните, кога е во прашање одржување на здравиот начин на живот, веднаш зад диета, тежина и ментално здравје. Само девет проценти од испитаните сметаат дека тоа прашање е важно. Шест од 10 испитани рекле дека не воделе доволно сметка за оралната хигиена, а 43 отсто од нив рекле оти не знаат како да одржуваат хигиена на уста и заби. Стручните лица од таа област истакнуваат дека повеќето проблеми, кои се однесуваат на орално здравје можат да ги спречат или намалат со секојдневна орална хигиена. -Кога се вели орално здравје, повеќето луѓе мислат на забите. Бактерии се наоѓаат и на јазикот, образите и непцето, па им е потребно слично ниво на заштите, како и на забите, за да се постигне здравје на целата уста, вели стоматологот Милад Шадрух. (МИА)

Цело време сме правеле грешка: Еве кога треба да ги миеме забите

Катерина Бојаџиева — Thu, 06 Dec 2018 18:22:29 +0000

Забите не треба да се мијат веднаш по јадење бидејќи забите и непцата омекнуваат за време на оброкот, па полесно може да се оштетат доколку веднаш ги триеме со четка. Експертите советуваат да се почека од 30 до 40 минути, објави „Брајт сајд“. Други совети од експертите се и да не се дозволи водата од базенот да влезе во уста, бидејќи средствата за дезинфекција и одржување на водата содржат состојки штетни за забите. Стоматолозите, исто така, препорачуваат кафето да се испие што е можно побрзо, а не подолго од 20 минути бидејќи на тој начин за овозможува повеќе време за кофеинот да ги уништи непцата и бојата на забите. Експертите советуваат и забите секогаш да се мијат одвоено, а не за време на капење или туширање, бидејќи тоа е процес на кој треба да се посветиме. Исто така, не се препорачува пирсинг на јазик ниту џвакање мраз, бидејќи и двете работи ги оштетуваат непцата и забите и можат да предизвикаат испаѓање на пломбите.