миење – Kurir.mk

Зошто бананите треба да се мијат?

Ивона Петрова — Thu, 05 Oct 2023 19:37:25 +0000

Експертите веруваат дека бананите, лубеницата и авокадото мора да се измијат пред јадење, како и повеќето други овошја. Еве и зошто. Како што пишува порталот Punkufer, густата кора на овошјето го отежнува протнувањето на бактериите или нечистотијата, која може да се турка во внатрешноста на овошјето кога ќе се исече со нож. Покрај тоа, бактериите лесно може да се пренесат од рацете на други предмети што се користат секојдневно и од таму да се пренесат во устата, очите или носот. Миењето на овошјето и зеленчукот нема да ги направи стерилни, но со тоа значително ќе се намали ризикот од инфекција, а воедно на тој начин се отстрануваат нечистотијата, пестицидите, хербицидите или восокот.

НИШТО БЕЗ ОЦЕТ И СОДА Ова е единствениот правилен начин за миење јагоди

Ристе Здравков — Thu, 20 Apr 2023 07:32:47 +0000

Најефективен начин да ги измиете пестицидите од јагодите е да ги натопите во оцет и сода бикарбона. Иако нивната сезона официјално е дури во јуни, веќе можете да ги најдете во продавниците. Без разлика дали сакате да уживате во цели јагоди, да ги исечете и да ги додадете во сладолед или колачи или во салата, дури и ако самите сте ги набрале, треба добро да се измијат пред јадење. Неизмиените јагоди може да содржат почва и други нечистотии и остатоци од пестициди. Така, една корисничка на социјалните мрежи го покажа, според неа, единствениот правилен начин да се измие ова омилено црвено овошје. Таа тврди дека најефективниот начин за миење на пестицидите од јагодите е да ги натопите во оцет и сода бикарбона. „Во ред, го пробав трикот со сода бикарбона и оцет“, вели таа на почетокот на видеото, во кое покажува чинија со јагоди во смесата, а потоа зумира за одблизу да погледне се што е внатре. Јагодите треба да стојат во оваа течност 15 минути. Најпрво во садот ставила јагоди и ги полила со оцет, малку вода и на крај со сода бикарбона. Преку пената која се создава поради реакцијата на овие две состојки гледаме како јагодите се чистат од нечистотија и отровите. Како и да е, тиктокерката ги изми јагодите со вода откако ги држеше во овој раствор 15 минути. Но, голем дел од нејзините следбеници не беа толку сигурни за нејзините методи, па коментираа: „Брате, не чекам 15 минути да јадам модифицирана јагода“. „Оцетот и содата пенат поради реакцијата на неутрализација што се јавува помеѓу овие две соединенија, а не затоа што тие чистат нешто“. Истото го мислат и другите заинтересирани корисници на мрежата: „Сода бикарбоната и оцетот се поништуваат“. „И погледнете го ова! Како сите да не правевме вулкани во 4-то одделение со оцет и сода бикарбона“, „Може ли продавницата да го направи ова за мене, јагодите се 9 долари“, предлогот на овој човек ги воодушеви другите. Сепак, новото истражување на Универзитетот во Масачусетс потврди дека сода бикарбоната е добра алатка за отстранување на штетни токсини од овошјето поради нејзиниот состав. Исто така, алкохолниот оцет е одличен за убивање на сите штетни микроби од овошјето. Овошјето прво се остава во оцет дваесет минути. После тоа, може малку да се исплакне и да се остави во раствор од сода бикарбона и вода најмалку половина час, а потоа да се исплакне со чиста вода.

Дали ги миете забите под туш за да заштедите време? Стоматолозите предупредуваат дека тоа не е добра идеја!

Ристе Здравков — Tue, 28 Mar 2023 07:51:00 +0000

Ако ги миете забите под туш, тогаш треба да размислите дали е тоа добро, бидејќи стоматолозите предупредуваат дека можете да направите повеќе штета отколку корист! Иако можеби е примамливо да ја забрзате утринската рутина, заштедата на време не вреди да се ризикува. Како што објасни Пајал Бала, водечки стоматолог и клинички директор во Quest Dental, трикот не е нужно лош за вашите заби, но може да доведе до контаминација. Всушност, може да завршите со голтање на сите видови бактерии кои не би ги посакале никаде во близина на вашата уста. „Топлата вода под туш може да ги омекне влакната на вашата четка за заби, што може да ја направи помалку ефикасна во чистењето на забите“, рече Бала. – Понатаму, стоматолошките експерти препорачуваат користење електрична четка за заби за потемелно чистење, и додека повеќето електрични четки за заби се водоотпорни, не би препорачал да ги потопите во вода бидејќи тоа може да ги оштети механизмот и влакната. Што се однесува до оние непријатни бактерии што сакате да ги избегнете, вашиот туш може да биде жешка точка. – Споделувањето на ист извор на вода за миење заби и чистење на телото може да доведе до пренесување на бактерии од други делови на телото во устата. Ова потоа може да го загрози вашиот имунолошки систем и да доведе до несакана болест – објасни таа и додаде: – Главата на тушот може да содржи бактерии, а кога ги миете забите под неа, можеби ја изложувате четката за заби на таа бактерија, што повторно ја зголемува веројатноста да се разболите. Ако го делите тушот со некој друг, постои ризик од вкрстена контаминација. Покрај овој фактор се зголемуваат и шансите да се лизнете, истакна таа. – Водата и пастата за заби може да го направат подот за туширање лизгав, што може да го зголеми ризикот од падови и повреди. Затоа е подобро да бидете безбедни отколку да се жалите и да најдете друго време во утрото или ноќта да ги измиете вашите заби.

Многумина забораваат да ги измијат забите пред спиење: Тоа може да предизвика сериозни проблеми

Ристе Здравков — Mon, 13 Mar 2023 10:53:26 +0000

И додека миењето заби наутро стана дел од рутината и основната хигиена за да не излегуваме од дома со непријатен здив, од друга страна, многумина го запоставуваат тоа навечер. Четкањето на забите пред спиење не само што ги прави забите поздрави, туку и спречува да одиме во кревет со веќе постоечки бактерии во устата. На овој начин ја спречуваме појавата на кариес, заболување на непцата, лош здив и други болести. Доктор Раши Гупта објаснува што се случува ако не ги измиеме забите пред спиење: „Во текот на денот, плунката служи како природна одбрана, помага да се неутрализираат киселините во храната и да се спречи какво било оштетување на глеѓта. Но, во текот на ноќта, производството на плунка се намалува. Бидејќи имаме послаб одбранбен систем додека спиеме, неопходно е да ги миеме забите пред спиење за да се намали количината на бактерии во устата“, објаснува таа. Во спротивно, ако не го сториме тоа, се изложуваме на ризик од зголемен шеќер во крвта, што може првенствено да им наштети на луѓето со дијабетес. Како што додава тој на крајот, повеќето луѓе не се свесни дека бактериите не само што предизвикуваат болести на непцата, туку можат да навлезат и во крвотокот и срцето, што дополнително води до инфекции. Затоа, не заборавајте да ги миете забите пред спиење и на тој начин да го спречите ризикот од разни болести…

Експертите предупредуваат: Проверете дали ПРАВИЛНО ГИ МИЕТЕ овошјата и зеленчуците

Ристе Здравков — Tue, 07 Mar 2023 08:54:40 +0000

Проверете ги и применете ги овие методи за миење за да ги отстраните сите бактерии и пестициди. Ориз: Миењето на оризот се практикува не само поради нечистотијата, туку и за отстранување на скробот од него, поради што се лепи за време на готвењето. Зелка: Извадете ги првите два слоја листови од зелката, кељот или сличниот зеленчук, исечете ги на четвртинки и потопете ги во вода со малку додаден оцет. По неколку минути исплакнете со чиста вода. Во случај на карфиол, цветовите треба да се одвојат пред да се натопат. Месо: Експертите велат дека не треба да се мие пред да се готви, бидејќи така се отстрануваат соковите од месото. Но затоа треба да се пече, пржи или приготвува на температура од најмалку 75 степени, бидејќи така ќе ги уништи бактериите кои се наоѓаат на месото. Најбезбедно е да користите кујнски термометар. Печурки: Не ги потопувајте во вода, бидејќи ќе се распаднат. Секоја од нив кратко измијте ја под ладна вода и ставете ја на крпа да се исцеди. Јаболка: Полни се со пестициди, затоа не прескокнувајте да ги натопите во вода со малку сода бикарбона. Оставете ги да отстојат 10-15 минути. Така ги отстранувате штетните материи и од крушите, пиперките, доматите и другото овошје и зеленчук што не се лупат. Марула: Потопете ја во вода десетина минути и извадете ја без мешање, бидејќи штетните материи ќе паднат на дното. Потоа измијте го секој лист под млаз ладна вода.

На овие делови од вашето тело им е потребна најголема хигиена, таму живеат најмногу бактерии

Ивана Ефремовски — Mon, 02 Jan 2023 13:59:45 +0000

Личната хигиена е многу важна за здравјето на секој човек, а ова се деловите од телото на кои треба што почесто да им се посвети внимание во нејзиното одржување. Уста Едно од местата каде што има најмногу бактерии во човековото тело е усната шуплина. За што подобро здравје, треба детално да се води грижа во оралната игиена. Пазуви Под пазувите во просек има околу 20.000 бактерии, па токму заради тоа многумина се борат со непријаниот мирис на пот. Дезодорансите помагаат во одржувањето на овој дел од телото, но се разбира, неопходно е секојдневно миење со анти бактериски сапун. Уши Восокот кој се формира во ушите ги штити ушните канали од разни бактерии, инсекти и водата, но заради тоа ги става ушите во едни од највалканите делови од телото кои бараат редовно и детално чистење. Нокти Под ноктите се крие вистински расадник на бактерии невидливи за голо око. Затоа е неопходно добро одржување. Папокот е дел од телото кој начесто се занемарува при туширањето, па затоа често е полн со бактерии.

Колку често треба да се мијат забите?

Ристе Здравков — Wed, 28 Dec 2022 13:46:02 +0000

Последното истражување извршено во Британија покажа дека поголемиот дел од луѓето своите заби ги мијат еднаш во денот. Според истражувањето Yougov, три од десет Британци ги мијат забите еднаш неделно. Според овие податоци, мажи (33 отсто) во однос на жени (26 отсто) го прескокнуваат вториот круг на миење на заби. Додека 8 отсто од луѓето ги мијат забите три или четири пати на ден, а 2 отсто воопшто не ги мијат редовно. Исто така, податоците покажале дека поголемиот дел од луѓето забите ги мијат наутро (87 отсто), во однос на оние кои ги мијат навечер (72 отсто), дозволувајќи им на бактериите да се размножуваат во устата во текот на целата ноќ. Колку често треба да ги миеме забите? „Најдобар начин да го спречите пропаѓањето на забите е да ги миете два пати дневно со паста со флуорид за да ја отстраните количината на слатка храна и пијалаци кои сте ги консумирале. Секако, важно е редовно да посетувате стоматолог“, вели професорот Дамиен Валмсли, од британска дентална фондација.

Еве кои намирници не треба, а кои мора да ги миете пред јадење – правите големи грешки

Ивана Ефремовски — Thu, 22 Dec 2022 20:19:15 +0000

Иако се чини логично дека секоја намирница пред готвењето треба да се измие, за некои од нив оваа навика е повеќе штетна отколку добра. Миењето на одредена храна може да доведе до ширење на бактерии и други негативни последици. Во продолжение ви нудиме листа на храна, која НЕ ТРЕБА да се мие пред готвење или печење: 1. Јајца. Во индустриското производство им се става посебна супстанца, со цел да се заштитат од зараза со бактерии. 2. Пилешко месо. Многумина мислат дека миењето на пилешкото пред готвење ќе го реши проблемот со бактерии, но така само ќе ги проширите на рацете и кујнската работна површина. 3. Друго месо. Исто како и со пилешкото, не би требало да го миете ниту свинското, јагнешкото, говедското месо… Наместо со вода, од бактериите ќе се ослободите преку печење или готвење на висока температура. Ако сакате да го отстраните вишокот на сок од површината на месото користете хартиена крпа и потоа измијте ги рацете темелно. 4. Тестенини. Кулинарските шефови предупредуваат дека со миењето на тестенините се отстранува скробот кој подобро го апсорбира сосот. Тестенините може да се измијат по готвењето само ако сакате да ги користите за подготовка на салата. 5. Печурки. Ако веќе инсистирате, најдобро е кратко да ги исплакнете и исушите со хартиена крпа, наместо долго да ги држите во вода. Направете го тоа непосредно пред готвењето. За разлика од овие пет намирници, следните треба секогаш да се мијат: 1. Овошје и зеленчук со кора која се јаде задолжително мијте го пред јадење. 2. Лименки. Бактериите не можат да влезат внатре, но можат преку капакот, па најдобро е да ги измиете пред да ја отворите лименката. 3. Овошје и зеленчук со кора која не се јаде. Без оглед како ги лупите, бактериите ќе стигнат до делот за јадење. Затоа е добро најпрво да се измијат, на пример, дињите и лубениците. 4. Јаткасти плодови. Треба да се измијат дури и ако се излупени, бидејќи никогаш не се знае како и каде биле чувани. Покрај тоа, со миењето ќе ја отстраните и фитинската киселина која ги штити оревите од паразити, а може да му наштети на организмот. 5. Сушено овошје. Оваа храна се смета за една од највалканите. Дури и ако сте ја купиле во луксузно пакување- измијте ја или оставете ја да отстои натопена неколку часа.

Миењето на лицето со солена вода е во тренд, но дали е тоа добра идеја? Еве што велат дерматолозите

Ристе Здравков — Fri, 09 Dec 2022 08:25:29 +0000

Кога ќе помислите на солена вода, вашата прва асоцијација е веројатно лежењето на плажа и веселењето во морето. Но, благодарение на социјалната мрежа „ТикТок“, солената вода стана популарна заради нега и убавина. Имено, на оваа мрежа корисниците наведуваат дека миењето со солена вода е добро за отстранување на акните и намалување на црвенилото на кожата. Во повеќето случаи, мешаат обична топла вода од чешма, која ја истураат во шише со распрскувач и додаваат обична кујнска или морска сол. Потоа ја нанесуваат смесата на лицето и ја оставаат да се исуши, а потоа го мијат лицето со обична вода. Дерматолозите, се разбира, го дадоа својот збор за овој тренд. Од една страна, предупредуваат дека солта може да ја исуши кожата и да ја загрози нејзината бариера, а од друга, не оспоруваат дека солената вода би можела да биде корисна за отстранување на вишокот маснотии или за ублажување на промените предизвикани од псоријаза. Д-р Мариса Гарсик, дерматолог од Њујорк, за „Byride“ вели дека миењето со солена вода може да помогне да се намали вишокот маснотии и дека тоа би било корисно за луѓето со мрсна кожа. – Солената вода може да делува како механички пилинг и да придонесе кожата да биде посветла и помазна – вели д-р Гаршик. Но, таа предупредува дека користењето солена вода може да предизвика иритација кај луѓето со почувствителна или сува кожа. Д-р Горана Исаиловиќ, специјалист по дерматовенерологија вели дека никогаш не би го пробала ефектот од комбинацијата на топла вода од чешма и сол на себе. – Кој сака да проба нека го направи, но јас никогаш не би го направила и не би го ни препорачала – категорична е д-р Исаиловиќ.

Не претерувајте: Колку често треба да ја миете косата?

Ристе Здравков — Thu, 13 Oct 2022 07:20:12 +0000

Еве колку често во текот на една недела треба да ја миете косата! Доколку мислиш дека миењето на косата треба да го определуваш сама, PopSugar ќе те увери дека тоа не е така. Постојат многу фактори кои одредуваат колку често во текот на една недела треба да ја миеш косата, како што се текстурата на косата, состојбата на темето и фризурата. Доколку мислиш дека миењето на косата треба да го определуваш сама, PopSugar ќе те увери дека тоа не е така. Постојат многу фактори кои одредуваат колку често во текот на една недела треба да ја миеш косата, како што се текстурата на косата, состојбата на темето и фризурата. Доколку имаш мрсно влакно, секојдневното миење на косата може да биде добро за тебе, особено доколку имаш тенка, права или прекршена коса на која и треба волумен на коренот. Со кадравата коса е поинаку, не е практично поради стилизирањето и сушењето. Покрај се, кадравата коса е сува, па добро е да се мие што е можно поретко. Оние кои имаат првут, треба да ја мијат косата најмалку два пати во неделата, со специјален шампон против првут. Секој што има фарбана коса, знае дека честото миење и штети на бојата. Експертот за фарбање, Стефани Браун вели дека луѓето со фарбана коса не би требало да ја мијат косата повеќе од 3 пати во неделата, а оние кои имаат сува коса препорачува да ја мијат што е можно поретко. Доколку имаш чувство дека треба често да ја миеш косата, почни да користиш шампон за суво миење.