миг 29 – Kurir.mk

Словачка ќе и испрати на Украина aвиони МиГ-29

Тале Кристо — Fri, 17 Mar 2023 10:42:22 +0000

Словачкиот премиер Едуард Хегер денеска соопшти дека неговата Влада го одобрила планот на Украина да и испрати борбени авиони МиГ-29. Хегер истакна дека Владата едногласно одлучила да му испрати на Киев авиони од советската ера кои веќе не ги користи. Со оваа одлука Словачка стана втората земја - членка на НАТО која одговори на упорните барања на Киев за испраќање воени авиони. Полскиот претседател Анджеј Дуда вчера најави дека неговата земја на Украина ќе и испрати десет авиони МиГ-29.

САД го одбија предлогот на Полска за префрлање на нејзините авиони „миг-29“ во Украина

Ристе Здравков — Wed, 09 Mar 2022 08:28:18 +0000

САД го одбија предлогот на Полска за испраќање на нејзините борбени авиони „миг-29“ во Украина преку американска база во Германија, велејќи дека ова предизвикало сериозна загриженост за целата НАТО алијанса. Полската влада вчера ја испратила изненадувачката понуда, по постојаните повици на украинскиот претседател Зеленски да се затвори небото над Украина или на земјата да ѝ се испратат борбени авиони. Полска предложила нејзините стари руски авиони да бидат префрлени во американската база во Рамштајн, а оттаму во Украина. „Можноста авиони да полетуваат од база на САД и НАТО кон воздушниот простор на Украина оспорен од Русија предизвикува сериозна загриженост за целата алијанса. Ќе продолжиме да се консултираме со Полска и останатите сојузници по ова прашање, но не веруваме дека полскиот предлог е одржлив и рационален“, кажа портпаролот на Пентагон, Џон Кирби. Украина успеа да зачува значаен дел од своите воздушни сили од почетокот на руската инвазија пред 14 дена, кои се состојат од авиони од советско производство „миг 29“, сухој 27“ и „сухој 25“ и тоа се единствените авиони што украинските воени пилоти можат веднаш да ги летаат без дополнителен тренинг. Русија предупреди дека поддржувањето на украинските воздушни сили ќе се смета за учество во конфликтот и отвора можност за одмазда.

Се сруши воен авион, се трага по пилотот

Предраг Кукиќ — Thu, 25 Jul 2019 09:28:56 +0000

Авион на азербејџанското воено воздухопловство Миг-29 синоќа се урнал во Каспиското Море, а пилотот се води како исчезнат, соопшти денеска азербејџанската армија. Во тек е потрага по пилотот, а Министерството за одбрана формирало комисија која ќе ја истражи несреќата. Армијата соопшти дека авинот, кој бил на тренажен лет, синоќа одеднаш исчезнал од радарите.