мигранти – Kurir.mk

„Ве молам помогнете ни, киднапирани сме“: Сириец побарал помош во Македонија, вооружени Пакистанци шверцувале мигранти

Ивана Ефремовски — Fri, 03 Nov 2023 10:46:06 +0000

Откако ја прифатил „пријателската“ помош од седуммина Пакистанци да го пренесат заедно со поголема група мигранти од јужната до северната граница на нашата земја, млад Сириец сфатил дека му е загрозен животот. Овој настан се случил на 27 минатиот месец, откако Сириецот побарал од водачите да му биде пружена лекарска помош на неговиот пријател кој бил болен и не можел да го продолжи патувањето. Но тој добил закани по живот од седумтемина Пакистанци. Според неговиот исказ, тие биле вооружени и под присила ја воделе групата од 70 лица за побрзо да ја минат територијата на Македонија, објави ПлусИнфо. Барајќи помош за својот пријател, мигрантот го завртел бројот 112 и скришум разговарал со вработените во кол-центарот на ЦУК. Сето ова за ПлусИнфо го потврдија од Центарот за управување со кризи, при што открија што точно се случувало тој ден. -Некаде околу 17 часот на 27 октомври добивме повик од лице од Сирија кое ни раскажа накратко што точно се случува и за што бара помош. Се обидовме да го лоцираме, но бидејќи користеше телефон со странски број не можевме да го сториме тоа. Лицето ни кажа дека стравува да не биде фатено од вооружените Пакистанци. Тој ја користеше апликацијата „Ватсап“, ни кажуваше дека се движат, дека гледа река и слично, вели нашиот извор од ЦУК. Што се случило понатаму прочитајте на ПлусИнфо

Над 165.000 авганистански мигранти го напуштија Пакистан во октомври

Ивона Петрова — Thu, 02 Nov 2023 10:52:36 +0000

Повеќе од 165.000 авганистански мигранти го напуштија Пакистан во октомври и се вратија во својата татковина откако истече ултиматумот на владата доброволно да заминат наместо да бидат депортирани. Повеќето од овие луѓе ја поминаа границата во последните денови. Пакистанската Влада им даде рок на околу 1,7 милиони илегални Авганистанци до 1 ноември да ја напуштат земјата. Над 165.000 луѓе избраа да заминат по сопствена волја наместо да бидат уапсени и испратени во притворните центри изградени за да се олесни нивното протерување.

Две лица од Косово донеле мигранти од Сирија во Македонија

Ивана Ефремовски — Thu, 02 Nov 2023 08:54:19 +0000

На 02.11.2023 околу 01.30 часот на влез во с.Прдејци, гевгелиско, полициски службеници од Полициската станица за граничен премин и граничен надзор Богородица ги лишиле од слобода Г.З.(20) и Д.М.(19), двајцата од Косово. При контрола во возилото „фолксваген туран“ со косовска национална ознака, кое го управува З.Г., а сопатник бил М.Д., биле пронајдени седум лица мигранти од Сирија. Тие биле задржани во Полициската станица Гевгелија и по целосно документирање на случајот, во координација со јавен обвинител, против нив ќе биде поднесена соодветна пријава.

Тинејџери од Македонија возеле малолетни мигранти: Со возило излетале од патот, па нападнат е полицаец – ова се деталите

Ивана Ефремовски — Mon, 30 Oct 2023 10:39:35 +0000

На 29.10.2023 во 20:30 часот на ул.„8 Септември“ во Велес, полициски службеници од СВР Велес во координација со полициски службеници од Полициската станица за граничен надзор Михајлово ги лишиле од слобода А.И.(18) од с.Стар Караорман, штипско и Т.Ј.(18) од Штип затоа што во товарното возило „форд“ со скопски регистарски ознаки, кое го управувал А.И., а сопатник бил Т.Ј., биле пронајдени 23 лица мигранти од Сирија, од кои 10 малолетници. Имено, околу 20:05 часот на автопатот А1, полициски службеници од Полициската станица за граничен надзор Михајлово дале знак за запирање на возилото, но А.И. продолжил со движење и со возилото влегол во Велес и на ул.„8 Септември“ излетал од патот и со возилото паднал во ископ. Притоа, со повреди се здобил еден малолетник, констатирани во болницата во Велес. При приведувањето А.И. физички нападнал полициски службеник. По наредба на јавен обвинител увид на местото извршила екипа од СВР Велес. По целосно документирање на случајот ќе бидат поднесени соодветни пријави.

Приведени седуммина криумчари од Пакистан, пронајдени 70 мигранти

Ивона Петрова — Fri, 27 Oct 2023 13:54:08 +0000

На 26/27.10.2023, во периодот од 20.00 до 02.30 часот полициски службеници од Регионалниот центар за гранични работи Југ, СВР Струмица и од НЕКМТСЛ, во координација со Одделот за сузбивање на организиран и сериозен криминал лишиле од слобода 7 мигранти од Пакистан, поради постоење основи на сомнение дека се сторители на кривично дело „криумчарење на мигранти, согласно член 418-б од Кривичниот законик. -Имено, на 26.10.2023 околу 17.00 часот било пријавено дека на 1,5 км јужно од Негорци, во близина на Серменинска река, се наоѓа поголема група мигранти од Сирија, која е во движење, предводена под присила од страна на неколку мигранти од Пакистан. Од страна на РЦ за ГР ЈУГ и СВР Струмица веднаш биле испратени полициски службеници на посочената локација, во содејство со припадници на Одделот за специјални полициски операции. По детално пребарување на теренот, откриени се вкупно 77 мигранти (Сирија–52, Пакистан-13, Турција-5, Ирак-5 и Индија-2), а меѓу нив и седумте мигранти од Пакистан, кои биле посочени како водичи на групата, информира МВР. За случајот е известен Јавен обвинител од ОЈОГОК – Скопје, а денеска (27.10.2023) против седумте мигранти од Пакистан е поднесена кривична пријава.

Приведен српски државјанин, во неговото возило пронајдени седум мигранти од Сирија

Тале Кристо — Mon, 23 Oct 2023 17:56:07 +0000

На наплатна станица Смоквица денеска лишен е од слобода М.С.(28) од Република Србија. При контрола на патничко возило „форд мондео“ со српска национална ознака, кое го управувал, пронајдени се седум лица мигранти од Сирија. Како што соопшти МВР, М.С. е приведен во полициска станица, а за случајот е известен јавен обвинител и по негово комплетно документирање ќе биде поднесен соодветен поднесок. Лицето било лишено од слобода од патролен тим од Полициска станица за граничен премин и граничен надзор Богородица, при РЦ Југ.

Двајца мигранти се уапсени во прифатниот центар Блажуј, кај Сараево, 17 ќе бидат депортирани од БиХ

Тале Кристо — Mon, 23 Oct 2023 14:35:07 +0000

Припадници на повеќе полициски агенции во Босна и Херцеговина денеска спроведоа операција „Рација“ во прифатниот центар за мигранти Блажуј кај Сараево, при што уапсија две лица од Либија и Мароко за поседување наркотична дрога. Во акцијата пронајдено е ладно оружје, како и наркотична дрога марихуана и хероин. Во акцијата е констатирано и дека 17 лица сместени во прифатниот центар илегално престојуваат на територијата на Босна и Херцеговина, поради што може да се поврзат со шверц на луѓе и други незаконски активности. Како што беше најавено, тие ќе бидат протерани од БиХ. Триста припадници на неколку полициски агенции во БиХ денеска извршија претрес во центарот за мигранти во Блажуј кај Сараево со цел да пронајдат лица кои нелегално престојуваат таму, како и да откријат нелегално оружје и наркотици.

Шолц: Мора брзо да ги депортираме мигрантите кои немаат право на престој

Тале Кристо — Sat, 21 Oct 2023 08:01:52 +0000

Германија мора брзо да ги депортира мигрантите кои немаат право на престој, но и да продолжи да ги прифаќа оние кои имаат право на азил и оние со потребните вештини, изјави германскиот канцелар Олаф Шолц во интервју за весникот Дер Шпигел. „Мораме да ги депортираме во голем обем оние кои немаат право да останат во Германија“, рече Шолц. Тој нагласи дека оние кои немаат услови за азил и немаат шанси да останат мора да си заминат. „Мора да депортираме повеќе и побрзо“, изјави германскиот канцелар. Шолц рече дека е неопходен „цел пакет мерки“ за ограничување на илегалната миграција, што вклучува подобра заштита на надворешните граници на Европската унија и построга контрола на границите на Германија со соседните членки на ЕУ. Канцеларот додаде дека Германија мора да продолжи да прифаќа бегалци кои имаат право на азил поради политички прогон или други легитимни причини, како и да привлекува повеќе мигранти со потребните вештини. „Но, оние што не припаѓаат на ниту една група не можат да останат со нас“, повтори Шолц. Интервјуто беше објавено додека владејачката коалиција, составена од Социјалдемократската партија (СПД), Зелените и Слободната демократска партија (ФДП), дебатираше за миграциската политика.

Во два одвоени случаи во Грција спасени 84 мигранти и извлечени безживотните тела на две лица

Катерина Бојаџиева — Wed, 18 Oct 2023 08:37:28 +0000

Во близина на грчките острови Лезбос и Самос, во два одвоени случаи со чамци со мигранти, животот го загубиле двајца, а Крајбрежната служба на Грција спасила вкупно 84 лица, јави дописничката на МИА од Атина. Северозападно од Самос, биле спасени 47 мигранти, од кои 16 деца и биле пренесени на островот, а од морето било извлечено безживотното тело на една жена. Според тврдењата на преживеаните, лицето кое управувало со чамецот, за да побегне паднал во морето и оттогаш се води како исчезнат. Во вториот случај, во морскиот дел јужно од Лезбос биле лоцирани и спасени 37 лица, а еден маж го загубил животот. Поконкретно, Крајбрежната служба на Грција преку европскиот број за итни случаи 112 била известена за чамец во тешка позиција, на кој се пренесувале мигрантите. Спасените биле безбедно префрлени на пристаништето во Митилини. И за двата случаи надлежните започнале прелиминарна истрага.

Мигранти од Сирија и Палестина донесени во Македонија со бугарско возило

Ивана Ефремовски — Tue, 17 Oct 2023 19:07:27 +0000

На 16.10.2023 во 16:05 часот на крстосница Богданци, полициски службеници од Полициската станица за Граничен премин и граничен надзор Стар Дојран забележале патничко моторно возило „тојота“ со бугарски национални ознаки и патничко моторно возило „ауди а8“, во кои се превезувале мигранти. Во близина на с.Фурка, дојранско, возилата застанала и ги истовариле мигрантите, по што заминале. На место биле пронајдени четири лица мигранти (по двајца од Сирија и Палестина), а набргу на влезот од с.Фурка било пронајдено возилото „тојота“. За настанот бил известен јавен обвинител, а увид на местото извршила екипа од ОВР Гевгелија. Мигрантите биле спроведени во прифатно-транзитен центар „Винојуг“ – Гевгелија за понатамошна постапка и се преземаат мерки за расчистување на случајот.