мигрантска криза – Kurir.mk

Состанок на Советот за безбедност на ОН за мигрантската криза

Ивона Петрова — Fri, 12 Nov 2021 06:38:47 +0000

Естонија, Франција, Ирска, Норвешка, САД и Велика Британија го покренале прашањето за мигрантската криза за време на состанокот на 15-члениот Совет за безбедност на Обединетите нации зад затворени врати. – Ја осудуваме оркестрираната инструментализација на луѓето чии животи и благосостојба Белорусија ги загрози за политички цели, со цел да се дестабилизираат соседните земји и надворешната граница на Европската унија и да се оттргне вниманието од сопственото растечко кршење на човековите права, се вели во соопштението. Естонија, Франција, Ирска, Норвешка, САД и Велика Британија го опишаа пристапот на Белорусија како неприфатлив и го обвинија претседателот Александар Лукашенко дека станува закана за регионалната стабилност, повикувајќи на силен меѓународен одговор за да се повика Белорусија на одговорност, ветувајќи дека ќе разговараат за понатамошни мерки кои можат да се преземат.

Бајден ја задолжи Камала Харис за мигрантската криза на границата со Мексико

Тале Кристо — Thu, 25 Mar 2021 06:57:25 +0000

Американскиот претседател Џо Бајден ја задолжи својата заменичка Камала Харис да управува со чувствителното прашање за приливот на мигранти на границата меѓу САД и Мексико. -Ви доверувам тешка задача, и рече тој на состанокот во Белата куќа. -Таа се согласи да го води тој дипломатски проблем“, додаде Бајден, осврнувајќи се на разговорите со Мексико, Салвадор, Гватемала и Хондурас, земјите од кои доаѓаат повеќето мигранти. -Оваа ситуација е вистински предизвик, одговори Харис. Тоа е првиот предмет што Бајден и го довери. Делегација на Конгресот и претставници на Белата куќа денеска треба да заминат на границата со Мексико, во прифатниот центар во Тексас, соопшти Белата куќа, која републиканците ја обвинуваат дека одбива да ги преземе сите кризни мерки на јужната граница, особено во врска со доаѓањето на многу малолетници без придружба.

Се бара итно решавање на мигрантската криза во БиХ

Тале Кристо — Thu, 21 Jan 2021 13:40:32 +0000

Организацијата за заштита на човековите права „Хјуман рајтс воч“ (ХРВ) денеска апелираше до Босна и Херцеговина веднаш да преземе мерки за да обезбеди заштита на стотиците мигранти кои претстојуваат во нехумани услови. Апелот пред се се однесува на мигрантите кои се сместени во околината на Бихаќ. – Стотици мигранти и баратели на азил во северозападниот дел на БиХ зимските денови ги поминуваат во тешки услови бидејќи локалните власти повеќепати пропуштија да преземат мерки за да одговорат на нивните основни потреби, изјави претставничката на ХРВ, Лидија Гејл. Според ХРВ недозволено е стотици мигранти во зимски услови да престојуваат под шатори и без нужна медицинска нега и затоа бара итни мерки за обезбедување на соодветно сместување. Критиките упатени до властите на БиХ се однесуваат пред се на импровизираниот бегалски камп Липа во околината на Бихаќ. Во Липа минатато лето беше воспоставен прифатен центар со повеќе од илјада мигранти под шатори, но во декември Меѓународната организација за миграција (ИОМ), која управуваше со ццентарот, процени дека не може да гарантира безбедно сместување во зимски услови бидејќи шаторите може да се урнат т под тежината на снегот.

Вучиќ ја затвора границата со Македонија, алармирани безбедносните служби по најавите за наплив на мигранти

Ивона Петрова — Fri, 06 Mar 2020 07:24:54 +0000

Претседателот на Србија, Александар Вучиќ издал упатства во случај на голем мигрантски притисок до Македонија. Налогот за приправност е доставен до војската, полицијата и припадниците на БИА. Српските медиуми јавуваат дека Вучиќ дал налог речиси херметички да се затвори српската граница кон Македонија, доколку дојде до наплив на мигранти кои веќе со денови се обидуваат да влезат во Грција од турска страна. Според „Новости“, Вучиќ се одлучил превентивно на ваков чекор водејќи грижа пред се за националната безбедност. Вучиќ, пишуваат српските медиуми, секојдневно добивал оперативни податоци од безбедносните служби откако турскиот претседател Реџеп Таип Ердоган ги отвори границите и ги пушт мигрантите. Српскиот претседател бил цврст во уверувањето дека Србија, доколку биде потребно, ќе ја заштити својата територија и нема да стане „паркинг за мигранти“. Медиумите пишуваат дека ситуацијата станала сериозна кога Турција пуштила околу 130.000 мигранти кои се упатиле кон Европа по балканската рута која во најголем дел е затворена по мигрантската криза во 2015 година.

Претседателството на БиХ денеска е расправа за мигрантската криза

Дарко Андоновски — Tue, 11 Jun 2019 07:12:00 +0000

Претседавачот со претседателството на БиХ, Милорад Додик, закажа итна седница заради миграциската криза и особено тешката ситуација во Унско-санскиот кантон. Додик рече дека не верува дека на седницата да бидат донесени некои конкретни резултати, јавија сараевски медиуми. Како што рече, тој не сакал да одбие да свика седница, побарана од членот на претседателството на БиХ, Жељко Комшиќ, додавајќи дека се сомнева во нејзиниот соодветен исход. Додик додаде дека никој нема да ја испрати армијата на границата со Србија за да спречи влез на мигранти и потсети дека се одржа седница посветена на проблемот со мигрантите, каде што беше констатирано дека треба да се изготви сеопфатен план и да се даде задача на Советот на министри да го стори тоа, но дека ништо се уште не е направено.

Соседите на Венецуела бараат помош за справување со мигрантската криза

Матеја Петровски — Wed, 05 Sep 2018 06:21:06 +0000

Група латиноамерикански земји денеска повикаа да се зголеми помошта за илјадниците мигранти од Венецуела, кои ја напуштија земјата по нејзиниот економски колапс. Вкупно 11 земји од регионот, во главниот град на Еквадор, Кито, потпишаа декларација во која повикуваат на „значително зголемување“ на ресурсите за справување со миграцијата од Венецуела, која ОН неодамна ја нарече „кризен момент“. Декларацијата, која беше потпишана од Аргентина, Бразил, Еквадор, Костарика, Колумбија, Чиле, Мексико, Панама, Парагвај, Перу и Уругвај, беше усвоена по дводневен состанок на работни групи. Во документот се повикува да се зголеми помошта за венецуелските мигранти како од самите земји, така и од ОН и други специјализирани меѓународни организации. Земјите исто така го повикаа Каракас да воспостави процедури со кои на сите жители на Венецуела ќе им се издаваат документи кои им се потребни за слободно движење преку границите. Венецуела не учествувала на состанокот, иако била поканета, соопштија организаторите. Државите потписнички се договорија и да формираат регионална програма за размена на информации за венецуелските мигранти, со цел да се обезбеди ред и безбедност на миграциските текови. Од 2015 година, 1,6 милиони Венецуелци ја напуштиле својата земја, од кои 90 отсто пристигнуваат во соседните земји од Јужна Америка, покажуваат податоци на ОН. Во исто време, властите во Венецуела негираат дека во земјата има хуманитарна криза. (Миа)

Конкретни планови за центри за повратници надвор од ЕУ

Матеја Петровски — Tue, 10 Jul 2018 10:13:58 +0000

Австрија во Брисел го предаде планот за решавање на мигрантската криза преку воспоставување центри за повратници, кои би биле надвор од ЕУ, и од кои, странците на кои им е одобрен престој, бидат протерани. Официјална Виена првите денови од претседавањето со ЕУ ги искористи за покренување на план за решавање на мигрантската криза. Во Брисел беше упатен документ од девет страници, во кој се предлага барањата за азил повќе да не се прифаќаат на територијата на ЕУ. Според виенскиот весник „Стандард“, тие центри за повратници треба да бидат формирани надвор од ЕУ, во трети држави. Во тие центри треба да се префрлат сите странци, кои биле одбиени за азил, а кои не можат да бидат протерани во нивната држава поради непостоење на подготвеност во тие држави или самите лица. Тоа би погодило голем број луѓе, кои во моментов не може да се протераат. Документот од Виена е предаден на Одборот за мигрантски, гранични, азилантски прашања на Советот на ЕУ, каде е покрената дискусија. (Миа)

Курц: Постои опасност од заострување на мигрантската криза

Ивона Петрова — Wed, 20 Jun 2018 09:56:59 +0000

Австрискиот канцелар Себастијан Курц денеска изјави дека постои опасност од натамошно заострување на мигрантската криза, поради спорот околу политиката за доделување азил во Германија. Пред средба со претставници на Владата на германската покраина Баварија во австриксиот град Линц, Курц нагласи дека Австрија се подготува за враќање на мигрантите од границата на Германија, мерка за која се залага германскиот министер за внатрешни работи Хорст Зехофер, - Мораме да бидеме подготвени на зајакнување на националните контроли на гранците во Европа, започнувајќи од Германија, истакна Курц, додавајќи дека е во интензивни контакати со австриските министри за одбрана и за внатрешни работи. Австрискиот канцелер потенцира дека не сака да се меша во внатрешната дебапата во Германија во врска со миграцијата, но сепак упати критики за политиката кон мигрантите на германската канцеларка Ангела Меркел. - Оние кои во 2015 година ги отворија границите (за мигрантите) се виновниците поради кои денес постојат гранични контроли меѓу Австрија и Баварија, Унгарија и Австрија и Италија и Австрија и затоа што ситуацијата може и да се влоши, порача Курц. Според него, единствена добра работа во целата оваа расправа во Германија е тоа што таа поттикнала „нова динамика на европско ниво, па сега постои поголема шанса нешто да се придвижи во ЕУ“. Меркел се соочува со незадоволство на најмалиот партнер во германската Влада, баварската Христијанско социјална унија (ЦСУ) на Зехофер, која и даде рок од 10 дена за постигнување европски договор за ограничување на миграцијата, за кои членките на ЕУ не успеваат да се договрат веќе со години. Курц нагласи дека Австрија не сака никакви караници меѓу германските коалициски партнери, додавајќи дека Виена нема никаква полза од конфликтите во други земји. Тој потврди и дека во текот на оваа недела ќе има средба со Меркел и со неколкумина други лидери од ЕУ, посветена на прашањето на миграцијата. - Сакаме единствен став со Германија и заедничко дејствување. Морам да нагласам дека е поптребна оваа дискусија за решавање на мигрантското прашање. Не може да се премолочува дека и натаму преголем број луѓе се движат кон централна Европа, истакна Курц, додавајќи дека не може да се чека да се повтори „катастрофата“ од 2015 година, кога во централна Европа преку Балканот пристигнаа над еден милион мигранти. МИА

Папата повика на глобален одговор на мигрантската криза

Даниел Василев — Thu, 14 Jun 2018 12:57:35 +0000

Папата Франциско повика на мултинационален одговор на илегалната имиграција, бидејќи проблемот често ги „надминува можностите и ресурсите" на одделните држави. Апелот е дел во пораката испратена од папата на денешната конференција помеѓу Ватикан и Мексико посветена на миграцијата. Изјавата се совпадна со зголемените тензии во Европа, поврзано со одбивањето на Италија да прифати брод со спасени мигранти. Државниот секретар на Ватикан, кардиналот Пјетро Паролин изрази уверување дека Италија ќе го преземе својот дел од одговорноста, но мора да има „заеднички одговор“ на проблемот, за таа земја да не биде оставена сама. МИА