миха зарабец – Kurir.mk

Зарабец прави трансфер во Висла Плоцк

Бошко Тасиќ — Fri, 23 Dec 2022 06:15:22 +0000

Словенечкиот среден бек и актуелен член на Кил, Миха Зарабец од следната сезона би можел да биде ново засилување во екипата на Висла Плоцк, пренесува полскиот портал „Спортове Факти“. Искусниот ракометар, кој од 2017 година го носи дресот на ,,зебрите” најверојатно нема да го продолжи договорот со некогашниот европски шампион и во следната сезона ќе има нов интернационален предизвик. Според споменатиот медиум, раководството на Висла Плоцк испратило понуда до Зарабец и наскоро треба да биде познато дали средниот бек на Кил ќе продолжи во полскиот вицепрвак. На позицијата среден бек во Висла Плоцк моментално настапува репрезентативецот на Русија, Димитри Житников и интернационалецот од Јапонија, Кошкуе Јашура. И на двајцата ракометари договорите им истекуваат на лето.

Зарабец: Знаеме дека во Скопје е тешко, фановите се „луди“ за ракомет

Ристе Здравков — Tue, 26 Oct 2021 11:00:01 +0000

„Несуденото“ засилување на Вардар кое беше огромна желба на Михајло Михајловски и поранешниот тренер Стевче Алушовски, Миха Зарабец со својот Кил утре ќе гостува во СЦ „Јане Сандански“ во дуел од Лигата на шампионите. Одличниот организатор на играта го најави дуелот, а имаше пофални зборови за навивачите и атмосферата на натпреварите во Скопје. Веројатно Зарабец го памети гостувањето во 2019 година, кога пред полни трибини во неверојатна атмосфера Кил успеа да победи. „Вардар е само два бода зад нас, тимот играше одлично досега. Знаеме колку е тешко да се победи во Скопје. Атмосферата таму е напната, фановите во арената се „луди“ за ракомет. Победивме на последното гостување таму, па Вардар ќе сака да се одмазди. Сепак, ние планираме да дојдеме до бодовите. Јас едвај го чекам натпреварот, бидејќи ќе се игра во специфична атмосфера“, изјави Зарабец. Утрешната пресметка ќе биде нов сериозен тест за силите на Вардар. Откако дома го добија Алборг, врзаа два порази и против Кил ќе се брка изненадување.

Зарабец потпиша нов договор со Кил, ништо од трансферот во Вардар

Бошко Тасиќ — Thu, 25 Mar 2021 21:56:05 +0000

Словенечкиот ракометен репрезентативец Миха Зарабец потпиша нов договор со европскиот ракометен шампион Кил. Постоеше шанса овој одличен ракометар по истекот на договорот со „зебрите“ да пристигне во Вардар, но Зарабец на крајот реши да ја прифати понудата за нова двогодишна соработка со Кил, клубот со кој во декември стигна и до европската круна.

„Секој ракометар знае што значи Кил. Ова е мојот клуб од соништата, самото носење на дресот на Кил прави да бидете горд. Среќен сум што потпишав нов договор, со нетрпение го очекувам денот кога повторно ќе играме пред нашите верни навивачи“, изјави Зарабец.

Вардар ја краде ѕвездата на Кил

Ристе Здравков — Mon, 22 Jun 2020 07:42:30 +0000

28 годишниот централен бек, довчерашен играч на германскиот гигант THW Kiel и репрезентативец на Словенија, Миха Зарабец, ќе го пополни и второто празно место на позицијата централен бек, во редовите на европскиот, балканскиот и македонски ракометен шампион РК Вардар. Како што дознаваме освен Зарабец, Вардар е пред потпис со уште еден играч на левата бековска позиција со што трансфер листата и ростерот за оваа натпреварувачка сезона ќе бидат затворени.