Михаел Артета – Kurir.mk

ПСЖ во трка по Микел Артета за нов тренер од следната сезона

Бошко Тасиќ — Mon, 17 Apr 2023 14:50:55 +0000

Клубот од Лондон Арсенал ги прекина преговорите за нов договор на Микел Артета. Не се работи за сомнеж во неговата работа, туку не сакаат да го оптоварат Шпанецот во борбата за титулата. Сепак, „топчиите“ стравуваат дека би можеле да го загубат Артета, затоа што раководството на ПСЖ наводно е импресионирано од неговата работа и го гледа како идеално решение за наследник на Кристоф Галтие.

Артета: Ги имавме, разликата беше…

Бошко Тасиќ — Thu, 16 Feb 2023 05:34:59 +0000

Арсенал го претрпе првиот лигашки пораз на домашен терен во оваа сезона и тоа од директниот конкурент за титулата Манчестер Сити кој славеше на „Емирејтс“ со 3-1. Домаќините ја имаа топката во своите нозе, севкупно упатија повеќе удари од проотивникот, ама само еден беше во рамката на голот што се покажа како недоволно за позитивен резултат. Со овој неуспех „топчиите“ го загубија врвот на табелата, но без разлика на тоа тренерот Микел Артета верува дека неговите момци ќе имаат што да кажат до крајот на кампањата. -Голема, голема битка, особено до вториот примен гол, ги имавме-имавме чувство дека можеме да ги победиме, ама им подаривме три гола и натпреварот на крајот. Одредени грешки на ова ниво не смеете да ги направите. Тимот го постави нивото многу високо во исто време.Тие играа со долги топки и се мачевме да излеземе од тие зони, не ја читавме добро ситуацијата и не казнуваа, -рече Микел кој потоа говореше и за трката за пехарот. -Верувам повеќе во тоа отколку пред натпреварот, со овој настап против тим како Сити. Тие сакаа да играат поинаков натпревар од оној што го игравме и со навивачите што ги имавме можевме тоа да го сториме. Имаат верба, можам тоа да го почувствувам. Тие чувствуваат дека можат тоа да го направат. Разликата беше во казнениот простор, имаа три шанси и ги искористија. Ние имавме шанси и не ги реализиравме, -порача Шпанецот за „Би-Би-Си“.

Артета: Не сакаше топката да влезе во нивната мрежа, но не се откажавме

Бошко Тасиќ — Mon, 23 Jan 2023 06:03:20 +0000

Арсенал славеше со 3-2 против Манчестер јунајтед и направи чекор кон титулата во Премиерлигата. Тренерот Микел Артета даде коментар за мечот и кажа дека верувале постојано во победа против ривалот. „Добивме натпревар со многу емоции. Не можеше да биде подобро од ова. Топката не сакаше да влезе во нивната мрежа, но останавме мирни и не се откажавме. Заслужуваме да бидеме таму каде што сме во моментов“, кажа Артета. Арсенал е лидер со 50 бодови, односно пет повеќе од Манчестер сити, а има одиграно и еден меч помалку.

Артета: Може да се каже дека сме кандидати за титулата

Ристе Здравков — Mon, 07 Nov 2022 08:30:30 +0000

Пред почетокот на актуелната сезона се очекуваше дека Ливерпул ќе биде најблиску до Манчестер Сити во борбата за титулата во Премиер лигата, но ситуацијата не е таква. После 13 одиграни кола Арсенал е лидерот на табелата. Избраниците на Артета имаат 11 победи, едно реми и еден пораз. „Точно, денес може да се каже дека се бориме за титулата, но утре ќе биде тешко. Треба да видите што направи Манчестер Сити во изминатите шест години. Го имаат најдобриот тренер и најдобриот тим во светот, покажаа континуитет во секое натпреварување. Ние растеме и стануваме подобри како тим, имаме добри резултати, но сезоната е долга“, изјави Артета.

Управата на Арсенал му нуди нов договор на Михаел Артета

Бошко Тасиќ — Sun, 23 Jan 2022 07:46:44 +0000

Лондонскиот фудбалски клуб Арсенал е во преговори за нов договор со тренерот Микел Артета. Според британскиот весник „Дејли мејл“, раководството на „топчиите“ сака да му понуди нова соработка на две години. Сегашниот договор со тренерот е до јуни 2023 година, а според новиот, тој ќе биде тренер до 2025. Артета е менаџер на лондонскиот тим од декември 2019 година. Под негово водство, тимот го освои ФА Купот и Суперкупот. Арсенал оваа сезона е 7-ми во Премиер лигата со 35 бода од 20 натпревари.