Михаел Балак – Kurir.mk

Балак со емотивна порака на годишнината од смртта на неговиот син

Ристе Здравков — Fri, 05 Aug 2022 19:34:42 +0000

Германската фудбалска легенда, Михаел Балак преку социјалните мрежи прати емотивна порака до неговиот син Емилио, една година откако тој го загуби животот на 18 години при мотоциклистичка несреќа во Португалија. Емилио бил на семеен годишен домор во Троја, во близината на Лисабон, кога неговиот квад-мотоцикл се преврте минатиот август. 45-годишниот Балак со фотографија и со кратка поема се потсети на трагедијата. „Мој сакан ангелу, се сеќавам на твојата насмевка, среќа и радост. Се сеќавам на твоето светло! Со многу љубов и многу емоции ќе се молам денеска за тебе и за твојата душа да почива во мир. Ќе се молам и за твоите браќа со целосна љубов. Те држам блиск до срцето“, напиша Балак. Емилио, кој беше роден во 2002 е средниот син на Балак, тој има уште два сина – Луис (2001) и Жорди (2005).

View this post on Instagram

A post shared by Michael Ballack (@michaelballackofficial)

ФУДБАЛОТ ПРЕД СЀ: Околу него играат танчерки а тој на телефон го гледа Челзи – ова видео од Балак стана хит на социјалните мрежи (ВИДЕО)

Магдалена Андонова — Sun, 30 May 2021 12:29:11 +0000

Германскиот фудбалер Михаел Балак на двапати играше во финале во Лигата на шампионите но не го освои. Тој и натаму е врзан за Челзи и финалето против Сити го проследи во необична атмосфера. Тој беше во еден ноќен клуб и додека танчерките играа пред него тој гледаше во својот мобилен телефон на кој одеше преносот на мечот од Порто.

Michael @Ballack, you legend! 🤣pic.twitter.com/DQ6lj7nLx2
— Sripad (@falsewinger) May 29, 2021

Германската фудбалска легенда денеска итно опериран

Магдалена Андонова — Thu, 20 Aug 2020 16:04:53 +0000

Германската фудбалска легенда Михаел Балак денеска итно беше опериран, за да му биде отстранет тумор. Истиот се наоѓал во пределот на кичмата. Според Билд, операцијата била успешна, а се чекаат понатамошните резултати. Во моментов Балак се наоѓа во Португалија, на рехабилитација и таму ќе остане неколку дена. Докторите напоменуваат дека се работи за исклучително сериозна операција и тоа во пределот каде што има многу нерви, но за среќа на сите минала доста успешно.

Балак: Ван Дајк има среќа да не игра против напаѓачи како Дрогба, Ширер, Анри и Руни

Ивана Ефремовски — Sun, 24 May 2020 07:47:52 +0000

Поранешниот играч од средниот ред на Челси, Михаел Балак, се чини дека не се согласува со тврдењата дека Вирџил ван Дајк е најдобриот дефанзивец во историјата на Премиер лигата. Германецот смета дека дефанзивецот има среќа што не мора да игра против напаѓачи од класата на Дидие Дрогба, Алан Ширер, Тиери Анри, Вејн Руни и други. – Ван Дајк има многу среќа да игра во ера во која на Премиер лигата и недостасуваат играчи како Дидие Дрогба, Френк Лампард, Алан Ширер, Тиери Анри, Вејн Руни, Робин ван Перси, Карлос Тевез, Емануел Адебајор и Диего Кошта. Ништо чудно дека сите мислат дека тој е најдобриот дефанзивец во светот, рече Балак.