михаел хансен – Kurir.mk

Михаел Хансен се враќа на ракометот

Бошко Тасиќ — Tue, 18 Jul 2023 03:47:34 +0000

Данската ракометна звезда Михаел Хансен по завршување на Светското првенство во ракомет одлучи да се повлече од терените и да направи пауза. Причината за ваквиот потег на еден од најдобрите ракометари на денешницата беше стресот, кој го натера Хансен да ја прекине кариерата. Данскиот Алборг најави дека на подготовките закажани за во четврток ќе се појави и данскиот репрезентативец. Хансен се чувствува одлично, и физички и ментално, па ќе биде во можност да продолжи да го прави она што го сака, а тоа е играње на ракомет.

Михаел Хансен се враќа во Алборг за следната сезона

Бошко Тасиќ — Tue, 16 May 2023 04:52:30 +0000

Еден од најдобрите светски ракометари Микел Хансен замина на принуден одмор од ракометот поради психички стрес и по неколку месеци повторно се враќа на ракометните терени. Шутерот моментално е член на Алборг, но данскиот клуб нема да може да смета на Хансен до крајот на актуелната сезона. Данскиот репрезентативец ќе го продолжи одморот за психички комплетно да заздрави, а ќе се приклучи на тренинзите за стартот на следната сезона. Истовремено, од Алборг побараа поддршка за Хансен и медиумски и побараа приватност за него и неговото семејство од страна на новинарите.

Шок одлука на Хансен, ја прекина кариерата

Бошко Тасиќ — Thu, 09 Feb 2023 05:53:20 +0000

Еден од најдобрите светски ракометари, Микел Хансен ја шокираше ракометната јавност со веста дека ја прекинува кариерата на неодредено време. Имено новиот клуб се огласи со соопштение во кое информираше дека Хансен оди на „пауза“, а причината за тоа е стресот. -Ова беше тешка година за Хансен, прво со згрутчување на крвта во пролетта 2022 година, враќањето во Данска со семејството по десет успешни години во странство како и огромниот напор и фокус на преминот во Алборг и на крајот Светското првенство во јануари 2023 година. По неговото враќање дома од финалето на СП, чашата беше полна, а заедно го направивме единствениот вистински избор каде единствениот фокус е Микел е да го добие потребното време и професионална поддршка за закрепнување.Со нетрпение го очекуваме враќањето на Микел, но во моментов е најважното нешто е грижата за себе и за негово семејство, -порача директот на Алборг, Јан Ларсен. Воедно од Алборг порачаа да не го вознемируваат Хансен и неговото семејство затоа што им е потребен мир.

Хансен ја доби наградата за најдобар ракометар на светот

Бошко Тасиќ — Sun, 27 Mar 2022 05:13:46 +0000

Данскиот ракометар Микел Хансен има дијагноза воспалена вена во комбинација со белодробна емболија, шокантна вест која претходно ја објави неговиот клуб ПСЖ. Еден од најдобрите светски ракометари, кој долги години заслужено го носи епитетот, сега ќе паузира најмалку четири до шест месеци бидејќи болеста ќе се лекува со антикоагуланси кои се „неспоиви со контактни спортови на високо ниво“. Неколку дена по објавата на ПСЖ за неговата болест, Данецот сега го доби признанието за најдобар ракометар на светот од страна на на ракометниот портал, „Хендбол Планет“. Данецот славеше пред Алеикс Гомез, Дајк Мем и Хампус Ван. Микел Хансен на Инстаграм напиша дека се уште се чувствува малку шокиран со семејството и призна дека ќе му биде тешко да живее одреден период без ракомет.

Данска без Хансен и Ландин на последните два меча од квалификациите за ЕП

Бошко Тасиќ — Tue, 13 Apr 2021 20:52:59 +0000

Данската ракометна репрезентација го објави списокот на ракометари кои ќе конкурираат за настап на натпреварите против Финска и Швајцарија во квалификациите пласман на Европското првенство. Селекторот Николај Јакобсен одлучи да има даде одмор на на најдобрите Никлас Ландин, Микел Хансен, Хенрик Мелгард и Ласе Сван кои сигурно нема да настапат на последните два квалификациски меча. Светскиот првак најпрво ќе гостува во Цирих, а неколку дена подоцна ќе биде домаќин на финската репрезентација. Цел е да се освојат максимален број бодови кои ќе донесат заверка на првата позиција на табелата каде се наоѓа и нашата репрезентација.

Михаел Хансен позитивен на коронавирус

Бошко Тасиќ — Sun, 04 Apr 2021 15:26:25 +0000

Еден од најдобрите ракометари во светот и дански репрезентативец Микел Хансен е позитивниот потврден случај на коронавирус од двомечот меѓу Македонија и Данска во квалификациите за пласман на Европското првенство. По Миркуловски, Линдберг и Мелгар и Хансен бил позитивен веднаш по завршувањето на двата меча со Македонија. Францускиот клуб пред десет дена потврди дека двајца ракометари по враќањето од своите репрезентации се позитивни на вирусот, а француските медиуми пренесуваат дека еден од нив е и првата ѕвезда на ПСЖ.