михаил рот – Kurir.mk

Мицкоски на средба со Рот: Владата која ја води Македонија нема кредибилитет да управува со државата

Ивана Ефремовски — Wed, 31 Aug 2022 17:00:57 +0000

Денес претседателот на ВМРО-ДПМНЕ, Христијан Мицкоски, заедно со потпретседателите на партијата Александар Николоски и Тимчо Муцунски, како и секретарот за меѓународна соработка Стефан Андоновски, оствари средба со претседателот на Комисијата за надворешни работи на Германскиот Бундестаг, Михаил Рот. На средбата од страна на Мицкоски беше истакната благодарност за помошта која до сега сме ја имале од Германија, како на патот кон евроатлантските организации, така и економски. Мицкоски истакна дека моментално владата која ја води Македонија нема кредибилитет да управува со државата, и дека дополнително сите чекори кои што ги влече, ја водат државата во економска неизвесност и катастрофа. Беше предочено дека владата воопшто нема капацитет да се справи со кризата која ја имаме, а во голема мерка е резултат на домашно генерирана неработа и криминал, но и дека очекувањата на граѓаните и стопанството од власта се песимистички. Мицкоски истакна дека народот бара надеж, и дека се потребни избори, и промена на власта. Дополнително беше истакната и заложбата на партијата за членство во ЕУ.

Муцунски: На средбата со Рот, ВМРО-ДПМНЕ ја пренесе пораката дека патот на Република Македонија е кон полноправно членство во ЕУ

Катерина Бојаџиева — Thu, 27 May 2021 19:07:08 +0000

Пратеникот Тимчо Муцунски од редовите на ВМРО-ДПМНЕ и Коалицијата „За обнова на Македонија“ во емисијата „10 Минути“ зборуваше и за средбата со германскиот министер Михаил Рот, каде истакна дека заедничка цел е полноправно членство на Македонија во ЕУ. „Сојузна Република Германија е стратешки поддржувач на тоа што е наша клучна надворешна политичка цел, а тоа е полноправно членство во ЕУ. Сојузна Република Германија веќе подолг период исто така поддржува пристапување и отворање на првата меѓувладина конференција врз основа на критериуми кои што се објективни и мерливи. И во таа насока имавме средба на која што се афирмираше од што побрзо случување на првата меѓувладина конференција, тоа и ние го афирмиравме и од Германија имаме постојана поддршка во таа насока“, истакна Муцунски. Муцунски додаде дека на средбата се разговараше и за билатералните односи кои што секако треба да се надградуваат. „Ние ја пренесовме нашата порака дека патот на Република Македонија е кон полноправно членство во ЕУ, стратешка цел од која што нема отстапување“, нагласи Муцунски.

Мицкоски оствари средба со министерот за Европа на СР Германија, Михаил Рот

Ивана Ефремовски — Thu, 27 May 2021 09:41:07 +0000

Претседателот на ВМРО-ДПМНЕ, Христијан Мицкоски оствари средба со министерот за Европа на СР Германија, Михаил Рот. На средбата присуствуваа и потпретседателите Александар Николоски и Владо Мисајлоски и секретарот за меѓународна соработка Тимчо Муцунски. На средбата претседателот Мицкоски го запозна господинот Рот со политичката ситуација во земјата, но и недемократскиот однос на власта. Претседателот Мицкоски се заблагодари за поддршката која ја добиваме од СР Германија во евроинтеграциските процеси, при што нагласи дека ваквата соработка треба да се развива уште повеќе во иднина. Во однос на претстојниот самит на ЕУ, Мицкоски кажа дека Македонија заслужува да добие датум за отпочнување на преговори.

Рот: Сега не е момент за првата меѓувладина конференција

Ристе Здравков — Tue, 17 Nov 2020 17:38:17 +0000

Во потрага по разумни решенија и сакајќи да бидеме од помош, сметаме дека сега не е момент за првата меѓувладина конференција, рече германскиот министер за европски прашања, Михаил Рот. ,,Доколку имате билатерални конфликти кои не можат да се разрешат во наредните неколку недели, сега не е време за почеток на првата меѓу владина конференција. Сакаме да испратиме вистински сигнал кон Западниот Балкан, Македонија и Албанија, тие направија многу, постигнаа многу, но тоа е долг пат кој започнува со преговори.”, рече Рот по завршувањето на состанокот на Советот на министри во Брисел.

Рот: Се наоѓаме во критична фаза од преговорите за Брегзит

Тале Кристо — Tue, 13 Oct 2020 16:01:53 +0000

На помалку од сто дена до крајот на транзицискиот период за Брегзит, Европската Унија денеска уште еднаш го повика Лондон да се посвети на изнаоѓање компромис за да се избегне истапување од ЕУ без претходен трговски договор, јави дописничката на МИА од Брисел. Германскиот министер за Европа, Михаил Рот, кој претседаваше со денешниот состанок за општи работи на ЕУ, предупреди дека истапување од ЕУ без претходен договор ќе биде “болно за сите страни, но поболно за Обединетото Кралство“. -Се наоѓаме во многу критична фаза од преговорите, рече Рот на прес конференцијата по Советот за општи работи во Луксембург и порача дека никој не треба да го потценува ризикот од Брегзит без договор, затоа што во средина една од најголемите економски кризи во ЕУ, ова би значело сериозно уназадување за британските, како и за европските граѓани. Михаил Рот увери дека европската страна продолжува да преговара конструктивно и со целосен интензитет за да изнајде заеднички прифатлив компромис за двете страни, заснован на политичкиот договор постигнат минатата година, исто така, по макотрпни преговори помеѓу Лондон и Брисел. Тој ги повика Британците да преговараат во компромисен дух и нагласи дека европската страна веќе направила отстапки и е подготвена на други доколку тоа може да помогне да се постигне квалитетен договор кој ќе ги заштити правата на европските граѓани во Обединетото Кралство како и интегритетот на Република Ирска, членка на ЕУ. На 31 декември, Обединетото Кралство треба конечно официјално да ја напушти Европската Унија со завршувањето на транзициската фаза. Оваа фаза беше договорена минатата година за да им остави време на двете страни да ги финализираат најкрупните проблеми од договорот и да воспостават трговска спогодба. Но за сега напредокот во преговорите е блокиран.

Мицкоски на средба со Рот: Еднострано обврзувачкиот договор потпишан со Грција е штетен за интересите на Македонија и не можам да го поддржам

Ивана Ефремовски — Tue, 24 Jul 2018 14:33:13 +0000

Претседателот на ВМРО-ДПМНЕ, Христијан Мицкоски оствари средба со Државниот Министер за Европа на Сојузна Република Германија, Михаил Рот. На средбата се афирмираа добрите билатерални односи помеѓу Република Македонија и Сојузна Република Германија. Мицкоски истакна дека ВМРО-ДПМНЕ е политичка партија која искрено се заложува за интеграција на Република Македонија во ЕУ и НАТО. Истовремено, Мицкоски нагласи дека еднострано обврзувачкиот договор потпишан со Република Грција е штетен на интересите на Република Македонија и дека тој не може го поддржи.

Германскиот министер за Европа: Дискусијата за Македонија е „многу разочарувачка“

Матеја Петровски — Tue, 26 Jun 2018 15:52:57 +0000

Германскиот министер за Европа Михаил Рот лут излезе од состанок на Советот на ЕУ во Луксембург им довикана на новинарите дека дискусијата за Македонија била „многу разочарувачка“, но одби да каже зошто. Не се знае е дали е постигнат некаков договор, јави известувачот на МИА од Луксембург. Рот пред денешниот состанок на Советот за општи работи во Луксембург, изјави дека Берлин е подготвен да даде зелено светло за почеток на преговорите со Македонија и Албанија. - Германската Влада е подготвена да ги поддржи Македонија и Албанија на нивниот пат кон ЕУ. Подготвени сме да дадеме зелено светло и би сакал да ги охрабрам и нашите пријатели во Холандија и Франција да ни се придружат, рече Рот. На прашањето дали очекува тоа да се случи денеска, Рот истакна дека не е сосема сигурен, но оти се надева дека ќе се случи и оти е воздржан оптимист. (Миа)