михаил шумахер – Kurir.mk

Тоа што се крие зад 47-та ќе ги остави фановиве на Шумахер во солзи- синот на легендата во Формула 1 откри што симболизира бројката

Дарко Андоновски — Fri, 04 Dec 2020 11:51:06 +0000

Во својата дебитантска сезона во Формула 1, Мик Шумахер, ќе се натпреварува под бројот „47“ во тимот на Хас. Шумахер јуниор беше исклучително успешен во послабите категории и се очекува да има одлична кариера, а воедно објасни зошто ќе се натпреварува под овој број. Имено, со бројот 4 стана шампион во Формула 3, додека бројот 7 претставува повеќе работи за него, но најважна е седумте шампионски титули на неговиот татко Михаел. Патем, бројот 47 е исто така збир на деновите во месецот на родендените на неговата, мајката и таткото. Мик Шумахер е многу близу да стане шампион во Формула 2, а моментално е лидер во тоа натпреварување.

ВИДЕО: Хамилтон ја одбрани шампионската титула, се израмни со Шумахер

Ивона Петрова — Sun, 15 Nov 2020 12:20:31 +0000

Возачот на Мерцедес, Луис Хамилтон е старо-нов шампион во Формула 1. Британецот попладнево победи на трката за Големата награда на Турција и официјално по седми пат стана планетарен шампион. Тој доминира во Ф1 од 2017 и е во серија од четири трофеи, а претходно победуваше и во 2008, 2014 и 2015. Седум титули во кариерата има и легендарниот Германец Михаел Шумахер. Подиум на патеката во Истанбул денес обезбедија уште и Серхио Перез од Рејсинг Поинт и Себастијан Фетел од Ферари кој во последниот круг го помина неговиот клупски колега Шарл Леклер и изби на третата позиција. Хамилтон воедно ја забележа својата 94. победа и 73-та за еден ист клуб, во случајов Мерцедес, надминувајќи го Шумахер кој имаше 72 победи како возач на Ферари.

DREAM THE IMPOSSIBLE To writing history. To making legends.#S7illRising pic.twitter.com/VsR8S3SwB6
— Formula 1 (@F1) November 15, 2020

Нови информации: Жан Тод открива што прават со Шумахер кога го посетува

Ивона Петрова — Mon, 02 Nov 2020 09:39:32 +0000

Големиот пријател на Михаил Шухамер, Жан Тод (74) со кого тој работеше во Ферари, но и актуелен претседател на Светската автомобилистичка федерација (ФИА) е еден од ретките кој освен семејството е информиран за состојбата на Германецот по неговата несреќа на скијање во 2013 година. Тој во интерјву за „Де Телеграф“ потврди дека редовно го посетува седумкратниот светски првак, а во една прилика откри и дека заедно гледаат трки. -Редовно одам кај Михаил. Заедно гледаме телевизија. Неговата борба трае, заедно со членовите на семејството и докторите, изјавил Тод. На прашањето дали Михаил е свесен за успехот на својот 21 годишен син Мик, кој наскоро ќе стане дел од Формула 1, Тод без конкретен одговор. -Нема да зборувам за тоа бидејќи не сакам да одам во детали. Тоа се приватни работи. Мик е млд и талентиран возач. Има големо име, но големо име не управува со воланот. Кога ќе дојде во Формула 1 нема да има победнички болид. Ќе му биде потребно време и прерано е да се знае дали има талент како неговиот татко или како Макс Верстапен или Луис Хамилтон. Уште не знаеме, изјави Тод.

Алонсо: Шумахер беше подобар пилот од Хамилтон

Дарко Андоновски — Thu, 01 Oct 2020 13:51:53 +0000

Рекордите на седумкратниот светски шампион Михаел Шумахер во Формула 1 се подобруваат еден по еден од големата sвезда на Мерцедес Луис Хамилтон, но ова не може да го убеди Фернандо Алонсо дека Британецот е најголемиот возач во историјата. Според Фернандо, Михаел останува најдобар, а Шпанецот може да направи објективна споредба меѓу нив, откако се натпреварувал против двајцата. Алонсо ги направи своите први чекори во Формула 1 кога Михаел доминираше во Ферари. Во 2005 и 2006 година, Фернандо го победи и ги освои неговите две светски титули. Во 2007 година, Нандо се приклучи на Мекларен како етаблиран шампион и мораше да соработува со дебитантот Луис Хамилтон. – Тешко е да се споредат возачите од различни периоди со различни автомобили. Сепак, се сеќавам на Шумахер како многу тежок противник. Тој имаше нешто повеќе и тоа го издвојуваше од другите. Хамилтон е многу добар пилот, најдобар од неговата генерација, но Михаел беше подобар. Никогаш не дозволуваше тимски колега да го победи, никогаш. Не можеме да не се сетиме како Џенсон Батон во Мекларен, а потоа и Нико Розберг во Мерцедес добија директен натпревар со истите болиди против Луис, истакна Шпанецот.

Михаил Шумахер во болница на тајни третмани

Ивона Петрова — Tue, 10 Sep 2019 07:05:50 +0000

Поранешниот шампион во Формула 1, Михаил Шумахер од вчера се наоѓа во болница во Париз. Според пишувањата на француските медиуми, тој е во оделот за кардиохирургија, а третманот кој ќе му биде извршен е таен. Во јануари годинава Михаил наполни 50 години, а не е виден во јавноста по неговата несреќа на Алпите пред пет години. Шумахер тогаш заработи тешки повреди на главата удирајќи во карпа, по што неколку месеци беше во кома. Изминативе години, не се познати многу детали околу неговата здравствена состојба и заздравувањето, а во јануари неговото семејство само кратко изјави дека тој е во најдобрите раце.

Мик Шумахер: Споредбите со татко ми никогаш не биле проблем

Дарко Андоновски — Thu, 21 Mar 2019 12:28:57 +0000

Шампионот во Формула 3 и член на младинската академија на Ферари, Мик Шумахер прокоментира пред новинари дека не се плаши од споредбите меѓу него и неговиот татко – седумкратниот светски шампион во Формула 1 – Михаел Шумахер. – Споредбите со татко ми никогаш не биле проблем за мене. Ме споредувате со најдобриот пилот во историјата на Формула 1. Тој ми е татко и идол, за мене споредбите со него ме тераат само да продолжам да учам и да се трудам да се развијам, рече Мик. Тој додаде дека преминот од Формула 3 во Формула 2 не е толку сложен. – Главните тешкотии доаѓаат од тоа што треба да научиш како да ги користиш гумите и како функционираат тие, изјави уште младиот пилот.

Рос Браун гледа надеж за Шумахер

Ивона Петрова — Mon, 07 Jan 2019 10:05:56 +0000

Еден од најблиските пријатели на Михаел Шумахер верува дека се уште постои надеж дека легендарниот пилот ќе закрепне. Рос Браун е познат како генијот, кој стои зад доминацијата на седумкратниот светски шампион во Ферари, и тие брзо станаа добри пријатели. Пред „Радио Би-Би-Си“, Браун инспирираше надеж за навивачите, велејќи дека семејството на Шумахер очекува скорешен напредок во неговото закрепнување. – Сите сме оптимисти дека решенија ќе се најдат во иднина. Ќе дојде време кога работите за Михаел ќе се придвижат напред. Тие се неверојатно семејство, многу балансирано, многу посветени на своите цели и во исто време го поддржуваат Михаел, изјави поранешниот шеф на Ферари и Мерцедес.

Шумахер нема да го дочека 50-тиот роденден во кревет

Ивона Петрова — Mon, 17 Dec 2018 11:24:10 +0000

Според пишувањата на дел од светските медиуми, седумкратниот шампион во Формула 1, Михаел Шумахер здравствено е многу подобар, но сепак претстојниот роденден ќе го прослави во кругот на семејството. Медиумите пишуваат дека Шумахер веќе не е „врзан“ за кревет и не се храни со помош на цевчиња, туку дека речиси пет години по несреќата тој се чувствува и е многу подобар. Годините минати во болка и трпение за својот живот го научиле да не дава во јавноста премногу информации за приватниот живот, а во согласност во Сабина Ким која е задолжена за јавноста, одлучил да не се огласува премногу во медиумите. Во Швајцарија на 3 јануари тој ќе го прослави својот 50 роденден во кругот на семејството и најблиските пријатели. Како што навела Ким, за него најдобар подарок за половина век живот ќе бидат сеќавањата на сите трофеи и награди кои ги освоил во Ф1.

Тод за Шумахер: Време е да го оставиме на мир…

Ивона Петрова — Thu, 02 Aug 2018 10:17:35 +0000

Претседателот на Светската автомобилистичка федерација (ФИА), Жан Тод често оди во посета на поранешниот Формула 1 шампион Михаел Шумахер, но она што го пренесе во јавноста не звучи оптимистички. За Шумахер многу малку се знае, откако доживеа несреќа при скијање во Франција во 2014-та и се здоби со тешки повреди на мозокот, поради кои шест месеци помина во вештачки предизвикана кома. Јавноста од тогаш преку портпаролот на семејството Сабине Кем добива многу ретки информации за поранешниот Формула 1 шампион. Вистинската состојба на нештата, за тоа дали Шуми навистина е само „растение“ кое не може да зборува и да се движи и има нешто повеќе од 40 килограми, како што беше шпекулирано во последните неколку години, ги знае само неговото семејство и најблиските пријатели кои го посетуваат. Меѓу нив е Жан Тод, претседател на ФИА и поранешен шеф на Михаел во Ферари. - Михаел е опкружен од страна на членовите на семејството, и јас сум навистина привилегиран и среќен да имам можност често да го гледам, изјави Тод во интервју за весникот „Ла Насион“. И тогаш кажа реченица за седумкратниот шампион која не влева оптимизам. - Неговото здравје е негова приватна работа и мислам дека е време да го оставиме Михаел да го помине животот во мир, додаде Тод. Во меѓувреме, додека јавноста сѐ уште чека „трошки“ за состојбата на големиот ас, династијата Шумахер продолжува да запишува успеси на тркачката патека. Синот на Мајкл, Мик минатата недела ја постигна првата победа во натпревар во Формула 3 откако триумфираше во Спа - истата онаа патека, на која неговиот татко во 1991 година го направи своето деби во Формула 1, а една година подоцна ја постигна првата победа во кариерата во Ф1. МИА

Синот на Михаел Шумахер по стапките на татка си, победи на истата трка каде шампионот трумфирал за прв пат

Ивона Петрова — Sat, 28 Jul 2018 13:10:31 +0000

Синот на седумкратниот светски шампион во Формула 1 Михаел Шумахер, Мик, ја забележа својата прва победа во европската Формула 3 на патеката „Спа“ во Белгија. Триумфот на Мик е на истата патека, каде што неговиот татко го постигнал својот прв успех во Формула 1 пред 26 години. Шумахер мораше да почека речиси година и пол за да го дочека својот миг, но тој дојде на најсоодветно место - каде што неговиот татко запиша шест победи и во 2004 ја обезбеди својата седма светска титула. Шумахер стартуваше од шестата позиција и пред првиот круг беше четврти. До крајот на обиколката, Мик веќе влезе во Топ 3. Само пет минути пред крајот на трката, Мик направи маневар и ги претекна во рамките на два свиока Маркус Армстронг и Роберт Шварцман, за да ја преземе лидерската позиција.