Михаило Подољак – Kurir.mk

Подољак: Рускиот напад врз Украина ги забрза внатрешните процеси во Русија, тие процеси може да доведат до граѓанска војна

Катерина Бојаџиева — Wed, 17 May 2023 14:45:10 +0000

Советникот на украинскиот претседател, Михаило Подољак изјави дека рускиот напад врз неговата земја ги забрза внатрешните процеси во Русија. Тој истакна дека тие процеси може да доведат до граѓанска војна. Додаде дека не разработиле соодветен социјален договор, но дека во Русија се е засновано на забрани, пренесува Onet.pl. „Тоа значи дека секогаш треба да ги затегнете шрафовите, кои сепак порано или подоцна ќе пукнат. Ова е стандардниот, класичен начин на Русија, кој отсекогаш бил познат“, вели Подољак. Сепак, смета Подољак, војната во Украина ги забрза деструктивните процеси.

Подољак: Русија сака да го претвоси Херсон во „град на смртта“

Ивана Ефремовски — Thu, 10 Nov 2022 11:27:32 +0000

Советникот на украинскиот претседател Володимир Зеленски, Михаило Подољак денеска изјави дека Русија сака да го претвори Херсон во „град на смртта“. Тој ги обвини руските војници дека сè минираат, од станови до канализација и планираат да го гранатира јужниот украински град преку реката Дњепар. -Вака изгледа „рускиот свет“: Дојдоа, ограбија, славеа, убиваа „сведоци“, оставија урнатини и си заминаа“, напиша Подољак на Твитер. Изјавата на Подољак уследи еден ден откако Москва им нареди на своите трупи да се повлечат од Херсон и да заземат одбранбени позиции на спротивниот брег на Дњепар. (МИА)

Подољак: Ќе најдеме решение за функционирање на Старлинк

Тале Кристо — Fri, 14 Oct 2022 17:18:13 +0000

Михаило Подољак, советник на претседателот на Украина, изјави дека Киев ќе најде решение за да ја одржи функционална сателитската мрежа Старлинк. Претходно денеска американскиот милијардер Илон Маск изјави дека неговата вселенска компанија „SpaceX“ не може на неодредено време да го финансира Старлинк во Украина. – Да бидеме искрени. Сакале или не, Маск ни помогна да ги преживееме најкритичните моменти од војната. Компаниите имаат право на своја стратегија. Украина ќе најде начин да го одржи во функција Старлинк. Очекуваме американската компанија да обезбеди стабилна врска до крајот на преговорите, рече Подољак. Мрежата Старлинк е дизајнирана да обезбеди пристап до Интернет преку голем број микросателити.

Подољак: Војната може да трае уште шест месеци

Ивана Ефремовски — Sat, 04 Jun 2022 07:55:50 +0000

Советникот на украинскиот претседател Михаило Подољак изјави дека војната со Русија може да трае и до половина година. „Ова може да потрае уште два до шест месеци“, рече претседателскиот советник Подољак во интервју за рускиот опозициски портал Медуза доцна синоќа. Тој рече дека клучен фактор за времетраењето на војната е количината на залихи на оружје, а друг фактор е расположението во Европа, Украина и Русија што може да се промени со текот на времето. Мировните преговори би можеле да се одржат само ако ситуацијата на терен се промени и кога Русија повеќе нема да смета дека може да диктира услови. Тој предупреди дека територијалните отстапки за Русија нема да ја завршат војната. „Некои градови, како Мариупол и сега Северен Доњецк, каде што се водат најжестоките борби, всушност веќе не постојат“, рече Подољак. Според него, загубите на Русија се проценува дека се околу 80.000 луѓе. Тука спаѓаат загинатите и ранетите од редовната армија, сепаратистите и членовите на платеничките сили на Вагнер. Тој рече дека по катастрофалната почетна фаза на војната за Москва, со до 1.000 мртви во војната дневно, сегашните загуби на руските и украинските војници се „споредливи“. Украинскиот претседател Володимир Зеленски неодамна изјави дека Украина губи до 100 мртви и има околу 500 ранети дневно. (МИА)

Подољак: Невозможен е цивилизиран дијалог со Русија

Ивона Петрова — Tue, 19 Apr 2022 08:43:13 +0000

Главниот украински преговарач и советник на претседателот, Михаило Подољак изјави дека преговорите со Русија станаа многу покомплицирани по воените злосторства на руските сили во градовите Буча, Мариупол и Волноваха. Тој истакна дека Украина побарала од Русија да отвори хуманитарен коридор од Мариупол до Бердјанск, но Москва го одбила барањето. – Невозможен е цивилизира дијалог со Русија, истакна Подољак. Според Обединети нации досега во војната во Украина убиени најмалку 2.072 цивили, а 2.818 се повредени, повеќе од 4,9 милиони луѓе ја напуштија земјата, а над седум милиони се внатрешно раселени.

Подољак: По 26 дена војна има одредени промени во мировните преговори

Ивана Ефремовски — Mon, 21 Mar 2022 19:41:12 +0000

Украинскиот преговарач Михаило Подољак за Би-Би-Си изјави дека по 26 дена војна има одредени промени во мировните преговори. -Отпорот на Украина ја принуди Русија посоодветно да ја процени реалната ситуација, што помогна да се поттикне некој вид дијалог, посочи Подољак. Тој наведе дека секоја одлука за мировен договор ќе биде донесена помеѓу украинскиот и рускиот претседател Володимир Зеленски и Владимир Путин. Според Подољак сè уште не е договорен датумот за средба на Зеленски со Путин. Тој не откри детали од преговорите, но изрази незадоволството од одбивањето на НАТО да воведе зона на забранети летови во Украина -Тие не го затвораат нашето небото, туку стојат настрана во време кога 10 милиони луѓе бараат место за живеење, а три милиони веќе ја напуштиле земјата. Ова е хуманитарна катастрофа во Европа, наведе Подољак. (МИА)

Подолјак: Само „затворено небо“ над Украина ќе ја запре ескалацијата

Ивона Петрова — Fri, 04 Mar 2022 07:37:47 +0000

Советникот на шефот на кабинетот на украинскиот претседател, Михаило Подолјак изјави дека е време Западот да ја преземе одговорноста за завршување на војната во Украина. -Логиката на оваа војна е акумулација на ракетни и воздушни напади врз цивилната инфраструктура, големите градови и цивилите. Само „затворено небо“ остро ќе ја запре ескалацијата. Време е западните партнери да преземат одговорност за завршување на војната…“, напиша Подолјак на Твитер. Пред девет дена рускиот претседател Владимир Путин и објави војна на Украина и почна инвазија од големи размери. Претседателот Володимир Зеленски истакна дека затворањето на небото над Украина нема да претставува вмешаност на земјите од НАТО во војната што ја почна Русија.

Украинската војска го контролира главниот град, тврди официјален Киев

Ивона Петрова — Mon, 28 Feb 2022 11:38:47 +0000

Главниот град на Украина е целосно под контрола на украинските војници, а сите информации за наводна целосна опколеност на градот од руски сили се лажни, изјави Михаило Подољак, советник на украинскиот претседател. „Многу медиуми шират лажни вести дека Киев е наводно опколен од руски војници. Русите можат само да сонуваат за тоа. Киев е целосно под контрола на украинските трупи. Во градот може да се влезе. Престрелки има во некои предградија, имаше и жестоки судири. Но, престолнината нема да ја дадеме. Ова е нашиот главен град, нашата земја“, изјави тој. Подољак уште предупреди дека во Украина нема место за руска војска. „Тие треба да ја напуштат нашата земја, и да ги понесат во сандаци телата на нивните соборци што скапуват по полињата. Не можеме ниту да ги изброиме, уште помалку да ги собереме, борби се водат насекаде, додава тој, истакнувајќи дека руската страна нема да успее да ја прикире реалноста со своите фалсификати. Претходно беа лиферувани информации со наводни изјави на градоначалникот на Киев, Виталиј Кличко, како вели дека Киев е опколен и оти е невозможна евакуација. Кличко самиот подоцна ги демантираше таквите информации.