михајло маневски – Kurir.mk

Маневски побара Шилегов да го разреши Весовски од директорското место на ЈП водовод поради несовесно работење

Дарко Андоновски — Tue, 21 May 2019 11:30:08 +0000

Душко Весовски не заслужува да биде директор. Тој троши над еден милион евра за адвокатски услуго додека тие пари ги добиваат адвокати на власта. При тоа селективно дава информации за тоа кој се адвокати се на платниот список на водовод, посочи советникот Михајло Маневски. Тој истакна дека Весовски нетраспарентно го крие списокот од јавноста на подобни адвокати кои земаат илјадницо евра од ова јавно прептеијатие. - Она што го знаеме е дека од ова прептријатие кое бележи загуби земаат пари адвокати како советникот на премиерот Зечевиќ како и една адвокатка пратеничка на власта. Ова е не морално и Шилегов најмалку што може е да го разреши овој директор кој злоупотребува државни пари, рече Маневски.

КАЗНИ ЌЕ ИМА ПРЕСУДИ ЗОРАН ЗАЕВ

Михајло Маневски — Sat, 15 Dec 2018 09:04:05 +0000

Зоран Заев во врска со настаните од 27-ми април пресуди: “казни ќе има, но ќе бидат помали од 10 години”. Како главен државен јавен обвинител тој ја определи и правната квалификација за кривичното дело: “ членовите во законот што ќе доведуваат до идно казнување нема да бидат тероризам со над 10 години казни, туку ќе бидат помали почетни казни. Но, казни ќе има.” Зоран Заев, како претседател на Владата на Република Македонија, се стави во улога на суд и на судија и во улога на јавен обвинител, Тој денес го пресуди случајорт од 27-ми април. Каков суд, каков бакрач. каков јавен обвинител, каква Добрила Кацарска, каква Вилма Русковска. Ништо од сето тоа. Зоран Заев е врховен арбитар и тој е и обвинител и судија, тој обвинува и пресудува, а судот и јавното обвинителство тотално ги маргинализира и омаловажи. Докажа дека не ферма ниту суд, ниту јавно обвинителство, ниту право, ниту правна држава. Кој му даде за право на Зоран Заев да тврди дека казни ќе има, во состојба кога уште не е завршена доказната постапка за случајот од 27-ми април, во кој на обвинителна клупа со месеци седат 33 обвинети лица за најтешко кривично дело Терористичко загрозување на уставниот поредок од членот 313 од Кривичниот законик, од кои многумина го изгубија и здравјето, кога не се изведени сите докази, кога сеуште не се дадени завршни зборови на јавниот обвинител и на обвинетите и нивните бранители? Од каде Зоран Заев може да тврди дека казни ќе има? Тој дури определи дека казните ќе бидат под десет години!!!. Каков видовит судија?, Кој му дал такво право? Согласно Законот за кривичната постапка, судот може да донесе ослободителна, одбивателна или осудителна пресуда. Обвинението е во рацете на јавниот обвинител, а пресудата е во рацете на судот, а не на Зоран Заев. Каква пресуда ќе донесе судот, зависи од многу околности, докази и факти. Тоа е работа на судот, а не на претседателот на Владата, кој ја злоупотребува службената положба и грубо се меша и влијае во работата на судот. Кој му даде за право на Зоран Заев да определува правната квалификација на делото? Кој му даде право да определува дека делото нема да биде тероризам, туку дело со помали почетни казни. Што е тој, јавен обвинител?. Врз основа на која ордедба од Уставот и врз основа на која одредба од Законот за Владата Зоран Заев тврди дека идното казнување нема да биде за тероризам со над 10 години казни, туку ќе биде за помали почетни казни. Ова е безгранична дрскост. Претседателот на Владата нема функција на јавен обвинител. Зоран Заев со вакви изјави директно се меша и грубо влијае во работата на судот и јавното обвинителство. Дали овие тврдења на Зоран Заев не се должат на прислушуваните разговори во јавното обвинителство и судот од 2016 до 2018 година? Како може Зоран Заев да тврди дека овбинетите ќе бидат казнети за непостоечко кривично дело, кое сега сака да го прикрие зад поблага правна квалификација. Судот е тој што е надлежен да доднесе одлука за случајот, а тоа е еднинствена законска одлука за ослободување на обвинетите, поради немање докази дека обвинетите го сториле делото за кое се обвинети. Ова ли се реформи во судството. Ова ли се заложби за владеење на правото. Во било која држава во светот, претседател на Влада кој ќе дадеше ваква изјава за грубо мешање во работата на судот и јавното обвинителство, повеќе немаше да седне на премиерското столче. Влада ли е ова или инквизиција. Михајло Маневски

ПРЕДАВНИКОТ ДИМИТРОВ

Михајло Маневски — Mon, 03 Dec 2018 12:12:37 +0000

Предавникот Димитров, арогантен, безобразен и дрзок. Мене ми е срам и да те гледнм и да те слушам предавнику- му порачува екс-министерот за правда Михајло Маневски, на министерот за надворешни работи, Никола Димитров. Дрскоста, простаклукот и ароганцијата на предавникот Никола Димитров кулминираа на вчерашната седница на Собранието. Ги навреди и пратениците и целиот македонски народ со небулозните изјави: “Се работи за нација со комплекс, која што мора да си бара корења назад две илјади години. Александар Македонски ако го нема, ние не знаеме кој сме. Престанете со овие, страм ми е да ве слушам. Искрено ви кажувам, срам ми е да ве слушам”. Така им се обрати арогантниот предавник Никола Димитров на пратениците во расправата по уставните амандмани, неможејки да го скрие гневот од дискусиите на пратениците од ВМРО-ДПМНЕ и коалицијата кои парампарче го направија овој ништожник и неговата одбрана на срамните амандмани за промена на Уставот на Македонија и уништување на македонската држава. Егееецот Никола, по таткому Димитар од селото Цакони во Егејска Македонија во Грција, ја потврди Његошевата метафора дека потурчените секогаш биле полоши и од самите турци. Да имашње срце во кое ќе имаше барем една искра на патриотизам и родољубие ќе му затрепереше, ќе му проработеше совеста, ама не, не прорабортува ништо кај овој ништожник, затоа што е без чувство и без образ, лигав превртливец и грозен предавник. Жалосно е еден ваков министер говори со омраза и со подбив спрема својот народ. Како очекува почитување, кога безочно лаже и го навредува народот? Како очекува народот да му верува? Ако на овој предавник му е срам да ги слуша пртениците кои го бранат името на својата држава, својот идентитет и својата историја и кулрура, што бара во Собранието, нека си седи дома, дали тука или во Хаг, за да не се срами. Се срами од пратениците кои чесно и со исконска преданост ја бранат својата држава и својот народ. Се срами од тоа што пратениците со факти му укажаа дека нема право од преамбулата да ги брише Одлуките на АСНОМ. Се срами од тоа што пратениците му кажаа дека нема право да го менува името на една држава и идентитетот на еден народ. Не му е гајле на овој ништожник што го навредува македонскиот народ и се срами од него, Чиј министер за надворешни работи е овј човек? Вчера ја покажа целата некултура и простотилак и за тешките навреди кои ги нанесе, немаше доблест да се извини. Ги прекрши основните човешки правила, а да не говориме за дипломатски манири. Овој ништожник за цело време и со години лаже. Лажеше досега, а лаже и сега. Сега му текна дека сме биле нација со комплекс. Зошто после толку многу години главен преговарач на Република Македонија во врска со разликата окулу името со Република Грција не кажа дека сме биле нација со комплекс. Зошто тоа не го кажа досега? Зошто прифатил и зошто не се откажал да биде главен преговарач за името на една нација со конплекс, која не знае која е и што е. Зошто цело време останал подмолно прикриен измамник, кој работел против интересите на Македонскиот народ и македонската држава? Тоа е министерот кој подпиша договор за комплетна капитуација на македонската држава, за бришење на името на државата и нејзиниот идентитет. Од разлкиката во врска со името, ја претумба цела Македонија наопаку и од неа не остана ништо. Тоа е министерот кој подпиша договор испод нивото на Привремената спогодба. Тоа е министерот кој не мрдна со малото прсте за спроведување на Пресудата на Меѓунаридниот суд на правдата за попречување на прием на Репупблика Македонија во мегуѓународни органи и организации. Тоа е министерот кој дури и покрај признатите и утврдени стандардизирани кодови МК и МКД, подпиша договор регистарските таблички на возилата да бидат означени со НМ или НМК. Зошто го направи тоа при утврдени кодови? Го избриша дури и Made in Macedonija. Подклекна и ги прифати сите грчки барања и ја доведе Грција до триумфална победа, а сега слушаме идеи за заедничка прослава на договорот. Како да не се прославуваат Грците кога извојуваа триумфална победа со комплетна капитулација и бришењето на една држава. Тоа е министерот кој ги уништи сите досегашни напори и достигнувања во разговорите во врска со разликата во врска со името. На Претседателот Киро Глигоров, на средба во Женева во 1993 година со г.Сајрус Венс и Лорд Овен, лордот Овен му рекол на Глигоров: “Вие морате да ги прифатите сите грчки услови”. На тоа. тогашниот претседател на Република Македонија Киро Глигоров му му одговори: “Лодре, знаете јас немам никакви овластувања за такво нешто. Како Претседател имам обврски да го почитувам Уставот, а и инаку не сум подготвен да ги прифатам гр;ките услови. Многу ми е жал, но морам да ве одбијам”. Така завршила средбата. Кој му даде овластувања на предавникот Никола Димитров да подпишува капитулантски договор? Врз основа на која уставна одредба го направи тоа, кога сосема е јасно дека согласно член 119 од Уставот на Македонија меѓународните договори ги подпишува Претседателот на Република Македонија, кој целосно беше изолиран од овој процес. Резолуција број 845 (1993) на Советот за безбедност на ООН од 18 јуни 1993 год. Велепредавникот со овој капитулантски договор се дрзнал да прифати да се брише РЕЗОЛУЦИЈАТА број 845(1993) усвоена од страна на Советот за безбедност на неговиот 3243-ти состанок, на 18 јуни 1993 година, со која Резолуција во точка 3 се “Бара од Генералниот секретар да го информира Советот за напредокот на нивните понатамопни напори, чија цел е разрешување на разликите меѓу двете страни пред отпочнувањето на 48 сесија на Генералното собрание и навремено да извести пред Советот за нивниот исход и одлучува повторно да го разгледа прашањето во светло на извештајот.“ Со капитулантдки договор неможе да се брише Резолуција на Советот за безбедност на ООН, кој одлучил повоторно да го разгледа прашањето. Не беше случајно што разговорите во врска со името се преместија од ООН во директни преговори со Грција која ја доведе предвничката политика на Зоран Заев и Никола Димитров во тотално индиферентна положба. Тие што го повредија Уставот и ги узурпираа уставните овластувања ќе одговараат пред народорт за велепредавство. Михајло Маневски

Маневски за Фактор: Одлуката за азил му гарантира заштита на Груевски до крајот на животот

Предраг Кукиќ — Tue, 20 Nov 2018 13:37:08 +0000

Михајло Маневски, поранешниот министер за правда од претходната власт, за „Фактор“ вели дека унгарските органи веќе позитивно одлучиле да го прифатат барањето за азил на поранешниот премиер Никола Груевски. - Според она што го велат медиумите, одлуката во Унгарија е донесена. Од мое искуство тврдам дека таа може да биде само позитивна, бидејќи се носи за релативно кус период - изјави поранешниот владин соработник на Груевски. Тој додава дека не постојат правни лекови да се врати Груевски назад и да ја одлежи затворската казна од две години, односно да се соочи со преостанатите обвиненија, бидејќи Унгарија со таа конечна одлука му гарантира заштита до крајот на животот. - Единствено можеше да се направи нешто доколку Министерството за правда реагираше побргу со барањето за екстрадиција, но не ми е јасно зошто толку бавно се подготвува овој документ и еве колку што следам, истиот уште не е испратен. Роковите се пробиени и тамошните служби не би требало да го земат тоа во предвид штом ќе пристигне - вели Маневски.

Тури ѝ пепел на правдата

Михајло Маневски — Fri, 12 Oct 2018 09:15:50 +0000

Тури ѝ пепел на правдата, кога порпаролот на Владата Миле Бошњаковски на прес - конференција, во име на Владата изјавува дека одлуката за определување на 30 дневен притвор за осумничената Моника Ристевска бил престрог во однос на стореното дело. Владата, како за сите други прашања така и за ова, била отворена за дискусија со сите заинтересирани страни, нагласил Бошњаковски. Ова изјава на портпаролот на Владата преставува директво мешање на извршната во судската власт и преставува срамно признание за тоа кој е годподар на судството. Тоа е без сомнение Зоран Заев, кој судството го стави во ропски однос и дирекно владее со судската власт. Врз основа на која Уставна или законска одреда Владата оценува судска одлука? Владата не е врховен судски орган и нема надлежност да оценува дали определениот притвор за кривичното дело на осумничената е престрог или не? За тоа има повисоки судски инстанци кои се надлежни да одлучуваат по поднесени правни средства. За каква дискусија Владата е отворена за законски поведена кривична судска постапка и за определена законска мерка притвор? Владата не може и не смее да се меша за донесена конкретна судска одлука и во работата на судската власт. Многу е очигледно дека Зоран Заев и СДСМ се ставаат во положба на апсолутни господари. За време на тоа владеењето на ова ненародна власт, за околу една и пол година го урнисаа правниот систем во Република Македонија. Судскиот систем го третираат како нивна неприкосновена сопственост и го ставија во функција на политичка пресметка со носители на функции на предходната Влада со невиден реваншизам и конструирани случаи на политичлки прогон. Ова е крајно мизерен однос и безобразлук со огромни штетни последици. Тури ѝ пепел на правната држава, на правдата и правото, кога СЈО е политички инструмент и испостава на СДСМ, а Катица Јанева темпиран покорен извршител на нивните наредби за вршење на притисоци и закани. Покренување на 6 “нови” истраги за на првиот ден од расправата за уставните амандмани за промена на Уставот има политичка, а не правна цел, бидејки таа нема законско право да наредува и спроведува истраги и да поднесува обвиненија. Тури и пепел на правдата и правото, кога Катица Јанева и обвинува и пресудува, и одмерува казни и определува кога тие казни ќе се извршат, кога поименично посочува и ги прави нечесни и некадарни претседатели на судови од највисок ранг и преставници на судски инстируции! Катица Јанева во дебатна емисија подржана од странска организација која претедндира да ја говори “вистината”, на општо задоволство на водителката, јавно објави дека поранешниот претседател на Владата ќе биде осуден на 25 години затвор!?. Веќе стана правило обвинителка од СЈО јавно грубо да навредува и омаловажува обвинети, понижувајки ги и непочитувајки го нивното чевечко достоинство и правото на презумпција на невиност, без судска заштита на обвинетите од такви груби напади и навреди. Реваншизмот, заплашувањето и уцената се единствените мотиви за кривично гонење. Се постапува сурово и нечоевечки, се изрекуваат ригорозни казни за непостоечки кривични дела и се рушат основните човекови права и слободи. Ова тортура ќе престане кога народот ќе ја земе судбината во свои раце. Тоа се наредните вонредни парламентарни избори на кои ова ненародна, предавничка и корумпирана власт ќе се соочи со народот. Народот покажа на одржаниот референдум дека не подржува лажливци, предавници и криминалци. Тоа уште повеќе ќе го покаже на наредните предвремените парламентарни избоди. Михајло Маневски

Маневски: Три лица го напаѓаат Никола Саздовски и го лишуваат од живот- ова е свирепо убиство, а не „насилство“

Катерина Бојаџиева — Mon, 09 Jul 2018 20:55:54 +0000

Младото момче Никола Саздовски е жртва на свирепо убиство, а не на некакво обично загрозување со насилство. Бог да му душа прости и сочувство до родителите и неговите најблиски, но вистината мора да се утврди. Ова свирепо убиство не може да се заташка со погрешна правна квалификација на дејствието на сторителите како обично кривично дело насилство од членот 386, кое кривично дело во основниот облик се состои од загрозување на сигурноста со грубо насилство, кое во јавноста предизвикува чувство на несигурност, загрозување или страв. Кривичното дело насилство од членот 386 во основа е кривично дело на загрозување и спаѓа во групата на кривичните дела против јавниот ред. Според ставот 2 и 3 на ова кривично дело, извршување на делото се состои од фрлање на пиротехнички средства или предмети на спортски терени или гледалишта или ако делото е извршено во група од две или повеќе лица. Ниту еден од овие елементи на кривичното дело не произлегуваат од фактите за настанот во кој е убиен Никола Саздовски. Покојното момче Никола стоело на автобуската станица и чекало автобус. Тој бил сосема сам и никому не дал никаков повод и никого не провоцирал да биде нападнат. Откако Никола од трите лица кои биле во патнично моторно возило Мерцедес бил забележан на автобустата станица, тие веднаш застанале со возилото, излегле од него, се упатиле према покојниот Никола и почнале крвнички да го удираат со разни средства по виталните органи, по лицето и главата и по целото тело и со тупаници и клоци. Го удирале се додека не паднал и кога паднал во безсознание од смртоносните повреди кои му ги нанеле. Намерата на обвинетите не била сега покојниот да го заплашат, туку со фактички преземените дејствија нивната намера била да го лишат од живот. Може ли ваков настан да се квалификува како обично кривично дело насилство? Сосема е очигледно дека во случајот се работи за квалификувано кривично дело Убиство од член 123 став 2 точка 4, сторено од безобзирна одмазда и ниски побуди, за кое кривично дело е предвидена казна затвор од најмалку 10 години или доживотен затвор. Три лица го напаѓаат Никола Саздовски и го лишуваат од живот. Тоа не е обично насилство, како дело на загрозување, туку свирепо убиство. Секоја намера да се минимизира самиот настан е доста опасна и не е во интерес на општеството, кое мора да се бори со сите законски средства за обезбедување на сигурност на граѓаните да не бидат жртви на вакви злосторници кои лишиле од живот еден млад човек кој што туку зачекорил во животот. Во интерес на вистианата и правдата, обвинетите мора да одговараат за злосторот што го строриле, да се влијае на нив самите и да се спречува извршување на вакви или слични кривични дела. Никој да не се обидува да ја прикрива вистината. Вистината излегува на виделина, за жал, овој пат вистината за смртта е на едно младо момче. Михајло Маневски

Меѓународното право непознава ваков геноциден договор за уништување на еден народ и една држава

Дарко Андоновски — Mon, 25 Jun 2018 12:18:04 +0000

Зоран Заев и Никола Димитров веднаш да си поднесат оставка и да бидат земени на кривична одговорност за злосторство против народот и државата

Договорот што го подпиша Никола Димитров со грчкиот министер за надворешни работи Никос Коѕијас, кој тајно и подмолно, без никаква расправа, без никаква дебата во јавноста и во стручни органи и инстируции, како најголема тајна, во скратена постапка, со груба повреда на Деловникот и со злоупотреба на европско знаменце, експресно беше ратификуван од Собранието. Го ратификуваа пратниците од владејачкото мнозинство, претежно од СДСМ и ДУИ, без пратениците од опозицијата, која не беше ниту информирана за текот на тајните преговори, како што беше заобиколен и Претседателот на Република Македонија, со грубо насилство врз Уставот и законите, со сила протуркаа ратификација на срамен, штетен и противуставен договор. Во аналите на меѓународното право не е познат ваков договор, спротивен на меѓународните норми и на највисоките акти на ООН. Ова е единствен преседан во светот, еден исконски народ и една земја лулка на писменоста и културата низ вековите, самата да се уништува, да биде предадена и уништена од нејзини преставници, со некаков договор со кој се уништува македонската држава и на македонскиот народ. Зоран Заев со лаги и измами на народот и со лажни клетви дека нема да се менува Уставот на државата и нејзиното уставно име, го направи токму спротивното. Извршено е најсрамното велепредавство на државата и народот. Ќе одговори ли Зоран Заев, зошто цело време со лагн и лажни клетви го мамеше народот? Му доликува ли на еден претседател на Влада да лаже? Има ли барем малку почит према народот да му ја каже вистината, зошто го лажеше или барем има ли толку доблест да му се извини? Како ќе погледне во очи на измамениот народ, во очи на неговите деца и родители, во кои се колнеше дека додека диши нема да се смени Уставот и името на државата? Договорот е спротивен на Повелбата на ООН Според членот 1 од Повелбата на ООН, цели на ООН се да развива пријателски односи меѓу нациите засновани врз принцип на почитување на еднакви права и самоопределба на народите, и преземање на други соодветни мерки за подобрување на универзалниот мир, како и да постигнува меѓународна соработка при решавање на меѓународни проблеми од економски, општествен, културен или хуманитарен карактер, и промовирање и охрабрување на почитувањето на човековите права и основните слободи. ООН е заснована врз начелото на суверенитет на еднаквост меѓу сите членки. Со кое право, спротивно на Повелбата на ООН, Грција се меша во работите на една суверена држава и бара да го промени на Уставот, уставното име на државата и бришење на македонскиот идентитет? Тоа се коси со основните начела на ООН. Тоа е безобзирна дрскост на Зоран Заев и Никола Димитров, кои државата ја ставија на добош, да влече од неа кој сака и колку сака. Грција сака да не постои ниту македонска нација, ниту македонски народ, ниту македонска држава. Тоа и го постигна со подпишувањето на овој страмен капитулантски договор. Договорот е спротивен на Резолуција 817 (1993) од 7 април 1993 Со Одлука на Генералното собрание на ООН од 8 април 1993 година, Република Македонија е примена како 181 рамноправна членка на семејството на народите Според точка 2 од Резолицијата, за сите потреби, во рамките на Обединетите нации привремено да и се обраќаме со „поранешна југословенска Република Македонија”, се додека не се надмине разликата што се појави во врска со името на државата. Со наведената Резолуција за надминување на „разликата” (еднина) што се појави во врска со името на државата, а не се бара промена на Уставот на Република Македонија, не се бара промена на уставното име на државата, не се бара бришење на македонската нација и македонскиот идентитет, не се бара да се избрише се што е македонско. Договорот со Грција е испод нивото на Времена спогодба од 13 Септември 1995 година Во Времената спогодба се наведуваат договорните страни, министерот Каролос Папуљас, претставник на Првата Страна – Република Грција и министерот Стево Црвенковски, претставник на Втората Страна – Република Македонија. Во договорот има само една договорна страна Грција, а друга страна нема, дури се одбегнува да се напише дека другата договорна страна е Поранешната Југословенска Република Македонија. Намерно се избегнува да се наведе Република Македонија. Според членот 1 од Времената спогодба, првата Страна (Грција) ја признава втората страна (Република Македонија) како независна и суверена држава, под привремена референца. Секоја од Страните се обврзува да го почитува суверенитетот, територијалниот интегритет и политичката независност на другата Страна. Во членот 11 од Спогодбата, Првата Страна (Грција) се согласува да не се противи на пристапување или полноправно зачленување на Втората Страна во меѓународни, мултилатерални и регионални организации и институции на кои Првата Страна е член, под привремената референца. Грција со повеќе од две децении се противи за зачленување на Македонија во меѓународни, мултилатерални и регионални организации и институции. Во 2008 година кога во Букурешт требаше да бидеме промени во НАТО, затоа што ги исполнивме сите критериуми, а предлогот го подржа и Американскиот претседател Џорџ Буш. Грција буквално не исфрли и стави вето на предлогот, Пресудата на Меѓународниот суд на правдата од ХАГ, донесена скоро едногласно, потврди дека Грција неосновано ја спречувала Македонија за прием во меѓународни организации. На наша страна е правото, но на другата страна е силата. Таа пресуда воопште не е почитувана и не е спроведена. Нашиот министер Никола Димитров, не ја ни споменува, како да не постои. За него тоа е мртво слово на харија. Да беше ова оружје во рацете на Грците, сигурно ќе не здробеја. Тоа ли се лекциите за владеење на правото на ЕУ, целосно да се игнорира, како да не постои пресуда на највисокиот суд на правдата на светот. Тоа ли е уважување и примена на меѓународното право? Со договорот се брише македонската нација Граѓани на Македонија, Не подлегнувајте на лагите на ова лажлива власт на Зоран Заев и кликата окулу него, поддржана од албанскиот блок во власта. Целосно се руши македонскиот идентитет со промена на името на државата. Со договорот се бише македонската нација. Македонска нација повеќе не постои. Со договорот се бришат сите етникуми во Македонија. Постои само државјанство, кое ќе биде македонско/граѓани на Република Северна Македонија и кое ќе биде заведено во сите патни документи. Не постојат Македонци, Албанци, Турци, Власи, Роми, Бошњаци. Сите се само граѓани на Република Северна Македонија. Нема континуитет, нема историја, нема култура, нема творештво, фолклор, традиција. Нема ништо. Се создава некаква вештачка творба, која не може да се нарече држава, на безимени граѓани, граѓани без корења, изникнати на буништето на кое ги однесе Зоран Заев. Грчкиот премиер Алекис Ципрас, само два дена по објавувањето на договорот изјави дека никогаш нема да прифати македонска нација. Неговиот министер за надворешни работи Никос Козијас на меѓународен собир пред два дена веќе не нарекува северномакедонци, а министерката за надворешни работи на Бугарија Екатерина Захариева пред два дена изјави дека “не сме на пат да признаеме македонска нација, таква клаузула во договорот нема”. Taкa e кога дилетанти и предавници решаваат клучни прашања за државата со едно пиење кафе. Браво! Никос Коѕијас, во контактна програма на грчка телевизија изјавува дека на Виножито, партијата на Македонците во Грција, забранета им е дискусија за постоење на македонско малцинство во Грција, повикувајќи се на прифатеното барање за измени на членот 49 од Уставот на РМ. Се бисер до бисер, отров кој ни се сервира како награда за предавството на предавниците и капитулантите. Договорот со Грција „без преседан е најбесмислениот и најпарадоксален договор со кој се брише историјата на еден народ“, наведува Акад. Ферид Мухиќ, избран за пратеник како дел од парламентарното мнозинство. Камен од камен не остана од нас, наведува тој. Срамно се потпиша договор со кој не се прифаќа ништо што е македонско. Прифаќањето да се тргне „македонска” од името на највисоките национални институции е крунски доказ дека македонската нација веќе не постои. Нема повеќе Македонска академија на науките и уметностите – МАНУ, Македонски народен театар, Македонска Радио Телевизија – МРТ, Македонска филхармонија, нема ништо македонско, македонска, македонски. Нема да се пее Народе Македонски, тој народ го избришаа. Поништија постигнати КОДНИ ознаки Во 1977 година во Атина, Меѓународната организација за стандардизација (ICO) на ООН ги определи кодните ознаки на Република Македонија. МАКЕДОНСКИ ЈАЗИК Македонскиот јазик од Меѓународната организација за стандардизација (ICO) на ООН е заведен како Македонски јазик, со превод на англиски јазик и другите светски јазици. Зошто сега во членот 7 се додава дека овој македонскиот јазик спаѓа во групата на јужнословенски јазици. На ниту една земја во светот не се определува во која група јазици спаѓа нејзиниот јазик. Тоа е чисто насилие на Грција да ја понижува и омаловажува нашата држава. КОД МК во 1997 година е официјално определен од Меѓународната организација за стандардизација (ICO), Во срамниот договор, во член 1 т.д) се предвидува дека КОДОТ на земјата за регистарските таблички на возилата ќе биде НМ или НМК. Еве го новиот код НМ или НМК, на пазарска тезга, одбери што сакаш! Зошто е направена ова невидена дрскост и глупост? Се брише нешто што се е утврдено во ООН уште пред 40 години. Образложението зошто тоа е направено е апсурдно. Грците биле многу чувствителни на кодот МК на возилата на македонците и ги кршеле и корнеле табличките. Види мајката. А што сме ние, овци, да не молзе кој сака и кога сака. Ние сме топоглави и нечувствителни. Ова е невидена дрскост на овие политички дилетанти и ништожници. Тоа може да доведе до промена на окулу 2 милиони регистерски таблички и сообракајни дозволи. А за срамот да не говориме. Овие лажлицвци ништо не постиглнале со договорот. туку се изгубиле, го изгубиле и тоа што било остварено. Се бришат Македонците насекаде во светот Предавниците на македонскиот народ прифатиле да се изврши измена на Преамбулата на Уставот, членот 3 и членот 49 од Уставот на Република Македонија. Со измена на членот 49 се бара да се брише целокупното македонско малцинство кое живее во многу држави во светот. Се бришат окулу 2 милиони Македонци населени во многу држави на сите континенти. Членот 49 од Уставот на Македонија, токму по барање на грчката страна е изменет со Амандманот 2 на 6 јануари 1992 година, само после 49 дена од донесување на Уставот, со тоа што со АМАНДМАНОТ се предвидува дека Републиката нема да се меша во суверените права на други држави и во нивните внатрешни работи. Зошто повторно е прифатено да се врши измена на ова одредба за однародување на Македонците во светот. Овакво нешто нема никаде во светот. Договорот е ништовен Договоррот е спротивен на Уставот на Македонија. Со договор неможе да се менува Уставот и уставното име на државата, туку договорот мора да биде во согласност со Уставот. Договорот е спротивен на меѓународното право и на меѓународните норми. Да беше ова договор за завршување на една стогодишна војна меѓу две држави, немаше да биде ниту во ова форма, ниту во овој обем со таква небулозна содржина и толку мизерени и штететни содржини за една држава. Договорот е едностран е едносмерен, како што забележа и поранешниот евроамбасадор Ерван Фуере. Не е договор ако предвидува овбрски само на една договорна страна, а не предвидува никакви обврски на другата договорна страна, Договорот е штетен и капитулантски. Со договорот се бара ние македонците да си ја направиме бесилката, да набавиме јаже и да се обесиме, а Грците само ќе јават дека сме се обесиле. Манипулациите дека сето ова се прави за членство со ЕУ и НАТО, служат само за замајување на народот и за прикривање на ова предавство на државата и на Македонскиот народ. Стратешката определба на Република Македонија за членство во Европската унија и НАТО е потврдена од моментот на нејзиното осамостојување во 1991 гдина, Одлуката за стапување на Република Македонија во членство во Северно-Атлантската договорна организација-НАТО, донесена од Собранието на Република Македонија на 23 декември 1993 година и многу други документи, вклучувајки ја и едногласно усвоена Декларацијата за реформските и интегративните процеси за зачленување на Македонија во ЕУ и НАТО од 14 јули 2017 година. Во ниту еден од овие документи не се предвидува капитулација на државата за влез во ЕУ и НАТО. Капитулацијата и предавството со прифаќање на се што Грција побара, како промена на Уставот, промена уставното име и рушење на се што е македонско и душата на овој народ, не се оправдува со никакви средства, ниту со ЕУ ниту со НАТО. Кој ќе влезе во ЕУ и НАТО, обезличен народ и растурена држава. Не се потклекна ниту кога се нудеа златни ролекс часовници и милиони долари за предавство на државата и рушење на незцзиниот интергритет. А сега што се случува? На предавниците кои прифатија и подпишаа капитулација на државата и ја прекршија заклетвата дека ќе го почитуваат Уставот и законите ќе им суди народот. Колумна на Михајло Маневски

Маневски: Со овој капитулантски договор Зоран Заев не’ сведува на народ без корени, на измислен народ

Ивона Петрова — Wed, 20 Jun 2018 10:06:07 +0000

Изродите се полоши и физички и морално од своите предци од одредена заедница. Изродот е расипана лоша единка од својот род (македонски дигитален речник). Според бугарскиот речник, изрод, тоа е единка која со своите дејствија грубо ги нарушава човешките или моралните норми на општестввото. На англиски тоа се ословува како degeneration, а на албански degjenerik, пишува поранешниот министер Михајло Маневски во својата колумна за Република. Тој вели дека токму тоа е слика и прилика на претседателот на Владата Зоран Заев, на министерот за надворешбни работи Никола Димитров и министерката за одбрана Радмила Шекеринска. На овие предавници сите овие атрибути на изроди совршено им прилегаат. Но, на политичар и носител на државна функција не му доликува да биде изрод и предавник. Маневски прашува кој му дал право на Заев да потпишува смртна пресуда на македонската држава и македонскиот народ и да гази по коските на стотици илјади Македонци и Македонки кои се бореа и со својот живот платија за Македонија. -Со срамниот капитулантски договор се брише се што е македонско. Се бришат и мора да се сменат имиња на сите улици, плоштади, мостови, лични карти, патни исправи, возачки дозволи, сообраќајни дозволи, изводи од матични книги, имотни листови, имињата на сите институции на централно и локално ниво, на Владата, Собранието, Претседателот на Републиката, министерствата, агенциите, фондовите, јавните претпријатија, МАНУ, МРТВ, имињата на повеќе илјади фирми, Универзитетот. Факултетите, установи или организации што го сордржат терминот Македонија, артефакти, музејски експонати и споменици, ќе се ставаат плочки, како што нацистите на евреите им ставаа значки, дека тоа се дел од хеленската култура. Ќе не тресат грчки комисии и ќе бараат иредентизам во школските учебници, во музеите, литературата, филмот, историографијата, фолклорот, музиката, културата, традицијата, обичаите, песните. Играните филмови Црно семе, Големата вода, Црвениот коњ и многу други, ќе се стават во бункер, ако може во пештерата Врело во Матка, длабоко во водите, никогаш да не испливаат. Нема македонска кинематографија, нема документарни филмови за злосторствата на андартите врз македонското население и сето тоа треба да се уништи и да се заборави, како да не постоеле, вели Маневски. Поранешниот министер апелира Македонците да се освестат. -Ја бришат нашата држава Република Македонија, со некакво ново име Северна, што означува област, а не држава, како што наведе професорката Гордана Давкова Силјановска. Овој пат дефинитивно не бришат од картата на народи. Го бришат од картата македонскиот народ, исконски народ кој со својата писменост и култура извршил одлучувачко влијание на културно и просветно ниво во повеќе држви во Европа. За ноторни лажговци и предавници од типот на Зоран Заев нема ништо македонско. Се е хеленистичко. Со овој капитулантски договор Зоран Заев не сведува на народ без корени, на измислен народ. Народ без корени, не е народ. Тој станува аморфна маса. Тоа сака да не направи предавникот Зоран Заев и неговото злосторничко здружение. Грците користеа повеќе од стотина експерти од земјата и странство, а Зоран Заев се сведе на анонимусите Бојан Мариќиќ, Зоран Башановиќ и Дане Талески. Грците ги користат сите средства. Пред дваесетина години се обидоа да го подкупат Киро Глигоров со над 1 милион долари, пишува Маневски во својата колумна.

БОМБИ ПО НАРОДОТ

Ивона Петрова — Tue, 19 Jun 2018 11:49:04 +0000

Диктаторот и велепредавник Зоран Заев и неговата клика удрија по народот со сите средства, удрија со шок бомби и со лансери за солзавци, со гумени куршуми и борни коли, со пенрдеци и апсења. Удрија по здравјето и животот невини луѓе, по жени и деца, по возрасни луѓе, удрија по државата Република Македонија и Македонскииот народ. Удрија силно и сурово, да го сотрат овој народ и ова земја. Удрија да го задушат народот со солзавци да неможе да диши, удрија по неговата света библиска земја да ја уништат од корен, да се сотре и да не постои. Диктаторот Зоран Заев и неговата клика, здружени со албанскиот блок во власта, владеат со невидено насилство за рушење на државата. Полицaјците кои ги тепаа и омаловажуваа повеќе од три месеци за време на платеничката шарена револуција, ги тепаа и удираа со сите средства, со шипки, палки, камења, бекатон коцки, по нив фрлаа контејнери, ги полеваа со боја и ги колнеа со клетви да ги стигне Куманово и само пред пред Владата повредија повеќе од 50 полицајци, сега ги насочија брутално да го тепаат сопствениот народ и да употребат огромна сила против народот и против сопствената држава. Зошто тогаш никој не одговарше и досега никој не е осуден за тие повреди на полицајците, за палењето и ограбувањето на претседателската канцеларија, за уништување на стотици објекти и нанесубвање на милионски штети? Зошто не е покреката казнена постапка против Зоран Заев, Радмила Шеќеринска и други бојофрлачи за оштетување на објектите? Цел народ виде дека и Заев и Шекеринска фрлаат со боја по зградата на Министерството за правда? Сега, масовно се приведуваат новинари и граѓани. Се впрегнаа сите сили да се притворат повеќе десетици граѓани, да се земат на одговорност за својот став дека не се согласуваат со предавството на државата. Целта е сосема јасна, да се влее огромен страв кај народот да затворат што повеќе граѓани и да се задуши народот. Сега ли се освести полицијата и органите на казненото гонење да приведуваат и постапуваат по повеќе десетици граѓани? Зошто таков селективен однос? Од една страна тотална пасивност на овие органи за нанесување на телесни повреди на полицајци и огроимни штети, а денес толкава ревносност и толкава суровост. Никој не е против законитост, но со целосно почитување на принципот на легалитет, а не за селективност и политички прогон? Тие исти полицајци, кои сега ги втурнаа да го тепаат народот со огромна сила, со голема горчина во душата тоа нема га им го заборават на нивните политички ментори и налогодавци, нема да му заборават на диктаторот Зоран Заев, кој ги втурна против сопствениот народ со толкава сила. И тие полицајци се жртви на ова бездушна предавничка ненародна Влада и диктаторот Зоран Заев и неговата клика. Времето тоа бргу ќе го покаеже. Се повторува истото сценарио. Се предлага Закон за ратификација на противуставен договор со Грција со европско знаменце, по кратка постапка, без дискусија, без расправа во матичната комисија за Меѓународни односи, туку во Комисијата за европски прашања. Се е наместено. Двоецот во Собранието на Македонија Талат Џафери и Атран Груби, повторно се одлучувачките екзекуртори за рушење на македонската држава, по налог на диктаторот и велепредавник Зоран Заев. Граѓани на Македонија! Македонската држава се демонтира и се демолира, се разградува и уништува, почнувајки од Тиранска платформа, неуставниот Закон за употреба на јазиците, откажување од националното малцинство во Бугарија, со противуставен Договор со Грција за промена на Уставот и промена на Уставното име на државата Република Македонија и губење на идентитетот на македонсакиот народ. Ние друга држава немаме. Од диктаторот Зоран Заев и неговата клика, ставени сме во положба да се бориме со сите демократски средства за зачувување на нашата држава. Народот е посилен од сите диктатори и велепревдавници и ќе победи, а велепредавниците ќе ги стигне заслужената казна. КОЛУМНА НА МИХАЈЛО МАНЕВСКИ

Собранието не може да изврши ратификација на противуставен договор

Михајло Маневски — Wed, 13 Jun 2018 11:44:30 +0000

Договорот со Република Грција, склучен шверцерски и подмолно по телефон, кој денес еуфорично го обзнани Зоран Заев како „огромен успех“ е срамна капитулација и велепредавство. Toj таканаречен договор е противуставен и незаконит и таков договор не може да биде ратификуван во Собранието на Република Македонија, од повеќе уставни и законски причини: 1.Владата не е надлежна и нема ниту уставно, ниту законско овластување за скучување на ваков договор. Склучувањето на меѓународните договори е уредено со членот 119 од Уставот на Република Македонија и со Законот за склучување, ратификација и извршување на меѓународни договори од 22 јануари 1998 година. Според членот 119 став 1 од Уставот, меѓународните договори во името на Република Македонија ги склучува претседателот на Република Македонија. Во членот 3 став 1 од Законот за склучување, ратификација и извршување на меѓународни договори, исто така се предвидува дека меѓународните договори во име на Република Македонија ги склучува претседателот на Републиката. Според членот 119 став 2 од Уставот, меѓународни договори може да склучува и Владата на Република Македонија кога тоа е определено со закон. Согласно членот 3 став 2 од Законот за склучување, ратификација и извршување на меѓународни договори, цитирам: “Меѓународни договори во име на Република Македонија може да склучува и Владата на Република Македонија за работи со кои се уредуваат прашања од областа на економијата, финансиите, науката, културата, образованието и спортот, сообраќајот и врските, урбанизмот, градежништвото и заштитата на животната средина, земјоделството, шумарството, водостопанството, здравството, енергетиката, правдата, трудот и социјалната политика, човековите права, дипломатско-конзуларните односи, како и од областа на одбраната и безбедноста на државата”. Во Законот точно се наведени прашањата за кои области Владата е освластена за склучување на меѓународни договори. Со договорот со Република Грција не се уредуваат прашања од овие обаласти, туку се прифаќа промена на Уставот, уставното име на државата и македонскиот идентитет.

Зоран Заев ги пречекори сите овластувања и постапува противуставно и противзаконски.

Владата воопште нема овластување за склучување на ваков договор. Никој нема право, ниту претседателот на државата, ниту Владата да склучува противуставен договор. Според членот 2 од Законот за склучување, ратификација и извршување на меѓународни договори, со меѓунаероден договор се утврдуваат права и обврски за државата, согласно со Уставот на Република Македонија и меѓународното право. Овој таканаречен договор, не е во согласност со Уставот на Република Македонија, туку е против Уставот, затоа што целата содржина на договорот предвидува промена на Уставот на Република Македонија и промена на уставното име на државата или “ревизија на Уставот” како што бараше грчката страна. Кога се склучува меѓунатроден договор, прво што мора да се оцени дали има уставна основа за склучување на таков договор. Тоа е сосема јасно наведено во Законот, кој пропишува постапка за склучивање на меѓународен договор. Според членот 8 од Законот, “предлогот за поведување на постапка за водење на преговори за склучување на меѓународен договор треба особено да содржи уставна основа, оцена на состојбите на односите со односната држава или меѓународна организација, причини поради кои се предлага склучување на меѓународниот договор, финансиските средства потребни за извршување на договорот и начин на нивното обезбедување, предлог за состав на делегацијата на Република Македонија која ќе ги води преговорите и пресметка на трошоците за работа на делегацијата.” Предлогот на основите за водење на преговорите треба да ги содржи: битните елементи на договорот кој се предлага да се склучи, основните прашања за кои ќе се водат преговорите и предлог на ставови кои Владата треба да ги заземе во врска со тие прашања кои се задолжителни за делегацијата на Република Македонија во преговорите за склучување на меѓународниот договор. Кон предлогот за поведување на постапка за склучување на меѓународен договор се приложува и нацрт на меѓународниот договор. Од сето ова ништо не е почитувано. Не е почитувана ниту една одредба од Законот. На прво место при склучување на меѓународен договор се става уставната основа. Која е уставната основа за склучување на ваков договор. Иако во членот 4 од Законот, сосема јасно е наведено дека “за водење на преговори и склучување на меѓународни договори одлучува претседателот на Република Македонија”, тој беше целосно противуставно исклучен од вршење на неговите надлежности и неговиот кабинет на два пати јавно бараше писмени известувања за разговорите.

Со меѓународен договор не може да се бара промена на Уставот на една држава.

Уставот на Република Македонија во членовите 130 и 131 ја уредува постапката за измена на Уставот. Предлог за пристапување кон измена на Уставот на Република Македонија може да поднесат претседателот на Републиката, Владата, најмалку 30 пратеници или 150.000 граѓани. Одлука за пристапување кон измена на Уставот донесува Собранието со двотретинско мнозинство гласови од вкупниот број пратеници. Нацртот за измената на Уставот го утврдува Собранието со мнозинство гласови од вкупниот број пратеници и го става на јавна дискусија. Собранието на Република Македонија не може да ратификува ваков неуставен договор, и уште повеќе не може да ратификува ваков договор со просто мнозинство пратеници на Собранието. Бидејќи се работи за темелна промена на Уставот на Република Македонија, уставното име на државата и идентитетот, значи се работи само за уставни прашања, ако Зоран Заев се обиде насила и шверцерски да го протури овој договор за ратификација во Собранието, таква раификација може да се изврши само со двотредтинскио мнозинство од вкупниот број пратеници на Собранието. Ако предавникот Зоран Заев сака да ги преточи решенијата од договорот во Уставот и да го смени името на државата, Владата може до Собранието да достави предлог за пристапување кон измена на Уставот. Одлука за пристапување кон измена на Уставот Собранието донесува со двотретински мнозинство од вкупниот број пратеници. Биделки нема никаква уставна и законска основа за донесување и за подпишување на ваков договор и нема законска основа за ратификација на ваков срамен договор, целата работа се врши со насилство врз државата и граѓаните, врз институциите, се се сведува на лаѓи, манипулации и подметнувања. Зоран Заев и Никола Динмитров се впуштија во авантура и прифатија се што бараа грците со нивните црвени линии. Ги прифатија сите нивни црвени линии и ги оцрнија душите на граѓаните на Македонија. Татковата клетва ќе го стигне Никола Димитров, каде и да се наоѓа. Освен прегратките и бакнежите со Никос Козијас, од него ништо не се виде. Оклештен до уши, Козијас му ги заби ножевите во грбот. Дури прифатил да се брише уставната одредба од член 49, која предвидува уставна грижа за положбата и правата на припадниците на македонскиот народ во соседните земји и за иселениците од Македонија. Човек да се запраа каква душа имаат Зоран Заев и Никола Димитров? Никола Димитров изигрува голем европски дипломат, а се откажува од македонското национално малцинство во соседните земји. Се срами и да го спомене геноцидот врз македонците во Егејска Македонија и протерувањетио на над 25 илјади деца, кои сега ќе одбележат 70 години од тој злостор? Не е ни чудо ваков бесрамник и да говори на нивната средба. За одземените имоти на протераните и да не споменуваме, затоа што тој заборавеник тоа не го гледа, заслепен од лажните тапкања по рамо. За него и за Зоран Заев има само една честитка, успеаја да го исфрлат Метју Нимиц од посредништвото и тоа е заменето со телефон дипломатијата и со “експерти” од типот на Бојан Маричиќ, Дане Талески и Зоран Башановиќ. Еве кој ја крои судбината на македонската држава и македонскиот народ. Сега, во втората фаза, после ова грозотија што ја направија, ќе се обидат со насилство, закани, лаги, подметнувања и манипулации да го заплашуваат народот. Таа книга одамна е прочитана и нема да им успее и со потплатување во кеш и со реклами на новинари, како што вели Бранко Геровски, и со лигав директор на медиум, кој се извинува, а парите што ги зел не ги враќа. Сакам да го подсетам Јавниот овбинител на Република Македонија да си ја изврши својата службена должност и да го почитува начелото на легалитет, со тоа што веднаш ќе покрене кривична постапка против Зоран Заев и Никола Димитров за кривични дела против државата Велепредавство од членот 305, Загрозување на независноста од членот 308 и Злосторничко здружение од член 394 од Кривичниот Законик.