михајло михајловски – Kurir.mk

Претседателите на РК Вардар и РК Е.Пелистер – Нека победи спортот и ракометот (ФОТО)

Бошко Тасиќ — Wed, 22 Mar 2023 05:59:29 +0000

За неколку дена ќе се одигра првото лигашко дерби меѓу Вардар и Еурофарм Пелистер, дуел кој има огромно значање во борбата за титулата, но и дуел пред кој двата претседатели на клубовите, Михајло Михајловски и Зоран Стерјев при што беше испратена јасна порака. Махајмовски и Стерјев упатија апел до тренерите, играчите, навивачите и спортските љубители во недела да победи спортот, да победи моментно подобриот тим, да победи ракометот. Во продолжение ви го пренесуваме заедничкото соопштение:

Михајловски повеќе не е прв човек на СЕХА

Ристе Здравков — Sat, 03 Sep 2022 14:08:18 +0000

Михајло Михајловски повеќе не е претседател на СЕХА, а неговото место на чело на регионалната лига ќе го преземе Божидар Ѓурковиќ од Србија, како што беше објавено на официјалната страна. Синиша Остојиќ од Хрватска ќе остане директор и во следниот мандат, додека Марјан Начевски ќе биде комесар на лигата, а место во Управниот одбор имаше и за првиот човек на Пелистер, Зоран Стерјев, додека Михајловиќ ја добие титулата почесен претседател. „Сакам да ви се заблагодарам на сите за 10 години успешна соработка. Горд сум на претходните години и убеден сум дека СЕХА има светла иднина. Лично, мислам дека е време да му ја предадам позицијата претседател на Божидар Ѓурковиќ за кој верувам дека ќе продолжи по вистинскиот пат“, кажа Михајловски.

Михајловски: Највисоките владини и градски институции не ги исполнија ветувањата, добивме нула помош за спас на Вардар

Ивона Петрова — Mon, 27 Jun 2022 11:07:34 +0000

Генералниот менаџер на ракометниот првак Вардар, Михајло Михајловски, на денешната прес-конференција детално објасни за одлуката на ЕХФ да ги исклучи „црвено-црните“ од Лигата на шампионите. Тој е изненаден од леснотијата со која се суспендира двократниот европски шампион, и покрај речиси во целост исплатените долгови од претходните две години. – Ги имам сите преписки со ЕХФ. Мислам дека „западњаците“ се многу крути и одлуката што ја донесоа е без правна основа. На состанокот на ЕХФ во само неколку минути донеле одлука да го исфрлат Вардар. Претседателот на ЕХФ кажал „Ние со Вардар се мачиме 2-3 години, не ги измириле обврските, мора да заведеме ред“ и ја донеле одлуката. Јас им посочив дека во време на пандемија и војна ние ги сервисиравме долговите. Точно е дека првичниот рок не го запазивме, но со мало задоцнување сè беше подмирено. Чудно е тоа што во ниеден момент не ни напишаа „Ако не платите до тогаш, нема да играте“. Јас уште во првата година им потпишав дека ги преземаме долговите од „стариот„ Вардар. Кога мислевме дека ги исплативме 2,6 милиони евра, се појавија некои долгови кон двајца поранешни играчи. Но, за такво нешто немаме никакви сознанија, ниту има одлука на арбитража, посочи Михајловски. Првиот човек на РК Вардар 1961 не планира да ја тужи ЕХФ, без оглед што смета дека клубот неправилно е исфрлен од Лигата на шампионите. Михајловски е разочаран и од неисполнетите ветувања од како што рече „највисоки владини и градски институции“. – Се нафатив да го спасуваме Вардар во момент кога играчите и администрацијата беа без договори. Целта беше трофеи во домашното првенство и куп и пласман во осминафинале во ЛШ и финале во СЕХА. Добив ветувања од видни личности, знам дека економската ситуација во државата е многу тешка, но да знаев дека помошта ќе биде нула, немаше да се вратам во клубот, рече Михајловски. Европската ракометна федерација (ЕХФ) на 17 јуни одлучи да го суспендира Вардар од Лигата на шампионите поради финансиски долгови кон поранешни играчи.

Првиот човек на Вардар најави офанзива против одлуката на ЕХФ за исфрлање од ЛШ

Ристе Здравков — Mon, 20 Jun 2022 17:41:00 +0000

Специјализираниот сајт за ракомет, „Балкан Хендбол“, објави дека ЕХФ е пред конечна одлука за исфрлање на РК Вардар од Лигата на шампиони. На таквите најави, првиот човек на клубот, Михајло Михајловски, во интервју за дневниот весник „Слободен печат“, најави дека ништо не е официјално и дека ќе се оди на суд ако се донесе непопуларна одлука. Европската куќа на ракометот не сака да му даде дозвола на Вардар да учествува во ЛШ сезонава, пред се поради претходните долгови на клубот, кои се направени од старото раководство, кои до ден денес не се расчитени. „Јас сум во Келн, а ЕХФ таа одлука ја донеле во петокот, предлог-заклучок. Јас ќе имам разговор со господинот Видерер. Најверојатно ќе одиме по судови. Ние денеска ќе им го напишеме тоа. Тоа е заради долговите од претходното раководство. Ова не е конечно. Ќе видиме“, порача Михајловски за „слободен печат“.

Михајловски: Самсоненко платил долг од 700.000 евра

Бошко Тасиќ — Thu, 19 Aug 2021 14:53:34 +0000

Првиот човек на Вардар 1961, Михајло Михајловски, говореше на прес-конференција пред стартот на официјалните натпревари на екипата оваа сезона. „Имавме хендикеп и големи нервози кога ЕХФ соопшти дека нашиот настап во Лигата на шампионите е доведен под знак прашалник поради стари обврски. Има тројца играчи кои пријавиле во ЕХФ и од таму потекнува целата таа сторија. ЕХФ инсистираше на некоја нивна конзервативна и неприфатлива идеја да се депонира милион евра за да се има пари да се исплатува ако некој тужи. Во директни контакти се договоривме со челниците на ЕХФ. Се исплатија играчите по 700.000 евра, а остантите 300.000 евра се како депозит кој стои и тие може да се искористат. Мојата функција во тие преговори беше начинот да се смени плаќањето на тие средства, а за останатите средства беше задолжен Сергеј Самсоненко. Со тоа нема условување дали Вардар 1961 ќе игра во Лигата на шампионите. Но, тоа ни направи проблем, затоа што ланските спонзори чекаа да се заврши со ЕХФ целиот проблем, па да преговараме. Тоа не успори за договорите за спонзорирање со Вардар. Бидејќи сега имаме чист терен пред себе, јас го користам овој прес да испратам апел до сите досегашни спонзори да се обнови договорот и да дојдат некои нови потенцијални спонзори да го помогнат Вардар. Сепак, ние сме двократен европски првак и клуб со јавен интерес. Најдобар клуб од државата. Очекувам институции од градот, од владата, од општините и некои државни јавни претпријатија да го помогнат овој проект и она кое се зацрта да се оствари. Наша цел е да се влезе во ТОП-8 во Европа, да се игра финале на СЕХА лигата и да се освои двојната круна во Македонија“, изјави Михајловски. foto: gol.mk

Михајло Михајловски и Веселин Вујовиќ во акцијата „Купи билет за спас на ФК Вардар“

Бошко Тасиќ — Mon, 01 Feb 2021 20:22:27 +0000

Претседателот на РК Вардар 1961 Михајло Михајловски одлучи да се вклучи во акцијата за помош на ФК Вардар. Според информациите Михајловски купил 1.000 билети за спас на ФК Вардар, сега издвојувајќи се како лице кое низ досегашниот тек од акцијата купило најголем број виртуелни билети, донирајќи на тој начин 100.000 денари за опстанок на фудбалскиот клуб. Во акцијата „Купи билет за спас на ФК Вардар“ се вклучи и миленикот на најверните вардарови навивачи, ракометниот тренер Веселин Вујовиќ

„Има некои луѓе кои се поврзаа со нас и Вардар на ниво незапаметено, кое не познава граници. Секогаш кога ќе се сетиме на моментите поминати заедно, градејќи една приказна која доживеа кулуминација, но и сеуште трае, и ќе трае, емоциите тешко се задржуваат…

Па кога може една ваква легенда да застане рамо до рамо со нас во борбата за ВАРДАР, зошто да не можеме и ние кои сме тука родени, живееме и тука ќе останеме засекогаш со ВАРДАР? Нека ечи сега повторно како некогаш, нека грми, нека ни лазат морници додека го скандираме името на неговото височество: ВУЈО МАЈСТОРЕ !!!“ – напишаа „Комитите“ споделувајќи ја фотографијата на Веселин Вујовиќ.

Михајловски: Уште среден и десен бек и мојот Вардар ќе биде комплетен

Ристе Здравков — Fri, 22 May 2020 15:00:38 +0000

Ако пред две недели супер-активен беше Еурофарм Пелистер, сега ред е на Вардар. Секојдневно „црвено-црните“ преговараат и реализираат трансфери како би биле компетитивни следната сезона. Од денес нов член на двојниот европски првак е Филип Талески. Претседателот Михајло Михајловски не го криеше задоволството од доведувањето на репрезентативецот и најави дека сега ќе се концентрира на среден и десен бек. „Вчера постигнавме договор со Талески и драго ми е што ќе биде дел од нашиот ростер за следната сезона. Неговото доаѓање не исклучува ниту еден од останатите бекови од ростерот. Следната сезона на лев бек ќе играат Санталов, Талески, Дисингер и Атанасовски. Задоволен сум од тоа што го имаме. Проектот полека се комплетира и ни недостига само уште еден среден и еден десен бек и ростерот на Вардар ќе биде затворен“, рече за Gol.mk, Михајловски. Вардар ќе има целосно изменет лик следната сезона, ќе се потпре на млади засилувања. Сите ракометари кои пристигнаа пролетва се ракометари помлади од 25 години, нешто што не беше случај во претходните преодни рокови, кога главно Самсоненко ангажираше проверени имиња и големи ѕвезди.

Михајло Михајловски : Вардар ќе живее и ќе биде и понатаму успешен!

Дарко Андоновски — Fri, 03 May 2019 16:20:19 +0000

Поранешниот прв човек на ракометниот клуб Вардар денеска со радосна вест до сите навивачи и фанови на Вардар објави дека Вардар и понатаму ќе живее и ќе биде успешен клуб. -Добивав многу повици и молби за спасување на РК Вардар. Имав и разговори на таа тема со бизнисмени кои сакаат да помогнат... Ги молам играчите за трпение до 10 мај и да се воздржат од предвремено раскинување на договорите и давање на исписници, изјави Михајловски.

Михајловски: Ќе направиме се СЕХА-лигата да биде поквалитетна

Даниел Василев — Sun, 15 Apr 2018 12:21:49 +0000

Првиот човек на СЕХА-лигата, Михајло Михајловски на денешната прес-конференција пред последниот натпреварувачки ден во регионалното натпреварување, изрази задоволство што Скопје по втор пат е огранизатор и лигата прераснува во, како што рече, многу сериозно и престижно натпреварување. За ова му оддаде должна почит на главниот спонзор „Гаспром“, кој помогнал лигата да е на високо ниво, што покажува и фактот дека актуелниот првак во Лигата на шампионите е и шампион во СЕХА-лигата. - Задоволство е дека втор пат Скопје е домаќин на Ф4. Една од причините е и Вардар, кој е европски првак и екипа што најчесто го освојувала ова натпреварување. Кога почнувавме пред седум години имаше многумина кои не веруваа дека ќе истраеме. Имавме среќа бидејќи во „Гаспром“ најдовме стабилен спонзор, кој помогна лигата да биде таква-каква што е во моментов. Од ЕХФ го споредуваат завршниот Ф4 со завршниот турнир на Лигата на шампионите во Келн, изјави денеска Михајловски. Михајловски најави и реорганизација во лигата, со цел да биде уште поквалитетна. - Во СЕХА-лигата имаме од шест до осум екипи кои играат и групна фаза во ЛШ. Сакаме реорганизација да го намалиме бројот на натпревари, но да го зголемиме квалитетот. Ќе направиме сè лигата да биде поквалитетна, но екипите од 20 да имаат на пример 14 средби во сезоната. Ќе измислиме нешто паметно за СЕХА да биде уште поинтересна, рече меѓу другото ппретседателот на СЕХА-лигата. МИА