Михајло Подољак – Kurir.mk

Подољак: Прекин на огнот ќе значи победа на Русија и личен триумф на Путин

Тале Кристо — Mon, 07 Aug 2023 17:38:48 +0000

Советникот на украинскиот претседател, Михајло Подољак, денеска изјави дека во сегашната ситуација, прекин на огнот и замрзнувањето на војната во Украина би биле победа за Русија и нејзиниот претседател Владимир Путин. „Секое сценарио за прекин на огнот и замрзнување на војната во Украина во овој момент ќе значи само едно – победа на Русија и личен триумф на Путин“, напиша Подољак на социјалната мрежа Х. Во тој случај, тврди Подољак, меѓународното право би ја изгубило сета моќ и би се вовел „законот на џунглата“. „Војната ќе стане алатка за постигнување политички цели, а бројот на конфликти и хаос во светот драстично ќе се зголеми. На сите ќе им стане јасно: можно е да се нападне друга земја, да се окупира дел од неа, да се организира масакр таму и да се воспостави право на сила на та територија со премолчена согласност на светот“, додаде советникот на Володимир Зеленски. Подољак изјави дека тоа ќе биде „голем пораз за западниот свет“ и „крај на сегашниот глобален безбедносен поредок“. „Замрзнувањето на војната нема да стави крај на конфликтот и нема да го намали страдањето на украинскиот народ. Напротив, доколку Москва ја задржи половината од Украина и оди на пауза, ќе почне да се подготвува за следната рунда“, смета украинскиот функционер, додавајќи дека Русија, по смената на лидери во клучните западни земји, ќе почна „поголема, покрвава и подобро подготвена војна“. Тој додаде дека во сегашната ситуација не може да има преговарачки процес и дека мора да се промени статус кво состојбата на бојното поле. „Тоа значи повеќе оружје, проектили и авиони“, заклучи Подољак.

Подољак: Во Русија допрва почнува

Ивона Петрова — Sat, 24 Jun 2023 10:12:13 +0000

Советникот на украинскиот претседател Володимир Зеленски, Михајло Подољак, постапките на шефот на руската платеничка компанија „Вагнер“, Евгениј Пригожин, денеска ги опиша како „антитерористичка операција“ и кажа дека „во Русија допрва почнува“, пренесоа британските медиуми. „Поделбата меѓу елитите е премногу очигледна. Согласноста и преправањето дека се е во ред едноставно нема да успее“, напиша Подољак на Твитер. „Некој дефинитивно мора да загуби - или Пригожин... или колективниот „анти-Пригожин““, додаде тој. „Во Русија допрва почнува“, заклучи Подољак.

Подољак: Русија планира терористички напад, сака „сива зона без население“

Ивона Петрова — Thu, 22 Jun 2023 13:03:53 +0000

Еден од главните советници на украинскиот претседател, Михајло Подољак на Твитер објави дека Русија планира да ја нападне нуклеарната централа Запорожја за да создаде „сива зона без население“. - Русија не може да го задржи Енерходар и затоа размислува за голем терористички напад врз Запорожје, за да ја запре украинската контраофанзива и да создаде санитарна сива зона без население, како дел од територијалниот статус кво без прекин на огнот, напиша Подољак на Твитер. Тој исто така наведе и дека Москва може да се обиде да ја нападне браната во Криви Рих со Кинжал. - Во моментов во тек е дополнително минирање на нуклеарната централа, вклучувајќи ги и базените за ладење. Дали Кремљ ќе одлучи да продолжи со ова сценарио зависи исклучиво од глобалната реакција. Мора да се дефинираат црвените линии. Тие мора да ги знаат последиците. Не утре. Денеска, посочи Подољак. Претходно и Володимир Зеленски сугерираше дека Москва планира напад врз нуклеарна централа, на што Москва веднаш реагираше, истакнувајќи оти тоа е уште една лага.

Подољак: Украина нема никаква врска со „невообичаениот и чуден“ напад со дрон врз Кремљ

Тале Кристо — Thu, 25 May 2023 12:01:43 +0000

Михајло Подољак, висок советник на претседателот на Украина, Володимир Зеленски, денеска изјави дека Украина нема никаква врска со „невообичаениот и чуден“ напад со дрон врз Кремљ, минимизирајќи ги извештаите на американските медиуми. Весникот „Њујорк тајмс“ напиша дека анализите на американските разузнавачки служби покажале дека нападот со дрон врз Кремљ овој месец најверојатно бил извршен од украинска разузнавачка единица или специјална единица. Москва го обвини Киев за нападот. Подољак рече дека Русија настојува да ги намали испораките на оружје за Украина во обид да ги искористи стравовите од Западот од можна ескалација поради наводните украински напади на руска територија.

„Путин изгубил врска со реалноста“, оцени советникот на Зеленски по повод говорот на рускиот претседател

Ивана Ефремовски — Tue, 21 Feb 2023 13:38:01 +0000

Денешниот говор на рускиот претседател Владимир Путин пред политичката и воената елита на земјата покажа дека тој изгубил контакт со реалноста, изјави Михајло Подољак, висок советник на украинскиот претседател Володимир Зеленски. Во својот говор, Путин рече дека ќе ја продолжи „специјалната воена операција“ во Украина и ја обвини НАТО алијансата предводена од САД дека го разгорува конфликтот, поттикната од нејзиното погрешно верување дека може да ја победи Москва во глобална конфронтација. -Тој живее во сосема поинаква реалност, каде што нема можност да се води дијалог за правдата и меѓународното право“, изјави за Ројтерс Михаило Подољак, пренесува БТА. -Русија е во ќорсокак. Во најочајната можна ситуација. Што и да направи Русија, само ќе ја влоши својата ситуација, резимира Подољак. Тој рече дека Путин е збунет и не ја разбира ситуацијата и предвиде дека тоа ќе доведе до повеќе тешкотии за Русија во блиска иднина. -Ова значи дека хаосот и на бојното поле и внатре во Русија ќе расте, додаде Подољак. (МИА)

Подољак: Русија мора да се повлече од Украина пред почетокот на мировните преговори

Тале Кристо — Fri, 17 Feb 2023 11:07:21 +0000

Висок украински функционер денеска ја отфрли можноста за мировни преговори со Москва доколку Русија не се повлече од Украина, повторувајќи го претходниот став на Киев пред почетокот на меѓународната безбедносна конференција во Минхен, на која главна тема ќе биде војната. „За декриминализација на глобалната политика и вистинска глобална безбедност, војната мора да заврши со победа на Украина“, напиша на Твитер Михајло Подољак, политички советник на претседателот Володимир Зеленски. „Преговорите може да започнат кога Русија ќе ги повлече своите трупи од територијата на Украина. Другите опции и даваат само време на Русија да се прегрупира и да продолжи со непријателствата во секое време“, додаде Подољак. Германскиот канцелар Олаф Шолц, францускиот претседател Емануел Макрон и американската потпретседателка Камала Харис се меѓу многуте високи функционери кои присуствуваата на безбедносната конференција во Минхен.

Подољак: Никогаш не преговарајте со луѓе без логика

Ивана Ефремовски — Thu, 26 Jan 2023 07:31:21 +0000

Михајло Подољак, советник на украинскиот претседател Володомир Зеленски, ја коментираше одлуката за испраќање западни тенкови и реакцијата на Русија на неа. „Русија речиси една година ја напаѓа Украина, масовно убива цивили, користи илјадници тенкови… Но, штом Европа и вети тенкови на Украина, (портпаролката Марија) Захарова хистерично вели: „Ова е потврда за однапред испланирана војна против Русија. „Никогаш не преговарајте со луѓе без логика“, напиша тој на социјалните мрежи. (МИА)