Мик Џегер – Kurir.mk

Мик Џегер утре го слави својот 80. роденден

Катерина Бојаџиева — Tue, 25 Jul 2023 06:51:58 +0000

Можеби една од најстарите британски рок-ѕвезди, Мик Џегер утре го слави својот 80. роденден, но се чини, фронтменот на „Ролинг стоунс“ не покажува знаци на стареење или забавување. Тој има намера да го прослави роденденот со голема забава во југозападен Лондон. Тој неодамна беше на турнеја низ Европа по повод 60-годишнината на бендот. Со песни како „Jumpin' Jack Flash“, „Gimme Shelter“ и „Sympathy for the Devil“, рок-составот помогна да се активира културната и социјалната експлозија од 1960-тите и подоцна. Турнејата заврши лани, но без тапанарот Чарли Вотс, кој почина во 2021 година. Џегер, инаку, беше подложен на операција околу срцевиот залисток во 2019 година, но и покрај тоа, енергичниот шоумен одржува блескава фигура и одлична форма со својот режим на трчање, кик-бокс, возење велосипед и јога. Мајкл Филип - Мик Џегер е роден на 26 јули 1943 година во Дартфорд, јужно од Лондон, Англија. Почнал да свири со другарот од детството, Кит Ричардс во 1960., откако ја открија заедничката љубов кон блузот и го основаа „Ролинг стоунс“ во 1962., којшто за кусо ќе се дообликува со Бил Вајман и Чарли Вотс. Џегер во меѓувреме се откажа од Лондонската школа за економија, а 1965 година составот го имаше и првиот голем хит - „(I Can't Get No) Satisfaction“. Следеа низа евергрини, како - „Brown Sugar“, „Honky Tonk Women“ и „Paint It Black“.

Мик Џегер ја запроси 44 години помладата девојка, рокерот по трет пат застанува на лудиот камен

Ивона Петрова — Mon, 03 Jul 2023 16:29:10 +0000

Мик Џегер (79) и неговата 44 години помлада девојка Мелани Хемрик наскоро ќе стапнат на лудиот камен, ова ќе биде трет брак за фронтменот на групата Ролинг Стоунс. Иако досега само се шпекулираше дека Мик ја запросил Мелани, нејзините пријатели ги потврдија наводите и открија дека наскоро ќе има свадба. - Засега Мик и Мелани не планирале кога ќе биде венчавката и како ќе изгледа, но многу и значи тоа што Мик и подари веренички прстен - изјавиле пријателите на атрактивната балерина. Мелани и Мик Џегер се запознале во 2014 година во Токио, на денот кога „Стоунс“ имале концерт. Тие добија син во декември 2016 година, што е осмо дете на рокерот бидејќи има уште седум со пет различни жени. Тој е и дедо и прадедо, има пет внуци и една правнука. Славниот Џегер веќе и купил куќа на Мелани во Њујорк и и дава 15.000 долари месечно за издржување на синот, а двајцата се во „отворена врска“, како што претходно објавија медиумите.

Нападнала полицајци: Ќерката на Мик Џегер е уапсена на Ибица – еве што точно се случило

Ивана Ефремовски — Fri, 19 May 2023 07:29:18 +0000

Ќерката на Мик Џегер, Џејд, е уапсена на Ибица откако наводно нападнала неколку полицајци, јавуваат локалните медиуми. Инцидентот избил во ресторан, а таа поради своите постапки наскоро ќе мора да се појави на суд. Таа цела ноќ ја поминала зад решетки, бидејќи прво вербално, а потоа и физички ги нападнала надлежните и одбила да послуша нивни наредби. Дизајнерката на накит (51) била на пријателска вечера на која во еден момент станала и насилна. Вработените се обиделе да ја смират, но тоа воопшто не и се допаднало на неа и на другиот гостин на таа маса. Пријателот потоа започнал расправија, па дури и им се заканувал на другите кои вечерале во истиот ресторан. -Некој се јавил околу девет часот да пријави нарушување на јавен ред и мир. Меѓутоа, додека пристигнала полицијата, човекот го напуштил барот откако на парот им било кажано дека повеќе нема да им носат пијачки. Случаен минувач тогаш ги известил надлежните дека маж малтретира луѓе на улица. Бидејќи не сакал ни да го каже своето име, туку бил насочен против нив, морал да биде уапсен. Прво извикала: „Глупава полиција“, а потоа турнала еден од нив и го удрила. Потоа и таа е уапсена, објаснил за „Мирор“ извор од местото на настанот и додал дека наследничката на Џегер дури и изгребала полицајка.

Мик Џегер позитивен на Ковид-19, одложена турнејата

Ивона Петрова — Tue, 14 Jun 2022 06:08:09 +0000

Пејачот на „Ролинг стоунс“, Мик Џегер вчера објави дека е заразен со коронавирусот, со што се откажува нивниот настап во Амстердам, Холандија. „Многу ми е жал што мораме да го одложиме шоуто во Амстердам со толку кратко известување вечерва. За жал, штотуку испаднав позитивен на Ковид. Нашата цел е да го презакажеме датумот што побрзо и да се вратиме што поскоро“, напиша 78-годишниот пејач на Твитер. Легендарниот британски бенд ја отвори својата европска турнеја со настап во Мадрид на 1 јуни, по повод одбележувањето 60 години од основањето на групата.

ВИДЕО: Химна за после пандемијата на Мик Џегер и Дејв Грол

Тале Кристо — Wed, 14 Apr 2021 08:07:49 +0000

Рокерите Мик Џегер и Дејвид Грол ги здружија силите и создадоа „пост-пандемиска химна“. Се работи за песна којашто се однесува на контроверзиите што ги среќаваме во ерата на Ковид-19, карантини, маски, Тик-ток, Зум и анти-вакцина движења. Песната се вика „Eazy Sleazy“ и синоќа е објавена на платформата „Јутјуб”. – Сакав да ја споделам оваа песна што ја напишав по повод излегувањето од изолација, со толку посакуван оптимизам. Дејв, ти благодарам што ги зеде за тапаните, басот и гитарата, беше забавно да работам со тебе на овој проект. Јас се надевам дека сите ќе уживаат во тоа… Во песната „Eazy Sleazy”, изјави прославениот пејач на Ролинг Стоунс, Мик Џегер (77). Дејв Грол (52) е американски рок-музичар, пејач и текстописец, а својата кариера ја започна во 1980-тите во рок-бендот „Скрим“, а потоа и како тапанар во славната „Нирвана“. По смртта на пејачот на „Нирвана“ – Курт Кобејн, Грол ја основа групата „Фу фајтерс“ и соработува со многу други познати музичари.

Романтика “тешка“ два милиони долари: Мик Џегер со ваков подарок ја израдува својата девојка

Ивана Ефремовски — Sun, 20 Dec 2020 15:51:29 +0000

Познатиот пејач Мик Џегер реши да ја израдува својата девојка Мелани Хамрик со тоа што и купи куќа во вредност од 2 милиони долари. Овој имот се наоѓа помеѓу Сарасота и Брадентон, Флорида. Областа е тивка и приватна и далеку од метежот – вели извор близок до парот. Мелани Хамик и Мик Џегер, наводно, се одлучиле за овој имот по виртуелна турнеја и никогаш не ја посетиле физички локацијата. Куќата во медитерански стил, изградена во 2008 година, има неколку надворешни простории за живеење и базен во слободна форма. Внатрешноста е „класично формална“, со четири спални соби.

Годините не му можат ништо: Мик Џегер со танц каков што ни двојно помлади не можат да изиграат (ВИДЕО)

Ивана Ефремовски — Thu, 16 May 2019 15:42:50 +0000

Лидерот на легендарните „Ролинг Стоунси“ Мик Џегер повторно танцува и покажува дека уште не е за пензија. Џегер на Титер објави видео на кое може да се види како повторно танцува во свој стил, со што според Ројтерс покажува дека се вратил во форма по операцијата на залистокот на срцето.

pic.twitter.com/nx5JFB2ZuJ
— Mick Jagger (@MickJagger) May 15, 2019

75-годишниот Џегер според она што може да се види во видеото е во одлична форма, дури и додека танцува и ги прави своите вообичаени чекори кои се неговиот заштитен знак.

Ролинг Стоунс ја одложуваат турнејата, причината ќе ги загрижи фановите на Мик Џегер

Ивана Ефремовски — Mon, 01 Apr 2019 15:31:49 +0000

Легендарната рок група Ролинг Стоунс ја одложува својата претстојна турнеја по Северна Америка, што требаше да почне на 20-ти април. Причината за одложувањето на турнејата е лекувањето на фронтменот Мик Џегер. „Мразам што ве оставам на ваков начин и многу сум разочаран што мораме да ја одложиме турнејата на ваков начин, но се радувам на враќањето веднаш штом ќе можам”, порача 75- годишниот Мик Џегер преку социјалните мрежи. Портпаролот на легендарните Стоунси на Твитер ги информира фановите дека по лекувањето, Џегер ќе биде целосно опоравен, но без да објасни каква е неговата сегашна здравствена состојба. „Докторите на Мик Џегер му советуваат овој пат да ја одложи турнејата“ , кратко соопшти портпаролот. Северноамериканската турнеја "No Filter" требаше да почне на 20 април во Мајами и да трае до 29 јуни.