мик шумахер – Kurir.mk

ФОТО: Мик Шумахер во врска со манекенка која е со потекло од Балканот

Ивона Петрова — Tue, 15 Aug 2023 19:57:50 +0000

Германскиот возач Мик Шумахер е во врска со манекенката Лаила Хасановиќ, која по потекло е од Сребреница. Парот замина на одмор, а тој на социјалните мрежи сподели заедничка фотографија од нив. Во описот стави емотикон срце, по што следуваат честитки од фановите.

View this post on Instagram

A post shared by Mick Schumacher (@mickschumacher)

„Ви посакувам се најдобро. Прекрасен пар сте“, „Конечно објавивте дека сте заедно“, „Честитки иако сум љубоморна“, се некои од нив. Тој претходно објави фотографија на која се држат за раце и носат исти алки. Двајцата се сретнаа на Гран при во Белгија. Таа е родена во Данска, а често ја посетува Сребреница. Во 2019 година, Лаила влезе во финалето на изборот за Мис Универзум во Данска. Често на социјалните мрежи објавува детали од снимањето на модни кампањи, патувања и слично. Во моментов има речиси 180 илјади следбеници на Инстаграм.

Мик Шумахер: Целта е да се вратам во Ф1

Ивона Петрова — Tue, 16 May 2023 05:48:41 +0000

Германскиот возач Мик Шумахер зборуваше за односот кон суеверието и потенцијалното негово враќање во Формула 1. - Верувам во хороскопските знаци. Јас сум Овен и ќе се пробивам со глава низ ѕид. Мојата цел е повторно да го добијам кокпитот во Формула 1. Како дете можев да одам секаде, да се дружам со кој било, но не ми се допаѓа како што стареам. Јас сум прилично срамежлив. Имам две личности: од една страна, јас сум тркач, од друга, обичен Мик. Односно, јас сум секогаш ваков, но на патеката се трансформирам во тркачот Мик, изјави Шумахер за „Speedcafe“. Според пишувањата на германските медиуми, 24-годишниот возач може да го замени Логан Сарџент во Вилијамс. Шумахер го напушти Хас на крајот од минатата сезона, бидејќи тимот реши да не го продолжи договорот со возачот. Во моментов тој е резервен пилот за тимовите на Мекларен и Мерцедес.

Мик Шумахер стана резервен возач на Мерцедес

Ивана Ефремовски — Thu, 15 Dec 2022 13:34:58 +0000

Мерцедес денес објави потпишување на договор со Мик Шумахер. Дваесет и тригодишниот Германец ќе биде резервен возач на „сребрените стрели“ во сезоната 2023. Претходните две сезони Шумахер ги помина како еден од пилоти на тимот на Хас, а неговиот најдобар резултат во Формула 1 е шесто место на трката за Големата награда на Австрија во 2022 година. Првата етапа од сезоната 2023 во Формула 1 ќе се одржи во Бахреин од 3 до 5 март. (МИА)

Мерцедес го ангажираше Шумахер, Волф не го крие задоволството од потегот

Ристе Здравков — Thu, 15 Dec 2022 13:08:28 +0000

Мик Шумахер брзо најде нов ангажман во Формула 1, па иако нема да има гарантирано место на трките, во новата сезона ќе биде резервен возач на Мерцедес. Германецот не доби продолжување на договорот со Хас, а откако му истече и договорот со Ферари, доби можност за преселба во големиот ривал. Шумахер ќе им биде нов колега на Луис Хамилтон и Џорџ Расел, а Тото Волф во првата изјава го истакна задоволството од важниот потег. – Мик е голем работник, гладен е за нови лекции и сигурно ќе се усовршува како возач. Има важни квалитети и возбудени сме што ќе учествува во развивањето на новиот болид, – изјавил Волф. Мик е син на легендарниот Михаел Шумахер, кој последните три сезони во Ф1 ги мина токму во Мерцедес.

Шумахер: Многу сум разочаран од одлуката на Хас, заслужувам место во Формула 1

Ивона Петрова — Thu, 17 Nov 2022 07:18:25 +0000

Германскиот возач Мик Шумахер ја коментираше одлуката на Хас да не склучи нов договор со него за сезоната во Формула 1 2023 година. – Ова ќе биде мојата последна трка со Хас. Не сакам да кријам дека сум многу разочаран од одлуката да не го обновиме договорот. Сепак, би сакал да се заблагодарам и на тимот и на Ферари што ми ја дадоа можноста. Овие години заедно ми помогнаа да пораснам и технички и лично. И кога ми стана навистина тешко, сфатив колку го сакам овој спорт. Научив многу и сега со сигурност знам дека заслужувам место во Формула 1. Оваа страница дефинитивно не е затворена за мене. Неуспехот само ве прави посилен. Мојот оган гори за Формула 1 и ќе се борам силно за да се вратам, напиша Шумахер на социјалните мрежи. Хас објави дека ја прекинува соработката со Шумахер по завршувањето на сезоната 2022 година. Неговото место во тимот го зазеде германскиот тркач Нико Хулкенберг. Мик Шумахер се трка во Ф1 од 2021 година. Во сезоната 2022, синот на седумкратниот шампион во Формула 1, Михаел Шумахер, по 21 трка го зазема 16. место во поединечниот пласман со 12 освоени бодови.

Хас: Шумахер нè чини цело богатство, искрши многу болиди

Катерина Бојаџиева — Mon, 17 Oct 2022 11:16:13 +0000

Сопственикот на Формула 1 тимот „Хас“ Џин Хас смета дека Мик Шумахер досега направи премногу материјална штета со оштетување на болидите. – Овој спорт е прескап и едноставно не дозволува да ги кршите болидите, посебно кога сте почетник. Мислам дека Мик има многу потенцијал, но знаете дека тој нас не чини цело богатство и уништи многу болиди кои се многу пари, а ние едноставно ги немаме. Кога би ни донел бодови како што тоа го прави Макс Верстапен за Ред Бул, а во исто време понекогаш прави судири, ќе се справиме некако со тоа. Но, кога сте надвор од првите десет и удирате со болидот, тоа е многу тешко, изјави Хас за „Gradprix247“. Според извештаите на медиумите, во 2022 година Шумахер уништи автомобили на аериканскиот тим вредни речиси пет милиони долари. На четири етапи до крајот, 23-годишниот Германец е 16-ти во поединечниот пласман со 12 бода. Неговиот тимски колега Кевин Магнусен е на 14. позиција со 22 бода. Договорот на Шумахер со американскиот тим завршува на крајот од актуелната сезона.

Синот на Шумахер доживеа тешка сообраќајна несреќа

Ивана Ефремовски — Sat, 26 Mar 2022 18:40:22 +0000

Возачот на Хас, Мик Шумахер доживеа тешка сообраќајна несреќа на пет минути пред крајот на вториот квалификациски сегмент за Големата награда на Саудиска Арабија. Шумахер ја загуби контролата на болидот во свиокот 12 и силно удри во бариерите. Медицинско возило се упати кон тркачот. „Формула 1“ се уште нема прикажано реприза на инцидентот во преносот. Хас потврди дека Мик е во свесна состојба и дека излезе од болидот и комуницираше со лекарите. Според првичните информации од Џеда, Шумахер ќе биде пренесен во една од локалните болници за понатамошно следење на неговата здравствена состојба. (МИА)

Хас потроши 4,21 милиони евра за поправка на болидот на Шумахер во сезоната 2021

Магдалена Андонова — Sun, 26 Dec 2021 11:52:55 +0000

Формула 1 тимот на Хас потроши 4,21 милиони евра за поправка на болидот на Мик Шумахер во сезоната 2021 во Формула 1. Според „Sky Deutschland“, Шумахер го зазеде првото место на листата на пилоти во оваа категорија. На второто место заврши Шарл Леклер од Ферари со 4,04 милиони евра, а трет е шампионот и пилот на Ред Бул, Макс Верстапен со 3,89 милиони евра. Шумахер имаше неколку судари за време на трките во Ф1 шампионатот, а еден од нив беше и контактот со Николас Латифи којшто се покажа како одлучувачки за шампионскиот трофеј освоен од Верстапен. (МИА)

Џовинаци и Мик Шумахер ќе бидат резервни пилоти на Ферари во 2022 година

Дарко Андоновски — Wed, 22 Dec 2021 11:25:25 +0000

Шефот на Ферари, Матија Биното изјави дека Антонио Џовинаци и Мик Шумахер ќе ја делат улогата на резервен пилот на италијанскиот тим во Формула 1 во сезоната 2022 година. Шумахер ќе го замени Џовинаци како резервист на тие Гран при, на кои Италијанецот нема да може да присуствува поради настапите во Формула Е. – Антонио Џовинаци нема да се натпреварува во Формула 1 следната година, но тој ќе остане наш резервен возач. Тој ќе служи како резервен возач на дванаесет трки – кои нема да се поклопуваат со етапите во Формула Е, каде Антонио одлучи да се натпреварува следната година и за што сме многу среќни. На преостанатите единаесет трки, на кои Антонио нема да биде присутен, Мик Шумахер ќе биде резервен возач на Ферари – што, мислам, исто така е одлично. Впрочем, ова ќе биде негова втора сезона во Ф1, а Мик е возач на Ферари, член на нашата Академија. Многу ми е драго што ќе може да биде дел од нашиот тим како резервен пилот, доколку се бара. Иако се надевам дека таква потреба нема да се појави. Секогаш ќе има пристап до нашиот симулатор во Маранело. На крајот на краиштата, ние секогаш продолжуваме да ги развиваме нашите возачи, бидејќи нашата цел е тие, на крајот, да бидат во Ферари, изјави Биното. Се очекува, Ферари новиот болид да го претстави кон средината на февруари.

Шумахер ги сподели своите впечатоци за дебито во Формула 1

Тале Кристо — Sat, 12 Dec 2020 11:13:00 +0000

Возачот на Хас, Мик Шумахер го сподели своето мислење за дебито во Формула 1. Синот на седумкратниот шампион Михаел Шумахер, вчера во болидот на американскиот тим, го одржа својот прв слободен тренинг на Гран при на Абу Даби. – Би рекол дека сè помина во најдобар ред. Немаше сериозни проблеми, ништо лошо не се случи на патеката. Очигледно дека сè уште се обидувам да се навикнам на болидот во Формула 1. Во секој случај, среќен сум затоа што направив сериозен чекор напред, изјави Германецот. Мик Шумахер од сезоната 2021 година заедно со Русинот Никита Мазепин ќе го сочинуваат тимот на Хас.