микел хансен – Kurir.mk

Хансен го памети финалето со Вардар: Секоја грешка на таков меч скапо се плаќа, поразот беше многу болен!

Ристе Здравков — Tue, 10 May 2022 18:22:00 +0000

Микел Хансен има проблеми со белите дробови, поради што нема да ја комплетира последната сезона во ПСЖ, пред да си замине во Алборг. Данскиот ракометар освои многу титули, но не и онаа во Лигата на шампионите. Тоа е една од работите која го прогонува секој ден. „Тоа што немам титула во Лигата на шампионите секој ден ме прогонува. Поради тоа многу жалам што нема да бидам дел од завршницата на тековната сезона. Во неколку наврати бевме блиску до трофејот. Добро се сеќавам на финалето против Вардар пред пет години. Минатата година потфрливме против Алборг во полуфиналето и не покажавме потребна дисциплина. Поради тоа и натаму не можам да прифатам дека ќе морам да ја завршам приказната во Париз без овој трофеј“, изјави 34-годишникот. Во наредните три сезони искусниот Хансен ќе биде дел од амбициозниот проект кој го планира Алборг.

ИМАШЕ РИЗИЦИ: Кардиолог обелодени во каква состојба се наоѓа Хансен

Ивана Ефремовски — Fri, 25 Mar 2022 16:37:22 +0000

Микел Хансен ќе биде надвор од терените до крајот на сезоната поради згрутчувањето на крвта после операцијата на коленото, за ситуацијата на Хансен зборуваше данскиот кардиолог Хане Расмусен. Расмусен е кардиолог и главен доктор на кардиолошкиот одел во болница во Биспебјерг. Според неговите зборови ако состојбата се нормализира Хансен може да се врати во полна сила. Неговите изјави ги пренесува 24Ракомет. „Ако состојбата се нормализира, можете да се вратите и активно да продолжите да играте“, изјави Хане Расмусен кој нагласи дека не ги знае деталите за случајот со Хансен. Посочи дека во операција каква што имал Хансен постоела опасност од згрутчување на крвта. „Во операција каде што лежите мирно подолго време постои опасност од згрутчување на крвта. Затоа вообичаено давате лекови за разредување на крвта“. Истакна дека до вакво нешто ретко доаѓа кај младите луѓе, посебно кај спортистите. „Генерално знаеме дека тоа може да се случи, затоа има посебен третман. Но кога зборуваме за млад човек кој е и спортист, такво нешто се случува многу ретко“. Додека Хансен ja прима терапијата сигурно нема може да игра ракомет. „Кога примате лекови за разредување на крвта постои зголемeн ризик од крварење. Тоа генерално не е проблем, но во контактните спортови каде што сте изложени на ризик да добивате удари може да се појави проблем“, објасни Расмусен. Хансен од наредната сезона ќе се врати во Данска во редовите на Алборг, пренесе порталот.

ФОТО: Малото слатко детенце кое е страв и трепет за ракометниот свет

Ристе Здравков — Fri, 01 Feb 2019 11:25:43 +0000

Ракометниот свет во изминатиот месец имаше можност да ужива во перфектното издание на репрезентацијата на Данска на Светското првенство. По палката на Николај Јакобсен на клупата и Микел Хансен на теренот, данските ракометари за првпат во својата историја се искачија на врвот на светот. Златниот медал го споделија со илјадниците фановите кои беа присутни во „Јиске Арена“ во Хернинг, каде што се одигра финалето против Норвешка. Најдобриот играч и стрелец на шампионатот беше 31-годишниот Хансен кој стигна на еден чекор од безсмртност. Сега во кариерата ги има освоено сите одличја, со исклучот на титулата во Лигата на шампионите. Во последните неколку години остана пократок со екипата на ПСЖ која оваа година се засили и на тренерската позиција со цел да го освои врвот на Европа. Македонскиот селектор Раул Гонзалез ќе се обиде на Париз да му го донесе успехот кој што го постигна со Вардар во 2017 година. На социјалните мрежи на големо се зборува за успехот на Данците и феноменалното издание на левиот бек на светскиот собир. Некои од најверните фановите се потрудиле да „ископаат“ негова фотографија од детството која сигурно нема да ве остави рамнодушни. Слаткото детенце кое се претвори во вистински ѕвер на ракометните терени ширум светот... Извор: gol.mk

Го изнесе на балконот штотуку родениот син за да ја прослави титулата на СП, а потоа следуваше делириум од целата нација (ВИДЕО)

Дарко Андоновски — Wed, 30 Jan 2019 14:30:41 +0000

Откако Данска го освои тронот на Светското првенство во ракомет оваа година, целата нација падна во делириум и славеше низ целата земја. Главна ѕвезда според очекувањата требаше да биде најдобриот играч и стрелец на Данска Микел Хансен, но не одеше се по планот. Откако целата репрезентација се појави на балконот во центарот на градот, стотината илјадници луѓе гледаа само во едно нешто.

View this post on Instagram

Eddie Max ? 05.01.19

A post shared by mikkelhansen24 (@mikkelhansen24) on Jan 6, 2019 at 7:57am PST

Синчето на Хансен кое е старо еден месец, а поради него ракометарот беше привилегиран да спие во својот дом, наместо да остане во базата на репрезентацијата за време на СП. Миленикот на нацијата ја израдува целата држава, а фотографии и видеа од настанот се уште се главна тема во Данска.

View this post on Instagram

❤️

A post shared by mikkelhansen24 (@mikkelhansen24) on Jan 29, 2019 at 9:23am PST