Мила Рељиќ – Kurir.mk

Мила Рељиќ загуби во „малото финале“ и остана без бронза во Краков

Бошко Тасиќ — Mon, 26 Jun 2023 04:25:17 +0000

Мила Рељиќ не успеа да и го донесе првиот медал на Македонија на Европските игри кои се одржуваат во Краков, откако за жал претрпе пораз во мечот за третото место. Британката Пауел беше непремостлива пречка во битката за бронзен медал во категорија до 62 килограми, што значи дека Македонија ќе мора да почека на нова шанса за одличје наредните неколку дена. Македонската таеквондистка дојде до третото место преку репесаж, бидејќи по поразот во четвртфиналето, успеа да биде подобра од Италијанката Гаспа со 2:1 и се избори за влез меѓу четирите најдобри

Дејан Георгиевски и Мила Рељиќ на СП во таеквондо во Баку ќе се борат за пласман на ОИ во Париз

Бошко Тасиќ — Wed, 31 May 2023 04:54:51 +0000

Македонија настапува со двајца претставници на Светското првенство за сениори во Баку, Азербејџан, кое почна вчера и ќе трае до 4 јуни. За Македонија ќе настапат олимпискиот вицешампион + 87 кг Дејан Георгиевски и -62 кг Милјана Релјиќ.Тие ќе се обдидат да изборат пласман на Олимписките игри во Париз 2024 година. Георгиевски во моментов се седми на светската ранг-листа со 219,15 поени, на која водечки е Карлос Санорес од Мексико со 362, 71 поен. На нашиот репрезентативец му треба добар пласман за 6-то место на олимписката листа, на која првите шестмина обезбедуваат пласман ОИ. Но, потоа битни се и настапати на Гранд при Рим, Европските игри во Краков, Гранд при Париз и Манчестер. Додека Мила е 46-та, па ќе треба уште да собира поени и да оди на квалификации за Олимпијадата. Листата се затвора во декември оваа година.

Мила Рељиќ освои бронза на Европското клупско првенство во Софија

Бошко Тасиќ — Sun, 30 Apr 2023 19:57:51 +0000

Македонската теквондо репрезентативка Мила Рељиќ се враќа со бронза од Европското клупско првенство во Софија. Со 3 извонредни победи Рељиќ освои бронзен медал во силна конкуренција на првенството во Бугарија. Во првото коло Мила беше поуспешна од Ива Петровиќ (Србија) со 2:1, во второто коло беше подобра од извонредната Летонка Инес Тарвида со 2:1, а во борбата за медал славеше и над Хрватката Хелена Кичема во 2:0. Кичема е актуелна европска вицешампионка до 21г. Во полуфиналето Мила изгуби од Јоланта Тарвида од Летонија. Со овој медал Рељиќ силно чекори кон медал на претстојното светско првенство во Баку, Азербејџан на почеток на јуни и Европските Олимписки Игри кон крај на јуни во Краков, Полска

Златен медал за македонската таеквондистка Мила Рељиќ на меѓународен натпревар во Израел

Тале Кристо — Mon, 15 Aug 2022 07:58:33 +0000

Македонската таеквондистка Мила Рељиќ од клубот Тигри Скопје, викендот освои златен медал во конкуренција сениорки -62 кг на меѓународниот натпревар „Винер Израел Опен“ од Г2 серијата. На натпреварот турнирот учествуваа повеќе од 270 натпреварувачи од 25 земји во светот меѓу кои и САД, Кореа, Индија, Бразил, Шпанија, Германија, Велика Британија… Во својата категорија Рељиќ на патот до златото ги победи и репрезентативката на Израел, Наама Биненсток а во финалната борба со доминација ја победи и бронзената од последните Панамерикански Игри, претставничката од Еквадор Мел Мина. Ова е прв златен медал за 19 годишната Мила, која по освоениот бронзен медал во Загреб во јуни месец годинава ја докажа својата светска класа. Тренерот на Мила, Александар Ефтимов најавува и нови успеси, на претстојното Европското клупско првенство од 22 – 26 август во Талин, Естонија, Европското првенство за млади до 21 година кое ќе биде крајот на месец септември во Албанија, како и на Светското првенство во ноември во Мексико.