миладиновци-штип – Kurir.mk

Од денеска почнуваат со работа наплатните рампи на автопатот Миладиновци-Штип

Ивона Петрова — Mon, 18 Jul 2022 05:27:15 +0000

Од денеска треба да бидат ставени во функција наплатните рампи Преод и Кадрифаково на автопатот Миладиновци- Штип. На наплатните рамки, како што најави Јавното претпријатие за државни патишта, целосно ќе функционира електронскиот систем за наплата на патарина. Оттаму во четвртокот информираа дека првите две ленти од десно ќе бидат за возилата кои користат М-таг електронски уред со кој се поминува со намалување и успорување на брзината на движење на возилото и без запирање, додека на останатите ленти покрај наплата во готово, може да се употреби и М-смарт картичката. Наплатните станици Преод и Кадрифаково имаат по седум наплатни кабини.

ФОТО: Камион влета во патарина на автопатот Миладиновци – Штип

Ивона Петрова — Fri, 04 Mar 2022 09:45:36 +0000

Утрово на автопатот Миладиновци - Штип камион кој превезувал брашно влетал во кабината за наплата на новата патарина пред Штип. За сега нема информации за повредени во сообраќајката како и за состојбата на возачот на камионот. Инцидентот во МВР е пријавен околу 10 часот. Според првичните информации на МВР повредени нема, а причинета е само материјална штета.

После хаосот, автопатот Миладиновци – Штип е прооден за сите видови возила

Тале Кристо — Mon, 10 Jan 2022 16:46:56 +0000

Автопатот Миладиновци – Штип во моментов е прооден за сите видови возила. Од МВР апелираат до возачите да возат внимателно и да го прилагодат движењето спрема условите на патот.

Поради штрајк во прекин сообраќајот на автопат Миладиновци – Штип

Тале Кристо — Thu, 17 Jun 2021 08:15:50 +0000

Поради штрајк кај клучката Три Чешми, сообраќајот на автопатот Миладиновци – Штип е во прекин за сите видови возила, информира АМСМ. Возилата се пренасочуваат по регионалниот пат.

Дали власта која се кити со туѓи перја ќе излаже и овој пат: Автопатот Миладиновци- Штип по неколку безуспешни обиди конечно ќе биде пуштен

Дарко Андоновски — Mon, 13 May 2019 11:44:17 +0000

Автопатот Штип-Миладиновци ќе биде пуштен за 10 до 15 дена најави директорот на Јавното претпријатие за државни патишта, Зоран Китанов, кој денеска заедно со министерот за транспорт и врски Горан Сугарески извршија увид во реконструкцијата на регионалниот пат Пробиштип-Злетово. Потенцираше дека во изминатите месеци се корегирале грешките што се направиле при проектирањето на автопатот, во кои не било предвидено пристап на сервисни патишта за населението од светиниколскиот регион, а се поставува и заштитната мрежа по должината на автопатот.

-Од изведувачот „Синхидро“ добивме известување на 19 декември дека автопатот е готов, но повторувам по кој знае кој пат дека бевме во инспекција и видовме дека еден дел од сервисните патишта и што е поважно за безбедноста на учесниците во сообраќајот мрежите, што се покрај автопатот не се завршени. Беа завршени 60 отсто, а 40 отсто не беа завршени и затоа дадовме налог кинескиот изведувач „Синохидро“ да си ги заврши. На мое и на ваше задоволство можам да кажам дека направив увид на некаде десетина километри во моментов не е заврешена мрежата и ако земете во обзир дека некаде на еден километар на ден се поставува мрежа, значи за 10 до 15 дена ќе биде пуштен патот. На некои места ќе има времен сообраќаен режим, каде што ќе се прават клучките за помошните места, за сервисните патишта за да граѓаните си одат до своите парцели, вели Китанов.

Тој најави дека за два до три месеци ќе почне и изградбата на патарините на автопатот Штип-Миладиновци, каде што на тие места ќе има и времен режим на сообраќај.

Инаку пред точно една година Зоран Заев на дуелот со лидерот на опозицијата одржан во мај месец 2018 година, ветуваше дека до крајот на 2018 година граѓаните треба да очекуваат рестартирање на Југохром, но и отворање на автопатската делница Миладиновци Штип. -До крајот на годината очекуваме да се заврши Миладиновци-Штип,тоа е исто така многу важна делница- изјави Зоран Заев на дебатата, а веќе половина година сеуште од необјасниви причини почетокот на оваа автопатска делница се одложува.

Нели до крај на 2018 година требаше да биде пуштен автопатот?!?!?!@Zoran_Zaev @VladaMK pic.twitter.com/Bd876ThDFZ
— Сушанто Рој (@susantoroj) April 2, 2019

Ова е уште еден доказ дека владата предводена од Премиерот Зоран Заев се соочува со мошне слаба реализиација на проектите кои ги ветуваше пред граѓаните. ВМРО-ДПМНЕ минатата година истакна дека СДСМ ветуваше инфраструктурен бум, а гледаме инфраструктурна стагнација. -Автопатите и магистралните патишта кои ги најави СДСМ се отпочнати во време на ВМРО-ДПМНЕ, а голем дел од нив се доведени во финална фаза на реализација. Овие патишта беа неосновано запрени подолг временски период. Автопатот Демир Капија-Смоквица, е проект целосно реализиран во време на ВМРО-ДПМНЕ, неговото пуштање во употреба неосновано се одложува повеќе од 10 месеци поради неспособноста на властите. Доколку ВМРО-ДПМНЕ беше на власт овој автопат ќе беше пуштен во употреба. СДСМ неосновано ја запираше и изградбата на автопатиштата Миладиновци-Штип и Кичево-Охрид. Со што го пролонгира рокот на нивно завршување и пуштање во употреба, особено на патот Миладиновци – Штип, кој доколку беше ВМРО-ДПМНЕ на власт сега ќе беше пред пуштање во употреба. Ниту еден пат кој беше презентиран од Заев не е нов проект. Овие патишта се проекти на ВМРО-ДПМНЕ. СДСМ наместо да троши време на прес конференции треба да ги продолжи проектите со цел нивно побрзо пуштање во употреба. Граѓаните не се со кратка меморија и знаат, кој што и кога направил за Република Македонија, велеа од ВМРО-ДПМНЕ во март минатата година.

Сугарески “заборави“ на роковите за автопатот Миладиновци-Штип: Требаше да биде готов пред два месеци, но стана уште една лага на министер на Заев

Ивана Ефремовски — Fri, 23 Nov 2018 13:15:39 +0000

Министерот за транспорт и врски, Горан Сугарески, на 17-ти септември изврши увид во изградбата на автопатот Миладиновци – Штип, при што истакна дека се очекува до средината на месец октомври автопатот комплетно да биде завршен. Денес, на крајот од месец ноември, автопатот е далеку од готов, а уште подалеку од пуштен во употреба. -Денеска со директорот на ЈПДП, Китанов, ја поминавме целата траса и извршивме увид во изградената делница. Со многу забрзано темпо се работи на последните неколку километри, на завршената траса се работи на поставување знаци, табли и одбележување на коловозот. Грешките што ги наследивме ги коригиравме, сите проблеми ги надминавме и на крај имаме квалитетен автопат што ги задоволува сите меѓународни стандарди, изјави министерот Сугарески во средината на септември. Тој тогаш потенцираше дека иако крајниот рок беше крај на септември, ќе има, како што рече, „незначително“ пролонгирање поради временските услови во изминатиот период. Денес е 23-ти ноември, па пролонгирањето на големо стана значително. Ваквите лаги кои им ги кажа на граѓаните, Сугарески ги прикрива со молк. Тој ниту излезе на прес-конференција, ниту испрати соопштение во кое признава дека проценката му била грешна и дека не успеа да го исполни ниту ова ветување.