Миладиновци – Kurir.mk

Во завршна фаза реконструкцијата на детско игралиште во Миладиновци во општина Илинден

Катерина Бојаџиева — Fri, 19 May 2023 14:08:27 +0000

Во тек е целосна реконструкција на детското игралиште во населеното место Миладиновци, која е во завршна фаза. Во рамки на игралиштето поставени се детски реквизити, нишалки и лизгалки, поставена е гумирана подлога, клупа, канти за отпадоци за почиста и поубава средина. Во наредните денови ќе се санира и оштетената заштитна ограда на детското игралиште. Градоначалникот на општина Илинден, Александар Георгиевски го посети детското игралиште и истакна дека со реконструкцијата на ова детско катче и децата од Миладиновци ќе добијат убаво и безбедно место за игра и забава, каде ќе можат да го поминуваат слободното време. Во наредниот период Општина Илинден ќе изврши реконструкција и на детските игралишта во останатите населени места, со цел да се добие уреден простор за рекреација и забава на најмладите во општината.

Жена од скопско Миладиновци нападната од 20-годишен скопјанец

Тале Кристо — Wed, 31 Aug 2022 15:06:52 +0000

На 30.08.2022 во 16.50 часот во Полициско оддление Петровец, Н.М.(65) од с.Миладиновци, скопско, пријавила дека околу 16.45 часот во с.Миладиновци, по претходна расправија, била физички нападната од С.Р.(20) од Скопје. Се работи на расчистување на случајот.

Новата детска градинка во Миладиновци ќе биде подготвена за работа од септември

Магдалена Андонова — Thu, 20 Aug 2020 16:36:18 +0000

Општина Илинден почна со опремувањето на новата детската градинка во н.м. Миладиновци. Капацитетот во оваа градинка за згрижување ќе биде за 90 деца на возраст од 2 до 6 години како и за деца на возраст од 9 месеци до 2 години, односно јасли. Станува збор за високо енергетски ефикасен објект кој се простира на површина од 540 метри квадратни. Во новата градинка инсталиран е систем за греење и ладење со топлински пумпи, “воздух-вода”, подно греење и фенкојлери. Целосното завршување на работните активности се во финална фаза и објектот комплетно ќе биде готов за прием на децата од почетокот на месец септември, додека отпочнувањто со работа на новата детска градинка ќе зависи од одлуките и протоколите на Комисијата за заразни болести и Владата. Во насока на зголемување на безбедноста, подобрена хигиена која е неопходна за децата и учениците, како и подобрена фрекфенција и функционалност на просторот, се асфалтира и паркинг просторот и се уредува површината на новата детска градинка во Миладиновци. Покрај асфалтирање се врши и партерно уредување на просторот околу детската градинка и зафаќање и одведување на атмосферските води. Со изградбата на новата градинка во н.м. Миладиновци ќе се создадат услови за згрижување и на децата од околните населени места каде што живеат приближно 4000 жители. Исто така со реализација на овој проект дополнително ќе се овозможи да се ослободи простор во веќе постоечката детска градинка ,,Гоце Девчев“ која е со капацитет од 450 деца на возраст од 2 до 6 години, а ќе се создадат услови за згрижување и на децата од најмалата возраст од 9 месеци до 2 години. Согласно протоколите за работа поради пандемијата со Ковид 19, во оваа градинка се овозможени услови за прием на веќе запишаните деца.

Комбе со мигранти удрило во рампата на наплатната кај Миладиновци

Магдалена Андонова — Fri, 17 Jul 2020 08:35:03 +0000

Товарно моторно возило Ивеко во кое имало мигранти, изутрината удрило во рапма, а потоа во бетонска жардињера на наплатната станица кај Миладиновци во близина на Скопје. Како што соопштија од МВР за МИА, во 8:20 часот утрово во СВР Скопје било проијавено дека ТМВ Ивеко со скопски регистарски таблички удрило во рампата и потоа во бетонска жардињера на наплатната станица Миладиновци. Возачот го напуштил местото на настанот, а во визолото била пронајдена група мигранти, информираат од МВР. (МИА)

Општина Илинден почнува со изградба на нова детска градинка во Миладиновци

Ивона Петрова — Tue, 24 Dec 2019 11:05:39 +0000

Општина Илинден утре започнува со изградба на нова детска градинка во населеното место Миладиновци. Според најавата, на настанот ќе присуствуваат министерската за труд и социјалана политика Мила Царовска и градоначалникот Жика Стојановски.

Нова детска градинка во општина Илинден- ќе биде готова наредната година, а ќе згрижи 90 дечиња

Катерина Бојаџиева — Tue, 29 Oct 2019 08:35:48 +0000

Согласно активностите за реализација на проектот за изградба на детска градинка во населено место Миладиновци, во тек е постапка за избор на фирма - изведувач на градежните активности. По потпишувањето на договорот со избраната фирма ќе се почне со изградбата на објектот, што се планира да биде завршен во текот на наредната година. Градинката што се гради во соработка со Министерството за труд и социјална политика ќе биде со капацитет за згрижување од 90 деца. Новиот објект ќе биде на површина од 520 метри квадратни и ќе располага со 4 занимални од кои една занимална за 15 деца на возраст од 9 до 24 месеци и три занимални со вкупен капацитет од 75 деца на возраст од 2 до 6 години. Новата градинка ќе биде објект Подружница на Ј.О.У.Д.Г. „Гоце Делчев“ и ќе ги опфаќа дечињата од 6-те населени места во Општина Илинден (Миладиновци, Бујковци, Мршевци, Бучинци,Текија и Дељадровци) каде вкупно живеат приближно 4000 жители. Градинката ќе биде лоцирана веднаш до Централното општинско основно училиште „Браќа Миладиновци“ и новоизградената амбуланта во населено место Миладиновци. Со изградбата на овој објект ќе се отворат нови капацитети за згрижување на деца, ќе се намалат трошоците за транспорт на родителите од овие 6 населени места бидејќи сега своите деца ги носат во детската градинка „Гоце Делчев“ во н.м Марино која е одалечена повеќе од 10 километри. Ќе се заштедат средства и време и ќе се зголеми бројот на деца опфатени со воспитно згрижувачкиот процес. Со згрижување на дечињата од 6-те населени места во новиот објект во н.м. Миладиновци, ќе се ослободи простор во веќе посточката детска градина „Гоце Делчев“ во н.м. Марино, кој ќе биде искористен за згрижување на деца од најмалата возраст (од 9 до 24 месеци) и воведување на јасли во оваа градинка која во моментов згрижува само дечиња од 2 до 6 години.

Нормализиран сообраќајот рафинерија Миладиновци кон Куманово

Катерина Бојаџиева — Sat, 09 Mar 2019 09:31:38 +0000

Патниот правец од рафинерија Миладиновци према Куманово е нормализиран од 10.15 часот. Претходно, ЈП Македонија пат информира дека поради запалено моторно возило сообраќајот е во прекин на патниот правец од рафинерија Миладиновци према Куманово од 09.55 часот.