Милан Бандиќ – Kurir.mk

Утре Ден на жалост во Загреб: Знамињата на половина копје и без музика на јавни места

Дарко Андоновски — Tue, 02 Mar 2021 10:30:50 +0000

Заменик-градоначалничката Јелена Павичиќ Вукишевиќ го прогласи среда, 3 март 2021 година, за Ден на жалост во областа на градот Загреб по повод ненадејната смрт на градоначалникот Милан Бандиќ. По повод ненадејната смрт на градоначалникот на Град Загреб, г-дин Милан Бандиќ, кој со својата долга несебична работа на чело на Град Загреб трајно придонесе за развојот на градот и животот на сите граѓани на градот Загреб, прогласен е Ден на жалост во среда во Загреб“, велат во соопштението од Градот. Денот на жалост ќе биде одбележан со спуштање на знамињата на половина копје и со изложување црни знамиња на зградите каде што градската управа, Градското собрание на Град Загреб, локалните самоуправи, компании и институции во сопственост или основани од Градот Загреб се наоѓаат. Нема да има забавни настани на Денот на жалост, а музиката што ќе се емитува на јавни места треба да биде соодветна за Денот на жалост. Правните лица кои вршат телевизиски и радио активности во областа на градот Загреб треба да ги прилагодат своите програми на Денот на жалост, додаваат тие.

Свечената комеморација за градоначалникот на Загреб ќе се одржи во вторник, погребот ќе биде во среда

Магдалена Андонова — Sun, 28 Feb 2021 14:36:43 +0000

Свечената комеморација по повод смртта на градоначалникот на градот Загреб Милан Бандиќ, ќе се одржи во вторник, во Хрватскиот народен театар, Трг Република Хрватске 15, додека погребот ќе биде в среда, на градските гробишта Мирогој. Градоначалникот на Загреб Милан Бандиќ, почина од срцев удар во текот на ноќта, на 66-годишна возраст. Д-р Младен Бучиќ, директор на болницата Свети Дух, каде почина Бандиќ за Н1 изјави дека градоначалникот доживеал срцев удар и, за жал, починал. „Живееше за својот град, за загрепчанките и загрепчаните, кои му беа на прво место во сè што правеше, за работата што ја вршеше со љубов и енергија, внесувајќи се целиот – без остатокот, 21 година“, се наведува во соопштението од Град Загреб. (МИА)

„Само неколку часа од нашето последно дружење..“ – Брена со трогателна порака се прости од градоначалникот на Загреб (ФОТО)

Магдалена Андонова — Sun, 28 Feb 2021 14:12:55 +0000

Лепа Брена се прости од Милан Бандиќ, со заедничка фотографија и трогателна порака. "Драг наш Милан, ни беше огромна чест и задоволство да ве познаваме и да се дружиме со вас. Вие бевте единствени и ја поседувавте таа величина, секогаш учевме многу од вас. За жал, поминаа само неколку часа од нашето последно дружење и од твојот говор што засекогаш ќе го паметиме за пријателството, љубовта, почитта и семејството. Почивај во мир, нека ти е вечна слава. Брена и Боб, напишала пејачката.

View this post on Instagram

A post shared by Lepa Brena (@lepabrenaa)

Да потсетиме, градоначалникот на Загреб, Милан Бандиќ, почина ненадејно утрово на 66-годишна возраст како последица од срцев удар.

Почина градоначалникот на Загреб

Ивона Петрова — Sun, 28 Feb 2021 08:21:06 +0000

Градоначалникот на Загреб, Милан Бандиќ почина ненадејно рано утрово на 66-годишна возраст како последица на срцев удар, објави Информативната служба на Градот Загреб. Хрватските медиуми пренесуваат дека на Бандиќ му се слошило доцна синоќа, брзата помош го однела во болницата „Свети Дух“, каде починал и покрај напорите на лекарите да го реанимираат. Бандиќ подолг период имал здравствени проблеми, а во 2003 година доживеа тежок мозочен удар. Пред три години му беше вграден стент, а во јуни минатата година беше хоспитализиран откако му се слоши. Тој исто така имал белодробна емболија и неколку операции, вклучително и операција на гласните жици. Бандиќ е роден на 22 ноември 1955 година во Груде, Босна и Херцеговина, каде што завршил основно и средно училиште. Завршил Факултет за политички науки на Универзитетот во Загреб. До локалните избори во мај годинава, со Градот Загреб ќе управува Јелена Павичиќ Вукичевиќ (46), заменичка на градоначалникот Бандиќ. Партијата на трудот и солидарноста на Бандиќ потврди дека Павичиќ Вукичевиќ, долгогодишен соработник на Бандиќ, една од двете заменички на градоначалникот, ќе го преземе управувањето со Градот Загреб до изборите.

По поплавите во Загреб се огласи градоначалникот- За жал, не можам да го испијам дождот

Дарко Андоновски — Sat, 25 Jul 2020 10:32:14 +0000

Градоначалникот на Загреб Милан Бандиќ, по големото невреме што синоќа го зафати главниот град на Хрватска и предизвика големи проблеми, изјави денеска дека тој направил најмногу од сите градоначалници во последните 100 години кога станува збор за инфраструктурата на хрватската престолнина. – Пред 13 години, кога беше онаа снежна бура, реков дека ќе го фаќам снегот. За жал, не можам да испијам толку многу дожд, рече Бандиќ. Тој додаде дека пролетните и летните дождови се нормална појава, но дека не може да се предвидат повеќе од 80 литри на метар квадратен. Покрај тоа, Бандиќ рече дека Загрепчани, очигледно му се замериле на Бога, бидејќи за кус период ги погоди земјотрес, коронавирус и сега поплава.

Ново обвинение против градоначалникот на Загреб

Ивона Петрова — Fri, 14 Dec 2018 16:37:38 +0000

Хрватската Дирекција за борба против корупцијата (УСКОК) поднесе ново обвинение против загрепскиот градоначалник Милан Бандиќ. Како што пренесуваат хрватските медиуми, станува збор за две нови обвиненија од аферата „Аграм“. Првото е во врска со работата на компанијата „Це-За-Р“ во која, според тврдењата на УСКОК, е оштетена загребска „Чистоќа“. Второто е во врска со претседателската кампања на Бандиќ од 2009 година. УСКОК уште од 2015 година поднесе обвинение против загрепскиот градоначалник и 15 негови соработници, но дури по две години загрепскиот Жупаниски суд потврди седум точки од обвинението, а три врати на доработка во Обвинителството. Сега УСКОК го доработи обвинението, покрена нови и побара да се присоедини со списите на аферата „Аграм“, за која почна судењето. МИА