Милан Борјан – Kurir.mk

ВИДЕО: Каква грешка на Борјан, Зијеч со рутински лоб ги фрли во транс Мароканците

Ристе Здравков — Thu, 01 Dec 2022 15:32:01 +0000

Селекцијата на Мароко уште во третата минута го отвори резултатот против Канада и сега е далеку поблиску до историски пласман во осминафиналето на Светското првенство во Катар. Еден од најискусните репрезентативци на Канада, Милан Борјан направи катастрофална грешка надвор од својот казнен простор и му подари чиста ситуација на Зијеч, кој со рутински лоб ја погоди целта и ги фрли во транс Мароканците. Голот на Мароко против Канада: Грешката поглендете ја ТУКА Канада имаше одлична претстава против Белгија и сите очекуваа дека може да го нападне местото за осминафинале, но против Хрватска, па и денес ги покажа своите слабости во играта.

ИМ ЈА ЗАТВОРИ УСТАТА СО ЗБОРОВИ КОИ МОРА ДА ГИ ПРОЧИТАТЕ – откако хрватските навивачи удрија по фудбалерот очите на светот се вперени во неа!

Дарко Андоновски — Tue, 29 Nov 2022 17:04:27 +0000

Снежана Борјан, сопругата на играчот на Црвена звезда, Милан Борјан, кој брани за Канада на Светското првенство во Катар, се огласи на социјалните мрежи поради скандалозното и навредливо скандирање на хрватските навивачи од трибините во Доха против нејзиниот сопруг, како и против неа. Имено, хрватските фанови дури и го објавиле неговиот број на мобилен телефон на социјалните мрежи, поради што според неговото сведочење добил преку 2.500 пораки од хрватските фанови кои го прозиваат. По пеколот кој трае без престан одлучи да се огласи сопругата на голманот која преку социјалните мрежи објави само дел од монструозните пораки кои ги добивала од фановите, почнувајќи од „Јас не сум Ливај, но и јас можам да постигнам гол“, па сè до до „Дали Милан ќе носи трактор во Белград?“, алудирајќи на акцијата „Бура“ во која семејството на Борјан беше протерано од Хрватска.

View this post on Instagram

A post shared by Snezana Borjan (@snezanafi)

- Гледаме и слушаме како во светот, а и кај нас во Србија, многу и не само млади луѓе извршиле самоубиство поради терор на социјалните мрежи, социјалното отфрлање и преголемите очекувања. Не е лесно да се поднесуваат навреди, сатанизација, сајбер насилство, особено кога знаете дека не сте направиле ништо негативно и колку е тешко кога нападите стануваат вирални и глобални. Затоа разговарајте со вашите деца, пријатели, партнери... кажете им колку се вредни и посебни и што е најважно дајте им бескрајна количина на љубов бидејќи само така можат да прераснат во емоционално стабилен начин на размислување и луѓе кои ќе имаат емпатија за другите луѓе. Љубовта како одговор на секое зло и насилство!, напиша Снежана.

View this post on Instagram

A post shared by Snezana Borjan (@snezanafi)

ФИФА покрена постапка и против Хрватска

Ивона Петрова — Tue, 29 Nov 2022 13:21:33 +0000

Два дена по постапката против Фудбалскиот сојуз на Србија, Меѓународната фудбалска федерација покрена нова дисциплинска постапка – против Фудбалскиот сојуз на Хрватска поради инцидент на Светското првенство. Според соопштението на ФИФА, постапката е покрената поради транспаренти и навредливи пораки испратени до Милан Борјан, голманот на канадската репрезентација со српско потекло, на натпреварот од второто коло од групата Ф на Мундијалот. За време на натпреварот кој Хрватска убедливо го доби со 4:1, хрватските навивачи ги навредуваа Борјан и неговата сопруга Снежана. Канадскиот голман Милан Борјан, кој со години брани за белградска Црвена Звезда, е роден во етнички српски регион во Хрватска, кој беше дел од конфликтот што ја подели поранешна Југославија во 1990-тите. Семејството на Борјан го напуштило својот роден град во 1995 година, кога бил окупиран од хрватските сили со гласини дека етничките Срби избегале со трактори. ФИФА објави дека е покрената постапка против Хрватскиот фудбалски сојуз „поради однесувањето на неговите навивачи“ и се однесува на правилата поврзани со дискриминација и безбедност на натпреварите.

Сопругата на голманот на Црвена Ѕвезда облече бикини, а откако позираше свртена со грб фановите паднаа во делириум (ФОТО)

Дарко Андоновски — Mon, 24 Dec 2018 07:50:07 +0000

По сјајната сезона голманот на Црвена Ѕвезда реши да се одмори далеку од очите на јавноста па заедно со сопругата заминаа за Малдивите. Милан Борјан на својот Инстаграм профил објави дел од атмосферата таму, а фановите веднаш ја забележаа неговата понежна половина која беше облечена во бикини. Сепак на фановите најмногу впечаток им остави фотографијата каде таа е свртена со грб, позирајќи во танга, погледнете:

Шок во Црвена Звезда: Голманот итно пренесен во болница

Катерина Бојаџиева — Wed, 05 Dec 2018 18:25:23 +0000

Голманот на Црвена Звезда, Милан Борјан, заработи веројатно тешка повреда за време на вечерашниот меч против тимот на Спартак во Суботица. Борјан во 55. минута по една интервенција во казнениот простор падна незгодно. Веднаш се крена на нозе, но во истиот момент повторно се струполи што беше сигнал веднаш да влезе медицинскиот тим на „црвено-белите“ во теренот. Чуварот на мрежата на српскиот првак на носилки и притоа со мобилизиран врат беше изнесен и ставен во амбулантно возило и транспортиран до најблиската болница.