милан павков – Kurir.mk

Ќе ви надојдат солзи на очите: Родителите на Павков на село не го гледале мечот на нивниот син поради овој тажен детаљ (ФОТО)

Дарко Андоновски — Tue, 13 Nov 2018 10:43:02 +0000

„Павкоманијата“ во соседна Србија се уште трае, иако од победата на Црвена Звезда над Ливерпул со 2:0 помина цела недела. Епицентарот на оваа „павкоманија“ се наоѓа во едно српско мирно село недалеку од Нови Сад, каде Милан Павков го дочека изненадување во режија на „АренаСпорт“. На каналите на оваа телевизија се уште се вртат двата гола на фудбалерот кој го покоси Ливерпул, но целата оваа ситуација има тажна приказна поради тоа што родителите на Милан, Никола и Сузана и сестрата Милица не можеа во домот да го гледаат овој меч. Тоа претходно во интервју за српски Телеграф го изјави мајката на Милан, а веднаш потоа откако го прочитале интервјуто екипа од „АренаСпорт“ не можеле да не излезат во пресрет. Екипата веднаш се упатила кон неговиот дом, а на голема радост на семејството од сега ќе може да го гледаат секој успех на нивниот син, секоја чест. ФОТО: ТЕЛЕГРАФ.РС/НИКОЛА ТОМИЌ

ВИДЕО: „Делии“ под прозор му пееја на Павков!

Ристе Здравков — Fri, 09 Nov 2018 14:39:43 +0000

Еуфоријата од историската победа над Ливерпул, сè уште е присутна кај најверните фанови на српскиот шампион Црвена Звезда. Познатите „Делии“ уште на самиот натпревар против англискиот гигант направија атмосфера која ја потврдува тезата дека се едни од најдобрите навивачки групи на Балканот, но она што го направија синоќа - е вистинска реткост. Фановите на „црвено-белите“ и три дена по големата победа не го забораваат нивниот херој, Милан Павков и се решија со песна и пиротехничко шоу пред неговиот дом уште еднаш да го поздрават. Инаку, Павков беше творец на двата погодока за белграѓани во победата над Ливерпул, од кои вториот беше вистински еврогол од над 25 метри. Извор: gol.mk

Павков: Не бев свесен што се случува

Ивона Петрова — Wed, 07 Nov 2018 07:31:28 +0000

Милан Павков, херојот на Црвена звезда кој со два погодока го „сруши“ Ливерпул, изјави дека при постигнувањето на вториот гол не бил свесен што се случува. Павков погоди во 22. и 29. минута со удар од 30-ина метри. – За првиот гол бев свесен, ама при постигнувањето на вториот не ми се веруваше во тоа што го гледам. Ја земав топката, добив идеја да шутнам и тоа е тоа. Беше тешко, но постигнавме историска победа. Сите сме се уште под впечатоци од натпреварот. Просто не можеме да поверуваме што направивме, потенцира Павков. Со триумфот над Ливерпул, белградските „црвено-бели“ ги задржаа шансите за пласман во следната фаза од Лигата на шампионите.

ВИДЕО: Двата гола со кои Црвена Ѕвезда го „урна“ големиот Ливерпул

Ристе Здравков — Tue, 06 Nov 2018 20:30:28 +0000

Црвена звезда направи големо изненадување победувајќи го Ливерпул со 2-0 на Маракана во Белград, српскиот тим одигра одличен меч и сосема заслужено ги освои трите бода. Во продолжение видете ги двата гола на Милан Павков со кој успеа да го сруши големиот Ливерпл.