милан поповиќ – Kurir.mk

„Село гори, Северина се чешла“: Со дрско оправдување не доаѓа на суд, еве каде ужива додека бега од рочишта

Ивана Ефремовски — Mon, 22 May 2023 13:34:01 +0000

Северина Вучковиќ (51) имала дури две закажани рочишта во Хрватска со таткото на нејзиниот син, Милан Поповиќ, но таа отпатувала во Рим и како оправдување дала чудна причина да не се појави пред судот, а тоа е дека еден од најголемите гитаристи на сите времиња ја поканил на концерт. Легендарниот Брус Спрингстин (73) одржа концерт во Рим, а пејачката која сакаше да присуствува отиде со синот. Северина изминативе денови го посети Рим, од каде објави голем број фотографии и снимки, а сега се дозна дека додека се шетала низ италијанската престолнина имала и две закажани рочишта со Милан Поповиќ во граѓанскиот суд во Загреб. Сепак, како што пренесуваат хрватските медиуми, нејзиниот менаџмент испратил писмено известување до судот дека Северина била поканета како гостин на концертот на Брус Спрингстин, поради што не можела да присуствува. Сепак, Севе беше само гостинка во публиката како и сите други. Инаку, последен пат Северина се појави на суд, како што е познато, на почетокот на април на рочиште за обвиненијата за наводно семејно насилство. Таа во последните месец и половина требаше да се појави на суд за постапка со наставничката на нејзиниот син Александар, во која наставничката бара од пејачката отштета од нешто помалку од 10.000 евра, но тоа рочиште беше одложено. Северина си “заработи“ и кривична и прекршочна пријава, поради што се брани од обвиненијата пред тие судови, а редовна е и во граѓанскиот суд во Загреб поради бројните постапки што се водат во битката за старателство на малолетното дете меѓу Поповиќ и неа.

„Северина има моќ да шармира, па да те прегази“: Таткото на нејзиниот син на чуден начин ја опишува пејачката

Ивана Ефремовски — Mon, 14 Nov 2022 14:21:35 +0000

Бизнисменот Милан Поповиќ, кој од врската со Северина Вучковиќ го има синот Александар, прво за тамошните медиуми откри дека се запознале во Будва, а потоа јавно изјави дека се оженил со неа за пет минути. Како што вели, пејачката има извонреден талент за шарм на кој ниту тој не можел да одолее. -Северина е личност која кога ќе влезе во соба од 100 луѓе ќе се обиде да ги шармира сите. Потоа ќе ги прегази тие 100 луѓе кои ги шармирала, па ќе влезе во соседната соба и потоа ќе гледа да ги шармира следните 100 луѓе. Таа има извонреден талент за шарм. За жал, тој шарм не може долго да трае, рекол „кралот на бакарот“, па продолжил: - На ручек, навечер, често на луѓето што ги среќавам им поставувам прашање, а тоа е дали жената знае да сака маж, т.е. дали таа љубов му ја дава на мажот, дали е сигурна дека мажот се чувствува сакан. Исто така, спротивното, како што ја сака, и дава ли чувство дека е сакана, рекол Поповиќ, а потоа се пошегувал кога водителот му рекол да одговори на тоа прашање: - Не можам да одговорам на тоа, не би имал теми за разговор на вечерите.

Поранешниот сопруг на Северина го доби своето четврто дете: Името на девојчето има посебна симболика

Магдалена Андонова — Fri, 28 Oct 2022 13:00:34 +0000

Бизнисменот Милан Поповиќ и неговата сопруга Бојана денеска станаа побројни за уште еден член. Како што се дознава, породувањето траело 3 часа, по што се родило девојче. Девојчето ќе се вика Софија, а нејзиното име претставува знаење, мудрост и умешност. - И мама и бебето се добро. Сè помина добро. Милан и Бојана се пресреќни. Поповиќ не го крие задоволството што добил ќерка по три сина - вели извор за Република.рс Да потсетиме, Милан веќе има 3 сина, па нема сомнеж дека Софија ќе биде миленик на сите.

БАРАШЕ ДА И ГО ВРАЌАМ КРЕДИТОТ ОД МИЛИОН ЕВРА! Поповиќ ја шокираше јавноста со приказната за Северина: „Уцена и алиментација од 10.000 евра“

Магдалена Андонова — Sun, 09 Oct 2022 12:44:35 +0000

Бизнисменот Милан Поповиќ, поранешен партнер на Северина Вучковиќ, кој го има старателството над нивниот син Александар, гостуваше во утринската програма на телевизија Пинк, каде ги раскажа деталите од врската со хрватската пејачка и откри кога решил да раскине со неа. - Решив да се разведам од Северина по шест месеци, а кога решив да се разделам, тогаш таа рече дека е во друга состојба. Решив дека морам да останам со неа бидејќи не сакав таа да ја прекине бременоста. Јас сум против тоа, но во мојата глава утврдив дека мора да бидеме партнери во родителството, но секоја друга емотивна врска, барем од моја страна, не би можела да биде, изјави Поповиќ. - Додека Северина беше бремена, се видовме, се дружевме, ја финансирав бременоста, бидејќи од мене бараа да и ги надоместам сите трошоци што ги имаше бидејќи не можеше да работи додека беше бремена. - Кога се роди детето финансирав се додека таа ја одржуваше бременоста во Сплит, секогаш бев присутен и на породувањето, го сакав тоа дете и сакав да бидам партнер во родителството. Функционираше некое време додека не почна уцената дека ако не сум во интимна врска со неа ќе ме спречи да го земам детето. Дека ми е попаметно да се откажам од детето и така повеќе ќе го гледам, изјави Поповиќ и додаде: - Северина бараше да и го вратам заемот од милион евра и да и дадам алиментација од 10.000 евра. Сакав да направам се за да го видам детето. Желбата ми беше детето да порасне со мајката, а не некој трет кој ќе се грижи за него. Не беше поентата до парите, туку три месеци таа да се посвети на детето, да не мисли на пари. Можеше да работи како хоби, затоа давав толкава алиментација. Милан Поповиќ продолжи за проблемите со Северина, но и за неодамнешното помирување со нејзиниот поранешен сопруг Игор Којиќ. - Од моја страна немаше услови и се уште сум флексибилен. Мојата желба беше детето да порасне со мајката. Кога се породи, едвај чекаше да се врати на сцената. И тоа е сепак најмногу важна работа.Јас и предложив ако сака да работи малиот ќе биде со мене кога работи. Ако не сака пак ќе има пари да живее. Ми рече дека нема да прифати ништо,дека само сака да се откажам од детето. Тоа е мојот прв син, јас сум Балканец. Тоа е прво дете. Таа престана да ми дозволува да го видам детето. Таму доаѓа првата пресуда. Таа прва тужба беше тужба за утврдување на постоењето на обичајно-правен однос за да може имотот да се подели. Поповиќ се осврна и на Игор Којиќ со кој живееше неговиот син Александар додека Северина беше во брак со него. - Велат дека сум му купил Ауди А8. Се запознавме сосема случајно на Хвар. Немам информации што се случило меѓу нив. Јелса е мало место, бевме на плажа еден до друг. Буквално седевме на рамо уз рамо. Му рекол: „Игор, прости...“ Додека Севрина и Игор беа заедно, тој најмногу време поминуваше со детето. Игор одеднаш му рекол дека адвокатите на Северина работат „со часови за да му го загорчат животот“.

Со Северина само скандали, а со неа ужива во љубовта: Ова е сопругата на Милан Поповиќ, ги чека нешто многу убаво

Ивана Ефремовски — Mon, 26 Sep 2022 16:43:37 +0000

Милан Поповиќ, поранешниот сопруг на Северина, веќе подолго време ужива во новата љубов со русокоса, која во никој случај не наликува на пејачката. Имено, освен нивниот сосема поинаков изглед, нивните карактери се сосема спротивни. Откако стави крај на бурниот и многу краток брак со регионална музичка ѕвезда, ја запозна Бојана и со неа основаше семејство и дом. И иако е помлада од него, дури 28 години, се чини дека оваа голема разлика воопшто не влијае на нивниот хармоничен однос. Од голема љубов тие добија два сина - Милан и Ѓорѓе, а набрзо нивното семејство ќе стане побогато за уште еден член. Тие се исклучително среќни што наскоро Бојана ќе роди девојче. Сопругата на Милан Поповиќ не сака јавно да се експонира, а бизнисменот своевремено пред медиумите зборуваше за неа како за примерна жена. -Со неа нема кавги и расправии, дури и сега кога е бремена, кога жените знаат да бидат каприциозни. Таа е слатка, драга и прекрасна мајка, а тоа ми е многу важно, изјави Милан. Од друга страна, тој нема добро мислење за поранешната сопруга со која доби син. Односите меѓу нив се веќе подолго време затегнати, а проблемите околу старателството на малиот се решаваат преку суд со бројни скандали кои ги полнат страниците на весниците. Бизнисменот смета дека поради природата на работата на Северина, таа не може целосно да се посвети на нивното дете, а тоа треба да расте со својот татко.

„БИЛ ПРИНУДЕН ДА ГО НАПРАВИ ТОА“ : Поранешниот сопруг на Северина ги откри деталите од неговата дружба со Игор Којиќ – го спомна и случајот со запалените свеќи

Ивана Ефремовски — Wed, 14 Sep 2022 16:45:53 +0000

Милан Поповиќ неодамна ги изненади сите кога објави фотографии од дружбата со Игор Којиќ, а сега проговори за пријателството со поранешниот партнер на Северина Вучковиќ. -Го видов Игор двапати во животот пред да се запознаеме. Тој не ми беше конкурент, противник, закана. За мене тој беше важна личност бидејќи најмногу време поминуваше со Александар, изјави Милан. Тој потоа додаде: „И тужбите што ги поднесов беа во интерес да ја заштитам благосостојбата на моето дете. Не беа затоа што, на пример, Игор неправилно паркирал. Многумина коментираат и прашуваат за инцидентот со палење свеќи. Има причина зошто го направил тоа. Му простив затоа што не знаеше што прави во тој момент, всушност беше принуден да го направи тоа, објасни Поповиќ во интервју за хрватските медиуми.

View this post on Instagram

A post shared by Igor Kojić (@igorkojic)

На сите проблеми и фалеше само уште ова – кога ќе дознае Северина што прават нејзините поранешни заедно нема да и биде добро (ФОТО)

Дарко Андоновски — Wed, 31 Aug 2022 13:23:23 +0000

Минатата недела веста одекна во медиумите кога поранешните сопружници на Северин Вучковиќ, Милан Поповиќ (56) и Игор Којиќ (35) објавија заедничка фотографија на Инстаграм. Ја шокираа јавноста со информацијата дека станале блиски пријатели, па дури и заедно го прославиле роденденот на Игор. Како што дознава далматинскиот портал, поранешните партнери на Северина поминале повеќе од една недела заедно на брод – пловаеле во скриени заливи, се забавувале, нуркале… Ним им се придружил и згодниот хрватски модел Бруно Илиќ, кој го фотографирал нивното време заедно. Тој објави на својот Инстаграм профил и со тоа дополнително го потврди блиското пријателство на бившите на Северина.

Откако Северина беше уапсена поради насилство, се огласи Милан: „Поради ова се борам детето да живее со мене“!

Ивана Ефремовски — Tue, 30 Aug 2022 17:59:55 +0000

Пејачката Северина денеска е уапсена поради немил настан што се случил во нејзиниот семеен дом, а сега тоа го коментира и нејзиниот поранешен сопруг Милан Поповиќ. Имено, Северина била пријавена од нејзината сестра Маријана, која изјавила дека поради здобиените повреди, откако пејачката ја нападнала, таа завршила во болница. -Не сакам да коментирам претпоставки и неточни изјави, но сакам да го свртам вниманието на фактот дека ваквото згорзувачки однесување на Северина е токму причината поради која толку многу се борам нашето дете да живее со мене и моето семејство во мирно и безбедна средина, изјави Милан за Јутарњи лист.

И подготвуваат пекол од кој се плаши и самата – двајцата поранешни на Северина се здружија, еве што и порачаа на пејачката преку директна порака (ФОТО)

Дарко Андоновски — Thu, 25 Aug 2022 12:02:25 +0000

Дружењето во ресторан во Пула и објавувањата на социјалните мрежи беа потврда за пријателството на Милан Поповиќ, поранешниот партнер на популарната пејачка Северина и нејзиниот поранешен сопруг Игор Којиќ. Двајцата се следат на Инстаграм, а Игор неодамна го прослави својот 35 роденден на кој присуствуваше и Милан, кој дошол со синот. Милан на Игор му подарил икона, иако се пишуваше дека за роденденскиот подарок на Игор избрал скап автомобил Ауди А8. „Вашата информација не е точна, но не сум изненаден со оглед на тоа што очигледно доаѓа од лажливиот тим на Северина. Игор доби икона од мене за роденден. Северина очигледно се плаши дека сега ќе излезат на виделина сите нејзини лаги, манипулации, влијанија врз институциите и други незаконски дејствија и затоа се обидува да го дискредитира поранешниот сопруг. Поздрав“, изјавил Милан Поповиќ за Индекс.хр неодамна. Дека тие двајца се спријателиле, освен што биле видени во ресторан во Паг, тоа го потврдија и на социјалните мрежи. На 4 август, Игор објави фотографија од теретана и напиша: „Доаѓа зима“.

View this post on Instagram

A post shared by Milan Popovic (@milan8popovic)

Истото го направи и Милан на 13 август, објавувајќи идентична порака со илустрација на патоказ за селото Поповиќи-Којиќи кај Книн, што може да се протолкува како своевидна порака до Северина. Игор Којиќ наскоро ќе биде сведок во судот во една од тужбите што Милан ги поднесе против Северина.

Од силна љубов до болна омраза: Детали за односот меѓу Северина и Милан, пејачката во море фрлила прстен вреден 100.000 евра!

Ивана Ефремовски — Fri, 29 Apr 2022 09:16:01 +0000

Почетокот на врската помеѓу Милан Поповиќ (55) и Северина Вучковиќ (50) беше како на филм. Таа пееше на неговата забава. Му се допадна. Тој тврдеше дека пред таа вечер не бил многу запознаен со ликот и делото на идната мајка на неговиот син. Слушнал дел од нејзините хитови, но тој наводно не обрнувал премногу внимание на нејзината музика додека не се запознале. -Прво ме освои затоа што е згоден. Подоцна, кога сфатив дека знае да свири на гитара, дека ги знае сите песни што ми се драги, а не е музичар, да управува со авион, а не професионален пилот, да лета со брод, а не е морнар ..., бев готова, раскажа тогаш Северина. За Северина, Милан уште од самиот почеток се покажа како фатален на многу начини. Секако, и таа е за него. Таа преку ноќ ја раскинала врската со вереникот Славко Шалиновиќ, кралот на теретаните и им ги променила сериозните планови за иднината, па се откажала од изградба на куќа во околината на Риека за да не се откаже од врската со Поповиќ. -Фасцинирана сум од Милан, не сум сретнала посестран човек од него. Кога се заљубив, ослабев бидејќи десет дена не јадев ништо, изјавила таа. Новата 2011 година ја дочекаа во Будва. Неполн месец по средбата, таа го однела Милан кај нејзината мајка Ана во Сплит. Отпатуваа на Малдиви, па парот уживаше во Египет, а на почетокот на април се верија. На 3-ти август 2011 година, Северина изјави дека е во третиот месец од бременоста. Кариерата ја стави во мирување, се подготвувала за породување и за животот што таа и Поповиќ го планирале. Кон крајот на бременоста се се искомплицира и тогаш 40-годишната Северина морала да оди во болница за да ја одржи бременоста. Милан беше снимен како речиси секој ден и носи цвеќе. Тој исто така дојде со нејзината мајка. И донеле и зготвена храна. Неизвесноста беше прекината дури на 20-ти февруари 2012 година, кога Северина роди син со царски рез. Следното лето медиумите пишуваа за незаборавен летен одмор, посета на Бриони со синот, крстарење по Јадранот со јахтата на Поповиќ... Пејачката се пожалила дека го повикала таткото на крштевка, но тој со месеци не и одговарал. Таа есен се зборуваше за бурните кавги кои парот ги доживеа неколку месеци претходно, но и за тоа како Северина во лутина и бес од раката го извади прстенот вреден околу 100.000 евра и го фрлила во море. Неизвесноста и шпекулациите траеа додека и двајцата повторно не се појавија во медиумите и не ја изјавија својата љубов. -Се сакаме. Ние сме заедно. Нашата љубов никогаш не беше доведена во прашање, изјави Северина во 2013-та година. Се до август истата година, кога менаџерот на пејачката Томица Петровиќ објавил дека повеќе не се заедно. -Вистина е, Северина и Милан со меѓусебен договор ја прекинаа двоиполгодишната врска, изјави тој. За двајцата ќе се покаже дека ова е само почеток на крајот, бидејќи тогаш почна судската борба за старателство над момчето. Продолжува и денес. Нивниот однос е полн со пресврти, заплеткувања, лаги и интриги, меѓусебни обвинувања и контроверзии. Ни трошка не остана од големата љубов, тие сега се однесуваат како да се големи непријатели. Оружје за водење на битката им е синот кого сигурно најмногу го погодуваат јавните кавги на неговите родители.