Милан Ристовски – Kurir.mk

Германска Ханза заинтересирана за репрезентативецот Милан Ристовски

Ристе Здравков — Wed, 21 Jun 2023 12:52:48 +0000

Напаѓачот на македонската фудбалска репрезентација Милан Ристовски би можел од следната сезона да го носи дресот на членот на втората Бундес лига, Ханза Росток, објавија денеска германските медиуми. Според порталот „хиспорт.де“, германскиот второлигаш разгледуваа опции за засилување на напаѓачката линија и постои интерес за услугите на 25-годишниот македонски репрезентативец. Ристовски има договор до јуни идната година со словачкиот прволигаш Спартак Трнава, во чиј редови на 38 натпревари запиша четири голови и исто толку асистенции. Во македонскиот дрес Ристовски досега одигра 18 натпревари од дебито во 2021 година.

Ристовски: Одиме на победа против Украина

Бошко Тасиќ — Tue, 13 Jun 2023 04:08:32 +0000

Македонската фудбалска репрезентација ги одработува последните подготовки пред двата јунски меча од квалификациите за Европското првенство кое следната година ќе се игра во Германија. Македонија има три бода по победата над Малта, а целта е салдото на бодови да биде зголемено по дуелите со Украина (16 јуни) во Скопје и Англија (19 јуни) во Манчестер. Еден од оние кои ќе биде задолжен да биде опасност пред противничките голови е Милан Ристовски. Напаѓачот е полн со оптимизам и верува дека Македонија може да ја совлада Украина. „Треба да влеземе мотивирани како на секој меч и ќе биде се како што посакуваме. Играме на домашен терен и мора да покажеме желба на највисоко ниво ако сакаме да победиме еден таков квалитетен противник. Кога ќе се облече дресот на репрезентацијата не постои замор, а тие 7 дена како подготовка добро ни дојдоа. Енергија е на највисоко ниво и одиме на победа“, вели Ристовски.

Ристовски: Можеме да ја победиме Грузија

Тале Кристо — Tue, 07 Jun 2022 18:50:23 +0000

Македонската фудбалска репрезентација ги продолжува подготовките за претстојните два завршни натпревари во Скопје во рамки на јунскиот циклус во Ц-дивизијата во Лигата на нации. По воведното реми (1-1) против Бугарија во Разград и триумфот (2-0) на гостински терен над Гибралтар, избраниците на селекторот Благоја Милевски в четврток ја пречекуваат Грузија, а в недела ги очекува реваншот против Гибралтар. Напаѓачот Милан Ристовски оптимистички го очекува дуелот со Грузија, истакнувајќи, притоа, дека важен фактор ќе биде заедништвото и тимскиот дух. – Можеме да победиме против Грузија ако веруваме во себе, во нашиот квалитет, ако веруваме во замислите на селекторот и се разбира, да покажеме желба и борба на мечот во четврток. Знаеме каде се нивните силни страни, но ние сме сконцентрирани на нашата игра, тоа е нешто на кое работиме на тренинзите. Верувам дека заедништво и тимски дух кое сме го покажале досега, повторно ќе ни донесе успех, изјави Ристовски.

Ристовски: Заслуживме да победиме

Бошко Тасиќ — Thu, 02 Jun 2022 19:31:14 +0000

Милан Ристовски беше стрелецот на голот со кој Македонија се врати во резултатски на мечот: “Нема што да жалиме, иако не беше ова наш ден ние бевме подобар противник на теренот. Создадовме многу шанси дел од нив мораше да ги реализираме..“. Ристовски одигра добар меч, борбен меч и беше единствениот од нашите играчи кој ја најде формулата за голманот Михајлов. “Знаевме дека не чека тежок ритам, имаме 4 средби за краток период. За мене како напаѓач давањето голови ми е обрска и се надевам дека така ќе продолжам на следните дуели“.

Ристовски: Со нетрпение го чекам мечот со Италија

Бошко Тасиќ — Wed, 08 Dec 2021 08:36:03 +0000

Италијански „Калчомеркато“ направи две интервјуа, едно со македонскиот фудбалски репрезентативец Милан Ристовски и едно со неговиот менаџер, Марко Гвозденовиќ. „Играме против европскиот првак, да можевме да бираме, јас не би ја избрал Италија. Со нетрпение го чекаме натпреварот. Подготвени сме да се бориме, да го оствариме нашиот сон“ – изјави Ристовски. Милан Ристовски вели дека навива за Јувентус и сака еден ден да го облече дресот на „старата дама“, му се восхитува на Златан Ибрахимовиќ.