милан шкрињар – Kurir.mk

Шкрињар остана без капитенската лента во Интер

Ивона Петрова — Mon, 06 Feb 2023 09:41:01 +0000

Извршниот директор на Интер, Џузепе Марота го коментираше одземањето на капитенската лента на дефанзивецот на тимот, Милан Шкрињар. Претходно Словакот одби да го продолжи договорот со „нероаѕурите“ и најави дека во летниот преоден рок ќе се пресели во ПСЖ. - Капитенската лента има одредено значење, и ако некој не го разбира тоа, мора да направиме соодветен избор. Одземањето на капитенската лента на Шкрињар не е поврзано со дисциплински причини, тој е професионалец, изјави Марота за „ДАЗН“. Оваа сезона, 27-годишниот Шкрињар забележа 27 настапи за „нероаѕурите“ во сите натпреварувања и има една асистенција. Неговиот договор со клубот е до летото 2023 година.

Во Интер уверени дека ќе потпишат нов договор со Шкрињар пред Мундијалот

Тале Кристо — Wed, 02 Nov 2022 21:11:56 +0000

Спортскиот директор на Интер, Бепе Марота е уверен дека неговиот клуб ќе може да го продолжи договорот со дефанзивецот Милан Шкрињар до почетокот Светското првенство во Катар во 2022 година. – Вредноста на Шкрињар за тимот е многу висока, и на теренот и надвор од него. Оптимист сум и уверен дека успешно ќе ги завршиме преговорите пред почетокот на Светското првенство, некаде околу 13 ноември. Гледам позитивен напредок, го цитира Скај Спортс Марота. Шкрињар настапува за Интер од јули 2017 година. Оваа сезона учествуваше на 18 натпревари за тимот и не постигна гол. Словакот е проценет на 65 милиони евра од „Transfermarkt.com“. Актуелниот договор на 27-годишниот Шкрињар е со важност до крајот на јуни 2023 година.

ПСЖ дава 50+10 милиони евра за Шкрињар, Интер бара 80 милиони

Дарко Андоновски — Thu, 01 Sep 2022 11:25:30 +0000

ПСЖ се обидува да преговара со Интер за трансфер на дефанзивецот Милан Шкрињар. Според „Л’Екип“ францускиот клуб понудил 50+10 милиони евра за 27-годишниот фудбалер. Интер ја одби оваа понуда, бидејќи не сака да го продаде Шкрињар на помалку од еден ден пред затворањето на преодниот рок. Претседателот на ПСЖ, Насер Ал-Хелаифи во моментов преговара директно со претседателот на Интер, Стивен Жанг. Италијанскиот клуб може да се согласи на продажба само доколку на Милан му бидат понудени 80 милиони евра. Денеска би можела да дојде нова понуда од ПСЖ. Важноста на договорот на Шкрињар со Интер е со важност до летото 2023 година, па ПСЖ може да почека до јануари и да се договори за трансферот на дефанзивецот како слободен играч.

ПСЖ ќе понуди 60 милиони евра и бонуси за Шкрињар, Интер бара повеќе

Дарко Андоновски — Tue, 21 Jun 2022 08:37:07 +0000

Францускиот фудбалски шампион ПСЖ не се откажува од ангажирање на словачкиот дефанзивец Милан Шкрињар. по одбивањето на првата понуда од страна на Интер, парижаните подготвуваат подобрена верзија. ПСЖ ќе понуди 60 милиони евра и бонуси за 27-годишниот фудбалер, објави инсајдерот Фабрицио Романо. Вклучувајќи ги бонусите, сумата на трансферот би можела да биде околу 65 милиони евра, пишува новинарот Алфредо Педула. Сепак, според последните информации, Интер не сака да го продаде Шкрињар на ПСЖ за помалку од 80 милиони евра, или 70 милиони плус бонуси. Од друга страна, Интер сака да го ангажира дефанзивецот Глисон Бремер од Торино. Клупското раководство на италијанскиот вицешампион планира да се сретне со претставници на Торино околу трансферот. Од јануари „нероаѕурите“ имаат устен договор за трансфер со играчот.

Шкрињар подготвен да го продолжи договорот со Интер

Дарко Андоновски — Wed, 23 Mar 2022 14:57:20 +0000

Дефанзивецот на Интер, Милан Шкрињар изјави дека има намера да остане во тимот од Милано. – Мислам дека Интер ќе ми понуди нов договор, а јас ќе го потпишам и ќе останам во тимот, изјави Шкрињар. Шкрињар е во Интер од јули 2017 година. Во тековната сезона тој постигна четири гола на 37 натпревари за тимот. Актуелниот договор на 27-годишниот Словак со клубот е со важност до јуни 2023 година. Претходно беше објавено дека Интер е подготвен да му понуди на Шрињар договор до 2026 година.

Тотенхем нуди 50 милиони евра за Шкрињар

Магдалена Андонова — Thu, 24 Sep 2020 07:33:48 +0000

Англиски Тотенхем подготви понуда од 50 милиони евра плус бонуси за словачкиот дефанзивец на Интер Милан Шкрињар. Директорот на Тотенхем, Стив Хичен веќе разговарал со агентот на Шкрињар во Милано. Претходно вчера „Скај Спорт Италија“ откри дека барале 60 милиони евра од Интер за нивниот играч, но „петлите“ не се подготвени да платат толку. „Нероазурите“ се надеваат дека ќе го продадат 25-годишниот Шкрињар, а со добиениот дел од сумата ќе гопривлечат Никола Миленковиќ од Фиорентина. (МИА)