милан – Kurir.mk

Милан за Тонали: Од медиумите дознавме дека е зависен од коцкање

Тале Кристо — Sat, 04 Nov 2023 14:55:17 +0000

Италијанскиот фудбалски клуб Милан ги отфрли шпекулациите дека биле свесни за проблемите на Сандро Тонали. Ден Ешворт, спортскиот директор на Њукасл, на кого Росонерите му го продадоа играчот од средниот ред за рекордни 70 милиони евра плус бонуси, вчера изјави дека му било тешко да шпекулира дали италијанскиот клуб бил свесен за зависноста на играчот од коцкање и последиците од таквите дејства. - За зависноста на Тонали првпат дознавме од медиумите. Не знаевме ништо друго, одговори Милан. Тонали поради обложувања на својот клуб кога настапуваше за Милан, неодамна доби 10-месечна суспензија од фудбалските натпревари. Од Њукасл најавија правна постапка.

Милан конечно финансиски стабилен

Бошко Тасиќ — Tue, 24 Oct 2023 04:00:36 +0000

Италијанскиот фудбалски гигант Милан после долги години ја заврши сезоната со финансиски плус. Милан изминатите години го промени начинот на работа, ги избалансира трошоците за плати, а значително ги зголеми приходите. Сопствениците на клубот објавија дека сезоната ја заврши со добивка од 6 милиони евра, што не се случило од 2007 година. Тоа се должи на значително зголемување на приходите, најмногу од комерцијални спонзорства, но и од ТВ права како и од пласманот во Лигата на шампиони.

Милан продава голмански дрес со името на Оливие Жиру

Тале Кристо — Mon, 09 Oct 2023 17:50:40 +0000

Италијанскиот фудбалски прволигаш Милан пушти во продажба голмански дрес со името на Оливие Жиру, откако францускиот напаѓач се истакна на голот изминатиот викенд во победата на гостински терен над Џенова (1-0). Стандардниот голман на Милан, Мајк Мињон, беше исклучен во судиското продолжение, а Жиру застана на неговото место, и со одлична интервенција го скотри ударот на Џорџ Пушкаш непосредно пред последниот судиски свиреж. „Оливие Жиру стана дел од историјата на Милан со храбра интервенција во последните минути од натпреварот на Росонерите против Џенова. Клубот одлучи да ја награди неговата изведба во последната одбранбена линија ставајќи го на списокот голмани. Дополнително, навивачите сега можат да купат голмански дрес со натписот „Жиру 9“,“, соопшти Милан. Италијанските медиуми јавија дека голманскиот дрес на Жиру во официјалните продавници на Милан е веќе распродаден.

Реал Мадрид и Милан во битка за фудбалерот на Манчестер Сити

Бошко Тасиќ — Fri, 06 Oct 2023 03:57:26 +0000

Реал Мадрид и Милан се заинтересирани за напаѓачот на Манчестер Сити и аргентински репрезентативец, Јулијан Алварез. Сити го доведе од Ривер Плата летото 2022 година за само 18 милиони евра, а Алварез веднаш го покажа својот потенцијал. Меѓутоа, Алварез на „Етихад“ е во сенка на Халанд и не добива голема минутажа, па размислува да ја промени средината. „Кралевите“ ја следат ситуацијата и ќе се обидат да го доведат уште во зимскиот преоден рок. Милан исто така во него гледа идеална замена за Жиру, но Сити не размислува за продажба на Аргентинецот.

Пиоли за ремито со Борусија: Создававме шанси, но ни недостасуваше ефикасност

Тале Кристо — Thu, 05 Oct 2023 06:30:16 +0000

Тренерот на Милан, Стефано Пиоли ги искажа своите впечатоците по синоќешните 0:0 со Борусија Дортмунд во натпреварот од 2. коло од групната фаза на Лигата на шампионите. - Во првото полувреме не игравме многу технички. Потоа имавме неколку шанси, но ни недостасуваше ефикасност. Штета, сакавме да победиме. Тоа беше вистински натпревар од европските купови, со многу светли моменти. Се обидуваме да ги преточиме нашите идеи во игра, во Европа темпото на натпреварите е високо. Борусија Дортмунд има силен тим, но ние направивме добра работа, изјави Пиоли по натпреварот. На другиот натпревар од 2. коло во групата Ф, Њукасл го победи ПСЖ со 4:1. Њукасл е прв со 4 бода, ПСЖ има 3, Милан 2, Борусија Дортмунд 1.

Пиоли: Јувентус е фаворит за освојување на Скудетото

Бошко Тасиќ — Sat, 30 Sep 2023 04:02:16 +0000

Тренерот на фудбалскиот клуб Милан Стефано Пиоли го смета Јувентус за фаворит во трката за титулата во Серија А. Во калчо лигата веќе се одиграни шест кола по кои лидери се миланските ривали Интер и Милан со по 15 бода по што следи „старата дама“ со 13 поени. -Првенството? Според мене четири екипи ќе се борат за титулата, а фаворит е Јувентус. Зошто? Затоа што немаат европски обврски, -истакна Пиоли кој го подготвува својот тим за соочувањето со Лацио. -Моменталната ситуација на табелата не значи ништо, важно е само како ќе се подготвиме за натпреварот и каков ќе биде нашиот пристап. Задоволен сум од тоа како изгледавме на последните два натпревари, -порача стратегот.

Проблеми за Милан, се повреди Круниќ

Бошко Тасиќ — Mon, 25 Sep 2023 03:59:31 +0000

Фудбалерите на Милан во саботата ја совладаа Верона на „Сан Сиро“, минимално со 1-0 со голот на Рафаел Леао. За овој меч Стефано Пиоли беше приморан да изнесе комбиниран тим, поради неколкуте отсуства. Сепак, еден од најстандардните играчи оваа сезона, Раде Круниќ, пак беше на теренот од првата минута. Тоа му се одби од глава на Милан бидејќи Босанецот заработи повреда на мускулите. Поради оптеретување, Круниќ го очекува пауза од околу еден месец, што е проблем за „росонерите“ бидејќи долго отсутен е и Исмаел Бенасер

Милан брзо го преброди шокот од Интер и Росонерите сега повторно победуваат (Видео)

Ристе Здравков — Sat, 23 Sep 2023 15:59:25 +0000

Милан повторно победува во Серија А, откако со 1:0 беше подобар од Верона во меч од петото коло. Росонерите имаат четири победи и еден болен пораз од градскиот ривал Интер со 5:1. Дуелот на „Сан Сиро“ доцнеше 30 минути поради големото невреме што го зафати Милано непосредно пред почетокот на дуелот. Пороен дожд буквално го потопи теренот на стадионот, па мораше да се тргне водата за мечот да може нормално да се одигра.

Milano da yoğun yağış sebebiyle Milan - Verona maçı gecikmeli başlıyacak. Top zeminde gitmiyor.pic.twitter.com/tWcWnoQBne
— Göktuğ Özal (@goktugozal) September 23, 2023

Откако започна дуелот на Милан му беа потребни само осум минути за да постигне гол. Рафаел Леао погоди за 1:0, а на крајот се покажа дека тој момент е пресуден за трите бода да останат на контото на тимот од Милано. Голот на Леао може да го видите ТУКА.

Хаос во Италија: Приврзаници на Милан избодеа навивач на Њукасл

Ристе Здравков — Tue, 19 Sep 2023 12:08:11 +0000

Милан и Њукасл вечерва играат во 1.коло од групната фаза на Лигата на шампионите во Италија и тоа е едно од вечерните дерби. На сите им е јасно дека се очекува одлична игра, но навивачите на Милан се погрижија да не се зборува само за тоа. Имено, еден од навивачите на Њукасл бил избоден со нож додека се враќал во својот хотел. Утрово навивач објави фотографија од избоден „колега од трибина“ и тврди дека биле нападнати од навивачи на Милан. Наводно се се случило синоќа, а на фотографијата се гледа како повредениот навивач лежи во локва крв. На втората фотографија се гледа како му се укажува лекарска помош.

Фановите на Њукасл лудуваа на дождот во Милано (ВИДЕО)

Ристе Здравков — Tue, 19 Sep 2023 08:48:48 +0000

По 20 години Њукасл се враќа во Лигата на шампионите, првиот натпревар го игра денеска со почеток од 18:45 часот на гостински терен кај Милан. Фановите на Њукасл кои отпатуваа во Италија ги окупираа пабовите во Милано. Дел од нив, веројатно со неколку пива повеќе во себе, уживаа во дождот лизгајќи се по подот, додека тие го правеа тоа, останатите ги бодреа.

These Newcastle fans enjoying the rain in Milan this evening😂 #NUFC pic.twitter.com/7RlS6CsCpC
— Football Away Days (@AwayDays_) September 18, 2023