милано – Kurir.mk

11 ЛИЦА ПОВРЕДЕНИ И ПРЕНЕСЕНИ ВО БОЛНИЦА – авион од Милано налетал на силни турбуленции пред слетувањето

Дарко Андоновски — Wed, 30 Aug 2023 07:56:21 +0000

Единаесет луѓе на летот на „Делта ерлајнс“ беа пренесени во болница, откако доживеале тешки турбуленции пред да слетаат во Атланта, изјави портпаролот на компанијата за Си-Ен-Ен. Авионот, кој полетал од Милано, превезувал 151 патник и 14 членови на екипажот, кога до крајот на летот настанале турбуленции, изјави портпаролот на „Делта“. Меѓу повредените има и патници и членови на екипажот. Не се знае точниот степен на повредите. Инцидентот се случил непосредно пред слетувањето на аеродромот во Атланта, каде авионот на крајот безбедно се приземјил.

Милано повторно погодено од силно невреме

Дарко Андоновски — Tue, 25 Jul 2023 07:14:29 +0000

Милано и неговата околина утринава околу четири часот беа погодени од силно невреме проследено со пороен дожд, град и удари на ветер со брзина поголема од 100 километри на час, што е второ невреме за нешто повеќе од 12 часа. Една жена загина во Монца, а најмалку три лица се повредени вчера во Милано кога силен дожд и силен ветер ја погодија северна Ломбардија. Според прогнозите, можни се и денеска нови врнежи во Милано, јавија италијанските медиоуми „Невремето предизвика сериозни штети и на нашата електрична мрежа“, соопшти миланската транспортна компанија додека голем број луѓе на социјалните мрежи објавија дека нема струја во многу делови од градот. Пријавени се оштетувања на покриви, како и поплави поради количината на дожд и град што падна за краток временски период во Милано, како и многу соборени дрвја. Нема извештаи за повредени. Невреме со грмотевици денеска се очекуваат и во Трентино Алто Адиџе, Венето и Фриули-Венеција Џулија. Сосема спротивна е ситуацијата во останатиот дел од Италија, каде допрва треба да доминира африканскиот антициклон, поради што во некои централно-јужни области се уште се бележат исклучително високи температури кои во текот на денот ќе достигнат од 45 до 48 степени во Сицилија и во Апулија.

Најмалку шест загинати во пожар во пензионерски дом во Милано

Ивона Петрова — Fri, 07 Jul 2023 06:07:14 +0000

Најмалку шест лица загинаа во пожар што рано утринава се појави во пензионерски дом во Милано, пренесе ДПА. Вкупно 81 лице се пренсени во болница, од кои две во многу сериозна здравствена состојба, јаво АНСА утринава. Акцијата на противпожарната бригада се уште е во тек, а засега не се знаат детали за причината на пожарот.

Експлозија во центарот на Милано

Катерина Бојаџиева — Thu, 11 May 2023 11:15:55 +0000

Во центарот на италијанскиот град Милано денеска одекна силна експлозија. На социјалните мрежи се објавуваат снимки од запалени возила по експлозијата. Се уште не е позната причината за експлозијата.

ЛУЃЕ ИЗБОДЕНИ ВО СУПЕРМАРКЕТ: Страшен напад во Милано, меѓу повредените и познатиот фудбалер на Арсенал (ФОТО)

Магдалена Андонова — Fri, 28 Oct 2022 07:23:26 +0000

Едно лице загина, а најмалку четири други се повредени, од кои дел и потешко, во напад со нож во супермаркет во Милано, во северна Италија, наведуваат локалните медиуми. Полицијата уапси 46-годишен Италијанец, кој е осомничен за нападот, јавува агенцијата ЛаПрес. Нападот се случил во супермаркетот „Карфур“ во близина на Милано, на северот на Италија. Едно од ранетите лица во супермаркетот починало на пат кон болница, јави Анса. Меѓу повредените е и шпанскиот фудбалер Пабло Мари, кој е позајмен во клубот Монца од Арсенал, јавуваат агенциите.

In a Milan shopping center, a stabbing occurred to former Arsenal defender Pablo Mari.

He was one of six people who were stabbed by a patient with mental health issues and is currently in the hospital. pic.twitter.com/rVwKYFQZwy
— EUPHORIA SPORT (@euphoria_sport) October 27, 2022

Мотивот за нападот не е познат, а италијанските власти велат дека нема елементи што укажуваат на тероризам. Би-би-си наведува дека Мари (29) му се приклучи на Арсенал од бразилскиот Фламенго во јануари 2020 година, а за клубот од Лондон одигра само 19 натпревари и моментално е на позајмица во италијанскиот клуб Монца. (МИА)

Кајл Хајнс најдобар дефанзивец во Евролигата

Бошко Тасиќ — Tue, 10 May 2022 19:38:01 +0000

Кошаркарот на Милано, Кајл Хајнс е избран за најдобар дефанзивец во Евролигата за сезоната 2021/2022. Хајнс во изборот на евролигашките тренери стигна до титулата најдобар дефанзивец, откако претходно ова признание го освојуваше и во 2016 и 2018 година како член на ЦСКА Москва. Со своите 35 години, Хајнс е и најстар играч кој го добил ова признание. Американецот сезонава во тимот на Олимпија Милано просечно бележеше по осум поени, 5,3 скока, 1,8 асистенции, 0,7 блокади и 0,7 украдени топки.

ЦЕЛО МИЛАНО ЗАИГРА НА ПЕСНАТА „ЈУТРО ЈЕ“ – вистинско шоу се случи во центарот на овој град, Нада Топчагиќ се слуша насекаде(ВИДЕО)

Магдалена Андонова — Tue, 26 Oct 2021 16:16:49 +0000

Нада Топчагиќ стана вистински хит ширум Италија кога на сцената на „Санремо“ излезе Златан Ибрахимовиќ придружен со нејзината песна „Јутро је“. Пејачката со денови не можеше да ја сокрие радоста и возбудата кои ги сподели со медиумите, набрзо пееше на роденденот на фудбалерот, а јавноста сега е во пламен со снимката од Милано на која уличните музичари направија вистинско шоу со спомената песна. Очигледно е дека фановите на Златан Ибрахимовиќ брзо ја научија песната на Нада, а самиот ритам ги натераа минувачите да танцуваат на сред улица.

View this post on Instagram

A post shared by Marija Mikic (@wwwmarijamikiccom)

Донарума плачел по мечот поради свирежите од навивачите на Милан

Ристе Здравков — Thu, 07 Oct 2021 09:16:13 +0000

Фановите на Милан му приредија непријатно добредојде на Сан Сиро на нивниот поранешен голман Џиџо Донарума. Навивачите на Милан уште пред мечот најавија дека Донарума не е добредојден веќе на нивниот стадион, тие не можат да му простат затоа што си замина, иако имаше опција да потпише нов договор. На синоќешниот меч меѓу Италија и Шпанија, фановите на Милан кои беа на трибините му свиркаа на Донарума во текот на целиот меч. Кога ќе беше топката кај него, се слушаа свирежи. Според италијанските медиуми, по натпреварот Донарума плачел во соблекувалната поради свирежите кои ги добил, му паднало многу тешко. Ова беше и прв натпревар на Донарума во дресот на Италија во кој прима повеќе од еден гол. А за Азурите брани веќе пет години.

Голема трагедија во Милано: Авион се заби во зграда, има мртви – зградата во пламен, остатоци на сите страни (ВИДЕО)

Магдалена Андонова — Sun, 03 Oct 2021 13:58:41 +0000

Шест лица загинале денеска откако мал авион се забил во празна двоспратна зграда во предградието на италијанскиот град Милано, соопштија италијнаските медиуми. Новинската агенција Ла Прес цитира пожарникари на местото на несреќата дека пилотот и сите пет патници загинале, а нивната националност се уште не е позната, пренесе АП. Противпожарната служба навела дека никој друг не настрадал во падот на авионот во близина на метро станицата Сан Донато Миланезе, гратче пред Милано. Од службата додаваат дека неколку автомобили кои биле на паркингот во близина на местото на трагедијата се запалиле, но се чини дека немало никој во тој момент, додава АП. „Скај ТГ24“ наведува дека авионот летал од аеродромот во Линат кон островот Сардинија. Пожарникарите го изгаснале пожарот во зградата која била реновирана.

Огнените јазици буквално ја проголтаа цела зграда во Милано: Градоначалникот со потресни зборови се огласи, „ова е неприфатливо“ (ВИДЕО)

Дарко Андоновски — Mon, 30 Aug 2021 13:07:35 +0000

Градоначалникот на Милано денеска побарал одговори на прашањето зошто пожарот толку брзо ја проголтал станбената зграда, растопувајќи ја нејзината фасада, како во случајот со пожарот во Гренфел Тауер во Лондон пред четири години, кога загинаа 71 лице. Пожарникарите изјавиле дека сите станари успеале да побегнат од 18-катната зграда на југот на Милано, која во неделата попладнето беше проголтана од пожар. Очевидците велат дека пожарот, кој почнал на 15-тиот кат, брзо напредувал по фасадата. „Зградата е изградена пред нешто повеќе од 10 години и неприфатливо е толку модерна зграда да биде толку чувствителна“, напишал градоначалникот Бепе Сала на Фејсбук.

#Milano #incendio grattacielo: fiamme sotto controllo, le nostre squadre stanno avanzando dall’interno verso i piani superiori dell’edificio. Sono 15 i mezzi impiegati, oltre 50 i #vigilidelfuoco. Immagini della ricognizione aerea dall’elicottero. [#29agosto 20:00] pic.twitter.com/dKtm1eznUi
— Vigili del Fuoco (@emergenzavvf) August 29, 2021

-Од почетокот беше јасно дека надворешната облога на зградата изгоре пребрзо, на начин кој потсетува на пожарот во Гренфел Тауер во Лондон пред неколку години, додал тој. За големиот број на смртни случаи во тој пожар обвинети биле панелите на надворешните облоги, направени од запалив материјал. Сопствениците на становите во слични згради во Британија после тоа морале да ги отстранат тие панели, што чинело милијарди долари.