Миле Лефков – Kurir.mk

Лефков: Документите од свиркачите говорат за неправилности на Онкологија и од годинава, се ускратува право на лечење на граѓаните, а нема ни обвинителен акт

Ивана Ефремовски — Fri, 03 Nov 2023 09:34:42 +0000

Информациите кои стигнаа до нас од свиркачи се токму за работата на Клиниката за онкологија во текот на оваа година. Се ускратува правото на лечење на граѓаните, а никој не реагира, не реагира ни обвинителството, нема обвинителен акт, туку само предистрага срамежливо најавена. Не убедуваа дека биле скандали од пред неколку години, ама видовме дека не е така, рече пратеникот од ВМРО-ДПМНЕ, Миле Лефков и член на Извршниот комитет на партијата на гостување на утринската емисија на радио Лидер. Лефков посочи дека од самиот Извештај за работата на Клиниката, извештај кој е од вонреден надзор, и во кој се гледа дека оваа година не прекинува продирањето на фармаколошките олигарси. „Вонредниот надзор кој се однесува на крајот на 2022 година и оваа година покажува дека продолжува претходно обелоденетата пракса која вели дека се работи без процедури. Ревизорот вели дека практично луѓето кои работат се едни те исти, исти водат набавки, администрирање на постапката, нема начин за водење на евиденција на лекот, не се знае колку ампули се користат, не се води евиденција за истите, а тоа е исклучително скапа терапија“, вели Лефков. Лефков објасни дека од Вонредниот извештај покажува дека пописот на лекарствата за крајот на март по однос на само од едниот лек е регистрирана залиха од 120 милион денари, од вториот лек регистрирана залиха 122 милиони денари и слично. „Или вкупна залихата една и половина милијарда денари околу 25 милиони евра, а тоа нема да ги спречи да распишат нова набавка од околу 8 или 9 милиони евра. Вкупните стокови резерви до пред некоја година беа 4 милиони евра па државата ги зголеми“, информираше Лефков. Според корупцијата е секогаш мерлива и се појавува, дали како инфлација, дали како недостаток. „Дополнително не се почитуваат роковите за испорака, или при испорака има пробивање на рокови следствено е дека некој нема да го добие лекот. Или уставно загарантираното право се заменува со право за некој да зема профит, да краде“, посочи Лефков. Пратеникот укажа дека она што го покажа Анкетната комисија е дека еден што треба да се грижи за рационализација на работите е токму еден кој има судир на интереси. „Додека фиктивно се чуваат лекови во вредност од 25 милиони евра други секојдневно молат за лек, дијабетичари, оние со ретки болести и слично. Извештајот ќе биде доставен до Анкетната комисија, ама видливо е дека Владата се обидува да ги прекрие работите“, кажа Лефков.

Лефков: Што граѓаните добија со целосниот истеран мандат на Владата на СДС – ДУИ, освен најмал раст на БДП во регионот и порази на секое поле

Тале Кристо — Wed, 25 Oct 2023 10:17:20 +0000

„Изборите се уставна категорија, не е за нешто за кое што одлучува Бујар Османи. Бујар Османи како министер е избран од страна на пратениците и тој е избран со одредена цел, односно да остварува одредени обврски, задачи во рамките на неговото министерување. Не е негова работа да се пазари, и ова не е прв обид за пазарење и влијаење на пратениците. Ќе потсетам дека согласно Уставот пратениците, односно секој претставник на народот го претставува по свое сопствено убедување така да недолично е да се пазариме, особено не со нешто што претставува уставна категорија, а тоа се изборите“, истакна Миле Лефков, пратеник и член на ИК на ВМРО-ДПМНЕ во утринската емисија на 24 телевизија. Лефков додаде дека преку изборите се изразува волјата на народот. „Катастрофално е тоа што СДС се фали со тоа што обезбедиле односно што го истраеле тој мандат до крај. Тоа го споменуваат како едно од предизборните ветувања. Замислете на крајот од вашиот мандат да имате порази на секое поле, да имате најмал раст на БДП, да имате најмал економски раст во регионот, да имате порази на секое поле, на полето на правдата, на полето на образованието, на здравството, и вие да се фалите со тоа дека сте успеале да издвојувате еден повеќе за да останете на власт“, рече Лефков. Тој посочи дека прашањето до СДС е што добиваат граѓаните од мандатот кој што го истерале до крај. „Јасно е дека за одредени политичари се тендери, влијание, законот за игри на среќа, и други придобивки. Но, меѓутоа прашањето е што добиваат граѓаните од оваа Влада“, запраша пратеникот. „Кога ние баравме предвремени парламентарни избори секогаш ќе кажеа дека Македонија нема пари за расфрлање и потребно е да се штеди затоа што нели изборите претставуваат одреден трошок. Тие чинат некаде околу десетина милиони евра. И сега кога доаѓа до процес кога имаме два изборни циклуси кои што се разделечени практично со недели се одвоени едни од други, кога зборуваме за спојување, за власта одеднаш парите станаа неважни. Моето прашање е барем дали еден од СДС направил функционална анализа што значи таквото спроведување на раздвоени избори“, појасни Лефков.

Лефков до Калеска Ванчева: Дали го прочитавте членот 3 став 2 од КЗ каде што јасно пишува дека по извршувањето на делото ако дошло до промена на КЗ еднаш или повеќе пати се користи оној кој што е поблаг за сторителот?

Тале Кристо — Fri, 20 Oct 2023 17:28:15 +0000

„Прашањето е колку се несигурни во себе кога не ја преземаат основната одговорност како Влада? Владата која што е предводена од претседателот на СДСМ, на чело со Ковачевски предлага закон преку министерството за правда, доаѓа во Собрание во кое што тие имаат мнозинство и преку претседателот на Собранието доаѓа во Комисија за европски прашања. И прашањето е зошто во јавноста не ја преземаат одговорноста за воведување на неказнивоста како принцип, и имаат потреба од изговори во јавноста од типот вие не не прекинавте, вие не предложивте доволно амандмани итн.“, запраша Миле Лефков, пратеник и член на ИК на ВМРО-ДПМНЕ во емисијата „Само вистина“ на Канал 5 телевизија во врска со донесувањето на измените во Кривичниот законик од страна на власта. Лефков додаде дека власта треба да престане да ја навредува интелигенцијата на граѓаните. Граѓаните многу добро знаат зошто власта ги донесе измените во Кривичниот законик. „Зошто не си ја преземат одговорноста за она што го направиле? Во Комисија за европски прашања јасно се знае колку може да се блокира. Од власта нека си ја преземат одговорноста. Нема потреба од ова“, рече пратеникот Лефков. Тој ја запраша и пратеничката Калеска Ванчева ако добро го прочитала Кривичниот законик дали го прочита членот 3 став 2 каде што јасно пишува дека по извршувањето на делото ако дошло до промена на Кривичниот законик еднаш или повеќе пати се користи оној кој што е поблаг за сторителот. „Ако добро сте го прочитале Кривичниот законик колешке, дали го читавте и членот 3 став 2? Членот 3 став 2 ќе ви каже дека по извршувањето на делото ако дошло до промена на Кривичниот законик еднаш или повеќе пати се користи оној кој што е поблаг за сторителот. Ете тоа е мотивот кој што ги води. Затоа од власта нека не кажуваат приказни на јавноста дека се подготвуваат други измени“, појасни Лефков. Лефков нагласи дека тој и како другите пратеници гласаа ПРОТИВ, а власта гласаше ЗА.

Лефков: Измените во Кривичен законик се облик на висока корупција, власта направи да не може да се гонат нивни криминали

Ивана Ефремовски — Fri, 20 Oct 2023 17:05:23 +0000

Ако се водите од логиката на Артан Груби и информациите кои тој ги лиферува, стручњакот за игри на среќа и тендери, да оставиме тој да ги толкува, но најодговорно кажувам кворумот не беше направен од страна на ВМРО-ДПМНЕ, а власта треба да си ја преземе одговорноста за она што го направи, а не да лиферува такви лажни вести, изјави пратеникот и член на ИК на ВМРО-ДПМНЕ, Миле Лефков за „Само вистина“ на Канал 5 во врска со измените од Кривичен законик.

- Ако имаме еден закон кој во Собрание стигна со европско знаменце и злоупотреба на европските процедури, експресно се најде на комисија за европски прашања, нашата одлука беше да ги кажеме нашите аргументи против овој закон и секако да гласаме против, рече тој.

Лефков потенцираше дека останува фактот дека самото донесување на овој Кривичен законик, начинот, постапката, целите и последиците претставуваат најнов облик на висока корупција.

- Тоа што се случува во државата и со донесувањето на Кривичниот законик е висока корупција, во која се вклучени и владата и претставници во законодавниот дом, нагласи Лефков.

Лефков посочи дека тоа што власта не сака да се зборува дека со овие измени на КЗ нема да може да се гонат криминали направени од оваа власт.

- Во изминатиот период за време на владата на СДС и ДУИ практично со овие измени на Кривичниот законик бришење на став 5 од член 353 кој е однесува на јавни набавки, бришење на членот 394 кој се однесува на злосторничко здружување и намалување на затворските казни до 3 години, се предизвикува кривичните дела направени од страна на оваа власт да застаруваат следната година кога ќе се промени власта, рече тој.

Лефков потсети дека не може да бидат гонети ниту преиспитувани набавките на Васко Ковачевски за РЕК Битола, спорните набавки на јаглен, не може бидат испитувани набавките на вакцини, одлуките на Онкологија кога бил ставен надвор од употреба КАТО системот.

- Тоа е еден скриен бенефит кој не се говори во јавноста. Со овие измени се оневозможува гонење и водење на кривични постапки и кога Заев беше премиер, изјави Лефков.

Лефков: Паднаа сите шпекулации дека пратениците од ВМРО-ДПМНЕ ќе гласаат за уставни измени под бугарски диктат, нашиот став е јасен и нема отстапки

Катерина Бојаџиева — Thu, 12 Oct 2023 20:07:48 +0000

Миле Лефков, член на ИК на ВМРО-ДПМНЕ и пратеник во собранието во вечерашното гостување во емисијата Анализа на ТВ 24, вели дека целта на власта не се уставните измени, туку да остане на власт ден повеќе, потенцирајќи дека пропаднале сите спинови и шпекулации дека има пратеници од опозицијата кои ќе гласаат за уставните измени. Целата вистина е дека во Македонија не станува збор за уставни измени. Не станува збор за уставни измени, од почетокот на година прв кој ги лиферуваше овие информации беше првиот вицепремиер Артан Груби дека има информации дека имаат 3, 4, им требало уште 2 пратеници. Па тоа имаше една плејада на изјави од политичари кои доаѓаат со слични сознанија. Но, на 18 август ги видовме сите 44 пратеници како викаме да се стави на гласање, а Талат Џафери си ја одложи седницата на неодредено време. Значи приорите не се уставните измени, туку да се купи уште еден ден на власт на коалицијата СДС и ДУИ, рече тој. На прашањето дали има некој пратеник кој сега се предомислил, Лефков истакна дека ниту владејачкото мнозинство не ги обезбеди потребните гласови, туку како што рече наместо да се зголемат, тие се намалиле. Видовме дека самото мнозинство не ги обезбеди потребните гласови на 18 август. Наместо да се зголемуваат, тие намалија. Лефков го потврди ставот на ВМРО-ДПМНЕ дека е конзистентен и дека нема да прифатат уставни измени под бугарски диктат, како и дека го почитуваат мислењето на народот, бидејќи над 80 проценти од граѓаните не се согласуваат со уставни измени и прифаќање на промени под бугарски диктат. Нема никаква поделба во ВМРО-ДПМНЕ. Ставот е конзистентен и во барата од граѓаните и од членството, знаете дека над 80 проценти се против ваквата промена под бугарски диктат. И ние остануваме на тој став. Нема никакви промени во нашиот став, вели Лефков.

Лефков: Ковачевски да се одважи и да се појави на лидерска за изборните процеси и важни теми за граѓаните

Ивона Петрова — Fri, 06 Oct 2023 17:25:26 +0000

Гледаме како неизбраниот премиер се обидува да се пазари со се дури и нешто што претставува уставна категорија како што тоа се изборите. Во нормална држава треба да има среден Изборен законик, веќе треба да бидат усогласени и прифатени забелешките од ОБСЕ, треба да бидат и известени во ОБСЕ, а во државата немаме ниту најава на тие процеси, а во момент кога се бара да отпочнат легитимно и во интерес на демократијата, власта се обидува да влезе во процес на непринципиелно пазарење, изјави пратеникот од ВМРО-ДПМНЕ, Миле Лефков за „За или против“ на Алфа. Лефков истакна дека треба Ковачевски конечно да се појави на избори, затоа што неизбран дојде. - Гледаме секој ден како е од лошо полошо во државата, Ковачевски да се одважи да седне да се усогласат измените во Изборен закони, да се усогласат процесите и конечно да отидеме на легитимни избори и конечно да се обнови легитимитетот на владата да дојдеме до влада која ќе работи во интерес на граѓаните, потенцираше Лефков. Лефков нагласи дека треба да има лидерска средба за овие важни процеси кои поврзани со изборите, а не за непринципиелно пазарење на Ковачевски. Во однос на уставните измени Лефков истакна дека власта со месеци манипулира и тоа им се удри од глава на седницата на 18 август кога видоа како сите 44 пратеници од ВМРО-ДПМНЕ беа заедно во сала и дека ставот на ВМРО-ДПМНЕ го делат над 80% од граѓаните. - Џафери не го стави на гласање предлогот и Артан Груби сака да наметне немир кај народот со лажни и манипулативни теми. На очиглед на целата јавност не може да се утврди датум за избори, и сега сакаат само да си купат ден повеќе. Во исто време шират лажни вести се со една цел да се вознемират граѓаните. Факт е дека ВМРО-ДПМНЕ и коалицијата се единствени за ставот за уставни измени под бугарски диктат и така сметаат над 80% од граѓаните. Таа нивна кампања за немир кај граѓаните и донесе обратен ефект на власта, нагласи Лефков.

Лефков: ВМРО-ДПМНЕ ќе го блокира законот за амнестија со 5.000 амандмани

Ивона Петрова — Fri, 06 Oct 2023 16:48:18 +0000

Во вечерашната емисија „За или против“ на Алфа ТВ гостуваше пратеникот од редовите на ВМРО-ДПМНЕ, Миле Лефков кој што во однос на законот за амнестија истакна дека ВМРО-ДПМНЕ ќе го блокира законот за амнестија со 5.000 амандмани, бидејќи законот е резултат на коалициони пазарења а не на реалните потреби на граѓаните. „Серијата на штетни закони кои што пристигаат во Собрание, најверојатно коалиционите неприлики кои што им се случуваат во влада за жал завршуваат во собрание со непринципиелни закони, видовме како кривичниот закон беше најавен и пристигнат со европско знаменце, видовме како се подготвува уште еден закон за амнестија кој што повторно не знаеме зошто е, не е објаснето доволно, пристигнува во собрание по скратената постапка. Скратената постапка значи дека ќе се прескокне оној дел каде што имаме општа и теоретска расправа, која е потребата на законот, и директно ќе се оди на амандманска. Видовме како премиерот самиот најавува амандмани со кои што тој ќе интервенира, притоа бришејќи ја би рекол онаа поделба на власта помеѓу извршна и законодавна и затоа најавивме дека ние ќе направивме се за да го блокираме овој штетен закон, за таа цел ќе бидат изработени амандмани, со што ќе се обидеме да го блокираме ова законско решение кое што стигна по скратена постапка, ќе видиме што ќе се случува“, нагласи Лефков. Лефков истакна дека ВМРО-ДПМНЕ ќе го блокира законот за амнестија со пет илјади амандмани. „Од прилика се подготвува бројка на едно 5 000 амандмани, а тоа кога ќе биде закажана седницата знаете зависи од султанот на собранието од Талат Џафери, се уште не е најавено и покрај тоа што е пристигнато на мејловите како материјал немаме друго известување за тоа кога ќе биде ставено на седница“, истакна Лефков. Пратеникот од редовите на ВМРО-ДПМНЕ, Лефков додаде и дека закони кои што не се резултат на реалните потреби на граѓаните, и закони кои што не се објаснети туку се резултат на коалициони пазарења и треба да бидат блокирани. „Закони кои што не се резултат на реални потреби на граѓаните, закони кои што не се објаснети, закони кои што не се донесуваат во корист практично на никого, туку се резултат на коалициони пазарења и треба да бидат блокирани“, нагласи Лефков. Лефков посочи и дека не може со еден закон за амнестија да се компензира нефункционалност на цели институции, мислејќи на судството, обвинителството, законот за пробација и на тој начин власта да се обидува да го компензира хаосот кој го прави со државата.

Лефков: Не успеа планот на Ахмети и Ковачевски преку Груевски, да стигнат до поделби и уставни измени

Дарко Андоновски — Fri, 22 Sep 2023 07:12:30 +0000

Не им успеа планот на Али Ахмети и Ковачевски со Груевски да дојдат до уставни измени, истакна пратеникот од ВМРО-ДПМНЕ, Миле Лефков за „Заспиј ако можеш“ на Алфа, при што посочи дека работите излегоа на виделина, а ВМРО-ДПМНЕ навреме им стави крај на нивните тајни договори против државата и за поделби во ВМРО-ДПМНЕ, како и дека партијата е обединета како никогаш досега. - Излезе претседателот Мицкоски со тоа интервју, со што се обелоденија одредени сознанија, кои што ги имаме и имаме цврсти докази за она што се тврди. И јавноста знае дека ВМРО-ДПМНЕ никогаш не било пообединето. И таа обединетост се гледа практично и во пратеничката група, и се покажа нели на резултатите на локалните избори, и со она што го прават градоначалниците секојдневно, рече Лефков. Лефков потенцираше дека дека излегуваат работите на виделина, планот со Груевски постепено им се осуетува и видоа дека планот не оди во посакуваната насока, да се дојде со уставни измени. - Пукаат по рабовите. Не им успеа планот. Целосно се декласирани. Постојат информации и докази за комуникација на власта со Груевски и моравме да излеземе да стави крај на тоа, не смееме да бидеме заложници на вакви преговори, кои се случуваат под маса и надвор од јавноста, изјави Лефков. Тој нагласи дека власта е исплашена, ако се обедини македонскиот народ и секој кој и мисли добро на Македонија, тешко дека ќе најдат простор за договорите на Ахмети и Ковачевски, бидејќи тие само знаат поделби да прават како што во се сакаат да го поделат народот на проевропски и антиевропски. - Ако истраеме во нашите ставови да бидеме она што сме, да не дозволиме никој никогаш да не разговара за нашиот јазик, идентитет, за нашата историја, тогаш со самиот тој чин градиме историја. Да не ја продаваме целосно, да опстоиме како народ сите заедно. Потребно е силно обединување и мислам на сите во Македонија, додаде Лефков. Тој посочи дека ВМРО-ДПМНЕ е единствено по ставот за уставните измени и тоа единство се виде и на седницата на 18-ти август. - Раководството е единствено, станува збор за цела структурата во ВМРО-ДПМНЕ, кои немаат двоумење кои се целите и ставот против уставни измени и парламентарните избори, рече тој. Лефков додаде дека во оваа држава се функционира на тајни средби помеѓу Ахмети и Ковачевски, од избор на судии до носење на закони. - Во Македонија и избор на уставни судии и донесување на закони, измена на закони се случува на затворени средби. Тие веќе се договорени од страна на Ахмети и Ковачевски, каде ќе бидат избрани. На комисијата за европски прашања доаѓа закон со европско знаменце, убедуваат дека е усогласено со ЕУ, а се гледа дека го договарале тие, рече тој. Тој истакна дека не смееме да дозволиме никакви поединечни преговарања, поединечни договори, поединечни интереси.

Лефков: ВМРО-ДПМНЕ никогаш не било покохезивно и посплотено како сега, тоа го виде и целата македонска јавност на 18-ти август

Катерина Бојаџиева — Tue, 19 Sep 2023 18:19:18 +0000

„Деталната анализа ќе ви укаже нешто дека нема обвинителни акти за држава која што веќе седум години е владеена од СДСМ и од ДУИ, а имаме еден куп корупциски скандали, а не се отвораат обвиненија. Граѓаните гледаат како скандалите завршуваа во Јавното обвинителство наместо во Обвинителството за гонење на организиран криминал и корупција. Во Македонија постојано е крив кабелот. Па така деталната анализа не ни дава многу податоци, туку детално ќе ни укаже дека освен со политички прогон, со друго и не се занимаваше оваа власт“, појасни пратеникот и член на ИК на ВМРО-ДПМНЕ, Миле Лефков во гостување во „Топ тема“ на Телма телевизија. Лефков укажа дека Ахмети има едно објаснување зошто се донесува Кривичниот законик, а од друга страна Артан Груби, Бојан Маричиќ и пратениците од владејачкото мнозинство објаснуваа во Комисијата за европски прашања дека е усогласување со европската регулатива. Миле Лефков запрашан за интервјуто на претседателот на ВМРО-ДПМНЕ, Христијан Мицкоски истакна - „Тоа е интервјуто кое што излезе денеска и е објавено денеска, самото е доволно објаснувачко и произлегува од сите актуелни случувања кои што ја брануваат јавноста. И вие сите го видовте, и само што го споменав и интервјуто на нивниот коалиционен партнер Али Ахмети за ТВ21, во кое што промената на Кривичниот законик беше проследена со политички ставови. Меѓутоа имаме и други сознанија, други сознанија излегоа за средба кај Стево Пендаровски, практично на државниот врв, каде што со Стево Пендаровски се сретнале Ковачевски, Бујар Османи, Груби и други високи претставници на власта каде што се договарале вакви измени на Кривичниот законик. Останува она симптоматично она како ќе го објаснат тоа во Собрание ни стаса и беше претставено на јавноста како усогласување со европската регулатива“. Лефков рече дека ВМРО-ДПМНЕ никогаш не било покохезивно и посплотено како сега. Тоа го виде и целата македонска јавност на 18-ти август кога беше закажана седницата за уставни измени. „Никогаш ВМРО-ДПМНЕ не било посплотено, а тоа практично и го покажавме на локалните избори. Тоа и го покажуваме секој ден со резултатите кои што ги даваат и градоначалниците и онака како што сме поставени во Собрание. Секогаш работиме во корист на граѓаните“, нагласи тој.

Лефков: Маричиќ треба да се откаже од трошењето европски пари на кампањата „Ние сме Европа“, бидејќи со вакво здравство и скандали не си Европа

Тале Кристо — Tue, 05 Sep 2023 19:40:41 +0000

„После поминати 14 месеци целата јавност е свесна за тоа како се манипулираше дека ќе биде обезбедено мнозинство па им фалеле двајца, тројца, четворица, пет, шест пратеници, тоа дополнително ги вознемируваше граѓаните и наместо да разговараме за реални проблеми ние разговаравме за работи кои не можат да се случат затоа што тие кои преземале обврска тоа да го спроведат не се консултирале со опозицијата и не разговарале со никого, впрочем најверојатно работеле само во свои интереси а не во интереси на државата“, истакна пратеникот и член на ИК на ВМРО-ДПМНЕ, Миле Лефков во вечерашното гостување во емисијата „За или против“ на Телевизија Алфа. Тој додаде дека за вакви промени и уцени кои доаѓаат од бугарски диктат тие кажале стоп. „Се обиде да се гради некоја возбуда дека можно е да помине гласањето, но на 18-ти август јавноста виде како сите 44 пратеници од коалицијата заедно застанавме и побаравме веднаш точката да биде ставена на гласање по обраќањето од нашата пратеничка група“, истакна Лефков. Тој кажа дека Талат Џафери се одлучил истата да ја одложи и тоа е против деловнички затоа што промената на Уставот е регулирана со посебна глава. „Многу е важно расправата да заврши со заклучок затоа што тоа го заслужуваат граѓаните, државата и Уставот како највисок законодавен акт во државата. Талат Џафери се повика на акт на неговото неприкосновено право за своеволно толкување на Деловникот и денеска на собраниска седница го истолкува само како што тој знае да го истолкува“, вели Лефков. Тој рече дека денеска пратеничката група на ВМРО-ДПМНЕ и коалицијата постапи и поднесе иницијатива со собрани 20 потписи во кои побара седницата да продолжи. Тој вели дека власта се доведе во ситуација и покажа на државата дека не се заинтересирани за европската иднина на државата, туку едноставно се заинтересирани за ден повеќе на власт. „Гледаме како тие функционираат и за жал Собранието е ставена во потчинета улога на извршната власт. За жал имаме силна потчинетост на извршната власт и во судството и законодавната власт. Талат Џафери налик на извршител на коалициските договори помеѓу СДС и ДУИ постапува како што му е кажано. Со одложувањето на седницата државата е во матно и граѓаните, гледаме скандали и неприлики. Она што останува да коалицира се владините седници, тендери и трошењето на народни државни пари“, дециден е Лефков. Тој посочи дека најверојатно власта се надеваше на притисок, чудо кое ќе ги спаси едноставно не ја разбраа сериозно пораката од опозицијата и од сите нас. „Тоа што се одлучија европските пари да ги трошат за кампања „Ние сме Европа“ покажаа дека во Македонија навистина имаат сериозни проблеми па сега им требаат европските средства и пари за да го билдаат својот углед. Погледнете ги објавите на Бојан Маричиќ кој себе промоцијата ја плаќа со пари од Европската Унија, еден дел од постовите се спонзорирани од европски пари. Најмалку што можат да направат парите за таа кампања и парите за Фејсбук рекламите на Бојан Маричиќ да завршат кај жртвите на луѓето од Онкологија, кај луѓето кои зеле кредити и се задолжиле за да ги лекуваат своите најблиски. Најмалку што треба да направи Бојан Маричиќ е веднаш да се откаже од таа кампања затоа што со вакво здравство, скандали не си Европа“, потенцираше Лефков. Тој додаде дека власта е песочен часовник кој секој ден му тече на Ковачевски и му останува еден огромен пад. „Во Македонија наместо Уставот, Законот и потребите на граѓаните, функционира т.н коалициски закони на СДС и ДУИ односно важат правилата кои ќе ги договорат во кабинет зад затворени врати“, заклучи Лефков.