„365 Classic“ – вина за секој ден од годината

Super Admin — Fri, 26 Apr 2019 12:34:31 +0000

Винарската визба Милев „ГД – ТИКВЕШ“ продолжува да го диктира темпото на македонската винска сцена. По ребрендирањето на комплетната „Вирго“ линија и промоцијата на виното „Сира“, „ГД-ТИКВЕШ“ во своето винско портфолио додаде уште три нови вина, црвено куве, бело куве и розе куве, обединети под комплетно нова линија, „365 Classic“. Она што е интересно за трите вина од линијата „365 Classic“ е спојот помеѓу типичните претставници на балканските вински сорти, вранец, жилавка и станушина, со сортите на грозје кои се карактеристични за подрачјата на Франција и Германија, како ризлингот, каберне совињон и црн бургундец.

„Идеата за создавањето на „365 Classic“ е плод на детална анализа на пазарот и куповната моќ на потрошувачите. Факт е дека винската култура во Македонија од ден на ден е на се повисоко ниво, па сакавме на сите оние кои сакаат да уживаат во виното, да им понудиме одличен производ по супер достапна цена за да можат да си го дозволат секој ден од годината“ – рече Миле Милев, директор на винаријата Милев „ГД – ТИКВЕШ“.

Трите вина од линијата „365 Classic“ се создадени од грозје одгледано на сопствените плантажи на винаријата, во исклучително контролирани средина и на специфичен тероар. Црвеното куве е комбинација од сортите вранец и каберне совињон, а секоја голтка го потенцира карактерот на сортите споени во едно живописно свежо вино полно со енергија. Белото куве, пак е бленд од сортите ризлинг и жилавка. Ова елегантно бело куве ќе Ве освои со минералната текстура и хармонијата од вкусови која ја дава спојот на двете сорти грозје. „365 Classic“ линијата ја комплетира исклучителното розе куве. Направено од автохтоната станушина и црн бургундец, ова свежо трпезно вино, меко на вкус, заокружено со овошен вкус кој трае е идеално за секоја пригода. Сите три вина кои доаѓаат во елегантно пакување и препознатлив дизајн веќе може да се најдат во продажната мрежа, пред се во винотеката на ВВМ „ГД – ТИКВЕШ“ и тоа по супер пристапна цена од само 150 денари.

Уметност и имагинација: Погледнете како изгледа ребрендираната Вирго линија на ВВМ „ГД – ТИКВЕШ“

Super Admin — Wed, 13 Mar 2019 14:10:48 +0000

Инспирирани од се она што ги прави виното и жените по многу нешта толку слични, а сепак толку посебни и уникатни, на Осми март, Светскиот ден на жената, винарската визба Милев „ГД-ТИКВЕШ“ со посебна чест и задоволство ја претстави комплетно ребрендираната линија на Вирго вина. Спакувани во сосема нови, исклучително елегантни шишиња, „дотерани“ во ексклузивните етикети кои совршено го отсликуваат спојот помеѓу традиционалното и модерното, новиот дизајн ја прави целата Вирго линија уникатна и лесно препознатлива за секој вистински вљубеник во виното.

„Кога започнавме да размислуваме за ребрендирање на Вирго линијата се сложивме дека сакаме дизајн кој ќе открива дел од енергијата, елеганцијата и уникатноста која се крие во внатрешноста на секое шише, а истовремено ќе претставува и совршена симбиоза помеѓу имагинацијата и уметноста на правење врвно вино. Мислам дека во целост успеавме во тоа, и дека новиот дизајн само ќе го надополни впечатокот кој го добиваат консументите по секоја голтка од нашите вина“ – изјави Миле Милев, извршен директор на винарската визба Милев „ГД-ТИКВЕШ“.

Во вонвременскиот дизајн и релјефниот принт на секое од петте исклулителни вина, Темјаника, Траминер, Шардоне, Совињон Бланк и Мускат Розе многу суптилно, но сепак читливо и достапно за секого се поместени и сите информации за географското потекло на виното, неговите карактеристики и специфичности. Новата ребрендирана Вирго линија веќе може да се најде во винотеката на винарската визба Милев „ГД-ТИКВЕШ“ лоцирана на улицата „Шишка“ бр.2, а веќе многу наскоро ќе биде достапна и во сите поголеми маркети и ресторани во Македонија.

Миле Милев – Kurir.mk

„365 Classic“ – вина за секој ден од годината

Уметност и имагинација: Погледнете како изгледа ребрендираната Вирго линија на ВВМ „ГД – ТИКВЕШ“