милена дравиќ – Kurir.mk

Драган Николиќ и Милена Дравиќ немаа деца, а ова е девојката на која ѝ оставија сè! (ФОТО)

Магдалена Андонова — Tue, 06 Oct 2020 19:32:56 +0000

Легендарната актерка Милена Дравиќ е родена на 5 октомври, пред 80 години, а почина на 14 октомври 2018 година. Милена го запозна Драган Николиќ за време на снимањето на филмот „Како двајца будали се сакаа“. За време на паузите од снимање, тие отишле да се венчаат во Општина Врачар, кума на венчавката им била актерката Јелисавета Сека Саблиќ, која беше голем пријател со Драган, а стана и блиска пријателка со Милена. Актерската двојка немаше деца, а Драган еднаш зборуваше на таа тема. -Да се биде родител е искуство и нешто што му треба на секое живо суштество заради продолжување на видот. Мислам дека фактот што немаме деца е голем недостаток, не е мана, но едноставно е така. Тоа ни дава шанса да ги гледаме сите деца како наши. Ја имаме нашата мала внука Ива. Таа надомести сè што немавме и целиот наш свет се врти околу неа, истакна тогаш славниот актер. Од друга страна, Милена го рече следново: -Драган и јас немаме деца, но ние бевме семејство цел живот. Бидејќи и двајцата сме приврзани за нашите семејства. Двајцата ја обожаваме својата внука, внуката од мојот брат, и двајцата сме многу грижливи кон своите најблиски, рече таа. Фотографија во српските медиуми од внуката Ива може да се најде од погребот на нејзината славна тетка.

Од нивната сличност ќе се наежите: Внуката на Милена Дравиќ се појави на модна ревија – неверојатно личи на својата тетка (ФОТО)

Дарко Андоновски — Fri, 19 Apr 2019 20:14:02 +0000

Вечерта, на 45. модна недела во Белград вчера била посветена на актерската дива Милена Дравиќ. Ревијата посветена на познатата актерка, имала и посебна гостинка, внуката на актерката. Верица Дравиќ која била воочена на самиот влез на ревијата, а потоа и во првите редови на ревијата, била главна тема, а сите забележале дека неверојатно потсетува на својата тетка. Специјалниот дел од ревијата бил изведен со костими од култната телевизиска емисија „Образ уз образ“' во која Милена во 70-те глумеше со својот сопруг Драган Николиќ.

ФОТО: Раде Шербеџија скршен од болка на комеморацијата за Милена Дравиќ, овој момент особено го погоди

Ивона Петрова — Sat, 20 Oct 2018 12:29:45 +0000

Десетици актери во петокот присуствуваа на комеморацијата посветена на Милена Дравиќ која истиот ден беше погребана во Алејата на заслужни граѓани до сопругот Драган Николиќ. На сцената во „Ѕвездара“ театарот говор одржаа голем број колеги на Милена, а на истите никој не останал рамнодушен и ретко кој можел да ги задржи солзите. Раде Шербеџија, која Милена ја гледал како своја сестра, скршен од болка не можеше да ги задржи солзите. -Таа едноставно беше нешто, како да кажам, нешто што се вика најдобро. И што се чувствува така. Тоа што човек најмногу ќе го запамети за неа, секако се нејзината извонредна вештина, глумата, но се вкупно кога се зборува тоа е невидена искреност која плени на екран и која плени во животот. Искрено живееше до последниот ден и до последниот здив од својот кадар на филм. Милена е неповторлива, а покрај нејзината искреност, ќе ја паметам и по револуцијата. Таа како Јованка Орлеанка го предовдеше својот народ и беше олицетворение на чистотата, вели Шербеџија за својата пријателка. На крајот од комеморацијата имало долготраен аплауз, а пуштена била и песната од Арсен Дедиќ „Милена“ која буквално го скршила од тага познатиот актер кој во тој момент едвај стоел на нозе.

Првиот сопруг на Милена Дравиќ се појави на погребот: Неговиот последен подарок за неа ќе ве растажи

Ивона Петрова — Sat, 20 Oct 2018 08:05:30 +0000

Српската актерка Милена Дравиќ вчера беше погребана во Алејата на заслужни граѓани на Новите гробишта покрај својот сопруг Драган Николиќ. На погребот присуствуваше нејзиниот прв сопруг, режисер и сценарист Пуриша Ѓорѓевиќ кој се појавил со црвена ружа во раката оставајќи ја на местото каде почина неговата најголема љубов. Милена и Пируша се венчале во 1960 година, а во брак биле неколку години. Во едно интервју тој има откриено дека од сите жени, најмногу ја сакал токму Милена. -Од сите жени кои ги познавав и кои ги сакав, уште единствено и најмногу ја сакам Милена Дравиќ, изјавил во една прилика Ѓорѓевиќ.

Беа симбол за децениска љубов, а сега почиваат еден до друг: Погребана Милена Дравиќ

Ивана Ефремовски — Fri, 19 Oct 2018 16:42:52 +0000

Дивата на српското и екс-југословенското глумиште Милена Дравиќ денеска беше погребана во Алејата на заслужните граѓани на Новите гробишта во Белград. На погребот присуствуваа бројни нејзини колеги, пријатели и почитувачи, а претходно во театарот „Звездара“ се одржа комеморација. Меѓу актерите кои дојдоа да изразат сочуство и за последен пат да се збогуваат со Дравиќ беа и Воја Брајовиќ, Раде Шербеџија, Драган Бјелогрлиќ и Аница Добра. На самиот крај на комеморацијата беше пуштена песната „Милена“ на Арсен Дедиќ, а колегите низ солзи и со последен аплауз ја испратија една од најдобрите актерки на овие простори. Милена Дравиќ беше погребана покрај нејзиниот сопруг Драган Николиќ.

Милена Дравиќ ќе биде погребана денеска покрај сопругот Драган

Катерина Бојаџиева — Fri, 19 Oct 2018 09:59:14 +0000

Актерката Милена Дравиќ денеска ќе биде погребана во Алејата на заслужни граѓани на белградските Нови гробишта покрај нејзиниот сопруг Драган Николиќ. Опелото ќе се служи во 15:00 часот, а погребот ќе биде извршен во 15:30. Комеморацијата се одржува во 12:00 часот во „Звездара театар”. Милена Дравиќ почина на 14 октомври, на возраст од 79 години по сериозна болест.

Милена Дравиќ ќе биде погребана во петок покрај сопругот Драган

Ивона Петрова — Tue, 16 Oct 2018 11:55:54 +0000

Комеморацијата по повод смртта на српската актерка Милена Дравиќ, како што јавуваат српските медиуми, е закажана во петок во 12 часот. Познатата српска актерка ќе биде погребана истиот ден во 15:30 часот во Алејата на заслужни граѓани на Новите гробишта покрај својот сопруг Драган Гага Николиќ . -Милена глумела во над 100 филмски остварувања и е единствена актерка на овие простори наградена на Канскиот фестивал, пишуваат српските медиуми. Дравиќ почина на 14-ти октомври на 79 годишна возраст.

Заедно и на другиот свет: Љубовта на Милена и Гага беше премала за еден живот!

Матеја Петровски — Sun, 14 Oct 2018 10:54:29 +0000

Славната актерка Милена Дравиќ, која почина синоќа, неретко зборуваше за тоа колку и недостига сопругот Драган Николиќ. -Ми недостига, да му се насмевнам, да ми возврати со оној негов поглед и да ми намигне- емотивно изјавила Милена пред неколку месеци. Драган и Милена важеа за секогаш складен брачен пар, а после смртта на актерот, Милена во секое интервју го споменувала покојниот сопруг, што сведочело за љубов, прекратка за еден живот. Се запознале на снимање на филмот „Хороскоп“ 1969 година. Милена тогаш била многу популарна, една од најголемите ѕвезди на Југославија, а Гага се уште се борел за свое место под сонцето, тоа му било само 4 филм. Се венчале 1971 година во пауза на снимањето на драмата „Како се сакаа две будали“. Постојат некои љубови на кои им е судено да се случат. Токму таква беше љубовта меѓу Милена и Драган, за која зборуваше цела Југославија. Таа вонвременска и необична љубов на двајца колеги инспирираше многумина и беше пример на сите како треба да се сакаат. Милена и Драган ги раздели смртта после 45 години брак.

ТАЖНА ВЕСТ: Почина легендарната српска актерка

Матеја Петровски — Sun, 14 Oct 2018 07:54:12 +0000

Ноќеска во Белград на 79 година од животот, почина легендарната српска и југословенска глумица Милена Дравиќ, после долга и тешка болест. Дравиќ починала во Клинички центар на Бежаниска коса, каде се наоѓала на лекување. Има одиграно дваесетина театарски улоги во претстави од различни продукции, а некои од нив се повеќе пати наградувани и играни по повеќе од 15 години. Според некои податоци таа има глумено во 150 филмски или телевизиски улоги. Милена Дравиќ и Драган Николиќ беа во брак четири и пол децении и беа еден од најомилените глумечки парови на просторите на поранешна Југославија. Драган Николиќ почина на 12 март 2016 година.