милион луѓе – Kurir.mk

Во Турција со кинеската Синовак вакцина против Ковид-19 вакцинирани повеќе од милион луѓе за една недела

Тале Кристо — Wed, 20 Jan 2021 12:28:56 +0000

Во првата недела од масовната вакцинација во Турција, повеќе од милион луѓе се вакцинирани со вакцината на кинеската компанија Синовак, соопшти Министерството за здравство. Програмата за имунизација почна во четвртокот минатата недела, а први на списокот за вакцинација беа здравствените работници и постарите граѓани. Во првите два дена, вакцинирани се повеќе од 600.000 луѓе, но темпото на вакцинација тогаш забави и оттогаш денвно се вакцинираат околу 100.000.

Во Франција до сега вакцинирани повеќе од 400 илјади луѓе, до крајот на месецот се очекува еден милион

Тале Кристо — Mon, 18 Jan 2021 14:03:53 +0000

Франција е на пат да ја постигне својата цел да вакцинира еден милион луѓе против Ковид-19 до крајот на јануари и има доволно дози од вакцината за да вакцинира 2,4 милиони луѓе до крајот на февруари, изјави денеска францускиот министер за здравство Оливие Веран. За време на посетата на центарот за вакцинација во Гренобл, Веран изјави дека во Франција има околу 800 центри за вакцинација. – Со забрзување на кампањата за вакцинација во домовите за стари лица, лесно ќе ја постигнеме нашата цел – еден милион Французи вакцинирани до крајот на овој месец, посочи тој. Француското Министерство за здравство вчера објави дека Франција од почетокот на кампањата за вакцинација на 26 декември вакцинирала повеќе од 422.000 луѓе.

Во Индија и Непал раселени милиони луѓе поради поплави

Тале Кристо — Sun, 19 Jul 2020 09:34:01 +0000

Како резултат на големите поплави предизвикани од монсунските дождови, привремено се раселени околу четири милиони луѓе во северо-источната индиска држава Асам и соседен Непал, десетици се водат како исчезнати, а најмалку 189 загинаа, соопштија властите во Индија и Непал. Како што пренесуваат странските агенции, поради излевање на реката Брамапутра, која тече низ кинескиот регион Тибет, Индија и Бангладеш, оштетени се земјоделски посеви, а има и лизгање на земјиштето. Властите во Непал го повикаа населението во јужните делови на земјата да бидат внимателни, бидејќи се очекуваат нови силни монсунски дождови, кои таму од минатиот месец предизвикуваат катастрофални поплави и лизгање на земјиштето, чиј смртен биланс веќе надмина стотина.