милиони – Kurir.mk

Бабичка освоила половина милион евра на грепка, сопственикот на киоскот каде ја купила и’ ја украл

Ивона Петрова — Mon, 06 Sep 2021 12:17:29 +0000

Сопственик на киоск во Наполи и украл на бабичка добитна грепка од половина милион евра, па се обидел да побегне на Канарските острови. Бабата купиле две грепки во неговиот киоск, а кога ја видела добивката го замолила вработениот да и го потврди износот. Тој грепката му ја дал на сопственикот на кисокот, кој ја ставил во џеб и побегнал. Седнал на својот скутер и заминал кон аеродромот во Рим. Според пишувањата на италијанските медиуми, тој се обидел гранична полиција на аеродромот да ја измами и да избега. Кај себе имал само авионска карта, но не и грепката. Тој се сомничи за кривично дело кражба иако се уште не се знае каде завршила добитната грепка.

Странците објавија колку милиони е „тешка“ Лепа Брена

Тале Кристо — Sun, 01 Nov 2020 20:15:29 +0000

Лепа Брена се најде на познатата страница „ Celebrity net worth“ која се занимава со финансии на големи ѕвезди, односно колку се „тешки“. Така, богатството на популарната пејачка на оваа странска страница се проценува на дури 16 милиони долари, или 13,7 милиони евра. Според нив, Фахрета Живојновиќ е најпродаваната уметничка во поранешна Југославија со продадени над 40 милиони плочи. - Фахрета Живојиновиќ е југословенска пејачка, актерка и менаџер за таленти која има вредност од 16 милиони долари. Родена е во Тузла во октомври 1960 година. Таа е најпродаваната авторка од Југославија со продадени над 40 милиони плочи, се вели на веб-страницата. Не е познато по што се воделе при собирање податоци за Брена и нејзиното богатство, со оглед на тоа што не се споменуваше приватна деловна активност, ниту продажбата на Гранд од која Брена собра доби сума пари. Во таа насока, оваа бројка не мора да биде точна, бидејќи Брена може да има многу поголема сума од онаа што ја заработи од почетокот на нејзината кариера до денес.

Скопјанец имал заштеда во Еуростандард банка од 7 милиони евра, само на овој начин може да си ги врати парите

Ристе Здравков — Wed, 19 Aug 2020 08:33:47 +0000

Скопјанец имал заштеда од над 7 милиони евра на сметка во Еуростандард банка, неофицијално дознава 24 инфо од извори од банката. Човекот избезумено ја примил веста дента кога Народна банка ја објави информацијата за пропаѓањето на банката и со денови чекал пред седиштето на истата. Дури ни обезбедувањето не можело да го тргне од таму бидејќи барал одговори за тоа како може да пропадне банката, а со тоа и неговиот влог. Драма се случувала кога дознал дека од Фондот за осигурување на депозити ќе добие само 30.000 евра, а за останатата сума може да достави барање да му биде исплатена од стечајната маса се разбира ако има пари. Од Народна банка велат дека немат информација за тоа колкава е највисоката заштеда на поединци во банката. Од таму објаснуваат дека депозитите на физички лица (резиденти и нерезиденти) во „Еуростандард банка“ АД Скопје се осигурени согласно со Законот за Фондот за осигурување на депозити. -Осигурениот износ е до 30.000 евра по физичко лице- депонент. Обесштетувањето на овие лица ќе се врши со исплата на средства од страна на Фондот за осигурување на депозити (ФОД) и ќе започне во рок од 20 дена, согласно со Законот. Предмет на обесштетување се денарските и девизните депозити, средства на трансакциските сметки, депозитите врзани за парични картички, девизните приливи и сертификатите за депозити издадени од „Еуростандард банка“ АД Скопје- објаснуваат од НБРМ. За обесштетувањето, нема потреба од дополнително барање / пријавување на побарувањата од страна на депонентите-физички лица. Депозитите се сметаат за пријавени со денот на отворање на стечајната постапка во Банката. Обесштетувањето се исплатува во денари, при што депозитите вложени во девизи се обесштетуваат според средниот курс на Народната банка на 12 август 2020 година, кога е донесено Решението за укинување на дозволата за основање и работење на „Еуростандард банка“ АД Скопје. Пред започнување со исплата на обесштетувањето, ФОД преку соопштение до медиумите ќе ги известат депонентите-физички лица за: датумот на почеток на исплата на обесштетувањето на депозитите, за банката-исплатувач / банките-исплатувачи преку која/кои ќе се врши исплатата на обесштетувањето и за начинот на подигнување на потврдите за сопственост на депозитите. -Депонентите-физички лица коишто имаат депозити во „Еуростандард банка“ АД Скопје повисоки од 30.000 евра, во рамки на обесштетувањето од страна на ФОД ќе им бидат исплатени средства до 30.000 евра во денарска противвредност, по лице. Своето право за целосно намирување до висина на вкупниот депозит (разликата меѓу вкупниот износ на депозитот и пресметаниот износ на обесштетување) ќе може да го остварат од стечајната маса на „Еуростандард банка“ АД Скопје. За ова нема потреба од дополнително барање / пријавување на побарувањата од страна на депонентите-физички лица- велат во Народна банка. Што се однесува на плаќањето на рати на лицата кои имат земено кредити од Еуростандард банка засега ништо не се знае како ќе оди плаќањето. -Начинот на измирување на обврските по основ на кредити, клиентите ќе го регулираат со стечајниот управник, којшто навремено ќе сподели информации со нив- велат во НБРМ.

Истражување: Рестриктивните мерки во светот спречиле милиони смртни случаи од Ковид-19

Тале Кристо — Tue, 09 Jun 2020 07:14:01 +0000

Мерките за рестрикции низ целиот свет спречија милиони смртни случаи од новиот коронавирус, покажува ново истражување. Според истражувањето на Империјал колеџ во Лондон, рестриктивните мерки и затворањето на деловните згради, продавниците и училиштата може да спасиле околу три милиони животи во 11 земји – Австрија, Белгија, Велика Британија, Данска, Франција, Германија, Италија, Норвешка, Шпанија, Шведска и Швајцарија. Друга студија, спроведена во САД, заклучи дека мерките за карантин во Кина, Франција, Иран, Италија, Јужна Кореја и САД спречиле уште 530 милиони случаи од Ковид-19. Светската здравствена организација (СЗО) вчера предупреди дека, се подобрува ситуацијата во Европа, но се влошува во другите делови на светот. – Повеќе од 100.000 нови случаи се пријавени во изминатите 9 или 10 денови. Вчера беа пријавени повеќе од 136.000 случаи, најмногу во еден ден досега, изјави шефот на СЗО, Тедрос Аданом Гебрејесус.

Неверојатна понуда за Мадона: 3 милиони за час и половина, еве каде треба да настапи

Ивона Петрова — Mon, 10 Feb 2020 10:09:12 +0000

Кралицата на светската поп сцена Мадона, доби понуда да направи спектакл на свадба на кинески милијардер во Шангај за неверојатен износ. Милијардерот имал огромна желба Мадона да биде присутна па за нејзиниот настап е подготвен да плати 3 милиони долари, пренесува ТМЗ. Од неа се очекува на свадбата да се појави во вечерните часови и да одржи шоу од час и половина. Младите имаат само едно барање од пејачка, доколку ја прифати понудата, а тоа е да имаат целосна слобода сами да го состават репертоарот на хитови кои Мадона би ги пеела. Менаџерите на Мадона оваа понуда ја оставиле отворена додека таа самата не одлучи дали ќе ја прифати или не.

Во Африка повеќе од 52 милиони жители се соочени со глад

Ивона Петрова — Fri, 08 Nov 2019 06:42:39 +0000

Повеќе од 52 милиони луѓе во 18 африкански земји се соочуваат со глад како резултат на климатските промени, сиромаштијата и вооружени конфликти, се вели во извештај на Оксфам. Земјите како Зимбабве, Замбија, Ангола, Малави, Мозамбик, Мадагаскар и Намибија заедно претрпеа просечни годишни загуби од 700 милиони американски долари како резултат на катастрофи поврзани со климата, се нагласува во извештајот. „Заедниците погодени од климатската криза се преоптоварени и може да се соочат со потенцијално уништување. Сепак, локалното население прави се што е можно за да ја надмине кризата“, рече Митика Мвенда, извршна директорка на ПАЦЈА,партнер на Оксфам. Во извештајот се вели дека делови од јужно Зимбабве имаат најмали врнежи од 1981 година, предизвикувајќи повеќе од 5,5 милиони луѓе да се соочат со несигурност во храна. Во Замбија, 2,3 милиони луѓе се осудени на несигурност во храна, бидејќи нејзините области за земјоделство со пченка се намалени, а извозот е забранет, се додава во извештајот. Сушата особено ги погодила Етиопија, Кенија и Сомалија. За да разговараат за одржливоста на животната средина и просперитетот, експерти ќе се соберат на африканска министерска конференција во Дурбан, од 11 до 15 ноември.

„Форбс“ објави листа на покојници кои заработуваат милиони

Ивона Петрова — Thu, 15 Nov 2018 07:03:36 +0000

Американското списание „Форбс“ објавио листа на познати личности кои и после смртта заработуваат милиони, а на прво место се уште е пејачот Мајкл Џексон. Џексон, кој почина пред девет години, и во 2017 година беше на прво место, а само оваа година неговата бруто заработка изнесува 400 милиони долари, најмногу од продажба на права. На второ место е некрунисаниот крал на рок музиката Елвис Присли кој во 2018 година заработил 40 милиони долари. На трето место е легендарниот играч на голф, Арнолд Палмер, кој заработил 35 милиони долари. „Форбс“ наведува дека познатите личности кои не се повеќе меѓу живите вкупно заработиле 628 милиони долари, што е речиси двојно повеќе од минатата година кога заработиле 312 милиони. На четврто место по остварени бруто приходи е авторот на серијалот за Снупи и Чарли Браун, Чарлс Шулц, кој заработил 34 милиони. На пето место е пејачот Боб Марли, а потоа следуваат доктор Сус, Хју Хефнер, Мерлин Монро и Џон Ленон. „Форбс“ инфомира дека податоците се однесуваат на примања од 1 октомври 2017 до 1 октомври 2018 година, и пред да се одбијат хонорарите за агенти, раководители, адвокати и извршители на имот. МИА