милош теодосиќ – Kurir.mk

Милош Теодосиќ официјално потпиша со Црвена Звезда

Бошко Тасиќ — Tue, 11 Jul 2023 04:45:24 +0000

Последните денови имаше спротивставени информации за договорот меѓу Милош Теодосиќ и Црвена Звезда, а „Кориере дело Спорт“ тврдеше дека иако имало преговори, истите биле прекинати и трансферот пропаднал. Сепак, српските медиуми пренесоа дека Теодосиќ ќе биде трето засилување летово за црвено-белите и недостасува само официјална потврда на евролигашот. Искусниот плејмејкер ќе биде големо засилување за Звезда, а бил задоволен од преговорите со раководството и плановите на тренерот Душко Ивановиќ. Пред Теодосиќ, за белградскиот состав потпишаа и Дејан Давидовац и Марко Симоновиќ, па Црвена Звезда најавува дека планира да има квалитетен состав со кој ќе настапува и во Евролигата. Теодосиќ досега беше член на Виртуз Болоња, а во Европа претходно настапуваше и за ЦСКА Москва, Олимпијакос и ФМП.

Милош Теодосиќ пред потпис со Црвена Звезда

Бошко Тасиќ — Sun, 25 Jun 2023 06:46:26 +0000

Екипата на Црвена Звезда ја загуби финалната серија од АБА-лигата од најголемиот ривал, Партизан, но белградските „црвено-бели“ веќе ги започнуваат плановите за следната сезона. Од медиумите во Србија стигнуваат информации дека легендарниот плејмејкер Милош Теодосиќ е пред потпис со овој тим и ќе добие двегодишен договор со гигантот. Теодосиќ веќе неколку пати сезонава изјавуваше дека нема намера да се пензионира, иако има полни 36 години, а неговата етапа во тимот на Болоња се чини дека полека завршува. Оваа ситуација најверојатно ќе ја искористи Црвена Звезда која се обидува да го донесе одличниот плејмејкер во своите редови.

Милош Теодосиќ со нови бројки чекори кон вечната листа во Евролигата

Бошко Тасиќ — Thu, 09 Mar 2023 05:39:29 +0000

Победата на Партизан над Виртус Болоња во 27. коло од Евролигата го остави во сенка учинокот кој го достигна српскиот репрезентативец Милош Теодосиќ. Легендарниот српски кошаркар оствари нов дабл-дабл учинок, овој пат од 11 поени и 12 асистенсии со кој во еден натпревар успеа да ги престигне Димитрис Дијамантидис и Василис Спанулис на вечната листа по бројот на асистенции и постигнати обиди за три поени. Милош Теодосиќ сега е седмиот најдобар асистент во историјата на Евролигата со 1256 асистенции и петтиот најдобар „тројкаш“ со 519 постигнати обиди зад линијата 6,75

Милош Теодосиќ суспендиран поради конфликт со судијата

Ивана Ефремовски — Wed, 30 Nov 2022 12:40:14 +0000

Евролигата го суспендираше на два меча шпицот на Виртус, Милош Теодосиќ поради конфликт со судијата Дамир Јавор на средбата со Анадолу Ефес (80:85). Триесет и петгодишниот кошаркар ќе го пропушти натпреварот против Црвена ѕвезда в петок, како и следниот натпревар против Олимпијакос. На 4:25 минути пред крајот на средбата со Ефес, Теодосиќ доби офанзивен фаул и почна активно да изразува незадоволство од одлуката на судиите. Поради тоа, српскиот дефанзивец доби техничка грешка, по што му пријде и го фати судијата Јавор, по што соиграчите спречија поголем инцидент. (МИА)

Теодосиќ збесна, па тргна да го тепа судијата од Словенија (ВИДЕО)

Бошко Тасиќ — Sat, 26 Nov 2022 14:23:16 +0000

Синоќешниот евролигашки дуел помеѓу Виртус Болоња и Анадолу Ефес (80-85) предвреме заврши за српскиот интернационалец Милош Теодосиќ и тоа поради исклучување во последната четвртина поради обид да се пресмета со еден од судиите. Србинот протестираше кај еден од судиите за една од претходните спорни ситуации, за помалку неочекувано еден од останатите двајца делители на правдата му досуди техничка грешка. Тоа беше Словенецот Дамир Јавор. Неговата одлука го разбесни Теодосиќ, кој дури и малку го турна Јавор, по што овој го исклучи. https://twitter.com/i/status/1596259769580654592

Теодосиќ избегна сериозна повреда, ќе пропушти 20 дена

Катерина Бојаџиева — Mon, 10 Jan 2022 15:49:48 +0000

Плејмејкерот на Виртус, Милош Теодосиќ вчера се здоби со повреда на левото колено. Српскиот кошаркар не го доигра натпреварот од Серија А против Реџо Емилија, по што го напушти теренот со помош на соиграчите. Првичните сомневања беа дека тој е тешко повреден. Прегледот не откри сериозни оштетувања на коленото. Се очекува Србинот да се врати на теренот за 20 дена. На 12 натпревари во италијанското првенство, Теодосиќ има просек од 10,8 поени, 2,0 скока и 7,2 асистенции по натпревар.

Србија има вистински дрим-тим пред ОИ во Токио

Бошко Тасиќ — Mon, 31 May 2021 14:44:34 +0000

Селекторот на српската кошаркарска репрезентација, Игор Кокошков денеска го објави широкиот список на потенцијални репрезентативци за квалификацискиот турнир за престојните Олимписки Игри. Во списокот се најдоа и кошаркарите кои настапуваат во НБА лигата, па јасно е дека овој состав е претендент и за медал на игрите во Токио.

Плејмејкери: Милош Теодосиќ, Стефан Јовиќ, Василије Мициќ

Бекови: Богдан Богдановиќ, Данило Анџушиќ, Огњен Јарамаз, Бранко Лазиќ, Огњен Добриќ, Драган Милосављевиќ, Вања Маринковиќ, Алекса Аврамовиќ, Немања Недовиќ, Марко Гудуриќ Крила и крилни центри: Никола Калиниќ, Владимир Лучиќ, Немања Бјелица, Дејан Давидовац, Алексеј Покушевски, Ален Смаилагиќ Центри: Филип Петрушев, Далибор Илиќ, Никола Милутинов, Бобан Марјановиќ, Мирослав Радуљица, Никола Јокиќ Србија е организатор на квалификацискиот турнир кој ќе се одржи од 29. јуни до 4. јули во Белград. Во групата А, „Орлите“ силите ќе си ги одмерат со Доминиканската Република и Филипини, а доколку ја поминат првата фаза и со подобрите од дуелите во групата Б каде се Италија, Порторико и Сенегал.

Теодосиќ во епизодата ” Каде е топката ? ” (ВИДЕО)

Бошко Тасиќ — Sun, 07 Feb 2021 21:15:55 +0000

Српскиот кошаркарски репрезентативец Милош Теодосиќ уште еднаш покажа зошто важи за еден од најатрактивните кошаркари во Европа, по уште еден неверојатни потег во дресот на Виртус Болоња. Настрада Канди кој не знаеше да се снајде, а приказната вели дека сеуште ја бара топката.

Погледнете ја најновата мајсторија на Теодосиќ.

https://twitter.com/i/status/1358508864812023821

Теодосиќ избран во „Тимот на деценијата“ во Евролигата

Дарко Андоновски — Tue, 07 Apr 2020 11:24:00 +0000

Српскиот кошаркар Милош Теодосиќ е избран во симболичниот тим на Евролигата за оваа деценија. На гласањето учествуваа навивачи, новинари, играчи и тренери на клубовите. Теодосиќ беше прогласен за МВП на сезоната 2009/10 како дел од Олимпијакос. Во 2011 година, тој се пресели во ЦСКА, со кого играше шест пати на фајнал фор, а во 2016 година ја освои титулата во елитното натпреварување. Србинот беше дел од идеалната петорка во сезоните 2009/10, 2014/15 и 2015/16. Заедно со Василис Спанулис, Теодосиќ е еден од двајцата играчи кои успеаја да заработат повеќе од 2.500 поени и 1.000 асистенции за една деценија.

Теодосиќ поради повреда ќе го пропушти Светското првенство

Дарко Андоновски — Sun, 11 Aug 2019 14:08:32 +0000

Српскиот кошаркарски репрезентативец Милош Теодосиќ нема да може да игра на Светското првенство оваа година. Кошаркарот се повреди и нема да има време да се опорави до почетокот на турнирот. Според „Еурохопс“, лекарите на српската репрезентација го известиле играчот дека нема да може да му помогне на својот тим. Поради повреда, тој не можеше да го заврши пријателскиот натпревар со репрезентацијата на Литванија, што се одржа вчера. Триесет и двегодишниот Србин е член на Виртус. Претходно играше за Олимпијакос и ЦСКА, а потоа помина две сезони во НБА како дел од Клиперси. СП 2019 година ќе се одржи во Кина од 31 август до 15 септември.