Милвоки Бакс – Kurir.mk

Серџо Скариоло во преговори со Милвоки

Бошко Тасиќ — Fri, 03 Nov 2023 05:06:20 +0000

Поранешниот тренер на Виртус Болоња и селектор на кошаркарската репрезентација на Шпанија, Серхио Скариоло, би можел да го замени Тери Сотс како главен помошник тренер на Адријан Грифин на клупата на Милвоки Бакс. Скариоло добил предлог-понуда од Милвоки Бакс да се врати во НБА и да му помага како прв помошник на Адријан Грифин во тековната сезона. Скариоло, кој работеше со Грифин во неговиот ангажман во Торонто Репторс, ќе го замени Тери Сотс кој поднесе оставка работа пред неколку недели. Откако се раздели со Виртус Болоња, Скариоло доби понуда да го преземе и Асвел Вилербан.

Јанис Адетокумбо ќе потпише договор вреден 233 милиони долари

Бошко Тасиќ — Fri, 06 Oct 2023 04:09:40 +0000

Екипата на Милвоки Бакс успеа да направи огромен трејд во кој Демијан Лилард заврши во Бакс, а тоа очигледно беше доволно за да го убедат Јанис Адетокумбо дека вреди да остане во Висконсин до крајот на кариерата. Според американските медиуми, Адетокумбо има уште две години од договорот со Милвоки, а потоа ќе потпише четиригодишна соработка вредна 233.000.000 долари, иако рече дека нема смисла сега да се потпишува нова соработка. Парите не се важни, но многу пари се важни! Така што ќе потпишам договор следната сезона, сега нема смисла. Сакам да бидам во Милвоки до крајот на мојата кариера како што победуваме. Едноставно е, истакна Адетокумбо.

Лилард: Не е тајна дека сакам да победувам

Бошко Тасиќ — Wed, 04 Oct 2023 04:09:48 +0000

Дејмиан Лилард го комплетира преодот од Портланд во Милвоки. Искусниот плејмејкер ќе се обиде да нападне титула во НБА лигата со Бакси, а веќе беше и официјално промовиран. Одличниот шутер не криеше зошто се реши за заминување од Портланд, каде што беше прва ѕвезда. Неговите и клупските амбиции не се поклопуваа, Лилард сака да се бори за трофеј, ама Треил Блејзерси немаат тим за такво нешто. Токму тоа го наведе како причина за трејдот во Милвоки и на презентацијата. „Мислам дека не е тајна дека сакам да победувам, така дојде до ова денес. Не можам да бидам повозбуден. Благодарен сум за шансата да бидам дел од оваа организација, да играм заедно со најдобрите во лигата“, прокоментира Лилард.

Милвоки донесе уште еден плејмејкер за наредната сезона

Бошко Тасиќ — Tue, 03 Oct 2023 04:05:22 +0000

Кошаркарот Камерон Пејн е нов кошаркар на Милвоки. Тој е слободен агент кој договори едногодишен договор со Бакс каде треба да биде поддршка за Демиен Лилард на плејмејкерската позиција. Пејн минатата година беше член на Феникс санс, што е негова четврта сезона по ред со тимот на Аризона. Пејн пристигна во лигата во 2015 година кога беше драфтуван од Оклахома, а беше и член на Чикаго Булс и Кливленд Кавалирс.

Демијан Лилард официјално заврши во Милвоки

Бошко Тасиќ — Wed, 27 Sep 2023 20:29:59 +0000

Демијан Лилард, конечно си замина од Портланд и кариерата ќе ја продолжи во Милвоки Бакс каде ќе формира страшно дуо со Јанис Адетокумбо. Во целиот трејд вклучени се три екипи, а покрај Портланд и Милвоки, тука е и Феникс Санс. Плејмејкерот Лилард заврши во Милвоки, Портланд ги доби Џру Холидеј, Тумани Камара, Диандре Ејтон и пик од првата рунда на драфтот во 2029 година. Во Феникс, пак, завршија Јусуф Нуркиќ, Насир Литл, Кион Џонсон и Грејсон Ален

Милвоки во игра за ангажман на Лилард

Бошко Тасиќ — Wed, 27 Sep 2023 04:14:43 +0000

Кошаркарот на Портланд Демјен Лилард би можел да ја продолжи кариерата во Милвоки. Шпекулациите за неговиот трејд продолжуваат, а она што секој ден станува се појасно е дека Лилард е се подалеку од Мајами. Тимот од Флорида во еден момент беше единствената опција за искусниот плејмејкер, но засега на адресата на Портланд не пристигнала задоволителна понуда. Според инсајдерот во НБА, Марк Спирс, Мајами го пунидил Тајлер Хиро и два идни пика во првата рунда на драфтот, што е премалку за играч од калибарот на Лилард. Тоа отвори простор за други тимови, а меѓу нив се и Бакс. „Блејзерси продолжуваат да разговараат со други тимови. Слушнав од Чикаго, Милвоки, па дури и Филаделфија“, рече Спирс.

Милвоки Бакс потпиша уште еден Адетокумбо

Бошко Тасиќ — Sun, 03 Sep 2023 06:23:12 +0000

Милвоки Бакс се засили со Алекс Адетокумбо, кој им се приклучува на повозрасните браќа Танасис и Јанис. Алекс потпишал едногодишен договор, откако минатата сезона играше за Висконсин Херд и во просек постигнуваше по 5,8 поени и три скокови по меч. Главна ѕвезда во тимот е Јанис Адетокумбо, додека неговиот брат Танасис не добива често шанса. Овие тројца имаат уште еден брат, Костас кој следната сезона ќе игра за Панатинаикос.

Јанис не сака да го продолжи договорот со Милвоки

Бошко Тасиќ — Sat, 26 Aug 2023 12:23:15 +0000

Грчкиот кошаркар Јанис Адетокумбо кој во 2021 година го предводеше Милвоки до шампионската титула, им се закани на челниците на тимот дека нема да потпише нов договор ако не го уверат дека сакаат да се борат за титулата. „ Ако ги погледнете бројките нема смисол да потпишувам нов договор. За двете страни повеќе смисол би имало такво нешто да се случи идното лето. Не би бил најдобрата верзија од себе си ако не знам дека сите размислуваат како мене, дека сите сакаат да ја освоиме титулата, дека сите ќе го жртвуваат своето време со семејствата како што правам јас. Ако не го почувствувам тоа, не потпишувам ништо“, изјави Адетокумбо. Јанис сезонава ќе влезе во третата година од актуелниот петгодишен договор вреден 228 милиони долари кој овозможува опција за продолжување на дополнителна една сезона доколку тоа го сака кошаркарот. Според правилата на НБА-лигата, Милвоки до 22-ри септември може да му понуди нов договор на три години вреден 173 милиони долари.

Милвоки доби нов тренер

Бошко Тасиќ — Sun, 28 May 2023 05:12:41 +0000

Милвоки Бакс има нов тренер. Во новатат сезона Бакс ќе ги предводи Адријан Грифин, асистентот на Ник Нурс во Торонто Репторс. Милвоки Бакс го отпуштија Мајк Баденхолцер, откако тимот беше елиминиран во првото коло во плејофот од Мајами Хит. Како што пренесува Адријан Војнаровски, негов наследник ќе биде неодамнешниот помошник на Ник Нурс во Торонто Репторс, Адријан Грифин. Генералниот менаџер на Бакс, Џон Хорст бил импреисониран од лидерските вештини, карактерот и начинот на кој неговите тимови играат одбрана на Грифин. ГМ на Милвоки Бакс, Џон Хорст и другите раководители на тимот се радуваа на лидерските вештини, карактерот и начинот на кој неговите тимови играат одбрана. Конкуренција му беа Ник Нурс (неговиот поранешен шеф) и Кени Аткинсон кој имаше голем успех со Бруклин Нетс.

Док Риверс ќе седне на клупата на Милвоки

Бошко Тасиќ — Fri, 19 May 2023 04:49:58 +0000

61-годишниот кошаркарски тренер Док Риверс многу брзо би можел да најде нова работа откако мораше да ја напушти клупата на Филаделфија. Дел од медиумите шпекулираат дека Риверс е главен кандидат за нов тренер на Милвоки Бакс, клуб кој исто како и Филаделфија реши да направи промена на тренерската позиција поради неуспехот во актуелниот плеј-оф. Риверс и неговата Филаделфија водеа со 3-2 во полуфиналната серија од Источната конференција против Бостон, но Бостон продолжи по две последователни победи за конечни 4-3. По одличниот регуларен дел од сезоната, Милвоки заглави на првата пречка во плеј-офот и беше елиминиран од Мајами Хит. Поради ова, Милвоки ја прекина соработката со актуелниот тренер Мајк Буденхолцер, а американските медиуми наведуваат дека сега Риверс е првиот и најголем кандидат за негов наследник.