Милвоки – Kurir.mk

Милвоки го отпушти тренерот кој донесе титула по пауза од половина век

Ивана Ефремовски — Fri, 05 May 2023 09:34:01 +0000

НБА лигашот Милвоки денеска му врачи отказ на 53-годишниот Мајк Баденхолцер под чие водство клубот во 2021 година ја освои втората шампионска титула во својата историја, а прва по пауза од 50 години. Оставката е последица на елиминацијата на Милвоки во првото коло од разигрувањето за титулата во кое екипата предводена од Баденхолцер влезе со најдобар ефект во регуларниот дел од сезоната со 58 победи и 24 порази. Милвоки на стартот од плејофот беше елиминиран од Мајами во серија која траеше пет натпревари. Одлуката за оваа смена беше многу тешка. Бад ја водеше екипата низ пет неверојатни сезони со првата титула во последните 50 години и ја воведе во ера на континуиран успех, изјави генералниот менаџер на Милвоки, Џон Хорст.

Костас Адетокумбо потпиша за Фенербахче

Ивана Ефремовски — Mon, 19 Dec 2022 18:21:44 +0000

Турскиот кошаркарски гигант Фенербахче објави денеска дека потпишал договор со грчкиот центар Костас Адетокумбо, кој е брат на кошаркарот на НБА лигашот Милвоки, Јанис Адетокумбо. Грчкиот центар неодамна доби отказ во Чикаго, по што одлучи кариерата да ја продолжи во турскиот клуб. Костас Адетокумбо (25), како што е соопштено, потпишал договор со Фенербахче до крајот на оваа сезона. Неговото деби се очекува в четврток, кога Фенербахче го пречекува белградски Партизан во рамки на 15. коло во Евролигата. (МИА)

Милвоки го повтори најдобриот старт во клупската историја

Тале Кристо — Thu, 03 Nov 2022 08:40:50 +0000

Милвоки ноќеска го победи Детроит пистонс со 116:91. Бакс го повторија најдобриот старт во клупската историја, со седум победи во седум натпревари. Ѕвездата на тимот, Јанис Адетокунбо постигна 32 поени и 12 скока. „Мило ми е што победуваме, но тоа не е најважната работа. Добро е што тимот ги развива вистинските навики. Добро е што можеме да ја постигнеме целта, дури и кога топката не оди во кошот, тоа не влијае на нас. Продолжуваме да се бориме и да ја движиме топката. Разговараме еден со друг, не сме себични. Добро ни оди, изјави Јанис. Ваков резултат клубот забележа уште два пати – во сезоните 1971/72 и 2018/19. Милвоки останува единствениот непоразен тим во новата сезона во НБА.

Адетокунбо: Не сум најдобар кошаркар на светот

Ивона Петрова — Mon, 08 Aug 2022 10:21:29 +0000

Ѕвездата на Милвоки бакс и репрезентативец на Грција, Јанис Адетокунбо, не се гледа себе си како најдобар кошаркар на планетата. Тој побара медиумите да не го нарекуваат најдобар играч на светот. – Тренерот не треба да приспособува 11 играчи за мене. Не се работи за мене. Самиот сум подготвен да се прилагодам на секого, ќе направам сè што му треба на мојот тим. Ако треба ќе одам на позицијата пет. Во моментов грчката репрезентација сè уште не е подготвена да се бори за медал. Но, имаме шанса. Кога ја започнавме сезоната со Милвоки, не се надевавме да освоиме шампионска титула. Но, работевме напорно и победивме. Јас не сум најдобриот играч на светот. Не ми кажувајте дека јас сум тие“, рече Адетокунбо. Како дел од грчката репрезентација, двоккратниот МВП на НБА-лигата се подготвува за претстојното Европското првенство.

Голден Стејт ја прекина победничката серија на Милвоки

Ивона Петрова — Sun, 13 Mar 2022 11:43:51 +0000

Кошаркарите на Голден Стејт го совладаа Милвоки со 122-109 во еден од седумте натпревари во НБА лигата одиграни ноќта меѓу саботата и недела, и со тоа му го нанесоа првиот пораз на актуелниот шампион по серијата од шест победи. До триумфот на домашен терен Голден Стејт беше предводен од Клеј Томсон со 38 поени, што е негов најдобар ефект по враќањето на паркетот по долгата пауза поради повреда. Во редовите на Милвоки најефикасен беше Јанис Адетокумпо со 31 поени. Резултати: Чикаго – Кливленд 101:91, Мајами – Минесота 104:113, Сан Антонио – Индијана 108:119, Голден Стејт – Милвоки 122:109, Денвер – Торонто 115:127, Јута – Сакраменто 134:125, Портланд – Вашингтон 127:118.

Во куќа во Милвоки убиени пет лица

Тале Кристо — Mon, 24 Jan 2022 13:39:44 +0000

Мртвите тела на пет лица се пронајдени во куќа во американскиот град Милвоки, а полицијата смета дека се работи за повеќекратно убиство, соопштија локалните власти. Полицијата на Милвоки одговорила на повикот околу 15:45 часот во неделата за да ја провери ситуацијата во куќата во која подоцна биле пронајдени мртви четворица мажи и една жена, изјави на прес-конференција помошник началникот на полицијата во Милвоки, Пол Формоло. Идентитетот на жртвите се уште се утврдува. – Граѓаните на нашата заедница беа загрижени за станарите што живееја таму. Ова е нормален повик на кој треба да одговориме. Тоа го правиме постојано – изјави Формоло. Тој додаде дека се уште не се познати мотивите и дека нема информации што би навестиле дека постои опасност за заедницата. Обдукциите, како што беше најавено, ќе бидат извршени денеска.

НБА: Антетокумпо излезе од карантин

Ивона Петрова — Sat, 25 Dec 2021 11:30:58 +0000

Најдобриот кошаркар на шампионот Милвоки, Јанис Антетокумпо, излезе од безбедносниот и здравствен протокол што го пропишува НБА лигата и ќе може да настапи за својот тим веќе на следниот натпревар против Бостон на домашен терен. Грчката кошаркарска ѕвезда отсуствуваше од тимот од 15 декември, а Милвоки во тој период одиграа пет натпревари од кои два загуби. Милвоки со ефект од 21-13 во моментов е на третото место во источната конференција зад Бруклин (21-9) и Чикаго (19-10), чиј тренер Били Донован во петокот влезе во здравствено – безбедносниот протокол. Антетокумпо сезонава досега одигра 26 натпревари со ефект е 27 поени по натпревар, 11.6 скокови, 5.8 асистенции и 1.6 блокади.

Кошаркарите на Милвоки на 8 ноември на прием во Белата куќа

Тале Кристо — Sun, 31 Oct 2021 14:26:03 +0000

Актуелните шампиони во НБА лигата, кошаркарите на Милвоки, на 8 ноември ќе бидат примени од претседателот Џозеф Бајден во Белата куќа. Милвоки, кој во мај ја освои втората титула во клупската историја, точно 50 години по првиот шампионски прстен, ќе бидат примени во Белата куќа ден по натпреварот против Вашингтон, а веќе следниот ден ги очекува гостување кај Филаделфија. Американските медиуми пренесуваат дека Милвоки ќе бидат први НБА шампиони, кои ќе ја посетат Белата куќа по 2016 година, кога екипата на Кливленд беше на прием кај тогашниот претседател Барак Обама. Голден Стејт (2017, 2018) и Торонто (2019) одлучија да не ја посетат Белата куќа во мандатот на Доналд Трамп, додека шампионите од 2020, Лос Анџелес лејкерс, не можеа да бидат примени од претходникот на Бајден поради рестрикциите поврзани со пандемијата на коронавирус.

Милвоки израмни со Феникс во финалето на НБА

Дарко Андоновски — Thu, 15 Jul 2021 06:38:53 +0000

Милвоки рано утрово на домашен терен го победи Феникс со 109:103 во четвртиот натпревар од финалето на НБА. Бакс го израмни резултатот на 2-2 во серијата прв до четири победи. Најефикасен играч на средбата беше Девин Букер од Феникс со 42 поени. Во победничкиот тим се истакнаа Крис Мидлтон со 40 поени и Јанис Адетокунбо со 26 коша, 14 скока и осум асистенции. Следниот натпревар ќе се одржи на 18 јули на теренот на Феникс.

Адетокунбо: Сонувам да ја освојам титулата со Милвоки

Тале Кристо — Thu, 08 Jul 2021 06:59:17 +0000

Најдобриот кошаркар на Милвоки, Јанис Адетокумбо, зборуваше за тоа колку би било важно за него да ја освои шампионската титула со Бакс. – Никогаш не треба да судите никого за патот што го одбрал да ја освојат шампионската титула. Но, освојувањето на титулата со тимот каде што ја започнавте вашата кариера има поголема важност. Ова е мојот сон, ова е мојата цел, изјави Адетокунбо. Гркот беше избран од Милвоки на драфтот во 2013 година. Оттогаш тој игра за клубот Висконсин. Оваа сезона, двократниот МВП во НБА-лигата, за прв пат стигна до големото финале. Во финалната серија која се игра до четири победи, Милвоки губи од Феникс санс со 1:0.