мина – Kurir.mk

МИНАТА ОД РИЕКА СОДРЖЕЛА 690 КИЛА ЕКСПЛОЗИВ: Ова е моментот на уништувањето (ВИДЕО)

Ристе Здравков — Sun, 19 Mar 2023 19:01:52 +0000

Откако противбродската мина, оставена во пристаништето Риека од Втората светска војна, успешно беше уништена со експлозив на безбедна локација во заливот Риека, во 14 часот и 45 минути се огласија сирените за крај на опасноста и завршување на акцијата за отстранување и неутрализирање на мината. Како што информираат од Штабот за цивилна заштита на градот Риека, звукот на сирената што означи крај на опасноста означи и крај на забраната за престој во црвената зона на потенцијална непосредна опасност во близина на пристаништето Риека. Мината била од германско производство, имала 690 килограми експлозив, заедно со алуминиумската обвивка тежела околу 1100 килограми, а делумно била затрупана на длабочина од 19 метри. Ваква мина долга 298 сантиметри, со пречник од 70 сантиметри, може да направи големи штети, а при операцијата за извлекување беше опасна се до пристаништето Риека, беше потенцирано попладнво на прес-конференција во Риека по успешното завршување на операцијата за отстранување и неутрализација на минита.

Во Црното Море во близина со Бугарија откриена мина

Дарко Андоновски — Mon, 28 Mar 2022 08:45:57 +0000

Во Црно Море во близина на границата со Бугарија е откриена мина, соопшти денеска турското Министерство за национална одбрана. – Утрово беше откриена мина во близина брегот на Игнеада и веднаш е испратен тим за деминирање. Мината е ставена под контрола и почна операција за нејзино неутрализирање, објави турското Министерство за одбрана.

Во село Псача пронајдена минофрлачка мина

Ивана Ефремовски — Sat, 04 Jul 2020 13:13:45 +0000

Минофрлачка мина е пронајдена на местото викано „Рашка Река“ во кривипаланечкото село Псача, соопшти МВР.

Случајот е пријавен вечра околу пладне во СВР Куманово.

Експлозивната направа ја пронашол З.Ј.(46) од Крива Паланка, вработен во градежна фирма, при вршење градежни активности на експресниот пат Ранковце – Крива Паланка.

Увид на местото на настанот извршила екипа од Полициска станица Крива Паланка и пронајдената мина е предадена на пиротехничар од Дирекцијата за заштита и спасување Куманово.

Во двор во селото Романовце пронајдена мина од Втората светска војна

Ристе Здравков — Sat, 23 Dec 2017 12:21:23 +0000

При изведување градежни работи во дворот на сопствената куќа, Н.А.(47) од село Романовце пронашол една минофрлачка мина калибар 82мм од Втората светска војна. Случајот го пријавил во СВР Куманово, по што пиротехничар од Дирекцијата за заштита и спасување - Куманово ја подигнал пронајдената експлозивна направа за натамошна постапка.