минато – Kurir.mk

Четири хороскопски знаци кои тешко се соочуваат со минатото – дали сте меѓу нив?

Тале Кристо — Sat, 17 Apr 2021 15:57:10 +0000

На некои луѓе лесно им е да го заборават минатото и да продолжат напред. Сепак, на одредени хороскопски занаци тоа им е доста тешко. Во продолжение погледнете дали и вие сте дел од оваа лисата: Скорпија Бидејќи се таинствени, не им е лесно да се отворат пред другите, но штом ја стекнете нивната доверба, тогаш тие се целосно посветени и верни. Меѓутоа, ако некој ги изневери, на Скорпиите им е тешко да го поднесат тоа и им треба многу време да го прифатат. Дури и кога простуваат, тие никогаш не забораваат. Девица Девиците се аналитичари. Што и да се случило и без разлика колку одамна, тие постојано ќе го анализираат, сè додека не бидат целосно подготвени да продолжат понатаму. Тие внимателно ги следат сите детали и ги памтат сите случки од минатото. Лав Лавовите честопати покажуваат самодоверба и изгледаат како многу цврсти личности, но всушност се многу нежни. Тешко се справуваат со минатото кога некој ќе ги повреди, а другите луѓе често не го разбираат тоа. Вага Вагите главно ги чуваат емоциите во себе, па затоа им е тешко кога треба да се соочат со минатото. Тие се многу друштвени луѓе, а кога ќе останат сами, почнуваат да размислуваат за минатото и брзо се растажуваат.

Ослободете се од овие работи: Минатото не можеме да го промениме, но сегашноста зависи од нас

Ивана Ефремовски — Fri, 15 Jan 2021 14:32:42 +0000

Секојдневно се бориме да бидеме среќни, но и го носиме товарот на лошите навики кои често не ги ни приметуваме дека постојат во нашите животи. За да ја задржиме позитивната енергија која ни е важна за да бидеме среќни и исполнети, мораме да се ослободиме од некои работи кои се сигурна причина за несреќа. Ова се 3 од нив. Постојана борба за совршенство Совршена работа, брак, семејство, лице и тело, куќа, автомобил... тоа се цели за кои постојано копнееме, но кои не постојат бидејќи она што за една личност е бисер, за друга е кал. Важно е нешто да ни помага да бидеме среќни и важно е да научиме да бидеме задоволни со тоа што го имаме, без постојано да се трудиме да имаме повеќе. Тоа се однесува и на материјалните, но и нематеријалните работи во нашиот живот. Негативен став Негативниот став нема да ни помогне да отидеме предалеку. Нашите животи се преполни со негативни случувања и ситуации кои често не можеме да ги избегнеме, но важно е како гледаме на нив. Ако имаме негативен став кон сите нешта околу нас, тогаш како би ги забележале и оние убави работи што ни се случуваат. Затоа, вдишете и издишете и повторете го тоа неколку пати. Негативното размислување не ви е потребно. Живот во минатото Постојаното навраќање на некои нешта кои се случиле и нивното идеализирање нема да ни помогне да имаме среќна сегашност. За да бидеме среќни, потребно е да го оставиме минатото позади нас и да уживаме во сегашниот момент, но и во тоа што доаѓа пред нас. Минатото не можеме да го промениме, но сегашноста зависи од нас.

Темните подочници ќе станат минато со помош на овие трикови

Магдалена Андонова — Tue, 04 Aug 2020 13:38:30 +0000

Еве како да се ослободите од темните кругови: Кесички од зелен чај Ставете ладни кесички со сварен зелен чај на очите и држете ги неколку минути. Вашите „уморни“ очи ќе бидат особено благодарни за ова, затоа што кофеинот, кој го има во овој чај, ги стеснува крвните садови под очните капаци и го намалува црвенилото. Покрај тоа, зелениот чај дополнително ќе ја затегне кожата под очите. Ладно млеко Потопете памук во ладно млеко и ставете го на очните капаци и темните кругови. Киселината од млекото ќе ја омекне и дополнително ќе ја храни вашата кожа. Млекото содржи и протеини, ензими, аминокиселини и антиоксиданти, кои ја зајакнуваат и ја обновуваат оштетената кожа. Парчиња краставица Општо е познато дека краставиците содржат антиоксиданти кои ја намалуваат иритацијата, но кога зборуваме за темни кругови, трик е да се користат екстремно ладни краставици. Чувајте ги круговите краставици на очите до пет минути, а ефектот на ладење значително ќе го намали отокот. Спијте на грб Спиењето на стомакот и колковите предизвикува течност да се акумулира под очите во текот на ноќта, што влијае на формирање на темни кругови и оток. Затоа, спијте на грб и ако е можно на поголема или две перници. Пијте повеќе вода Водата помага да се ослободите од токсините од телото и исто така да се намали количината на сол што се акумулира под очите. Едноставно, зарем не? Отстранете ја шминката Бидете сигурни дека ја отстранувате целата маскара и сенката за очи при отстранување на шминка. За областа околу очите, користете производи наменети за областа на очите за да го направите тоа детално.

Мицевски: Лов во матно или незавршени ветувања

Тале Кристо — Sun, 05 Apr 2020 16:04:50 +0000

Власта врши класична злоупотреба на вонредната состојба за задоволување на личните и теснопартсиките интереси. Во услови на криза кога во буџетот на државата нема средства за редовни исплати и нормално функционирање на системот, Владата носи Уредба со која ќе обезбеди дополнителни средства и ќе ги вдоми своите партиски војници од СЈО во некое од редовните обвинителства, надвор од сите законски процедури. Со оваа Уредба се заобиколува Законот за јавно обвинителство и државниот обвинител добива ингеренции кои што не му следуваат, а се поврзани со вработените во СЈО. Содржината на уредбите со законска сила мора да соодветствуваат и да бидат во насока на надминување на вонредната состојба, а како злоупотреба на моќ ќе се смета секое отстапување од пропишаните уставни норми. Владата во никој случај не смее да ја пречекори својата надлежност и користејќи ги специфичните овластувања да се впушти во редефинирање на правниот поредок во државата од едноставна причина, за лични партиски интереси да доведува до правна несигурност. Уредбите за време на вонредна состојба покрај тоа што мора да се во рамките на законите кои се во сила, може да уредуваат само прашања непосредно поврзани со надминувањето на вонредната состојба и за нивното непочитување се предвидуваат и казнени дела и санкции за нив. Лани во декември, во Собранието се обидоа со измени на Законот за јавнообвинителска служба, по скратена постапка да ги обезбедат нивните партиски војници во СЈО и да ги вдомат во обвинителствата низ државата, но не успеаа таквиот закон да го донесат и истиот застана во комисиска процедура. Тогашната Влада се правдаше дека законот е предлог на пратениците и дека нема никаква врска со тој закон, но сега е јасно дека владата сакала да го протурка овој против уставен закон преку пратениците. Ги повикувам претседателот на државава Стево Пендаровски и Уставниот суд на Република Македонија да преземат мерки што е можно побрзо, со цел да се спречи злоупотребата на вонредната состојба, прогласена од страна на Претседателот на државата, а ваквите Уредби кои што немаат никаква врска со вонредната состојба во државава веднаш да бидат поништени од страна на Уставниот суд. Од една страна сакаа да им скратат плати на административците, со образложение дека требало да бидат солидарни бидејќи нема пари во Буџетот, а од друга страна наоѓаат пари за нивните партиски војници во СЈО, кои земаа илјадници евра од буџетот спротивно на закон и за кои сеуште нема истрага од страна на институциите. Ниту пак беше дозволено формирање анкетна комисија, предложена од ПГ на ВМРО-ДПМНЕ, како би се разгледало работењето на оваа институција од оние кој што согласно Закон и Устав се повикани да го прават тоа. Дополнителни, во изминатите неколку години во ЈОРМ, со договори на дело на една година, беа ангажирани околу 80-100 лица( како дактилографи и друг персонал), нивните договори секоја година беа продолжувани. Оваа година нивните договори не беа продолжени со образложение дека “Огласот е поништен” поради почеток на предизборните постапки и тие луѓе не се ангажирани во ЈОРМ. Се поставува прашањето, дали некој намерно не им го реализирал конкурсот, со надеж дека ке остнат непополнети овие места, како би се вдомиле партиските кадри од испоставата на Сдсм-СЈО. Ова е таа дволичност и лицемерие на оваа ненародна власт. Во време на пандемија да се занимаваат со тривијални работи за граѓаните, но примарни во нивната профитерска агенда. Ако не Судот, за ова ќе ви пресудат граѓаните на избори. Никола Мицевски Координатор на ПГ на ВМРО-ДПМНЕ

Заборавете на грешките во минатото, тие не припаѓаат во вашата иднина

Ристе Здравков — Thu, 27 Dec 2018 13:22:16 +0000

Сите правиме грешки, а дел од нас премногу се оптоваруваат со тоа. Но, грешките постојат, се случиле и не треба да дозволуваме тие да влијаат на тоа како се чувствуваме. Не постојат совршени луѓе, запаметете го тоа. Ова се 5 работи кои можете да ги направите. 1) Потсетете се себеси дека грешките се случило порано, а не денес. Не можете да го вратите времето и да го смените тоа што сте го направиле, можете да влијаете само на тоа што ќе го направите во иднина. 2) Дозолете си да ги искусите емоциите кои доаѓаат со вината, срамот или пак тагата поврзана за грешката која се случила. Потрудете се да го надминете тоа и да продолжите понатаму. 3) Запрашајте се себеси што можете да направите во дадената ситуација. Дали можете да научите нешто? Како би реагирале кога следен пат би се нашле во слична ситуација? 4) Потсетете се себеси дека тоа што сте го направиле нема врска со тоа што сте. Грешката е грешка. Не и дозволувајте да ве дефинира или обесхрабри. 5) Почнете од почеток. Простете си себеси за тоа што се случило и продолжете понатаму. Денес е нов ден.

Не ја барајте среќата на овие места

Ристе Здравков — Tue, 18 Sep 2018 16:32:54 +0000

Често ја трошиме својата енергија заглавени во лавиринтите на животот, размислувајќи за тоа дека може да ни биде подобро и дека можеби еден ден ќе имаме храброст да преземеме нешто. Таквата имагинарна иднина не ни носи многу среќа, туку напротив, ни носи стрес и нервоза. Но, како да ја избегнеме? Како да ја најдеме среќата? Фантазија за поубав живот Животот е тежок, а вие сте силни. Не се лажете дека тоа не е така, не им ни дозволувајте на другите луѓе да ве убедат во тоа. Иако фантазирањето за нешто подобро и поубаво е добро, сепак на долг рок не ни носи ништо добро. Животот не постои за да биде лесен и да биде права линија. Тој постои за да биде вреден. Ако нема борба, не постои ни раст. Не очекувајте добар и лесен живот, бидејќи никој тоа го нема, колку и да ни изгледа така. Минато кое веќе не постои Ние се менуваме. Светот околу нас се менува, а се менуваат и луѓето околу нас. Нешто што било исправно и убаво во минатото не значи дека се уште би било добро и успешно. Некои работи со причина остануваат во минатото, за да направат место за нешто подобро. Не се грижете за вратите кои се затвориле. Иднина која е неизвесна Постојаната грижа за работите кои би можеле да се случат нема да ви донесе ништо добро. Иднината е неизвесна и таква треба да биде. Ништо нема да направите ако се трудите да ја предвидите или ако се грижите претерано за неа. Оставете ги работите да се случуваат. Реагирајте на оние нешта кои можете да ги контролирате, а останатите пуштете ги по својот тек. Постојано изговори Стравот е нормален дел од животот и присутен кај секој од нас, но не треба да дозволиме тој да биде кочница за нашата среќа. Потребно е да се разбудите едно утро и да одлучите да го направите тоа од што најмногу се плашите. Не дозволувајте долго да се чувствувате несреќни само поради тоа што се плашите дека исходот од некој ваш обид ќе биде негативен и неуспешен. Удобна комфорна зона Можете да се чувствувате сигурно ако стоите во плиткото, но убавината е во пливањето подалеку од брегот. Не дозволувајте да се заглавувате во едно место. Уживајте во сите прилики и можности кои ви се нудат, откривајте ги и трагајте по нив. Погрешни врски и пријателства Не правете место во својот живот за погрешни врски и пријателства. Окружете се само со луѓе кои ве прават среќни, кои се радуваат на вашиот успех и кои ве исполнуваат со позитивна енергија. Вие го заслужувате тоа.