Минесота – Kurir.mk

Крај на трагичната потрага: Телата на трите деца и нивната мајка пронајдени во езеро во Минесота, постојат сомнежи дека ова е повеќекратно убиство

Магдалена Андонова — Sun, 03 Jul 2022 08:31:25 +0000

Телата на трите деца и жената, за која се верува дека е нивна мајка, се пронајдени во езеро во американската сојузна држава Минесота. Американските медиуми потсетуваат дека вчера прво беше пријавено дека во езерото се пронајдени телата на две од трите деца, кои исчезнаа заедно со нивната мајка претходниот ден. Властите веруваат дека децата намерно се удавени, пренесуваат американските медиуми. Ниту една од жртвите и оние по кои се трага се уште не се именувани. Таткото на децата бил пронајден мртов во приколка во градот Мејплвуд, во близина на Минеаполис, а полицијата утврдила дека заедно со децата исчезнала и нивната мајка. -Нема ништо потрагично од загубата на мали деца, изјави шерифот на округот Ремзи, Боб Флечер на прес-конференција, додавајќи дека најверојатно станува збор за повеќекратно убиство. (МИА)

Со кауција ослободен од притвор полицаецот обвинет за убиството на Флојд

Ивона Петрова — Thu, 08 Oct 2020 06:23:23 +0000

Со кауција од еден милион долари од притвор е ослободен Дерек Чаувин, поранешниот полицаец обвинет за убиството на Афроамериканецот, Џорџ Флојд во Минесота. Чаувин по уплатената кауција излезе од затворот во сојузната американска држава Минесота. Тој е обвинет за второстепено убиство на Флојд, а судењето се очекува да почне следната година. Тој беше еден одчетворицата полицајци обвинети за убиството на Флојд при обид за насилно апсење. Смртта на Флојд предизвика бран антирасистички протести во САД и ширум светот.

Голден Стејт преку Минесота до седмата победа оваа сезона во НБА лигата

Ивона Петрова — Tue, 24 Dec 2019 07:39:06 +0000

Екипата на Голден Стејт забележа победа над Минесота со 113:104 на дуелот одигран рано утрово во Сан Франциско. За „воините“ ова е само седми триумф оваа сезона, наспроти 24-те порази. Најпродуктивен на паркетот беше Д’Анџело Расел, со 30 поени. Резултати на другите средби одиграни ноќта меѓу понеделник и вторник: Кливленд – Атланта 121:118 Детроит – Филаделфија 109:125 Индијана – Торонто 120:115 (по продолжение) Њујорк – Вашингтон 115:121 Орландо – Чикаго 103:95 Мајами – Јута 107:104 Мемфис – Сан Антонио 115:145 Феникс – Денвер 111:113 Портланд – Њу Орлеанс 94:102 Сакраменто – Хјустон 104:113. Лидер во Западната конференција е Лос Анџелес лејкерс со 24 победи и шест порази. На исток Милвоки е прв со 27 победи и четири порази.

НБА: Минесота го совлада Мајами, Лејкерс поуспешни од Шарлот

Дарко Андоновски — Mon, 28 Oct 2019 08:06:03 +0000

Екипата на Минесота ноќеска забележа триумф над Мајами со 116:109. За Тимбервулвс, ова е трета последователна победа на почетокот на сезоната. Во нивниот состав, Ендру Вигинс постигна 25 поени. Домашниот терен им донесе среќа и на Лос Анџелес лејкерс кои со убедливи 120:101 беа поуспешни од Шарлот хорнетс. На третиот натпревар од НБА лигата ноќта меѓу недела и понеделник Портланд како гостин го победи Далас со 121:119. Минесота, Сан Антонио и Деневер од Запдната конференција, односно Атланта и Филаделфија од Истокот се без пораз по почетните кола во најсилната светска кошаркарска лига.

Минесота го отпушти тренерот по победата над Лејкерси

Ивона Петрова — Mon, 07 Jan 2019 08:49:30 +0000

Минесота запиша една од најубедливите победи во сезоната по успехот над Лос Анџелес Лејкерс со 108:86 во средба од НБА лигата. Ендрју Вигинс реализира 28 поени, 25 од кои во првото полувреме, а Карл Ентони Таунс заврши со дабл-дабл – 28 поени и 18 скока за успехот на Минесота. И покрај победата, тренерот на Минесота, Том Тибодо беше отпуштен по средбата и привремено тимот ќе биде предводен од помошникот Рајан Саундерс. За Лејкерси се истакна Ланс Стивенсон, кој постигна 14 поени и додаде 6 асистенции. Л.А. Лејкерс губи петти натпревар од последните шест, откако игра без Леброн Џејмс, кој се повреди во пресрет на Божиќ во победата над Голден Стејт. Резултати од НБА: Чикаго – Бруклин 100:117 Лос Анџелес Клиперс – Орландо 106:96 Минесота – Лос Анџелес Лејкерс 108:86 Атланта – Мајами 106:82 Оклахома Сити – Вашингтон 98:116 Торонто – Индијана 121:105 Феникс – Шарлот 113:119 Пласман по дивизии: Источна конференција: Атлантик дивизија: Торонто 30 победи / 12 поразии, Филаделфија 26/14, Бостон 23/15 Централна дивизија: Милвоки 27/11, Индијана 26/13, Детроит 17/20 Југоисточна дивизија: Мајами 19/19, Шарлот 18/20, Орландо 17/22 Западната конференција: Северозападна дивизија: Денвер 26/11, Оклахома 25/14, Портланд 23/17 Пацифик дивизија: Голден Стејт 26/14, Лос Анџелес Клиперс 23/16, Лос Анџелес Лејкерс 21/19 Југозападна дивизија: Хјустон 22/16, Сан Антонио 23/17, Мемфис 18/21

Батлер одби да го продолжи договорот со Минесота

Ристе Здравков — Sat, 14 Jul 2018 12:13:24 +0000

Кошаркарот на Минесота Тимбервулвс, Џими Батлер ги одби понудените 100 милиони долари за продолжување на договорот со НБА лигашот. Батлер ќе чека да му истече актуелниот договор идната година и ќе се надева на повисока понуда. Слично нешто стори и пред три години кога од Чикаго одби 44 милиони долари, за по една година да добие понуда од 90 милиони. - Батлер ризикува. Може да се случи да има лоша сезона, или некоја повреда. Сепак се надеваме дека ќе биде се во најдобар ред. Кога тимот игра добро и други ѕвезди сакаат да дојдат кај нас, изјави Глен Тејлор, сопственикт на Минесота. 28-годишниот Батлер кој одби 100 милиони долари за нова четиригодишна соработка со „волците“ минатата сезона ја заврши со 22,2 поени, 5,3 скока и 4,9 асистенции во просек по натпревар.

Бостон го доби дербито против Минесота

Ивона Петрова — Sat, 06 Jan 2018 11:15:26 +0000

Во НБА лигата ноќеска се одиграа десет натпревари, а дербито беше во Бостон каде ,,Селтикси" славеа триумф над Минесота со 91:84.

Маркус Смарт беше најефикасен во победничкиот тим со 18 поени, но Кајри Ирвинг беше најкористен со учинок од 16 поени, девет скокови и осум асистенции.

Кај Минесота, а воедно и на натпреварот најефикасен беше Ентони Таунс кој постигна 25 поени.

Најнеизвесниот меч го одиграа Мајами и Њујорк, а беше решен по дополнителните пет минути по кои домаќините се радуваа на победа со 107-103. Вејн Елингтон ги предводеше „жешките“ до победа со 24 поени, а Горан Драгиќ придодаде 19. Кај гостите најефикасен беше Картни Ли со 24 поени.

Во Торонто домашниот тим го совлада Милвоки со убедливи 129:110.