минхен – Kurir.mk

Климатските активисти на аеродромот во Минхен уапсени, пистата повторно во функција

Ивана Ефремовски — Thu, 08 Dec 2022 12:54:31 +0000

Летовите на аеродромот во Минхен повторно се одвиваат нормално, откако активисти за климата блокираа една писта, соопштија аеродромските власти. Како што пренесе ДПА, северната писта била бргу отворена, откако кусо беше блокирана од активисти, изјави портпаролот на аеродромот. Активистите, како и претходно, се залепиле за асфалтот. Тие се уапсени. Со оглед на тоа што јужната писта била непрекинато во функција, немало откажувања на летови туку само мали доцнења, се вели во соопштението. (МИА)

Седуммина англиски навивачи уапсени во Минхен

Магдалена Андонова — Tue, 07 Jun 2022 15:29:42 +0000

Британската полиција соопшти денеска дека седум англиски навивачи се уапсени во Минхен пред натпреварот против Германија во фудбалската Лига на нации. Телевизијата Скај пренесе дека навивачите биле лишени од слобода синоќа поради предизвикување немири и судири со полицијата, а скандирале и антигермански пароли и пееле песни поврзани со Втората светска војна. Од седуммината, еден е приведен поради физички напад врз полицаец, двајца поради нацистички поздрав, додека кај еден полицијата во неговата хотелска соба пронашла пиротехнички средства. Британската полиција ги опиша инцидентите како антисоцијално однесување поттикнато од алкохол. Англискиот селектор Герет Саутгејт повеќе пати апелираше до навивачите да се однесуваат пристојно, посочувајќи дека инцидентите би можеле да влијаат Англија своите натпревари на домашен терен да ги игра без публика. (МИА)

Пендаровски на Минхенска безбедносна конференција

Ивана Ефремовски — Thu, 17 Feb 2022 15:02:59 +0000

Претседателот Стево Пендаровски, од 18 до 20 февруари 2022 година, во Минхен, Сојузна Република Германија, ќе учествува на 58. Минхенска безбедносна конференција. На конференцијата е најавено учество на повеќе од 30 шефови на држави и влади, како и стотина министри и шефови на релевантни меѓународни организации. Предвидено е претседателот Пендаровски за време на учеството на Минхенската безбедносна конференција да оствари повеќе средби со дел од учесниците на собирот. Во фокусот на разговорите на претседателот Пендаровски ќе биде европската интеграција и безбедносните состојби во регионот и во евро-атлантскиот простор.

Папата Бенедикт знаел за злоставувањето деца во надбискупијата во Минхен

Тале Кристо — Thu, 20 Jan 2022 12:19:25 +0000

Папата Бенедикт Шеснаесетти знаел за свештениците кои малтретирале деца додека тој бил надбискуп на Минхен, се наведува во извештајот на адвокатската канцеларија Westpfahl Spilker Wastl (WSW) . Според светските медиуми, папата Бенедикт Шеснаесетти бил надбискуп во периодот од 1977 до 1981 година, а овој извештај ги демантира неговите претходни тврдења дека не знаел ништо за скандалот. -Тој бил информиран за сите факти, изјави адвокатот Мартин Пуш во Минхен, пренесува Си-Ен-Ен.

Експлозија во Минхен кај железничката станица: Има повредени, брзата помош на лице место (ФОТО)

Магдалена Андонова — Wed, 01 Dec 2021 13:18:13 +0000

Силна експлозија се случила во близина на фреквентната железничка станица во германскиот град Минхен, соопшти германската полиција. Експлозијата се случила за време на градежни работи во близина на станицата Донерсбергербрике.

Bei einer #explosion auf einer #baustelle der Deutschen Bahn in #münchen sind nach Angaben der #feuerwehr drei Menschen verletzt worden, einer davon schwer. https://t.co/xkcDBVUJfU
— shz.de (@shz_de) December 1, 2021

Германскиот Билд јавува дека три лица се повредени, од кои едно потешко. Тресокот се слушна на неколку километри.

Nach einer Verpuffung in der Nähe der Donnersbergerbrücke in München wurde der gesamte Bahnverkehr um den Hauptbahnhof eingestellt. https://t.co/mIpuBvs58R
— SZ Top-News (@SZ_TopNews) December 1, 2021

Според Билд, експлодирала бомба од Втората светска војна. Полицијата ја опколила областа и потврди дека експлодирала бомба.

Grund für den Einsatz im Bereich der #Donnersbergerbrücke war die Explosion einer Fliegerbombe. Insgesamt wurden 3 Personen verletzt.
— Polizei München (@PolizeiMuenchen) December 1, 2021

Македонец споделува: Катастрофално искуство во амбасадата на Македонија во Минхен

Ивана Ефремовски — Tue, 08 Jun 2021 18:01:03 +0000

Тоа што примија други пред мене и ме оставија да чекам 30 минути не ни замерувам. Тоа што господинот ми се обрати на шалтер со "Еј!" како да сме на пазар, ќе го заборавиме. Тоа што годподинот Алиу се претстави како главно одговорно лице во амбасадата иако на документот што ми го издаде стои друго име не ми е важно. Тоа што не добив шанса да разговарам со одговорното лице бидејќи е на состанок го разбирам. Тоа што на поштенското сандаче има печатна грешка и што знамето што се вее е искинато и обледено ќе го преболам. Вака го започнува своето сведоштво доктор Горан Трајковски, Македонец кој живее и работи во Минхен. Истото го пренесуваме во продолжение: Тоа што ми го ускрати правото на анонимност и читаше на глас пред останатите не ми е важно (иако го замолив да почекаат пред врата, одговорот беше - не одлучувам јас кој каде чека) ... Не е важно. Но! имам маил од амбасадата во кој добив термин за сликање денес во 11 часот. Ќе биде објавен јавно. Земав слободен ден, организирав замена на работа, патував до овде. Поради нечија неписменост јас не сакам да плаќам. Барам од амбасадата во Минхен да превземе одговорност и да ми ги надокнади трошоците од изгубениот ден на работа, бензин и психички стрес. А, да. И навреда. Господинот Алиу откако ја напуштив просторијата на следните кои имаа термин рекол "трае подолго бидејќи си има работа со разгалени" тие ме следат на инстаграм па ми кажаа. Не драги мои, не сум разгален, само барам доза професионалност.

View this post on Instagram

A post shared by Dr. Goran Trajkovski (@doktor.goran)

ФОТО: 62 години од авионската несреќа на Манчестер Јунајтед

Ивона Петрова — Thu, 06 Feb 2020 08:24:04 +0000

Пред 62 години на денешен ден се случи големата авионска несреќа на Манчестер Јунајтед во која загинаа 23 лица од кои осум фудбалери и тројца членови на стручниот штаб на „Црвените ѓаволи“. Авионска несреќа која се случи во Минхен, на 6 февруари 1958 година, ги згасна животите на фудбалерите кои беа дел на една од најдобрите генерации на Манчестер Јунајтед. Таа генерација предводена од Сер Мет Базби чија просечна старост била 21 година ја освоила англиската лига во 1956-та и 1957-та година, а на „Бебињата на Базби" им се предвидуваше дека ќе доминираат и во европскиот фудбал. На денот на несреќата, тимот се враќал од натпреварот во Европскиот Куп во Белград против Црвена Ѕвезда. Во авионот имало 44 патници од кои загинале 23.

Започна 168-от Октоберфест во Минхен

Дарко Андоновски — Sat, 21 Sep 2019 16:55:40 +0000

По 168. пат во Минхен денеска започнуа популарниот Октоберфест, светски познатиот фестивал за љубителите на пивото. Како што налага традицијата, градоначалникот на Минхен првата кригла пиво му ја даде на претседателот на Владата на покраината Баварија, Маркус Зедер, пренесе „АП“. Голем број жени во шарени фустани и мажи во традиционални баварски кожени панталони чекаа пред капијата за да влезат на фестивалот на пивото. Се очекува околу шест милиони љубители на пивото да го посетат фестивалот што ќе трае до 6 октомври. И оваа година цената на пивото е зголемена, па така кригла од еден литар чини 11,80 евра, што е за 30 центи повеќе во однос на минататагодина, пренесуваат локалните медиуми.

Сопственикот на клубот во Германија ги откри последните зборови што му ги кажал Шабан

Дарко Андоновски — Sun, 24 Feb 2019 09:40:11 +0000

Сопственикот на клубот „ВИП“ во Минхен присуствуваше на погребот на кралот на народната музика, Шабан Шаулиќ, со ел да го позрави за последен пат гдолгогодишниот соработник и да го испрати пријателот во неговиот вечен дом. Иван раскажал дека пејачот ги срушил сите рекорди и дека 30 години по ред го полнел клубот, како и тоа дека неговото заминување остава голема болка кај оние што го сакаа како човек и уметник. -На 4 мај требаше да прославиме 30 години успешна соработка, за жал, кралот не напушти, а ние на тој ден во знак на негово сеќавање ќе организираме голем настан, каде што ќе пуштаме само негови песни и снимки кои што ги одбележаа овие 30 години соработка, вели сопственикот на клубот и додава: -најмногу жалам што замина на ваков начин, затоа што тоа не го заслужува. Тој беше голем човк, голем пријател, како и голем уметник... Се сеќавам на неговите зборови кога и да дојдеше „Ивек само да одработам, а утре дома со трската и на пецање, тоа му беше животот, рекол Иван.

Пукање во Минхен – две лица загинаа

Предраг Кукиќ — Thu, 21 Feb 2019 09:35:27 +0000

Пукање во германскиот град Минхен, две лица загинаа. Полицијата излегла на местото на настанот. Мотивот за престрелката се уште непознати, повеќе детали подоцна.

#München. Schüsse in der #Au. Zwei Tote, darunter wohl der Täter. Quelle: Polizei pic.twitter.com/jQ5TG5jqJ2
— Julian Hans (@juli_anh) February 21, 2019