Мини Шенген – Kurir.mk

Заев лажно ветуваше европска, а сега нуди „мини-шенген“ Македонија која не смее да биде алтернатива на членство во ЕУ – велат од ВМРО-ДПМНЕ

Ивана Ефремовски — Sat, 31 Jul 2021 07:00:44 +0000

Мини Шенген не смее да биде алтернатива на членство во ЕУ и вклучување на Македонија во широкото семејство европски држави. Регионалните соработки не се алтернатива на евроинтеграциите на Македонија. Ваквата иницијатива која Заев се обидува да ни ја прикаже како дипломатски успех е всушност пораз на политиката на Заев. Зоран Заев ги лажеше граѓаните, ветуваше европска Македонија, а сега нуди мини шенген Македонија. Но што да се очекува друго од човек кој европските перспективи ги кочи со растечка корупција и криминал, велат од ВМРО-ДПМНЕ.

-Интересите на Македонија единствено може да се остварат во широка и обединета Европа, а не во тесни регионални кругови, кои патем се нецелосни и не се одраз на македонските национални и државни интереси. Зоран Заев треба да признае дека Македонија ја донесе во ќор сокак. Овие четири години власта на Заев се четири украдени години за граѓаните, велат од партијата.

Мицкоски: Мини Шенген не е алтернатива за ЕУ

Ивона Петрова — Thu, 29 Jul 2021 12:31:12 +0000

На денешната прес конференција претседателот на ВМРО-ДПМНЕ, Христијан Мицкоски одговарајќи на новинарско прашање во однос на мини-шенгенот истакна дека алтернатива за Македонија покрај полноправно членство во Европската Унија не постои. -Алтернатива за Македонија покрај полноправно членство во Европската Унија не постои. Секоја регионална иницијатива е добредојдена но тоа не смее да биде алтернатива. Македонија треба веднаш оваа година, да ги отпочне преговорите со ЕУ бидејќи тоа го заслужуваме повеќе од би рекол десет години, со исполнети критериуми, но за жал поради разно разни артефицијални, вештачки препреки ние до овој момент не сме отпочнале преговори. Ние треба веднаш да ги отпочнеме како држава преговорите и тоа треба Европската Унија да го испорача уште оваа година следна таква можност е самитот кој што ќе се одржи во декември месец. Така што тука би го заклучил мојот одговор, алтернатива за Европската Унија нема, истакна Мицкоски.

ВМРО-ДПМНЕ: Заев лажно ветуваше европска, а сега нуди Мини шенген Македонија – Мини Шенген не е алтернатива на ЕУ

Тале Кристо — Thu, 29 Jul 2021 08:14:26 +0000

Зоран Заев ги излажа граѓаните. Им ветуваше европска Македонија, а сега нуди Мини шенген Македонија, велат од ВМРО-ДПМНЕ. Мини шенген не може и не смее да биде алтернатива на членството во Европската Унија. Македонија припаѓа на широкото европско семејство на држави и ваквите обиди на Заев да прикаже една мултилатерална соработка на балканските држави како огромен дипломатски успех е всушност дипломатски неуспех да се постигне целта членство во ЕУ. Очигледно дека освен неуспесите на домашен план, власта на Заев се соочува со пораз и на меѓународен план. Четири години безочно ги лажеше граѓаните за македонските евроинтеграции, бараше алиби и виновници во други, за сега да заврши во Мини шенген. Македонија стана заложник на криминалот и корупцијата на Заев и неговата неодговорна политика и се дури е Заев власт, Македонија нема европска иднина. Четири години власт на Заев се четири украдени и упропастени години за граѓаните, се вели во партиското соопштение на ВМРО-ДПМНЕ.

Вучиќ: На самитот во Скопје го менуваме името на иницијативата за мини Шенген

Ивона Петрова — Wed, 30 Jun 2021 05:54:58 +0000

Претседателот на Србија Александар Вучиќ вечерва на ТВ Еуроњуз изјавиви дека иницијативата „мини Шенген“, во која Србија е со Северна Македонија и Албанија, ќе го смени името на самитот во Скопје, што ќе се одржи на 28 и 29 јули, јави доспиникот на МИА од Белград. Тој додаде дека трите земји ќе продолжат да работат со доверба едни во други. Според него, сите што се залагале за Балканот на Балканците страдале, затоа што биле терани од сите за да можат да си ги користат потенцијалите на Балканот. – Кога ќе разбереме дека сме на европски пат, но дека сами можеме да сториме повеќе во моментов, да создадеме доверба и ако успееме да склучиме три договори до 29 јули, сите наши капацитети ќе бидат поголеми – кажа Вучиќ, додавајќи дека тоа не е замена за европската интеграцијата на било која земја. Тој оцени дека овој проект е многу важен како идеја за иднината, затоа што ќе им овозможи капацитети на сите кои учествуваат во тоа. Александар Вучиќ изјави и дека влезот на Србија во Европската унија не зависи само од Србите, додавајќи дека во самата Унија има заситеност од проширувањето. – Во ЕУ не постои желба за проширување. Ќе сториме сè, постигнавме напредок во владеењето на правото, бевме конструктивни во разговорите со Приштина, и добивме ли нешто- не! Постои политичко заситување со проширувањето кон ЕУ – кажа Вучиќ на ТВ Еуроњуз.

„Заев ветуваше Европска Унија, а заврши со Мини Шенген и Западен Балкан, ЕУ нема алтернатива“

Магдалена Андонова — Tue, 29 Jun 2021 11:07:36 +0000

Регионалните соработки на земјите од Балканот секогаш биле, се и ќе бидат поздравени од страна на ВМРО-ДПМНЕ, но тие не се ни приближно тоа кое што Зоран Заев и СДСМ им го ветуваа на граѓаните. Членството во Европската Унија и широкото семејство на европските народи се вистинската иднина на Македонија, која нема алтернатива. Зоран Заев и СДСМ дојдоа на власт во 2016-та година токму со овие ветувања и 4 години ја замајуваа јавноста со истите флоскули, без да направат суштински поместувања и реформи. Алтернативата “Мини Шенген“ е само блед обид на Заев тоа да го прикаже како некаков успех на неговата политика, која доживеа фијаско како на меѓународен, така и на домашен план. Мини Шенген иницијативата не смее да остане наша иднина која ќе го затвори европскиот пат.

Српскиот опозиционен Народен Блок повикува на заеднички фронт против „Мини Шенген“

Ивана Ефремовски — Mon, 23 Dec 2019 15:18:24 +0000

Лидерите на опозициската коалиција Народен блок, Велимир Илиќ, Момир Стојановиќ и Мирослав Паровиќ денеска повикаа на заеднички фронт против таканаречениот „мини Шенген“. -Властите во Србија се подготвуваат на самитот во Белград кон крајот на јануари да го финализираат создавањето на таканаречената зона „мини Шенген“, што во пракса значи практично формирање на еден вид лабава конфедерална унија меѓу Албанија, Македонија и Србија. Без никаква јавна дебата, одлука на Народното собрание и без организирање на фер референдум, режимот на Александар Вучиќ се подготвува да ги намали државноста и суверенитетот на Србија и во еден дел да го пренесе во унијата која се формира. Особено е опасно што „мини Шенген“ се планира во делот на Западен Балкан кој е населен со Албанци кои имаат јавни и нескриени територијални аспирации кон Србија, и тоа не само на територијата на Косово, се наведува во соопштението. -Прво мора да издејствуваме оваа тема да се одвои од предизборната кампања, која режимот секојдневно ја води и која се обидува да ги задуши сите гласови кои се спротивставуваат на унијата со Албанија и Македонија. На секој начин, мора да се бориме прашањето за „мини Шенген“да го предочиме јасно на граѓаните, со силно барање членството на Србија во оваа унија да може да се дискутира само по фер референдум. На овој начин би се формирала реална и силна политичка сила која би била противтежа на властите и би ги спречила постапките на режимите кој се подготвува и кој планира да се исцрпи енергијата на противниците на „мини Шенген“ преку соодветни групи, потенцираа од Народниот блок во соопштението за печатот. (МИА)