мини – Kurir.mk

Украина: Висок ризик од мини додека жителите бегаат од Херсон поради поплавите

Дарко Андоновски — Thu, 08 Jun 2023 06:14:37 +0000

Пробивањето на голема брана во јужна Украина ќе има катастрофален ефект врз лоцирањето на нагазни мини, предупреди Меѓународниот комитет на Црвениот крст (МКЦК). Како што јави Би-би-Си, Ерик Толефсен, шеф на Единицата за контаминација со оружје на МКЦК, предупреди дека мините исфрлени во поплавата предизвикаа голема загриженост не само за жителите на Херсон, туку и за оние кои доаѓаат да помогнат. - Знаевме каде се опасностите. Сега не знаеме, изјави тој. - Сè што знаеме е дека тие се некаде низводно, додаде Толефсен. Наталија Хумениук, портпаролка на јужната воена команда на Украина, изјави дека „многу противпешадиски мини (во областите заземени од Русите) сега станаа пловечки мини“. - Тие претставуваат голема опасност, рече таа, објаснувајќи дека најверојатно ќе експлодираат доколку се судрат или удрат во нешто. - Страните во конфликтот не го објавија бројот на мини што ги поставија. Само знаеме дека бројот е огромен, предупреди Толефсен. Илјадници луѓе веќе се евакуирани од делови на регионот Херсон, бидејќи водата продолжува да навлегува низ реката Дњепар, која ги дели териториите контролирани од Русија и Украина. Москва и Киев меѓусебно се обвинуваат за уривање на браната Каховка која го снабдувала со вода Крим, кој беш анектиран од Русија во 2014 година и е во област што украинските сили сакаат да ја ослободат.

МКЦК: Повеќе луѓе се соочуваат со опасност од мини отколку пред две години

Ивана Ефремовски — Mon, 03 Apr 2023 13:48:16 +0000

Повеќе луѓе се соочуваат со опасностите од мини и неексплодирани убојни средства денес отколку пред две години, објави денеска Меѓународниот комитет на Црвениот крст (МКЦК). На алармантниот тренд укажа Ерик Толефсен, раководител на Единицата за справување со контаминација со оружје при МКЦК, по повод Меѓународниот ден за подигање на свеста и помош при деминирање, кој се одбележува на 4 април. - Повеќе луѓе денес се соочуваат со опасност од нагазни мини и неексплодирани убојни средства отколку пред две години поради борбите во Украина и Етиопија кои контаминираа големи области на населени места и обработливо земјиште“, рече Толефсен. Според него, премногу луѓе претрпеле повреди кои го промениле животот, што покажува како секојдневните активности како садење во градина или дури и шетање низ соседството претставуваат смртоносен ризик. Толефсен рече дека децата се особено изложени на ризик. „Ефектите од нагазните мини и експлозивните остатоци од војната врз луѓето кои живеат, се враќаат или минуваат низ контаминирани области ќе траат со години“, објави МКЦК. На крајот на ланската година, МКЦК објави дека иако мините и неексплодираните убојни средства се долгорочна опасност во регионот околу Украина, ризикот е зголемен од минатиот февруари. Делови од украинските региони Доњецк и Луганск веќе беа силно контаминирани со неексплодирани убојни средства по осум години конфликт. Сето ова е многукратно зголемено откако Русија почна војна против Украина во февруари 2022 година. Дури и пред тоа, Украина беше дом на најголемиот тим на МКЦК, кој се занимава со контаминација од оружје. Минатата година беа одбележани 25 години од усвојувањето и отворањето за потпишување на Договорот за забрана на мини од 1997 година и 30 години од создавањето на Меѓународната кампања за забрана на нагазни мини во 1992 година. Во август 2022 година, Хјуман рајтс воч (ХРВ) објави дека употребата на касетна муниција од страна на руските сили предизвикала трајна штета на стотици украински цивили. Во својот извештај за следење на касетната муниција од 2022 година, ХРВ рече дека и Русија и Украина треба да престанат да користат касетна муниција и да се приклучат на Конвенцијата за касетна муниција од 2008 година. (МИА)

Во подрум во училиште во тетовско Јагуновце пронајдени повеќе мини од југословенскиот период

Тале Кристо — Wed, 11 May 2022 10:19:13 +0000

На 10.05.2022 околу 11.00 часот во СВР Тетово било пријавено дека при чистење на подрумска просторија на основно училиште во с.Јегуновце, тетовско, биле пронајдени три школски противпешадиски распрскувачки мини, една школска противтенковска мина, две школски рачни бомби, 12 парчиња школски електрични детонаторски каписли и две школски мини ПМА 1А, кои потекнувале од периодот на поранешна СФР Југославија. Увид бил извршен, а од стручно лице од Дирекцијата за заштита и спасување пронајдените предмети биле подигнати за понатамошна постапка.

Половина од Украина има потреба од расчистување мини

Ивана Ефремовски — Mon, 11 Apr 2022 15:11:50 +0000

Претставник на Државната служба за вонредни состојби Олег Бондар соопшти дека околу половина од територијата на Украина треба да се расчисти од нагазни мини. Бондар рече дека за околу 300.000 квадратни километри земја се потребни хуманитарни напори за деминирање, а големо количество експлозив сè уште има и во областите кои се вратени од руските војници. Тој информира дека моментално напорите се концентрирани во близина на Киев и другите северни области на земјата, а во тек се проверки и во регионите Харков и Николаев, и покрај тоа што се цели на руско гранатирање. Во Ирпин, во близина на Киев, заврши расчистувањето, но Бондар вели дека сè уште треба да се пребараат приватните земјишта за што е потребна дозвола од сопствениците. (МИА)

Украинско МВР: Ќе ни требаат години да ги отстраниме мините

Тале Кристо — Fri, 18 Mar 2022 21:52:52 +0000

Украинскиот министер за внатрешни работи Денис Монастирски изјави денеска дека на Украина и требаат години да ги отстрани неексплодираните направи по руската инвазија. – Кон Украина беа истрелани голем број гранати и мини, а голем дел од нив не експлодираа, останаа под урнатините и претставуваат реална закана. Ќе бидат потребни години, а не месеци за да се деактивираат, истакна Монастирски. Освен неексплодираните руски направи, украинската војска поставувала и нагазни мини на мостовите, аеродромите и друга клучна инфраструктура за да ги спречи Русите да ги користат. – Нема да можеме да ги отстраниме тие мини од целата територија, затоа побарав помош од меѓународните партнери и колеги од Европската унија и од САД за да се подготви група експерти кои ќе ги деминираат борбените зони и гранатираните објекти, нагласи украинскиот министер.

АФРИКОМ: Паравоената група „Вагнер“ поставува мини околу Триполи

Магдалена Андонова — Wed, 15 Jul 2020 14:23:35 +0000

Командата на САД во Африка (АФРИКОМ) ја обвини паравоената единица „Вагнер“, спонзорирана од руската Влада, дека поставува мини и други експлозивни направи околу Триполи. АФРИКОМ истакна дека има докази односно фотографии на кои се гледа како групата „Вагнер“ од средината на јуни поставува мини околу Триполи и Сирт. – Групата „Вагнер“ спонзорирана од руската држава, покажува целосно непочитување на безбедноста и сигурноста на Либијците. Таквата неодоговрна тактика ќе го пролонгира конфликтот. Групата е одговорна за страдањето и за смртта на цивилите, се наведува во соопштението на АФРИКОМ. Судирите во Либија почнаа во 2011 година, кога во граѓанската војна беше соборен долгогодишниот лидер Моамер Гадафи, кој подоцна беше убиен. Оттогаш две ривалски групи се борат за превласт. Силите на генерал Калифа Хафтар во април 2019 година покренаа офанзива за заземање на Триполи, но меѓународно признатата Влада возврати. Меѓународно признаената Влада на премиерот Фајез ал Сараџ, со седиште во Триполи контролира помал дел од територијата, додека седиштето на Хафтар е во Тобрук и тој контролира поголем дел од земјата, а има контрола и врз нафтените полиња. Русија, првенствено прегу „Вагнер“, Обединети Арапски емират и Египет го поддржуваат генералот Хафтар, додека Турција ја поддржува меѓународно признаената Влада во Триполи. (МИА)

ФОТО: МИНИ слави 60 години

Ивона Петрова — Mon, 26 Aug 2019 08:55:38 +0000

Британскиот производител неодамна го направи 10 милионитиот автомобил во својата шеста деценија постоење. Популарниот МИНИ се појави пред 60 години кога е претставен првиот модел под ознаката Morris Mini-Minor. Во првата деценија од своето постоење, продаван е во рамки на британските брендови Морис и Астин. МИНИ брзо ја доби довебата на љубителите на автомобили, како на Островото, така и на другите пазари, а во 1960 година понудата била проширена. Производството на оригиналниот модел МИНИ Купер била ограничена на 1000 автомобили. Во 2001 била претставена и современата верзија на МИНИ, модерен дизајн, но и ретро стил.