минирање – Kurir.mk

Поради минирање денеска кратко ќе биде во прекин сообраќајот на патот Кратово – Ранковце

Тале Кристо — Thu, 14 Sep 2023 07:13:32 +0000

Поради изведување работи на терен за рехабилитација на железничкиот Коридор 8, за денес е најавено минирање во близина на регионалниот пат кој ги поврзува општините Ранковце и Кратово т.е. А2 со Р1205, поради што во краток период сообраќајот на овој патен правец ќе биде во прекин, информираат од фирмата изведувач „Гулермак", подружница Скопје со Мактек ДООЕЛ. Оттаму посочуваат дека подготовките за минирање ќе почнат во 13 часот, а самото минирање ќе заврши најдоцна до 16 часот. -Комплетното блокирање на сообраќајот од страна на Кратово кон Ранковце ќе трае кратко, но точното време ќе зависи од организацијата и од временските услови. Им препорачуваме на локалните жители и транспортните возила на локалните компании да го заобиколуваат овој пат во текот на наведениот термин, се наведува во соопштението од „Гулермак". Работите на терен се извршуваат како дел од реализацијата на проектот „Изведба и завршување на преостанатите работи на втората делница, Бељаковце – Крива Паланка" во рамки на проектот за Рехабилитација на железничкиот Коридор 8. Инаку, останатиот регионален пат што ги поврзува општините Ранковце и Кратово, Р29281 е привремено блокиран од локалните власти поради штета на мостот на Крива Река. Препораката важи само за оние жители кои имаат куќи и викендици и пристап од страна на Кратово. Објектот во кој ќе се врши минирање е од затворен тип т.е. тунел и се наоѓа во непосредна близина на работничкиот камп пред оштетениот мост кој е забранет за движење.

Поради минирање утре во прекин сообраќајот на овој патен правец

Катерина Бојаџиева — Tue, 28 Feb 2023 09:13:13 +0000

Во периодот од 13 до 16 часот утре ќе се врши минирање за изградба на експресниот пат А2 делница Длабочица – Чатал и сообраќајот ќе биде во прекин на потегот од село Ветуница до мостот на реката Блидеш. Како што соопшти АМСМ, за време на минирањето сообраќајот ќе биде во прекин за сите типови на возила. По минирањето патничките возила ќе се пренасочуваат на спореден пат, додека сообраќајот за сите останати типови возила ќе остане во преќин до расчистување на магистралниот пат.

Поради минирање во прекин сообраќајот на делницата Длабочица – Чатал

Тале Кристо — Wed, 15 Feb 2023 11:34:32 +0000

Од 13:00 до 16:00 часот денеска ќе се врши минирање за изградба на експресниот пат А2 Куманово - Крива Паланка, делница Длабочица - Чатал, на четири километри по крстосницата за Кратово и сообраќајот ќе биде во прекин околу два часа. Како што соопшти АМСМ, интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Утре минирање за изградба на експресниот пат А2 делница Длабочица – Чатал, сообраќајот ќе биде во прекин

Тале Кристо — Tue, 14 Feb 2023 11:19:36 +0000

АМСМ соопшти дека утре од 13:00 - 16:00 часот ќе се врши минирање за изградба на експресниот пат А2 делница Длабочица – Чатал поради што сообраќајот ќе биде во прекин во одреден дел од наведениот период. Според АМСМ, сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата. Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово - Велес, Маврово - Дебар - Струга, Виница - Берово и Кочани - Делчево.

ДОКОЛКУ СЕ ТРЕСАТ ДЕЛОВИ ОД СКОПЈЕ НЕ СЕ ПЛАШЕТЕ – еве што ќе се случува утре и задутре, не се плашете ниту од звукот!

Дарко Андоновски — Mon, 23 Jan 2023 14:20:26 +0000

Од Центарот за управување со кризи информираат дека утре и задутре ќе се врши минирање во скопското село Говревска Краста. „Ве известуваме дека на ден 24.01.2023 год. (вторник) и 25.01.2023 год. (среда) во периодот од 0800 - 1600 часот на површинскиот коп за калцитски мермер „Зелениковец“ – Говрлевска Краста – Скопско, ќе вршиме минирање“, стои во соопштението до јавноста.

Утре минирање на автопатот Кичево- Охрид

Катерина Бојаџиева — Sun, 23 Jan 2022 09:00:53 +0000

На автопатот Кичево – Охрид утре ќе се изврши минирање во периодот од 15 до 16:30 часот, соопшти АМСМ. Сообраќајот на државните патишта се одвива по претежно влажни коловози, наместа со остатоци од кашест снег на коловозот по интервенција на екипите на ЈП Македонија пат. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

Сообраќајот кај Пресека во 15 минутен прекин

Ивона Петрова — Wed, 29 Dec 2021 06:11:26 +0000

Сообраќајот на магистралниот пат А2 Кичево – Охрид, на делница Пресека – Песочан, денес во периодот помеѓу 11:00 и 14:00 часот ќе биде во прекин 10 – 15 минути, поради изведување работи на пат (минирање), информираат од АМСМ. Од АМСМ, исто така, информираат дека поради свлечиште и голем одрон сообраќајот на патниот правец А2 Свети Николе – Миладиновци на 10 км пред Миладиновци, е пренасочен само на една коловозна лента во должина од 150 метри, а на самото место е поставена соодветна сообраќајна сигнализација. Сообраќајот на патниот правец Р1402 Струмица – Мокрино – Смолари кај Мокрински извори, исто така, е во прекин поради нанос на коловозот и поплава. Од АМСМ, инфомираат дека екипите на Ј.П. Македонијапат работат на расчистување на коловозот и нормализирање на сообраќајот.

Поради минирање утре 15-минутен прекин на сообраќајот на делницата Пресека – Песочан

Дарко Андоновски — Tue, 28 Dec 2021 18:04:18 +0000

Поради минирање утре во периодот од 11:00 и 14:00 часот во прекин од 10 до 15 минути ќе биде сообраќајот на магистралниот пат А2 Кичево – Охрид, на делницата Пресека – Песочан, информира АМСМ. Оттаму посочуваат дека сообраќајот на државните патишта се одвива непречено, по претежно влажни коловози. Намалена видливост поради појава на магла од 30 до 40 метри има на патниот правец село Гајре – Тетово. Итензитетот на сообраќај на патните правци надвор од градските средини е умерен, а на граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Поради минирање затворен за сообраќај патот Градско – Прилеп

Тале Кристо — Thu, 23 Dec 2021 12:05:23 +0000

Поради минирање затворен за сообраќај е регионалниот пат Градско – Прилеп. Како што информира АМСМ, патот е затворен од 12:35 часот.

Поради минирање 15 до 20 минутен прекин на сообраќајот на делницата Пресека – Песочан

Ивона Петрова — Tue, 07 Sep 2021 06:23:48 +0000

Сообраќајот на патниот правец А2 Кичево – Охрид, на делницата Пресека – Песочан, денеска ќе биде во прекин меѓу 11:00 и 14:00 часот во времетраење од 15 до 20 минути. Како што информира АМСМ, прекинот на сообраќајот е поради изведување градежни работи на пат (минирање).